الجزء 12

يس: موافق ..بس بشرط ..

لينا: شنو!!!

يس: تجي معاي.

لينا: نعمممم!!!

يس: ده شرطي ..لو عندك اعتراض ماحجي واتعب نفسي ..

لينا : يس بطل تستغل الوضع لصالحك ..

يس: القال ليك منو انا بستغل الوضع؟؟ انا بس قلت ليك العايزو بعدها انتي حره ✋🏻

لينا : واضح انك مابتستغل .. على كل حال تعال وخلينا نتفاهم لو سمحت ..

يس : ايوه خليكي محترمه معاي عشان احترمك☺

لينا : انت احقر واحد شفتو في حياتي ..

يس : احترمي نفسك يالينا ..انتي ماقدر الكلام البتقوليه ده ..

لينا : يس!!

يس: انا جاي خلاص ..ماتدفقي بس✋🏻

(قفلو الخط ..)

يس استأذن من ناس الشركه وطبعا رفضو ليه لانو ده اول يوم ليه يعني ..(زاتو بالغ🌞) ..لكن اقنعهم بعد طلاع روح وحكي ليهم القصه وكده وخلوه يمشي

(..طبعا هو كان متأمل انو لينا ترفض تسافر معاه وبكده هو زاتو مايمشي عشان كده ماكلم ناس الشركه بقصه السفره دي بس قال ليهم عندو شغل ماكملو وكده ..)

يس وصل الشركه(شركه لنو) ورفض يدخل بس فضل واقف برا واتصل لي مني وقال ليها يطلعو ليه برا ..

مني دخلت لي لينا في المكتب وقالت ليها ياسين ماحيدخل ..طبعا لينا فارت ودفقت من الغضب وجات نازله تحت وطلعت ليه ..

لينا : دي شنو الدراما البتعمل فيها دي ؟؟

يس : والله انا بنفذ كلامك ما اكتر ...كأنك قلتي لي ما اعتب باب شركتك دي ..انا هسي سمعت كلامك ☺

لينا : مامهم ..هسي انت لازم تسافر وتنهي لينا موضوع الصفقه ده خلاص ..انا خليت مني تحجز ليك تزكره الليله بالمساء السفر حيكون✋🏻

يس : وانتي معاي طبعا ..

لينا : يس !!بطل تصغر عقلك اوكي ..انا ماينفع اخلي الشركه وامشي..انت الكنت ماسك الصفقه دي وكنت حتسافر براك ليه هسي عايز تغيير رايك ؟؟

يس : زمان حاجه وهسي حاجه ..هسي انا مامن شركه مالك ..مابتقدري تقولي لي اعمل شنو ..انتي اشكري ربك اني رضيت اكمل الصفقه دي وتأكدي تماما ماحب فيك✋🏻بس لاني مابحب شغلي يكون ناقص ..ومن بعد الصفقه دي وشي ده زاتو مابتشوفيه ماتقلقي ..

لينا : خلينا نزح مشاكلنا الشخصيه على جنب هسي ..انت اوفي بوعدك بس زي ماقلت لي ..

يس : لاا..ده اخر كلام يالينا ..لو ماماشه انتي انا كمان مابمشي ..

لينا انفصمت فيه وقالت : ليه امشي انا حتستفيد شنو؟؟

يس : انا ماشغال عندك عشان امشي براي فاهمه!! تمشي معاي وتكملي شغلك معاي ..انا بس ماشي لأني كنت انا اللي في الواجهه طول فتره شغلنا معاهم ..لكن دي صفقتك انتي وشركتك انتي..تمشي تكملي شغلك معاي ..وغير كده انا ماعندي كلام ..✋🏻

لينا بضيق : مني احجزي تزكره تانيه ..

مني : حاضر ..

يس : معناها انا امشي بعداا.. يلاا نتلاقى بعدين في المطار يابت مالك ..☺..اااه صح مني الحضور كم ؟؟

مني : الساعه 7 والطياره الساعه 10😊

يس : طيب ..ومشي خلاهم ..وهم دخلو الشركه تاني ..

لينا دخلت الشركه وهي معصبه الف زي مابقولو 😂..مشت اشتغلت حبه كده وجات طالعه بالضهر عشان تجهز للسفر ..

يس رجع للشركه وحاسي انو خلاص حيطردوه عديل ..(من اول يوم متسيب الاخ 😂💔)مشي للمدير وحكي ليه قصه السفر وكده وقال ليه حينطرد لو سافر او يجيب ليهم زول يسد مكانو ..يس طوالي اتصل لصحبو معتز وفعلا وافق انو يسد مكانو لمده اسبوع ..

بعدها ياسين مشي بيتو عشان يجهز للسفر ...

لينا وصلت البيت وحكت لأهلها الحاصل وهم انبسطو طبعا خصوصا انها مسافره مع ياسين ويمكن ترجع من قرارها بالزواج من عمر ده🌞..

لينا طلعت ترتب شنطتها ومشت معاها امها .وابوها طلع يشتري ليها حاجات محتاجاها..

*في غرفه لينا*

نهي : حتقعدو كم هناك ؟؟

لينا : اسبوع تقريبا ..

نهي عاينت لي لينا نظره ذات معني وقالت : امممم (يااحجه ماالك😂😂💔)

لينا : مااماااا🙄

نهي : انا ماقلت حاجه🙊

لينا : يكون احسن🙄

نهي : هناك بيكون في برد صح ..شيلي معاك حاجات تقيله ياليناا وانتبهي على اكلك كويس انتي عارفه بطنك حساسه ماتمشي تاكلي اكل غريب سامعه🌚(توصيات😂)

لينا : حااضر ياماما ❤

(قاطع كلامهم صوت تلفون لينا وكان المتصل عمر )

لينا : الو ..

عمر : اشتقت ليك شديد ..وينك انتي لي كم ساعه ماكلمتك (مشششم🌞انا من اجزت من الجامعه تلفوني بالغلللط ماارن 🙄يلا حنزل اصلا وحسمع صوت رنتو كل صباح من صحبتي عشان نمرق سوا😂😂😂😂)

لينا : معليش انشغلت ..بصراحه انا مسافره الليله بليل ..

عمر: مسافره😳؟؟وماكلمتيني من بدري ليه ؟؟

لينا: لا القصه ماكده ..بس الحكايه انو دي صغقه متعلقه ليها شهر واجلناها كان بسبب الوفاة بس هسي لازم اكملها عشان كده مسافره ..

عمر : طيب حتسافري وين وبراك ولا معاك زول ؟؟

لينا : ماشه كندا ..معاي ياسين سكرتيري 😊💔

عمر : ياسين عدييل !!امممم

لينا : انا اصلا طردتو من الشغل ..بس هو الكان ماسك الصغقه دي عشان كده

لازم يكمل

ها حتي يمشي..يعني مضطره اسافر معاه ..

عمر :حتقعدو كم ؟؟

لينا : اسبوع بالكتير ..

عمر :ظريف ..ماشه متين المطار ؟؟(ده شنو التحقيق ده🔪)

لينا : حطلع 6ونص كده لانو الحضور 7

عمر : تمام ..ربنا يوصلك بالسلامه

..

(طبعا عمر ماعايز يدق ليها جرس رغم انو الوضع ماعاجبو ..لكن قال مايشاكلها عشان ماتطفش منو مره وحده 😂)

لينا : امين ..تسلم ..

(قفلو الخط ..)

-------

نهي: ده عمر ..😒

لينا : اي ..

نهي : مششششم

لينا : مااماا؟؟!!!

نهي : سكت سكت ..انتي حره يختي ..✋🏻

لينا : واخيرا انتهيت ..ااا بابا لسه ماجا ؟

مالك دخل الغرفه وقال : جيت خلاص ..واداها حاجاتها ..

مالك : خلاص يلا ختي حاجاتك دي وارقدي نومي عشان تكوتي مرتاحه لبعدين ..

نهي : بالاول تمشي تاكل ..يلا يالينا ..

لينا : حاضر ..

نزلو تحت ..لينا اكلت وطلعت غرفتها ونامت ...

حوالي الساعه 5لينا صحت او بالاصح صحوها 😂عشان تجهز ..مشت استحمت وجات وطبعا لابسه حاجات من طرف الدولاب بس😂 ..بنطلون جينز وقميص كاروهات وجكت جلد اسود وجزمه سوداء وشنطه سوداء رفعت شعرها كعكه وعملت بدره وبقت مارقه😂(ام البساطه😂)

امها طبعا كان عايزه تمسكها لكن لينا زاغت منها طوالي😂 ..بعدها طلعو من البيت كلهم للمطار ..

(بالمناسبه الحلقه دي انا ابدا ماقادره اكملها في قعده وحده ..والله زهجت زهج ماطبيعي ياخ ..ده كلو عشان بكتبها للمره التانيه ..😪يلا لو طلعت ما بالحيل اعزروني لانو بجد ماقادره اكتبها🌞)

يس كمان جهز حاجاتو وودع اهلو ومشي المطار براه بعد ما اقنع اهلو مايمشو معاه ..

لينا ويس وصلو في نفس الزمن ..حمرو لي بعض وياسين جا سلم على اهل لينا وبعدها دخلو الاتنين جوا بعد ما لينا ودعت اهلها ..

عملو كل الاجراءات وقعدو في الصاله منتظرين طيارتهم ..

طبعا لينا ماقعدت جنبو ..مشت قعدت في كرسي بعييد وياسين ما اشتغل بيها كتير بس كان كل شويه بيعاين ليها ..وماقادر يخفي انبراششو فيها😂(لاحظتو هو بينبرش فيها لمن تلبس عادي لكن لمن تتمزمز ماكده شديد 😂اصلا ماف احلي من البساطه )

لي حظ لينا العفن جا قعد جنبها ولد وشكلو صايع كده ..كل شويه بيعاين ليها ولينا مامنتبهه ليهو بتعاين في تلفونها سااي ..ياسين من هناك متابع الولد وحس بيهو مامظبوط قام مشي ومسك يد لينا وجابها قعدها في الكرسي الجنبو ..جات تقوم قعدها تاني ..

لينا : هييي انت بصفتك منو تعمل كده ؟جنيت انت؟؟

يس: اي جنيت .. انتي قايله نفسك فاهمه اي شئ ومنتبهه لكل شئ مش ..ماشايفه الولد الجنبك ده كان حياكلك بعيونو .

لينا سكتت شويه وعاينت للولد الطوالي نزل عينو ..ورجعت عاينت لياسين وقالت : ماكان حيعمل شئ اصلا ..(غرورها وكده 🌚)

يس : ممكن تقولي شكرا عادي مابتموتي ..

لينا طنشتو ورجعت تعاين لتلفونها ..ابتسمت للحظه ..حست انو مهتم بيها وبيحميها ..وتاني اتزكرت العملو وكشرت وشها ..

يس طبها كان قاعد ساي بيعاين للفضاء البعيد(كيف بلاي الكلمه دي .. من طرف الجيب 😂) وكل مايعاين لي لينا يلقاها مشغوله بتلفونها ..قام شالو منها وقفلو ..

لينا : انت جنييت ..جيب تلفوني..

يس : انا ماعدوك على فكره ..بتقدري تتكلمي معاي..

لينا :في احلامك ..ماحتكلم معاك فاهم ماف بينا شئ يتقال .رجع التلفون .

يس : ماحرجعو ..وانتي لازم تتكلمي معاي ..

لينا : يس احترم نفسك ..جيب التلفون .

يس طنشها طبعا وبقي يهبش في تلفونها ..فتح الكاميرا وقرب من لينا وقال ليها : افردي الوش ده خلينا ناخد سيلفي 😉

لينا قبلت وشها للناحيه التانيه ..ياسين ضحك وقال : انتي التعبانه . لو ما اتصورتي معاي ماحرجع تلفونك ..

لينا : بطل سسخف

يس: لا ماحبطل سخف☺..يلا ابتسمي ..1..2 ..3

واتصورو سوا ولينا طبعا لسه مكشره بعدها شالت التلفون وقامت على حيلها عفصتو في رجلو وجات تمشي سمعت نداء لطيارتهم ..قامو سوا وركبو البص ووصلو الطياره وركبوها وطبعا كراسيهم كانت جنب بعض ..لينا نادت المضيفه وياسين عرفها حتغير مكانها ..فأول ما المضيفه جات هو اتكلم وقال : معليش ضغطنا الزر بالغلط ماف شئ شكرا ليك😊

ومشت المضيفه ..😂

لينا :علي فكره انت سخيف

يس : اقعدي هسي وكملي شتايمك في الطريق ..

لينا حمرت ليه وقعدت في كرسيها وجنبها ياسين ..واقلعت الطياره الماشه لي كندااا😍....

يتبع ...