الجزء 7

تخريجى انتهى وطلعناا انا راكبة وراا وطبعاا مع تلفونى مع سيد هواي حسام😘❤️❤️..وبابا سايق وامى راكبة قداام فجأة اسمع امى بتصرخ وبابا بتشهود لمن عاينتاا لقيت حافلة قريبة منناا...بابا كان عايز يتخطى جرار ولقى الحافلة ف وشوو..الحافلة خشت ف عربيتناا وبعدهاا العربية اتقلبت بينا من الظلط قلبة واحدة ووقفت💔💔

ناس الحافلة بس الراكبين قدام اتجرحوو..اما نحناا اسعفوناا المستشفى..انا كانت الضربة ف راسي تلات يوم ف غيبوبة..ناس حسام كانوو وراناا لمن عملناا الحادث..وهم الاسعفوناا واتصلوو لخالتو سعاد والوية جوو..وخالاتى الفى قطر هند وهالة برضوو جوو ودا كلوو وانا ف الغيبوبة💔💔

فتحتاا لقيت جسمى كلوو اجهزة طوالى بديت اتذكر الحادث وبقيت اكورك باااباااا ماااماااا لحدى م الانذار ضرب والدكاترة جوو جاريين..واحد من الدكاترة قال يدونى حقنة مهدئ بس الاخصائى رفض وقال ليهم م صدقناا انهاا صحت..خلوهاا تعرف الحقيقة..انا هناا قلبى وقف💔💔هم كانوو بتكلمو انجليزى ومفتكرين انا م جايبة ليهم خبر..قمتاا من السرير قلتاا ليهم حقيقة شنوو😭😭...طبعاا اتفاجئو😨😨..اي واحد بقى يعاين للتانى وطلعوو خلونى..

جانى حساام داخل وامو واخواتوو وخالتو سعاد والوية وخالاتى وكان واضح فيهم الحزن😨😨..مسكتاا خالتوو هند من ايديهاا وبقيت اقول ليهاا ويناا امى😭😭..نادوو لي باباااا ...خلاص ودونى ليهم ..انا ماشة ليهم...لمن م ردواا علي فكيت الاجهزة بقوة ونزلتاا طالعة م قدرتاا امش لانو رجلى ملفوفة من تحت شكلهاا مكسورة من مكان الكعب ... حسام مسكنى من يدى والباقين بقوو يبكوو قلبى قبضنى وحسام زاتوو دموعو جرت قال لي ربناا يرحمهم امك وابوك💔💔

انا وقعتاا من طولى وفقدتاا وعى💔💔...

لمن فتحتاا لقيتهم خالاتى بس وحساام مسكتاا خالاتى وبقيت اقول ليهم عليييكم الله قولو انكم بتكذبوو..قولو انو بتهظروو معااي..قولو دى خطة منكم ونادوو لي بابا وامى الواقفين برة ومدسين😭😭💔💔...نادوووهم لي ...هم عايزين يشوفو غلاوتهم عندى عشان كدا بمقلبو فينى مش💔😭😭..يلاا انتو غاليين علي وم بقدر بدونكم خشوو وسيبو الهظاار..

خالتو هالة ضمتنى عليها وبقت تبكى معااي وتقول لي ي بتى ماف هظار اتقبلى الحقيقة امك وابوك تحت التراب وتانى م حتشوفيهم الا يوم القيامة💔💔...ف الحظة دى انا حسيت قلبى زى الاتقسم وبقيت ببكى بهسترياا لغاية م اغمى علي تانى💔💔..وبقت دى حالتى اسبووع انا ف المستشفى اغيب ع الوعى ولمن اصحى ابكى وتانى افقد الوعى💔💔..بعد الاسبوع داا بقيت شبه متقبلة الحقيقة..ليل ونهار وببكى بس م بفقد وعى..الدكتور عمل الفحوصات الاخيرة واتفاجئ بثقب ف القلب 💔💔...خالتى قالت ليهو عيد رسم القلب والفحوصات تانى وفعلا اعادوهن وطلع ثقب ف القلب..الدكتور قال ليهم دا بجى مع اول صدمة للزول والبت دى جااهاا لمن وريتوهاا الحقيقة مباشر المفروض كان تمشوهاا حبة حبة وتقولو ليهاا مثلاا منومنهم ف العنااية وكداا حتطمن...بعد تكون كويسة تكلموهاا بالحقيقة..خالاتى وحسام بقوو يبكوو..وادونى علاجات وطلعونى من المستشفى..

رجعنا البيت لقيناا خالتو سعاد والوية واخوات حسام وامهم ورجال خالاتى وجزوو من اهلناا الجايين للعزاا من الجزيرة رجعوو وبعض قاعد..انا من دخلتاا البيت انهرتاا بالبكاء💔💔😭😭...اتذكرتاا بابا لمن اجى القاهو قاعد وبقراا ف الجريدة..واجى اشيل الجريدة منوو واقعد ف رجليهوو😭😭...وامى تشاكلنى وتقول لي تكسرى رجلين ابوك ي سمينة وانا ازعل وهى تمسكنى وتضمنى عليهاا وتقول لي بغير ع اب جلحات دا ي بت😭😭😭...اتذكرتاا لمن امى تجهز الاكل وتكورك ليناا وانا اكون نايمة ف رجلين باباا وبنحضر ف مسلسلات الكرتون وامى تزهج وتجى تقفل الشاشة وتشيل الديجتل تدسوو مننا😭😭💔💔..وذكريات كتييييرة اترسمت قدامى😭😭...وقعتاا من طولى وم قدرتاا اقوم وببكى وكل الناس القاعدين بكوو معاي😭😭💔...طلعتاا كل الوجع الجواى..بس اصلا هو الوجع م بنتهى😭😭

طلعونى فوق وجيت بطابق ناس امى ودخلتاا غرفة نومهم💔💔..لقيت ملابسهم الغيروو وعلقوهاا ف الشماعة💔💔..مسكتهاا وضميتهاا علي وبقيت اشم ف ريحتهم😭😭💔💔..لييييه خليتونى براااي..لييييه م سوقتونى معاكم😭😭💔💔...لييييه خليتو بتكم الوحيدة برااها..حتعيش لمنو وعشان شنوو😭😭..لييه ي رب م اخدتاا رووحى معاهم عشان م اتعذب😭😭...اتنفس كيف واقول بابا لمنوو😭😭..منوو البصحينى ولمن اكون كسلانة بنشطنى ع الصلاة والقران...منوو البراجع لي وبجيب لي الاكل ف مكانى وبقول لي م تتعبى😭😭منو البلبى لي طلباتى قبل م اطلبهاا😭💔💔...ي رب شيل امانتك وريحنى😭😭...انا م فينى حيل ...حيلى وسندى انت اخدتهم💔💔ي رب اخدنى وودينى المكان المشوو ليهو😭😭

خالاتى وحسام والوية شالونى شيل وطلعونى من الغرفة..ودونى غرفتى..

مرت اسبوعين والبيت بقى فاضى بس حسام راحل معانا هو وحلاا وامو بتجينا يومى وخالاتى ورجالهم قالوو خلاص بعد دا حيسافروو ولازم يسوقونى معاهم..بس انا رفضتاا وقلتا ليهم بحاول اتاقلم مع انى اقعد براي واصلا خالتو سعاد وبتها معاي ولو م قدرتاا بكلمكم وبجيكم..قالو لي تماام وفعلاا سافروو فضلنا انا والوية وامهاا وحسام وحلا..

مرو خمسة شهور وانا بقيت زولة كئيبة شديد ومن البيت م بطلع بس خالتو سعاد وحلاا والوية قاعدين معااي وحسام بمش الشغل وبجيناا..انا بقيت ضعيفة سلك بس وسودتاا زياادة...اكل دا الا بعد تحانيس من حسام والا بعد تلاتة يوم او يومين...بس بصلى وبقراا قران وبدعى ربناا يقوينى😔😔💔💔

بعد 8 شهور اتقبلتاا الحقيقة وبقيت طبيعية وقدمتاا للخدمة وحسام وحلاا رجعو بيتهم...م قصروو معاي بالجد واثبت لي انو هو بحبنى قدر شنوو..بس انا كل م اجى داخلة البيت ببكى ف الصالة وخالتو سعاد م بتقدر تقاوم وطوالى بتمسكنى وبتبكى معااي😭😭💔💔...

قبلونى ف شركة وبديت الخدمة ..وحسام هو البودينى وبجيبنى وكان بحاول يطلعنى من المود الانا فيهوو ويخفف علي من وجعى...فعلاا الحب نعمة...ف يوم وصلتاا الشركة وبديت شغلى جانى اتصال من رقم غريب وكانت المفاجئة

يتبع

متابعة للصفحة