الجزء 14

الجرس ضرب وانا طوالى جيت طالعة من المطبخ..خالتو سعاد قالت لي افتحى الباب ي خدامة..م اشتغلتاا بكلمة خدامة كل همى افتح الباب واتخارج...

فتحتاا الباب اتفاجأ باصحاب حسام الاتنين جوو خاشين واحد فيهم ضربنى ف كتفى وقال لي ابشع خدامة مرت علي..والتانى ضحك ومشوو ..عايزة اتسحب طقشتاا غزل ...خمشتنى من يدى وقفلت الباب وجابتنى الصالة..قالت لحسام خدامتكم عايزة تهرب بركة الانا لقيتها ف وشي..

حسام جانى طاير ولطشنى بونية لمن وقعتاا ف الارض...وقال لي البيت دا م تحلمى تطلعى منو الا وانتى جنازة😠😠...

الوية قالت لي طيرى المطبخ وجهزى العصير والغداا😠😠...مشيت بتكركر وخلاص يئستاا وتانى ماف اي حلل قدامى..كل الطرق اتقفلت ف وشي...

الجرس ضرب تانى وقفتاا ف باب المطبخ اشوف منوو...اتفاجأ بحلاا وامهاا واختهاا وديك ي البوسات والاحضان لالوية😘😘😘...وبعد قعدوو قعدوهاا ف نصهم زى الحاجة الثمحة..

زمن الغداا جاا واتغدوو ولمن قالو طالعين ام حسام قالت ليهم نادو لينا الخدامة نشمت فيهاا...جانى حسام لقانى بغسل ف العدة كرانى من يدى زى الشافعة وجابنى ليهم..

حلاا قالت لي تصدقى ي فطومة مهنة الخدامة جااية فيك شديد ولايقة عليك...واصلا انتى تطولى وتبقى خدامة لالوية😒😒...ف حبش احلى منك ممكن نجيبهم بس دى رغبة الوية تكونى خدامتها انتى😌😌...نطت ام حسام قالت لي وكمان توبك الاشتريتيهوو لي رهيييييب حضرتا بيهو عرس الوية ف البلد..

انا بس بمسح ف دموعى بالتوب لمن اتبلاا..ام حسام قالت لي شيلى اللوشن داك وتعالى امسحى لي رجلينى ديل غسلتهم اسي..اصلا م كان اغسلهم وعندنا خدامة..رفعتا عيونى لقيت حسام بحمر لي تقول ياكلنى...بقيت ارجف وطوالى جبتاا اللوشن ومسحتاا ليها رجليهاا..

بعد مطاعنات وكلام فارغ مشوو..وطبعا انا انضف والم الحاجات والعدة..وحسام قال لي اجهز العشاا اول بعد داك اغسل...وفعلا عملتاا العشاا وغسلتاا لمن جيت لقيتهم اكلو والباقى دخلوهو التلاجة ونامو..اصلا انا م عندى نفس للاكل..بس معقول هم م عندهم ضمير للدرجة دى...بعد عذابهم لي يحرمونى من الاكل😢..نمتاا وانا هلكانة بالمرة...كيف م اهلك وانا شغالة من الصباح زى الموتور..

عدوو تلات ايام وانا ليل ونهار شغالة...البيت يومياا يتمسح ويتزعف والعدة النضيفة يومياا تتغسل...ويومى مكوة وغسيل..بشرب موية بس خلال التلات ايام ديل..م حسيت بجوع لانو سلفاا كدا نفسي قافلة من الاكل..بقيت لو واقفة راسي بلف الا اقعد حبة حتى اواصل شغل..

اليوم الرابع انا ف المطبخ بجهز ف الغداا والوية نايمة ف رجلين حسام..جيت طالعة بالصدفة اسمع حسام قال لالوية جبتاا القرض من الشركة عشان اسفرك كل الدول البتتمنيهااا ...قامت من رجليهوو وقالت ليهو يعنى قرض كبير😱...قال ليها ايووة...قالت ليهو انا خليت شهر العثل اشترى لي بالقروش ڤيلاا وسجلها لي باسمى ونرحل فيهاا كلناا حتى ناس امك معاناا..قال ليهاا من عيونى..بكرة نمش لشركة عقارات ونشوف وباسهاا ف خدهاا..

انا بقيت اشوف طشاش طشاش..رجعتا المطبخ وقعدتاا ف الارض وبكيت..بكيت ع حظى وع نصيبى😭💔💔..

اليوم التانى من الصباح قشروو حسام والوية وطلعوو فضلناا انا وخالتو سعاد..قالت لي نضفى وغسلي حتى اعملى لي جبنة..اثناء م بنضف راسي لفاا ووقعتاا..خالتو سعاد خافت شديد ورشتنى بموية وشممتنى ريحة حتى صحيت..عرفت انو دخلتنى مضاعفات..م سالتنى مشت جابت لي عصير واكل وجات ختتهم لي جمبى..وقالت لي م بنسى معروف ناس ابوك عشان كدا جبت ليك اكل..قلتا ليهاا انا شبعانة ف بيت ابوي اشبعى انتى الجيعانة دى..

م اشتغلت بي ومشت...خليت الاكل والعصير وقمتا واصلتاا نضافة..جات لقت الاكل قاعد قالت لي بتموتى بالطريقة دى الاحسن تاكلى..قلتا ليها الموت ارحم من الغدر اللقيتو منكم..لوت لي خشمهاا ومشت..

عداا اسبوع ع عرسى المزيف او بالاحرى عروسة خدامة ...ف اليوم السابع دا بالذات اتجرعتاا اقسى انواع الزلة والعذاب من حسام..مسحتاا كالعادة والسراميك لين والوية جات تتمايع واتزلقت وخبطت الواطة..وقعدت تكورك حسام وامهاا جوها جاريين وانا واقفة ف باب غرفتى..الوية قالت لحسام الحيوانة دى قاصدة تكسرنى عشان م عندها جسم زى جسمى وكمان بتكون مفتكرة انا حامل عايزة تقتل ولدى الله يقتلك ي تافهة..حسام عاين لي وعيونو شرار شال الوية دخلهاا غرفتهم وامها لحقتهاا..

انا قلتاا دى شنو الهبلة دى..قال عايزة تقتل ولدى..هو يدوب انتى عندك اسبوع..جابوهو ليك ف الشيلة ولا كيف...قعدتاا واخدتاا الموضوع ايزى لحدى م باب الغرفة اتفتح بقوة وكان حسام جاا علي وفجأة