الجزء 10

يس ماكان عايز يتكلم معاها ..يعني بس فجاه حس كده مامرتاح .. )

الاء : انا تمام ..ههه طبعا لينا قايلاني مصدقه المسرحيه العملتها دي ..بجد لكن البت دي مالاقاني زيها ابداا ..😏

يس انصدم: مسرحيه كيف ؟😳انتو مش اتصالحتو وخالص مالك تاني ؟؟

الاء : انا قلت ليك مستحيل انا وهي نرجع زي اول ابدا ... لينا دي قايلاني بنسى ليها عمايلها معاي بالسهوله دي ؟؟ مستحيل .. حمد لله اصلاا اني اتفكيت منها .. كانت عبء على قلبي ..(الاء 😳عاد طلعتي كككعععبه😳)

يس : الاء بتقولي شنو انتي 😳

الاء: ياخ انا عمري ماحبيتها ياخ ..ماتتخلع ..مابحبها ابداا . دايما هي المرفهه والبتعمل العايزاه .. .واثقه من نفسها وماف زول يقدر يكسر كلامها ..دايما كانت احسن مني في اي شئ .. ليه تكون احسن مني ليه ؟؟؟ فرقي وفرقها شنو؟؟ انا احلى منها واحسن منها وانا كمان لقيتك انت ..وهي ماعندها زول يحبها بسبب عمايلها دي ..ماعندها تستاااهل شمتااانه فيهااا هههههههه واخييرااا بقيت انا احسن منها واخييييراااا😍(نو كومنت💔)

يس : انا ماقادر اصدق .. لا مستحيل تكوني انتي الاء البعرفها انا ...يعني كل صداقتك ليها دي ماكانت من قلبك ؟؟ كنتي بس حاقده عليها ما اكتر ؟؟

الاء : عندها كل شئ ..حتي اهلها بيموتو فيها وبيعاملوها احسن تعامل .. انا عمرهم اهلي ماعاملوني بالطريقه دي ..عمري ماكنت مرتاحه في حياتي رغم اني غنيه ...بس ابوي كان راجل بخيل وبيعزبنا ..ماكنت بقدر اشتري حاجه لنفسي ..ولينا بكل بساطه بتجدع لي قروش عشان اشتري ..هه بتتصدق علي ..بتتصدق عشان شايفاني محتاجه رغم انو عندي القروش ...بتحاول تثبت لي انها احسن مني دايما .ليه ؟؟؟ ليه تكوت احسن مني ؟؟؟ يس: الاء اسكتي ..اسكتي ..انا ماقادر اصدق والله .. انتي العامله فيها مظلومه طلعتي انتي الظالمه ؟؟ ومدامك ماطايقاها قاعده معاها ليه؟؟وبعدين ليه فكرتي انها بتصرفها ده كانت بتتصدق عليك ؟؟ يمكن جد هي عايزه تساعدك ..ليه بتفكري فيها بالطريقه دي فهميني؟؟

الاء : هه عشان استفيد منها طبعا .. اي نعم كنت بحس انها بتشفق علي ..بس برضو انا مستفيده منها ..ع الاقل اخد قروش مقابل اني مستحملاها ✋🏻..بس خلااص هسي انا اكتفيييت جددااا وماعايزاها..وهي عمرها مابتساعد ساي انت ماعارفها هي قاصده تحسسني بالنقص بس ..(سككت شويه وكملت) انت معاي خلاص ...مامحتاجاها في حاجه ...

يس : بس انا فقير وماحتستفيدي مني في حاجه ..

الاء : يس لا ماتقول كده ارجوك ..انا بحبك وماعايزه منك شئ ..انت غير عن لينا ..

يس : البينا انتهي يا الاء ..واوعك تحاولي تتصلي لي فاهمه ...انا مستحيل اكمل حياتي مع وحده زيك .. انا بجد مصدوم فيك بجد التقول عليه موسي يطلع فرعون ..(صدددقت✋🏻)

الاء : يس لااا اسمعني ارجووك ..يسس ..يسسس...

(قفل الخط ..)

(كلناا مرات كتيير بنحكم من المظااهر .. والمظهر كان بيقول انو لينا كعبه والاء كويسه ..بس شوفو هسي كيف الوضع ؟؟ البت المتحرره المامحجبه اليمكن فعلا كانت بتعامل الناس بأسلوب ناشف ..بس عمرها مااخدت حق زول ولا حقدت علي حد ولا ظلمت حد ..كانت بس عصبيه وده عيبها ..وكلنا عندنا عيوب .. من هنا نفهم انو ماكل البنات المحجبات كويسين ..وماكل المامحجبات كعبين ..وصلت ✋🏻 ..)

(يمكن جد الزول من مظهرو مايوحي ليك بأنو زول كويس .. بس برضو مامن حقك تحكم عليه بأنه كعب ..مالم تشوف منو شئ فعلاا .. المظااهر خددااعه ##)

لينا بقى روتينها كل يوم بليل انها تبكي .. ماعندها غير الطريقه دي عشان تفرغ الجواها ..بالاخير هي مفتكره انو البتحبو ده هو على علاقه مع صحبتها المستحيل تخذلها ..كانت بتأنب نفسها لانها ماقادره تنساه وحاسه بكميه من الزنب رهيبه .. 💔

اخدت بكيتها ديك ونامت وسط دموعها ..صحت الصباح على صوت تلفونها وكان ده ياسين ..

اول ماشافت اسمو وقعت من السرير بالخلعه 😂 وبقت تعاين مسافه في التلفون ومصدومه لحد ماقفل الخط😂طبعا جنت عديل لمن قفل بقت تضرب نفسها ساي😂 ...تاني اتصل ليها والمره دي من اول جرس طوالي ردت ..

يس : الو صباح الخير ❤

لينا : صباح الح..النور (كانت عايزه تقول الحب 😂طبعا هي لسه ماواعيه على نفسها ماصحت كويس 😂💔)

يس: كيفك؟

لينا : انا تمام 😃(بتتكلم بحماس شديد😂)

يس : حمد لله .. طيب بصراحه انا اتصلت ليك لانو في اوراق محتاجه توقيعك وانتي ماف ..كان مفروض تتوقع امس بس اجلتها لليله ..اها حتجي الشركه ؟؟

لينا انتبهت يدوب لحماسها ده وهدت شويه وركبت مكنت البت التقيله 😂..

لينا : انا ماعايزه اجي الشركه ..لسه ده يدوب تاني يوم يااخ💔

يس : طيب اعمل شنو لازم الورق يتوقع ..

لينا اتنهدت وقالت : تقدر ترسلو لي مع اي موظف وانا بوقعهم ..تمام كده ؟؟ (ماعايزه تشوفو ..عشان تقدر تنساه .)

يس : والله انا بتمني انك تجي عشان بجد نحنا امس جطنا شديد ..يعني انتي عارفه صفقتنا مع الكنديين الشغالين عليها دي لسه ما اكتملت (الصفقه التانيه) وانتي لازم تكوني في لانو ...

لينا قاطعتو : حاضر حجي ..😪

يس انبسط ليه

ماتعرفو 😂وقال : بججد جدد ❤ تمام منتظرك 😍(في ايه ياجدع 🌞) (قفلو الخط)

لينا قامت من سريرها وبدت تجهز وهي من جواها ابدا ماعاجبها الوضع ده وماعايزه تمشي ..قامت اختارت ليها اقرب لبسه من الدولاب بنطلون جينز وبلوزه بالابيض وجكت ابيض ولبست سلسل ليموني تخيلو 😂 راائع غير كل الشكل 😍 ولبست جزمه واطيه بالبيج الفااتح وشنطه نفس اللون ..وخلت شعرها زي ماهو مفكوك وماختت ولا شئ في وشها وطلعت ..(برضو مززه😍 رغم الهالات 😂✋🏻)

نزلت تحت لقت اهلها صاحين وبيشربو الشاي ..

نهي : ماشه وين بسم الله😳

لينا : ماشه الشركه ..اتصلو لي قالو محتاجين توقيعي ..😪

نهي: وماشه كده 😳 ..دي شنو البهدله الانتي فيها دي😳 كان ميت ليك زول ؟؟

لينا : امي يااخ مالي هسي ؟

نهي : في زول بيمشي الشغل ببنطلون جينز معفن زي ده😳(مالا بناطلين الجينز😂)

لينا : امي انا مستعجله ياخ🌞

نهي: مالك امسك البت ماتخليها تتطلع خليني امشي اجيب مكياج اصلح ليها وشها الاتملى بالهالات ده ..

لينا : اميي ياااخ لاااا ماعاييزه

نهي ما اشتغلت بيها وطلعت في السلم وقالت لي لينا وهي ماشه : مش كفايه ماخليتك تغيري ..يبقي تسكتي سااي سامعه ..😒

لينا عاينت لي ابوها وعمل ليها كده 🤷🏻‍♂(حلوه الحركه 😂)

لينا جات قعدت في الكرسي بملل ومنتظره امها ..

نهي جات نازله من السلم خامه شنطه فيها خمسميه حاجه😂جات قعدت جنب لينا وبقت تجلبط فيها ولينا تكورك وماعايزه بس امها مصره عليها (الصراحه وشها كان كعب ياخ ..بسبب بكاها ده 💔)

امها مكيجتها مكياج بسيط عشان نقت لينا دي وسرحت ليها شعرها الكان مشربك والله😂 ورفعتو ليها ضنب حصان بعداك خلتها تمشي 😂بعد ماحزرتها تمسح العملتو ليها ولا تخرب التسريحه(عارفه بتها😂)

لينا طلعت وركبت عربيتها ومشت على الشركه ..بعد مسافه وصلت ودخلت سلمت على اي واحد قاعد وسالت عن اخبارو وصحتو وعن شغلو وقعدت تتونس مع الموظغين وكلهم مستغربين فيها شديد..

لينا : انا عايزه اعتزر ليكم شديد على كل شي بدر مني ..بجد انا اسسفه وحقكم علي انا ماعارفه انا ليه كنت كده بس صدقوني انا اتغيرت ..وعمري تاني ماحتعامل معاكم غير بأسلوب تستاهلوه ..انتو اساس الشركه دي ومن غيركم ماتبقي ..انا اسفه بجد💔

كلهم سامحوها وحبوها شديد في اللحظه دي وبقو يهظرو معاها ويحكو ليها قدر كيف كانو بيخافو منها زمان وهي تششيل وتضضحك ضحكتها الكسسااره دي ..ووسط كل الضحكات دي ..كان في عيون بتراقب لينا في كل حركه وكل كلمه قالتها ..عيون بتحكي قصه جديده حتبدا ....

- صلو عليه📿💜-

------

من بعييد كان واقف بعاين ليها وبيتأمل فيها ..حس انو اول مره يشوفها .. كانت غير ..كانت بسيطه جدداا ..مازي كل مره ..مختلفه ..وحلوه حلاوه روح ❤...

اتلفتت لينا وعاينت لقتو بعاين ليها ومبتسم .. اتوترت جداا ويدها تلجت من الخوف بس 😂 ..مشت عليه وبتقوي في نفسها بكلمات (انا قويه . عادي ماحيحصل شئ حسلم عليه بس ..ماتخافي يالينا ماتخافي ..)

لينا : يس 😊..

يس : نورتي الشركه ..❤

لينا : ههههه شكراا ..

يس كان بعاين ليها من فوق لتحت وقال : اول مره تكوني بسيطه كده .. بجد حلوه الليله (ياولدنا.. الحاصل🌞💔)

لينا خجلت واتوترت وبقت تعاين للارض وهي ساكته ..يس قال ليها : يلا نمشي ..عندنا حاجات كتير لازم نخلصها وبعدها بتقدري ترجعي البيت ..❤

لينا : طيب❤

طلعو فوق للمكتب ويس طوالي جاب عفشو وجا قعد جنبها 😂 .. كانو قاعدين في الكنبه حقت المكتب ولينا ماسكه الملفات بتوقعها وتقراها ويس ماسك اللابتوب وشغال فيه وكل شويه يعاين ليها ..

لينا : انتهيت خلاص..

يس : كوييس ..يلا عايز اوريك ده .. عدل اللابتوب باتجاها وبقي يشرح ليها ويسالها وهي تجاوب ..

لينا : يعني لازم نسافر كندا عشان نكمل الصفقه؟ ماينفع هم يجونا ؟

يس : حاولت معاهم بس رفضو ..قالو عندهم حاجات تانيه ومابيقرو يخلوها ..المفروض نسافر بأقرب وقت..

لينا : معناها انت تسافر وتتم الصفقه ..

يس : انا 😳؟؟؟

لينا : انت يدي اليمين وعارف كل شئ معناها المانع شنو ؟ انا ماعايزه ومابقدر اسافر ..

يس : بس ماينفع ..لازم تكوني موجوده ..

لينا : لا ما لازم انا بكلمهم وهم حيتفهمو .. حتسافر براك ..كلها كم يوم بس ماتقلق ساي..

يس : المشكله اهلي ..مابقدر اخليهم كده ..

لينا : يس اسبوع حيعمل حاجه ؟ دي ظروف الشغل نعمل شنو ..بعدين كده ولا كده انت عنصر مهم ولازم تمشي .. فوافق ارجوك ..

يس : طيب..💔

لينا : معناها احجز لنفسك في اقرب فرصه .. ااه هم شركتهم في منتوريال صح ؟؟

يس : اي ..

لينا : حظك طيب ..بيقولو عليها جميله جداا ..

يس : كنت بتمني تمشي معاي ع الاقل .. يعني انا مابفهم في الامور دي ..انا يدوب محاسب وانتي بتحمليني مسؤوليه انا ماقدرها 💔

لينا : ياسين!! هسي ماشغلك حلو مالك ؟؟ اصلا مالابقه ليك المحاسبه ولا شئ ..وانا واثقه انك حتاخد الصفقه ..فماتخاف 😊

يس : طيب ..😪

لينا : اها تاني في شئ ؟ ولا امشي ؟؟

يس : ااا ايوه في ..بس مابخصوص الشغل ..ممكن اتكلم معاك شويه؟

لينا : ط..ط.طبعااا ..احكي 😥(متوتره 💔)

يس : بخصوص امس .. انا بجد زعلان ع الحصل .. وبعتزر ليك تاني .. انا اكتشفت انو الناس ظالمنك وانتي بجد طيبه جداا وماتستاهلي الا كل خير ..

لينا : ههههه كفايه خلاص مامشكله كان سوء فهم واتحل .. ااهاا يلا متين حتعملو خطوه رسميه انت وللوشتي ؟ عايزه افرح بيكم 😍

يس : ماف...

قاطع كلامو دخول الاء للمكتب ..

الاء : انتي هنااا !!(للينا..)مش اخدتي اجازه؟ الجاابك شنو ؟؟؟

لينا وياسين وقفو على حيلهم من الخلعه ..

يس : الاء ..الجابك شنو؟

الاء : جيت اتكلم معاك ..مش كفايه الليل كلو مابترد علي ..يس ارجوك خلينا نتفاهم ..ارجووك..انا بحبك اديني فرصه اشرح ليك ..

يس : الاء اخرسسي ✋🏻ماتفتحي خشمك ده فاهمه ..واطلعي من هنا احسن ليك .

الاء عاينت للينا وقالت : عاجبك الحصل ؟؟ انتي السبب فيه انتي السبب ..انا بكرهك ..بكرهك ..اي حاجه حلوه بتاخديها مني ليه ؟؟ انتي احسن مني في شنو ؟؟ وريني؟؟؟ ..

يس جا على الاء ومسك يدها قوي وقال : احسن تسكتي والا والله ماحتعرفيني ..

لينا : في شنو ياجماعه؟؟ مالكم ؟؟ الاء انا عملت ليك شنو؟؟

الاء : اسكتي مني انتي دمرتي حياتي ..دمرتيها ..بسببك خسرت الانسان الوحيد الحبيتو ..عايزاني ابقي وحيده زيك ؟؟ وريني بس الجاابك هنا شنوو ؟؟ جايه تلفي راسو وتاخديه مني صح؟ في احلامك ..فاهمه في احلاامك ..

لينا : انتي مجنونه!!ده شنو؟؟ ..في شنو ؟؟ ياسين فهمني الاء مالا ؟؟

يس : انا وهي خلينا بعض ..

لينا : شنو؟؟؟ كيف؟ومتين؟ لييه؟؟

الاء : وبتسألي ؟ انتي السبب بس .. كل المشاكل دي حاصله بسببك ..انتي عايزه شنو مني؟ ياخ انتي عندك ميه ولد مالقيتي غير ياسين ؟؟ امشي لاولادك الكتار ديل وخلي لي ياسين ..ده الولد الوحيد الفي حياتي الحبيتو من قلبي ..خليهو لي وبطلي انانيه ..

يس : الاء اسكتي احسن ..

لينا: انا مافاهمه شئ ..انتو بتقولو شنو؟ وانا مالي عملت شنو انااا😭؟؟

الاء : ياخي انا بعمري ماحبيتك فاهمه ..انا مابحبك وبعمري ما اعتبرتك صحبتي ..انتي وحده انانيه ومابتحسي بالناس عايزه كل حاجه تكون ليك انتي براك وحريقه في اي زول ..انا بكرهك يالينا فاهمه ..ماحستحملك تاني خلااص لحد هنا وكفايه ..دمرتي حياتي حسبي الله ونعم الوكيل فيك ..

(وطلعت من المكتب ..)

لينا مصدومه من الكلام السمعتو ده وماقادره تصدق ابداا ..جات جاريه عشان تلحق الاء بس ياسين مسكها ..

لينا : خليني امشي الحق اختي ..فكني (مسسكينه😭)

يس : اختك دي مابتحبك ..

أختك دي كانت حاقده عليك من زمان خلاص خليها يالينا ..

لينا : لاا مستحيل ..مستحيل ..انا بعرف الاء كويس ..هي اكيد حتكون معصبه عشان كده بتلطش في الكلام ..صح ؟؟

يس : لا..لينا افهمي خلاص ..الاء قطعت علاقتها بيك ..

لينا بدت تصرخ : كيف يعني ؟؟ اقول ليك انا وهي اخوات ..مستحيل نفترق ..انا حتصرف ..انا ..انا ححل المشكله ..

يس : ليناا..

لينا : اسسكت خلاص ماعايزه اسمع حاجه ..(طلعت من المكتب ..)

لينا بتحاول تتصل لي الاء كتير بس ماكانت بترد ..ركبت عربيتها ومشت لبيت الاء ..

دخلت جوا لقت امها ..

لينا : خالتو احسان كيفك؟؟

احسان: اهلين يالينا ..والله انا تماام الحمد لله ..صحبتك دي والله طلعت علي المستشفي ..

لينا : بجد؟ هي قالت ليك كده ؟

احسان : اي ..مامشت الشغل ولا شنو؟؟

لينا : لالا ماكده ..ماعارفه والله انا افتكرتها ماحتمشي الليله عشان كده جيت ..لانها امس قالت لي انها تعبانه فجيت اشوفها بس ..(اخترعت ليها قصه )

احسان : هي رجعت متأخر من شغلها وماشفتها لمن جات ..يمكن من ضغط الشغل تكون تعبت شويه ..

لينا : اي اكيد ..طيب ياخالتو انا حمشي وبجيها يوم تاني ..

احسان : انتظري اشربي ليك حاجه يابت ماتمشي ساي

لينا : شكرا والله ياخالتو مستعجله ..مره تانيه ان شاء الله ..يلا مع السلامه ..

احسان: الله يسلمك يابتي ..

(طلعت من البيت ..)

لينا خافت شديد على الاء وخصوصا انها معصبه خافت يحصل ليها شئ لانها عارفها لمن تعصب بتجن .. لسه كانت بتحاول تتصل لي الاء بس لسه مابترد ..

لينا رجعت البيت بخيبه امل وحزن كبير ..طلعت غرفتها وقعدت تحاول تتصل تاني لحد مافي الاخير ردت ..

لينا بلهفه: الاء ..الاء انتي وين ؟؟

....: لو سمحتي البت دي والله عملت حادث في شارع النيل ..

لينا : حادث !!!!

.....: الحادث كبير شديد وولاسف ماقدرنا نعمل شئ ..البقاء لله ..

لينا : .....

(الحلقه حززينه جدداا💔

فالناس الرقيقه زيي كده حتبكي زي ما بكيت 😅..

استمتعو بالدموع😂💔)

....: البقاء لله ..

لينا : ك ..ك.كييف !! دقيقه انت اكيد غلطان ..البت دي لابسه فستان اسود؟؟

...: ايوه .. مكتوب في البطاقه اسمها ..الاء عصام الدين .

ليناا بصراخ: لاااااااااا مستحيلل ... مسستحييل..لااااااااا ..

(جدعت التلفون 💔)

امها وابوها جوها بصراخها ده.

نهي: لينا في شنو؟؟ في شنو؟؟

مالك: لينا مالك؟ ..شال التلفون من الارض ..

...: الو ..لوسمحتي نحنا هسي مودنها مستشفي رويال كير ..تعالي هناك ..

مالك: عفواا حتودو منو؟؟

...: حصل حادث هنا ..البت ماتت ..اسمها الاء عصام الدين

مالك: اناا لله وانا اليه راجعون

(قفل الخط )

نهي: مالك في شنو؟؟

مالك بهمس: الاء ماتت

نهي : شنوووو؟؟؟

ليناا وهي منهاره تماما قامت وجرت برا الغرفه وجاريه عايزه تطلع برا البيت ..ابوها وامها طلعو معاها وساقوها بعربيتهم ..

وصلو المستشفي وكان دخلو الاء للمشرحه 💔 ..لينا وسط دموعها اتزكرت اهل الاء خافت تتصل ليهم قامت خلت المهمه دي لي امها ..

وهي اتصلت لياسين ..

يس : اها لقيتيها؟؟

لينا : بعد فوات الاوان ..

يس: كيف ؟؟؟

لينا : الاء ماتت ونحنا السبب ..انا وانت السبب ..(وانهارت بالبكا ..)

يس : لينا لحظه انتي وين ؟؟

لينا : في رويال ..تعال 😭

(قفلو الخط)

وصلو اهل الاء كان عندها اخو واحد بس واسمو محمد ..

جو التلاته منهارين واول ما احسان شافت لينا جرت عليها وبقت تبكي معاها ..

احسان : لينا الحصل شنوو فهميني 😭 ..بتي دي كانت كويسه لما طلعت من البيت ..سؤالك عنها ده ماساي ..انتي مخبيه عني شنو يالينا ..الاء ماتت كيف 💔(كانت بتتكلم بالعافيه وسط دموعها ..)

لينا: خالتو ..الاء بس عملت حادث انا ماعارفه حصل كيف صدقيني ..😭💔

وسكتو الاتنين وبقو يبكو ..طلع الدكتور ومشي ليهم وقال عايز زول متبرع عشان يتعرف عليها ..دخل الاب والام معاه ..

طلعو وهم منهارين تماما بعد ما اتأكدو انو دي الاء 💔..

ساعات قاعدين في المستشفي كلهم وحالتهم تصعب على الكافر ...ياسين جا ومشى مع الرجال يدفنوها ..ولينا واحسان ونهي مشو البيت للعزا ..

كل الناس اتلمت في البيت يعزو احسان المنهاره جداا ..البيت مليان بالناس البتعزي ولينا قاعده في ركن الصاله براها بتبكي وكل مازول يقرب منها تصرخ فيه ..(كل ماتفوق من مشكله تقع في التانيه💔)

الرجال جو وعملو صيوان ومعاهم ياسين قاعد ومصدوم جدداا وماقادر يفكر في شئ ..ماحس الا بكف على وشو وكان من لينا ..

وسط كل الرجال القاعدين لينا ما اهتمت ليهم ومشت لياسين وضربتو كف وبدت تصرخ فيه ..بس ياسين طوالي جراها وطلعو من الصيوان ومشو بعييد من بيت العزا ولينا طول الطريق بتضربو وتبكي ..

لينا بصراخ : ليه اتخليت عنها فهمني ليه ؟؟ انت ماعارف انها اضعف من النمله نفسها ؟؟ بسببك هي فهمتني غلط وزعلت وعملت الحادث .بسببنا نحنا هيا ماتت ..انا بكرهك انت السبب في كل شئ انت السبب..😭😭

يس : لينا اهدي ..انا وانتي ماعملنا شئ .ده يومها وتم ..انا من حقي اني اخليها لانها ماكانت مناسبه لي ..الاء تستاهل الحصل ليه

..دي بتكرهك انتي مافاهمه حاجه..

لينا : اسسكت ..اسكت .وليك عين تتكلم ؟؟ اي حق بس فهمني ؟من وين جاك الحق ؟؟ الاء بسببك انت عملت الحادث ..انت دمرتها ..الله ينتقم منك ياحيوان ..الله ينتقم منك ....

(ومشت خلتوو ..)..

لينا اتصلت لامها وابوها وقالت عايزه ترجع البيت ..ماكانت قادره تستحمل الاجواء دي ..فرجعو البيت ..بس ابدا ماكان في فرق من هنا وهناك ..الانهيار نفس الانهيار ..💔

حبست نفسها في غرفتها وقعدت تبكي بصوره ماعاديه ..حملت نفسها كل شئ 😞.. حاسه بزنب وشوق ووجع كبير ..فقدت اعز انسانه في حياتها ..فقدت اختها البتحبها ..رفيقه دربها ..وروحها التانيه ..💔💔💔

*بعد اسبوع*

الحال في حالو ..لينا للان ماطلعت من غرفتها ..بتبكي ليل نهار ..امها وابوها بيدخلو ياكلوها غصب ..كانت بس بتاكل شئ يخليها تعيش ..وترجع تاني تقفل نفسها في غرفتها وتعاتب نفسها كل يوم وكل دقيقه ..

(ماف اقسي من كده في الحياه ..انك تفقد زول بتحبو ..مين ماكان الزول ده منو .. والاسوء انك تحس انك السبب في موتو .. تانيب ضمير وكميه من الزنب بتحس بيها بتزيد عليك حالك سوء اكتر من السوء الفيك ..💔 والاصحاب توائم الروح ..حاجه غير ..💔##)

طول الاسبوع ده ياسين كل يوم بيحاول يكلم لينا بس ابدا مابترد ليه .. لدرجه بعد اليوم التالت شال عنوانها من الشركه وجاها في البيت ..(اي كان شغال ..ماحب في الشغل ..بس هو مابيقدر يوقف شغل عشان وضعو صعب ولانو المعييل الوحيد لعيلتو 💔)

لما جاها في البيت مارضت تقابلو ولا نزلت ليه ومنعتو من انو يطلع ليها ..كان بيجيها كل يوم ..ولا يوم نزلت ليه ..(حبيبتي😭💔)

*بعد شهر*

ايوه عدا شهر وما اتغير شئ

.لسه لينا قافله نفسها ووضعها كل يوم في النازل ..فقدت وزنها ولونها شحب ومرضت وبقت تفقد الوعي كتير بسبب سوء التغزيه وطلع عندها فقر دم .. 💔

اهلها قدر ماحاولو يطلعوها من الهي عايشه فيه ده ماقدرو ..قدر ماحاولو يفهموها انها ما السبب في شئ وده قدر ماكانت بتفهم ..

طول الشهر ده لينا مانطقت بحرف 💔 ولا حرررف ..بيتكلمو معاها بس بتسمع كلامهم وتاكل اكلها وترجع لسريرها ماسكه صوره الاء وبتبكي ...

جابو ليها دكتور نفسي وماكانت بتتجاوب معاه ..لمن وقفوه خالص ..

في اول يوم من الشهر الجديد نهي قالت لمالك: مالك خلاص ليناا لازم ترجع شغلها ..يمكن تقدر تنسي الحصل ..

مالك : ماسهل عليها ترجع كده ببساطه ..انتي براك عارفه قدر كيف لينا متعلقه بالاء قدر كيف ...

نهي: خلينا نحاول معاها..انا ياخ اشتقت لصوتها يااخ💔

مالك : طيب ..خلينا نمشي نتكلم معاها ..

طلعو ليها الغرفه ولاول مره لقوها مافي في سريرها ..كانت قاعده في البلكونه حقتها في الكرسي وماسكه صوره الاء ودموعها نازله من غير صوت ..

نهي ومالك جو قعدو جنبها وبدو يتكلمو ..

مالك : لينا يابتي ..انا عارف قدر كيف انتي تعبانه هسي ..انا فاهماك الموضوع ماسهل لكن يابتي البتعمليه فيه ده صح؟؟ ربنا يابتي ما امر بالهلاك ..وانتي كده بتهلكي نفسك وده حرام يابتي.. ده قدر ربنا ولازم تقبلي بيه ..وادعي ليها يالينا ..

نهي بقت تبكي وقالت: لينا ..عليك الله يابتي اتكلمي معاي ..والله قلبي اتقطع عليك .. نفسي اسمع صوتك ياليناا ..ارجوك ياليناا💔

لينا ماكانت بتعاين ليهم زاتو بس كانت بتعاين بعيد وحاضنه الصوره قووي ..(انا بكيت ياخ😭💔)

مالك : لو فضلتي في البيت كده ماحتنسي يالينا ..عشان كده انزلي الشغل واشتغلي وانسي والله كده حتخففي عليك يالينا ومع الايام الموضوع حيهون عليك شديد..

نهي : ده شغلك يالينا الطول عمرك بتحبيه ..العمرك ماقعد ترضيه فيه ..ارجعي لشغلك يالينا عشان خاطري انا الله يرضى عليك يابتي ..💔

لينا واخيراا اتكلمت : حاضر ..حنزل ..بس اول لازم اعمل شئ مهم جداا وكان لازم اعملو من زمان ....

-خليكم جاهزين الحلقات الجايه #الزيت👌🏽