الجزء 9

قعد معاي ساعتين ونسة وضحك وبعدهاا فاجئنى وقال لي فطومة كفاية بعد عن بعض انا عايز احسم الموضوع ونتزوج...انا بقيت اشوف طشاش طشاش واتشهودتاا تلات مرات😂😂...قال لي مالك بتتشهودى..قلتا ليهوو انت متاكد وجادى ف الخطوة دى...قال لي من بتين بهظر معاك ف المواضيع دى😒😒..قلبى بقى شغال زى الدلوكة..وحيل بقى م فينى وبقيت افرك ف يدينى...قام قال لي والله ي فطومة انا جادى وتانى م قادر اصبر بعد داا...كفاية حب 4 سنة لازم نكمل ديناا بعد داا...

اتشجعتاا وقلتا ليهوو موافقة🙊🙊...قال لى احلي خبر واحلى موافقة روحى اناا❤️❤️..واخييييرا حنتلمى ف بيت واحد وغمز لي..انا طوالى غطيت وشي بالطرحة🙈🙈...

تانى قام قال لي بس ف مشكلة حتواجهناا عمى قال عايز يعرس لي بتوو وعشان نحناا مؤجرين وكداا حيديناا بيت بعد انا اعرس بتوو وامى ضاغطة علي ف الحاجة دى عشان البيت وكداا😢😢....قلتا ليهوو وانت رايك شنوو...قال لي مستحيل ارضى بغيرك نهاائى والله لو اعيش كل عمرى عذابى م بعرس غيرك...قلبى عمل شحححححححح😂❤️...احيي انا من الحب الاصيل داا..احييي انا من قيس ابن الملوح داا😂❤️..يلا دى فرصتى ودا حب 4 سنين م لازم اضيعوو..طقطق لي اصابعوو وقال لي سارحة وين..قلتا ليهوو بفكر ف الموضوع...قال لي وانا مشيب راسي من كم شهر...قلتا ليهوو امك همهاا يكون عندكم بيت صح..قال لي ايوة...قلتا ليهو رايك شنوو اسجل ليك شقة من شققناا باسمك وكداا اكيد حتوافق....حساام لمن قاام من طولوو من الفرح ومسك يدى وقال لي حبيبى انااا احييي افكارك وذكائك ياااخ...وانا بوعدك بعد نتزوج نرجع الشقة لملكيتك وكداا امى تانى م حتقدر تعمل حاجة...قلتا ليهو لا لا اصلاا بابا عندو شقق كتيرة دى حتكون حقتك تانى...قال لي لاا واسمعى الكلام والموضوع دا انتهى...قلتا ليهو تماام..اتونسناا وطلعناا...

مشيت لاولاد عمى ولقيتهم خلاص حيطلعوهم من المستشفى سلمتاا ليهم وودعتهم وقلتاا لخالتو لو احتجتوو حاجة اتصلى لي وم تتردى...اصرو علي امش معاهم بس انا رفضتاا لسسسة م نسيت العملوهو ف بابا😒😒

رجعتاا البيت وكنتاا مبسوطة شدييييد..واخيرا حسام حيكون حقى...متين يجى اليوم داا واثبت لالوية انو حسام بحبنى جد وم ماسك بي زمن😎😎..البيت كان فاضى م عارفة خالتو سعاد والوية مشو وين..

فتحتاا دولاب بابا وطلعتاا اوراقو بتاعت الاراضى كلهاا وف نصهم لقيتوو ورقة من المحكمة عامل لي فيهاا توكيل وناقل كل ممتلكاتو لاسمى😱😱..9 عمارة من 8 طوابق + 18 شقة ف احياء مختلفة +مجموعة المخازن الشغال فيهاا + سهموو من الشراكة مع صحبوو ف معرض العربات + عامل تحويل من حسابو لحسابى مبلغ كبير شديد😱😱😱

والكلام دا عملو قبل يوم الحادث بيومين...بقيت ابكى واقول معقول بابا كان حاسس بنفسوو حيموت عشان كداا عمل تحويل ملكية😭😭😭😭...اخدتاا بكيتى وكأنو ماتو الليلة م ماتو قبل 10 شهور😭😭💔💔

بالليل واثناء م انا بتكلم مع حسام ناس خالتو سعاد جوو داخلين م سالتهم كانو وين..بس الموضوع اكل معاي جمبة...لمن بابا كان حي م كانوو بعتبو الباب بعد المغرب..بس اطورو شديد...تانى قلتاا انا مالى ومالهم...واصلتاا مكالمتى ونمتااا..

الصباح كنت طالعة الشغل لقيت شنط ف الصالة التفتاا لقيت خالتو سعاد طالعة من المطبخ قالت لي امبارح قلتا اتكلم معاك لقيتك نمتى...والله ي بتى نحنا مسافرين البلد اختى ولدت وماشين نقعد معاهاا زى شهرين كداا نساعدهاا وبنرجع...بقيت ابكى واقول ليهاا حتخلونى برااي وبتااع...قالت لي مضطرين ي بتى بس بنرجع ليك قبل الشهرين ديل😘😘...ودعتهم وقفلتاا عمارتناا ووصلتهم الميناا...ومشيت الشغل...

العصر رجعتاا البيت وبقى كئيب شديد😢😢💔💔...دخلتاا غيرتاا وقلتا انوم اتصل لي حسام سلمتاا عليهوو وحكيت ليهو. انو انا برااي وكداا ..قام قال لي اكيد م اكلتى يلاا عشرة دقايق القاك ف الباب وبدون نقاش...م قدرتاا اقول ليهو شي وفعلاا طلعناا واتغديناا احلى غداا وقلتا ليهوو بكرة حنمش نعمل تحويل الملكية للشقة قال لي تماام..

اليوم التانى مشيت مع حسام وصلنى الشركة واخدتاا اذن ومشيناا المحكمة وخلصناا العصر من تحويل الملكية وسجلتاا ليهو الشقة باسموو...كان مبسوط منى شديد❤️❤️...رجعتاا البيت منتهية رسمى غيرتاا وصليت ورقدتاا قلتا انوم سامعة جرس الباب ضرب نزلتاا فتحتوو وكانت المفاجئة