الجزء 5

ف يوم من بداية السنة ف الجامعة حسام كان عازمنى❤️❤️...كنا بنتونس واخر رومنسيات وانا عايشة الدور وخجلانة..قطع الونسة وفاجئنى..قال لي فطومى عايز اطلب منك طلب..قلتا ليهو بينا طلبات يعنى😒😒..قال لي م بيناا بس خايف تاخدى ف الموضوع حاجة وكداا..قلتا ليهو يلا زعلانة😒😒...قال لي انا وعدتك لو زعلتى الا انا اكون ف قبرى بس عايش كداا م بخليك تزعلى..قلتا ليهوو بعد الشر عليك حبيبى..ويلا قول عايز تقول لي شنوو..

قال لي هى بس مجرد فكرة انو تكلمى ابوك انك عايزة تغيرى عربيتك..طبعا اتفاجئتاا بس عملتاا فيهاا طبيعية..قلتا ليهوو حاااضر من عيونى بس لييه..قال لي لانو راجلك المستقبلى دا اتعلم السواقة وعايز اسوق ليك عربيتك عشان م تتعبى حبيبتى..وبعدين انتى عارفة الاولاد ح يقولو علي سايق عربية حبيبتوو ودى م رجالة منوو وكداا..عشان كداا انا قلتا ليك غيرى العربية ولو سالوك قولى ليهم انو عربيتك قاعدة ف البيت وكداا وبقت تتعبك وابوك قاعد يوصلك..وانا ح اسوق العربية الجديدة ع اساس انهاا حقتى..

انا من جواي لسسة م قادرة اصدق..معقول حساام انانى للدرجة دى وبتاع مظاهر وبكش..قلتا ليهوو انت تأمر ي بيب بعدين بفاتح بابا ف الموضوع..كملناا ونستناا ورجع يترمسن ويتعاور معااي وانا نسيت الموضوع...صراحة كلمة واحدة منوو بتنسينى كل شي❤️❤️..بحبوو اكتر من نفسي عدييل كداا..

بعد رجعتاا البيت وريت بابا وطبعاا طلباتى مجابة❤️❤️قال لي تماام ي عمرى❤️❤️..وطوالى اتصل ع بتاع المعرض المشترك معاهوو ف المعرض سواا واتكلم معااهو..بعد خلص قال لي بكرة من الجامعة وتعالينى ف مكتبى ونمش..حضنتوو وبوستوو ف راسوو..نبع الحنان كانت واقفة قالت لي انا اغير😏😏..قلتا ليهاا ي زولة شراكة معاك حقنا كلناا..قالت لي هوووى ي بت اب جلحات دا خط احمررر✋😂😂😂...بقتل عشانوو عديل..اديتهاا بوسة وقلتا ليهاا خليتوو ليك ي ستى...وطلعتاا وطواالى اتصلت لحساام من فتح الخط قبل اسلم ليهوو وريتوو بابا قال شنوو..فرح فرح مبااالغة وارتاح منى شديييد ونفساايتوو كانت واصلة السماا وبقينا اخر حبكانيات وخلط للساعة 2 صبااحاا دى كلهاا مكالمة واحدة...نمتاا وانا مبسوووطة كونى احقق لحبيبى الشي العايزوو ويرضى علي ويكون مبسوط منى❤️❤️

اليوم التانى مشيت الجامعة بدرى لانو شغالة الصباح بعد طلعتاا اتصلتاا لحسام وجانى وسالتو من مواصفات العربية ورانى ليهاا وطوالى طلعتاا عشان م اتاخر ع بابا وفعلاا مشيناا وغيرناهاا..

اليوم البعدوو البعدوو الصباح طلعتاا وحسام منتظرنى ف لفة كداا قبل الظلط مشيت ليهوو ولمن وصلتوو نزلتاا سلمتاا ليهو وركبت ف المقعد وهو طبعاا ساق العربية..كان مبسووووط شديد..وانا زاتى انبسطتاا ونفسيااتى بقت فل❤️❤️...بمجرد م اشوفو مبتسم بحس انى ملكتاا الدنياا...كونو يفرد وشوو الثمح داا عشان انا عملتاا ليهوو حاجة بحس انى انجزتاا...يااخ دا انا بقيت بتنفسوووو عديل كداا❤️❤️..

وصلنا الكلية وانا دخلتاا مباشر القاعة وهوو يحشش ف اصحابوو انو اشترى عربية وكداا..مرت الاياام والعربية بقت شبه ملك حساام انا بسوقهاا الا الصباح لحدى مكان نتلاقى انا وهو وتانى لمن نرجع ونصل نفس المكان برضو بسوقهاا غير كداا بسوق حساام..

ف يوم هو كان ناايم تقريباا والتلفون صاامت اتصلتاا ليهو كتييير م رداا رسلتا ليهو رسالة انو انا مضطرة امش محاضرتى حتبداا وفعلاا مشيت...خلصتاا محاضراتى ولمن جيت طالعة شفتاا تلفونى م لقيت اي مكالمة من حسام استغربتاا قلتاا اكيد بتكون حاصلة ليهوو حاجة..اتصلتاا وم رداا جيت طالعة اشوفو قاعد مع غزل واخر ونسة وضحك لدرجة بضربو ايديهم ببعض..دموعى جروو مسحتهم وهم منى مساافة..جيت ماشة بجمبهم نظام مركزة مع تلفونى..وكانى م شايفاهم..قام حسام نادانى كم مرة حتى التفتاا ليهوو قال لي شنوو يعنى عاملة تقيلة وم بتسلمى..قلتا ليهو لمن تفكر ترد ع تلفونك وقتهاا انا بسلم ليك وطلعتاا..طبعاا اليوم دا المفتاح عندى لانى جيت الصباح براي..ركبتاا واستعدلتاا اشوفو طالع من الكلية وبكورك لي..رفعتاا القزاز وقفلتاا تلفونى وبقيت طالعة😎😎...اقيف ليك اناا ي ود اللذينة..الليلة الا كان تمش كدارى..خليها غزل دى التبقى ليك عربية😒😒😒...وصلتاا البيت وطوالى ع غرفتى وانفقعتاا ف البكاا..اول مرة ف حيااتى ابكى من الزعل💔💔😭😭😭😭...بقيت اقول لنفسي معقول بحبهاا وانا م عارفة...معقول كلام الوية صح انو ماسك بي زمن😭😭💔💔💔...لااااا ي رب لاااا ...ي رب يكوون كابووس..فجأة

يتبع

متابعة للصفحة❤️❤️