الجزء 3

قال لي أنتي جرسونة هنا،،ولا صاحبه المكان؟؟؟،،،،طبعا انا من النوع الهادئ والاستفزازي في المواقف الزي دي🌚✊،،،قولته ليهو جرسونة طبعا وياداب مبتدئه🙂،،،المهم ثواني وح اجيب ليك قهوتك المظبوطة😊،،،قال لي ياريت،،،،،،رجعتا لناس ريم،،،،قولته ليها القهوة دي مظبوطه؟،،،قالت لي اي،،،قولته ليها عايني الراجل دا شكلو ح يتعبنا ويعمل لينا اوهام،،،ارجعي عيدي القهوة دي،،،قالت لي طيب،،،رجعتا عملتا وريحتا كانت حلوة،،،،شلتها ونزلتها في الطاولة رقم7،،،،قال لي دي قهوتي الكنتا بسأل عليها،،،ما رديت عليهو،،،لملمت اطرافي واتشايلتا😹💕،،،،،فضلنا شغالين لحدي الساعه 7مساء،،،،،ونص الناس البجو بستفزونا بشكل واااضح👊👊👊،،،يمكن أكتر زول اتعرض للحاجه دي انا😹😹👊👊،،،بس ماكنتا بحس بإهانه ابدا،،،الموضوع بالنسبه لي كان عادي،،وماما اتصلت علي قريب 20مكالمه،،،بعد خلصنا شغل،،في مجموعه جات استلمت مننا،،،،كانو بنات اجنبيات،،ووبعلي من السماحه😭😭💜💜💜،،،،اسامه قال لينا ح تشتغلو لمده شهر من7ل7،،،،،وبعدين ح أشوف حسب ظروف كل واحد فيكم،،،العايز الفترة الصباحية منو،،والعايز الفترة المسائيه منو😊💕،،،،يلا اتفضلوا،،،مشينا غيرنا ملابسنا،،،وجن قالت لي قولته لاسامه يوصلنا،،،قال لي في عربيه تانيه ح توصلكم،،،ياربي عامل لينا ترحيل ولا الحنك شنوو،،،طبعا انا نسيت اكلم وجن انو بابا جاب لي عربيه،،،قولته ليها اممم،،،طيب ارح نطلع عشان تشوفي العربيه،،،قالت لي ارح،،،طلعنا برة،،،،،وقفتها قدام عربيتي،،،قالت لي دي عربية منو؟؟،،،،قولته ليها حقتي يا حقتي انتي🌚💜،،،اخدت ليها حكايه 5دقايق ساكته ومصدومة،،،بعدين وقعت فيني ضرب زي الضرب😭💔😹😹،،،،قالت لي آخر من يعلم،،،،معقولة،،عُشرة كم سنه دي،،،7سنه يا كلبه،،،قولته ليها اسفه،،،انتي ما اخر من يعلم،،،يعني عندك مثلا حبوبة لسه ماكلمتها،،،،انتي اول واحده تعرفي من الناس البرة،،،قالت لي خلاص طلعتيني من الأسرة✊😿،،،،بقيت اضضضحكك😹😹😹👊،،،قالت لي ارح ارح،،وصليني بيت ابوي،،،قولته ليها ارح،،،بعد ركبنا،،قالت لي فظيعه آخر حاجه💕✨،،،،بالجد ياااخ،،،،اكيد جابتا ليك أمك،،،قولته ليها نووو،،،جابا لي بابا،،،قالت لي بابا السرور يايمة😹❤❤❤،،،قولته ليها اسكتي وماتشغليني،،،ربنا يسترنا،،،طلعنا الظلط،،لقينا ريم واقفه،،،ضربتا ليها بوري ونزلتا القزاز،،،قولته ليها على وين،،،قالت لي انا بعيده شوية ما ساكنه قريب من هنا،،،ااا،،،وغير كده عندي مشوار،،،قولته ليها اها،،يعني ما محتاجه توصيلة؟،،قالت لي لالا تسلمي،،،،قولته ليها طيب لبكرة،،،،قالت لي تمام واتحركتا،،،،وجن شغلت اغاني وبتغني بصوت عالي💕💕💕😹،،،،،قولته ليها عايزاني اخطب لخالي واحده مجنونه زيك يقع بيك وين❤😹😹😹👊،،،،قالت لي نحنا ح نتصرف ونقع مع بعض❤🙈اطلعي انتي منها بس🌚💔،،،قولته ليها في نص جبهتي🌚،،،طيب طلعتا،،،،وصلتها بيتهم،،،،نزلت،،،قولته ليها نسيت اسألك،،الصباح لما جيتي اسامة قال ليك شنو،،،،قالت لي اداني محاضرة عن ضبط المواعيد وكذا،،وطلب مني كذا شهاده لازم اجيبهم وبس،،،قولته ليها اها،،كويس،،،طيب بكرة بدري مفهوم👊،،،،قالت لي من نيني العين🌚❤،،،،قولته ليها تصبحي على خير،،قالت لي تلاقي الخير😙،،،،،اتحركتا على طريق بيتنا،،،،،،اتصلتا على ماما،،،ردت لي بزفته وين انتي من الصباح😒،،،خوفتيني عليك،،،إلا اتصلتا على اسامة طمني،،،وينك اسي؟؟😿،،،قولته ليها هههه قريبه على البيت،،،،قالت لي طيب تعالي بيت ناس مي،،،انا هنا،،،قولته ليها عندهم حاجه مهمه؟،،قالت لي لا،،،،بس مشغلين اغاني ديجي،،،وبعملو لمي العروكات❤😻،،وشي دلوكه وشي مزز😹😹💔،،،،قولته ليها ماما متأكده انك امي؟🌚😹😹،،،قالت لي اي بقولو😹،،اها ح تجي،،ولا اطلع استناك في البيت،،،قولته ليها لالا بجي،،،مع انو في حبة نعاس،،،قالت لي تعالي تعالي،،،النعاس بطير💔😹😹،،،،قولته ليها طيب،،،،قفلتا منها،،،وفضلتا مركزة في الطريق،،،،،طبعا ناس خالتو هاجر ديل جيرانا،،،،،الفيلا الفاتحه فينا طوالي💕💕،،،،لما وصلتا البيت،،كان في كمية من العربات،،،ركنتا عربيتي،،،ونزلتا،،،،كان في شباب في باب المدخل،،،قولته ليهم السلام عليكم،،،قالوا لي وعليكم السلام،،،وفتحوا لي الطريق،،،دخلتا جوه،،،في بنات خالاتا لمي وصحباتا،،،،والدنيا مقلوبة تحت،،،اغاني ووونسهه،اتصلتا بماما،،،قولته ليها وين انتي في الزحمه دي،،،قالت لي في غرفه مي،،،تعالي فوق،،قولته ليها طيب،،،طلعتا فوق،،،مشيت ليهم في الغرفة،،،لقيت ماما ماسكه الدلوكه❤❤❤😹😹سلمتا على الموجودين كلهم عدا ماما وقعدتا،،،،قولته لمي خلاص عامله فيها بقيتي مرة👊😒،،،قالت لي ماعاملة فيها،،،المشكله انا بالجد بقيت مرة✋😌،،،،قولته ليها هههه،،،اها وسنتك بتاعت الجامعه دي،،،ح تعملي فيها شنو؟،،،قالت لي بجمدها،،،لمن أفضى ليها بجي بكملها،،،،قولته ليها ياهو الما فضيتي💔،،،،،ماما مسكت الدلوكة لواحده تانيه،،وجات سلمت علي،،،قالت لي شايفه الجو لذي

ذ كيف؟،،،قولته ليها يعني،،،بس ا نا جعانه،،،من اكل الصباح ما اكلتا شي تاني،،،،،قالت لي بتبالغي يانوسة،،،،ارح البيت اعمل ليك اكل،،،خالتو هاجر قالت ليها وهنا ماف اكل،،،خليها تنزل تشوف في شنو في المطبخ وتاكل،،،ماما قالت ليها ما كده يا هاجر،،بس...،،خالتو هاجر قالت لي انزلي يا ايناس شوفي ليك حاجه تاكليها،،،قولته ليها طيب،،،،نزلتا تحت،،،،،مشيت المطبخ،،،كان في مرة كبيرة كده ومعاها بت،،،فتحتا التلاجه لقيت في سجوك،،،طلعتو،،،أثناء مابعمل فيهو،،،المرة قالت للبت،،عليك الله يابتي خلاص كفاية سهر مع الناس،،خلينا نرجع البيت،،أمشي كلمي اخوك،،موعد الدواء باقي ليهو ساعه،،،،الساعه البت قامت اتنفضت فيها لمن خلعتني وزعلتني،،،قالت ليها يااخ يا امي،،وقت عارفة نفسك مابتقدري تقعدي،،ومواعيد الدواء حقت قربت،،،الجابك معانا شنو،،،دا شنو دا يااااخ،،،انا ماعارفة نفسي بتك ولا الممرضة بتاعتك،،،طبعا انا كنتا بعاين ليها عين،،،أمها قالت ليها خلاص يابتي ماتزعلي،،،انا بخلي اخوك يرجعني انتي خليك قاعده،،،قالت ليها بنهرة انتي عارفة رائد ح يقول لي زعلتيها وبتاع،،،والعرس زاتو ما ح يخليني اجي بسببك،،،متخيلين معاي،،بت تتكلم مع امها كده💔💔💔💔،،،،بدون اشعر،،،قولته ليها انتي متأكده انو دي أمك؟،،،عاينت لي وهي رافعه حاجبها،،،قولته ليها يخسي عليك وعلى دمك،،،في بت بتتكلم مع امها بالطريقة دي،،،،هي غلطت في شنو،،غير انها قالت ليك مواعيد الدواء حقتا قربت؟،،،وكمان بتتفاصحي وبتقولي ليها انا بتك ما ممرضتك،،،،ياخ اريتك ممرضة،،،على الاقل أسلوب الممرضة ح يبقى احسن من اسلوبك💔💔،،،،قالت لي أنتي مالك ومالنا،،،بتتحشري مالك،،،قولته ليها لانو بعمري مالقيت زول بتكلم مع امو كده،،،منتهى قلة الادب،،،،عاينتا لامها،،قولته ليها انتي متأكده انك حملتي بيها ورضعتيها؟،،،،سكتت وماردت لي،،،بس عيونا كانت بتقول الف كلمه،،،،البت بقت تصرخ في وشي،،،قالت لي أمي وانا حرة،،،ماعندك شغله فينااا،،يستحسن تخليك في نفسك،،،ماما جات نازلة بالصدفة وسامعه الجوطه في المطبخ،،،طوالي جات داخله،،،،قالت لينا مالكم بسم الله،،،،البت قالت ليها بتكلم مع امي وبنتناقش،،،،جات الانسانه الفارغة المتحشرة دي تديني دروس في الأدب،،،ماما عاينت لي،،وهي متأكده انو انا مستحيل اطلع الغلطانه،،،حكيت ليها الموضوع،،،بقت تعاين للبت والحسرة في وشها،،،قولته لماما بعد اذنك ح امشي أنادي ليها ولدا،،،قالت لي امشي،،،قولته للخاله معليش بس ولدك اسمو منوو؟،،،قالت لي بتردد رائد،،،اسمو رائد،،،قولته ليها طيب ح امشي اناديهو ليك،،،،البت مسكتني من يدي،،قالت لي ههههههههههههه عايزة تقنعيني انك البت البارة،،،تلقاك بتعاملي امك اكعب من كده😒طلعتا ما رديت ليها،،،،،ماما قالت ليها متأكده ما ح يجي يوم وتعاملني بطريقتك دي،،،،ياخسارة،،،كنتا دايما بقول اريت كل البنات،،،بتي❤،،،،بس استحاله يكون في زيها💔💔،،،،

__

طلعتا برة محل الشباب قاعدين،،،،بدون افكر بقيت اقول يا رائد،،،رائد،،،،طبعا كلهم عاينوا لي وهم مخلوعين،،،،في واحد قال لي بتعرفي رائد من وين يامزة؟،،،قولته ليهو ممكن لو سمحتا تناديهو لي😒،،،،،قال لي جدا،،،مشى وجاا راجع،،،قال لي قاعد في عربيتو بتكلم بالتلفون،،،قولته في قلبي لا الولد نافع لا البت نافعه💔💔،،،،وصف لي محل العربية،،،مشيت وفتحت الباب بكل قوتي،،،قولته ليهو اسي دا وقت تتكلم مع بنات،،،يعني اختك وبتصرخ على امك وتتزاهج فيها،،وأنت ولا هاميك،،،يااخ اتفو على دي ولادة ودي تربية،،،كنتا مغيوظه شديد ومنفعله💔💔💔💔👊،،،،الولد نزل من العربية وجاا وقف قصادي،،،ختا لي التلفون في اضاني،،،سامعه واحد بقول ليهو طيب يابني نتلاقى بكرة في الاوتيل()عشان نخلص كل المواضيع دي،،،الصوت ما كان غريب علي😿💔،،،،،شال تلفونو،،وقال لي كلمه بنات دي ما في قاموس حياتي اصلا،،،حتى لما جاا حازم وقال لي في بت عاوزاك استغربتا😊،،،،،ثم انك بتصرخي كده مالك،،،في شنو،،،بتعرفي أمي من وين،،عشان تتكلمي عن تربيتي،،،قولته ليهو انا،،انا،،،قال لي انتي شنو،،،انتي واحده ماعندك اسلوب،،واقرب لانك همجيه،،،طبعا زعلتا زعل،،واضايقتا من كلامو دا،،،،،قولته ليهو بعيد عن اني همجيه وغيرو،،،،مواعيد الدواء بتاعت امك قربت،،،عاين لي مسافة،،،وقفل باب العربيه بقوة،،،ودخل البيت،،،،،،لقى امو قاعده في الكرسي،،وماما جنبها،،،واختو واقفه،،،وماما لسه بتديها في محاضرات،،،قالت ليها انتي لو بتي كان اتبرعتا بيك،،،قالت ليها مابتشرف أكون بتك اصلا😏،،،،انا في راي محاضراتك دي اولى بيها بتك،،عشان تبطل تحشر انفها في مواضيع مابتخصها،،،،،بعد شوية رائد قال السلام عليكم،،،انا حسيت انو البت ح تموت من الخوف،،كان ظاهر في وشها💔😹،،،،نزل قعد في الأرض قصاد امو،،،قال ليها مواعيد الدواء يا امي،،،معليش نسيتا،،،ارح البيت،،،قالت ليهو خلاص يا ولدي ما مشكله،،يوم واحد مابأثر،،،،اختك مبسوطة بالجو الهنا،،،قال ليها وأنا راحتك اهم عندي ما راحة اي زول تاني❤،،،جي

هان خليها تقعد هنا لحدي يوم

العرس،،اسي خلينا نرجع نحنا،،قالت ليهو طيب يا ولدي،،،قامت على حيلا مسكا من كتفها وحمر لاختو،،وطلعوا،،،في بت كده قالت ليها خلاص وقعتي معاهو،،،وووبعليك،،الله يسترك بعد العرس دا يخلص،،والله الا تطيري،،،،جيهان عاينت لي وهي غضبانه،،،قالت لي كلو بسببك،،،حيوانة دي،،،ما رديت ليها،،،ماما قالت ليها والله تبقى حيوانة بالجد لو ردت ليك😒،،،،ماما طلعت وقالت لخالتو هاجر،،يلا يا هجوو،،،،بكرة بجيكم تاني،،،شالت لي حاجاتي ونزلت،،،،،،،،فتحت لي الباب،،بركنتا العربية،،ودخلنا البيت،،،قولته لماما،،انا يقول لي ماعندك اسلوب وهمجيه،،،وووااااااي😭😭😭💔💔💔،،قالت لي منو هو😒،،،قولته ليها الزفت الاسمو رائد دا😭💔💔،،،وااي يا ماما انا😭😭💔،،،قالت لي لكن عليك الله ما رائد الهناا والسرور😻😻❤❤❤✋،،،راجل زي صباح العيد،،،لالا زي قطعه المارشميلو،،،لالا أقول ليك زي نسمه البرد❤😻👊،،،قولته ليها ماما انا في شنو وانتي في شنو💔💔😭😭،،،ماركزتا اصلا،،،قالت لي تركزي بي وين وانتي عروقك كلها بارزة،،وبتتعصبي😒😹😹😹،،،،قولته ليها البت فرستني،،قالت لي قليله ادب والله،،بس الولد ماشاء الله مؤدب شديد❤،،،قولته ليها تمثيل منو بس😪💔💔،،،قالت لي لالا بالجد زعل من موقف اختووو،،كان ظاهر في وشو،،،قولته ليها بعد دا كلو،،الله يهديها بس،،،ماشة انوم انا،،قالت لي تنومي شنو،،،استني اعمل ليك اكل،،،قولته ليها طيب ح اطلع اخت حمام دافئ،،قالت لي طيب يقلبي،،،طلعتا فوق،،ادوشتا وانا الزعل ح يقتلني،،،فرتكتا ضنب الحصان،،ونومتاا،،،ماما جات صحتني،،،وبقت تأكل فيني،،وأنا بين نايمه وصاحية❤❤،،،،،باستني في راسي،،وطفت الانوار وطلعت،،،،❤❤

__

تاني يوم صحيت بدري،،،ظبطتا اموري كلها،،،ونزلت تحت اعمل لي قهوة،،لقيت ماما بتعملا❤🌚،،براحه اتسحبتا ورجعتا غرفتي،،كملتا باقي لبسي ونزلتا تحت،،لقيت ماما في السلم،،،قالت لي القهوة،،،شربتها ونزلتا،،قبل اطلع قالت لي ح اجي الاوتيل بعدين،،قولته ليها لشنووو؟،،قالت لي ااا تغيير جو بس ما اكتر،،قولته ليها تمام،،يلا مححح😙،،،طلعتا كانت الساعه 6وشوية،،،،،الحمد لله الطريق ماكان زحمه،،،،بابا اتصل علي،،وقال لي الاجتماع الساعه9،،،،ح يتصل علي عشان نتكلم في تفاصيل الكورس،،،،،وصلتا الاوتيل،،،غيرتا ملابسي،،لقيت ريم ومهند ووجن،،،صبحتا عليهم،،،وباشرنا الشغل❤❤،كنتا أغلب الوقت سرحانه،،،،وجن قالت لي مالك انتي اليوم؟،،قولته ليها والله مضايقه،،بحكي ليك بعدين،،،قالت لي طيب،،،فضلنا نشتغل واليوم كان من بدايتو حلو،،،لحدي ما بابا جاا ومعاهو كم نفر،،قعدوا ليهم في طاولة اجتماعات،،،وجن مشت شافت طلباتهم،،وسلمت على بابا،،،،مهند شال معاي الطلبات ومشينا نزلناها في الطاولة،،،وانا كنتا شايله طلب قهوة،،قبل امشي بابا وقف وسلم علي،،،أثناء مابسلم علي،،،اتراجفتا وكشحتا القهوة فيهو💔،،قولته ليهو اخخ اسفه اسفه،،،سمعتا صوت وراي بقول لي،،،خاته بالك وين انتي،،،التفتا لقيتو رائد،،،،،،،،،،،

نظام الاوتيلات في خيالي كده يخواني😹😹✋