الجزء 14

آدم: يس ..لينا بتحبك ..

يس : شنو؟؟؟

آدم:زي ماسمعت ..

يس : كيف يعني ..كيف بتحبني ؟..آدم انت ماعارف شئ البت البتقول انها بتحبني دي هي بتكرهني عمى ..تشوف الموت وماتشوفني ..تقول لي بتحبني ؟ قول كلام تاني بلاي ..

آدم : يس انا ماجبت الكلام ده من عندي .. لينا قالت لي عديل ..انا شايفها بتتعزب بسبب الحب ده ..وماقدرت اسكت اكتر من كده ..

يس: آدم انت ماشايفها بتعاملني كيف ؟؟ ياشيخ دي بعد ما ماتت صحبتها بقت ماطايقاني نهائي وخاته اللوم علي في كل شئ..

آدم: انت كدي اهدا وانا بشرح ليك كل شئ ..

يس بضيق : احكي ..😪

آدم حكى ليه كل الكلام القالتو لينا ..

يس : ماقادر اصدق ..لا مستحيل ..

آدم : فهمت هسي يازكي ..هي بتتعامل معاك بالقسوه دي عشان عايزه تنساك ومادايره تضعف قصادك ..هي ابدا ماحتفكر تجي توريك مشاعرها ..لانها رغم حبها الكبير ده الا انها لسه حاسه بالزنب لانها بتحبك .. لانها حاسه انها بتخون صحبتها ..

يس : الحاجه الوحيده الكويسه في البت دي انها بجد بتقدر الصداقه .. انت عارف رغم انها مابتصدق كلامي عن الاء وانها ظالمني بحكمها ده ..الا اني بجد في حاجه جواي بتفرح لما القاها بتدافع عن الاء بالشكل ده..البيصاحبها بجد بيكون محظوظ ..❤

آدم ضربو في كتفو وقال : وانت ممكن تكون صاحبها واخوها وحبيبها كمان ..

يس : على افتراض اني عايز الحاجه دي زي ماقلت هي ماحتقبل بسبب احساس الزنب البيدمر فيها ده ..

آدم : معناها انت بتقدر تغير طريقه تفكيرها دي ..واتقرب منها بدل ماتقعد تتجاهلها وتعمل حركاتك البابخه دي ..

يس ابتسم وماقال شئ ..

آدم: يلا يا ابني انا ماشي ..فكر في كلامي ده ..

يس : ان شاء الله .. وطلع ادم ..

لينا كانت راقده في سريرها ومخها شغال تفكير ودموعها مابطلت نزول .. لحد ما قطع تفكيرها صوت دق الباب ..وكان يسو ..😍

مشت فتحت الباب واتخلعت لمن شافت يس ..

يس : اااا كنت عايز ..يعني لو انتي مانعسانه ..خلينا نطلع نتمشى شويه ..الجو حلو برا ..

لينا لسه مستغربه الوضع (بالصباح يتجاهلها ويشاكلها وهسي داير يطلع معاها 😂..اجيي يااا بري😂😂😂)

لينا بأصرار : لا انا نعسانه ..(شاكوووش😂قزفت حنان الجبهه😂💔)

يس : ماواضح انك نعسانه لكن .

لينا : بتعلم بالغيب ولا شنو ..

يس : احساسي قوي بس..

لينا عاينت ليه من فوق لي تحت وجات تمشي قام مسك يدها وقال : حتغيري هدومك وتجي معاي ولا اطلعك كده ؟

لينا لسه واقفه ومصدومه فيه قام مسكها وطلعها من الغرفه بي بجامتها دي😂. قامت وقفتو وعايزه تردح قام قفل خشمها وقال : خلينا نتكلم شويه ..بما انو دي اخر ايام لينا مع بعض ..ادخلي غيري وانا مستنيك هنا .. زح يدو من خشمها ..حمرت ليه شديد ودخلت جوه وقفلت الباب .. واتخيلو عملت شنو😂...

ولا عبرتووو زاتو طوالي رقدت في سريرها ..

يس تقول كان حاسي انها حتعمل كده قام قال بصوت عالي : قومي من السرير يالينا واجهزي قبل ما ادخل ليك ..

لينا اتخلعت عديل ..كيف عرف😂..استسلمت للامر الواقع ومشت تلبس ..كالعاده هي بقت تلبس من طرف الدولاب😂مابتتعب روحها كتير ..بس طوالي خمت ليها بنطلون جينز وتيشيرت رمادي كده حلووو😍 وجزمه سودا وشنطه سوده وطلعت ..(طبعا ولا نقطع مكياجايه 😂جايه ولا ماشه ها ها ها🌚)

لقت يس واقف لسه جنب غرفتها ..

يس : ساعه يازوله ؟؟ انتو البنات متعبين بشكل ..

لينا سفهتو وجات ماشه😂..بقو ماشيين وماف زول فتح خشمو مع التاني لحد ماطلعو برا الفندق ..وبقو يتمشو ..

يس : ليناا ممكن اسألك سؤال ؟

لينا : لا .

يس : شكرا .. انتي ليه بتتعاملي مع الناس عكس الانتي بتحسيه ؟؟

لينا : كأني قلت ليك لا ؟

يس : لا يعني وافقتي ..

لينا : بلااي ؟؟

يس: والله ..

لينا ماردت عليهو وفضلت تمشي ..

يس : لسه خاتاني انا السبب في كل شئ صح ؟

لينا: انت مطلعني عشان تفتح جروحي تاني ؟؟

يس : جروحك اصلا ما اتقفلت عشان افتحها ليك انا ..

لينا عاينت ليه وفضلت ماشه قام وقفها وقعدها في كرسي كده كان في حديقه الفندق ..

يس : لينا ممكن تردي ؟

لينا : يس خليني امشي ..

يس : ليه بتتهربي مني؟؟

لينا ماكانت بتعاين في عيونو واتوترت شديد ..قالت : اتهرب ليه ؟؟

يس : عايني في عيوني وردي ..

طبعا ولا رفعت راسها زاتو ..ومابتتكلم ..

يس : يعني ماعايزه تعايني لي ؟؟

لينا جات تمشي قام قعدها تاني ورفع راسها وقال : عايني لي ...

لينا : ماعايزه اعاين ليك ياخ خليني في حالي ..

يس : ليه ؟؟ انا بخوف ؟؟

لينا انفعلت وقالت : ايوه بتخوفني ..بخاف احبك تاني وانا ماصدقت اني بعدت منك ..خايفه قلبي يضعف وانت معاي ويخليني اقول كلام غبي زي ماقلت هسي وانتهيت ..خليني امشي ارجووك ..💔

يس : انتي بتحبيني ؟(ماعارف يعني 🔪عاد بتتلذذو لمن تعرفو في زول بيحبكم🌚)

لينا قعدت تبكي وخاته يدها في خشمها ..يدوب انتبهت انها اعترفت ليه 🌚

يس زح يدها ومسح دموعها وقرب منها وقال : لينا ..انتي بتبكي بسببي ؟؟

لينا :خليني امشي😭 ..

يس : لا ماحتمشي ..اتكلمي معاي فهميني ارجوك

لينا : يس ارجوك ..💔😭

يس: لينااا لااا قلت ليك.. انتي بتحبيني بجد ؟؟

لينا: ايوه ..ايوه بحبك ..حبيتك من بعد ما الاء حبتك ..هي الخلتني افهم مشاعري تجاهك ..كنت قايله انك ولا شئ بالنسبه لي ..بس لما كنت بشوفك بتكلم الاء كنت بزعل من قلبي ..عشان كده حاولت اطردك اول مره .. وطردتك المره التانيه لاني ماعايزه اضعف تاني واحبك رغم كل العملتو في الاء..

يس : الاء شنو البتتكلمي عنها دي يالينا انتي متين حتفهمي اني ماعملت شئ ..ليه ماجيتي وقلتي لي بمشاعرك دي ؟ كان ممكن وقتها تتصلح حاجات كتير ..

لينا : اقول ليك شنو؟؟ انت عارف مجتمعنا الغبي بيشوف البت البتبدا العلاقه كيف ؟؟ ولو رفضتني وقتها انا اعمل شنو؟؟ انا اصلا مستحيل افكر اني اوريك لاني كنت شايفه معاملتك لي الاء كانت غير ..ولاني عارفاها حبتك من اول مره شافتك فبها ..عايزني اجي احكي ليك ببساطه وانا عارفه انو صحبتي بتموت عليك ؟؟

يس : يعني انتي تضحي بحبك عشان وحده ماتستاهل ؟؟

لينا : اسسكت ..اسسكت ..الاء بتستاهل ..الاء اختي وعمرك ماحتفهم البينا فاهم ..

يس : اختك عمرها ماعملت ليك اعتبار زي ما انتي عامله ليها ..

لينا : هسي انت كده مبسوط؟؟ خلاص عرفت اني بحبك ؟مبررووك ليك الفووز ..خلاص انت قدرت تكسرني ..يس جلال وقع مديرتو في حبو ..يلا امشي انشر الخبر في الجرايد ماتنسي ..

يس : ده شنو البتقوليه ده انا مستحيل اعمل كده ..

لينا : ماتفكر اني ضعيفه ليك فاهم ..مستحيل اضعف قصادك ابداا ..انا بكرهك ..

يس ابتسم وقال :متناقضه ..

لينا قامت على حيلها وياسين وقف وقال : اثبتي لي انك بتكرهيني فعلا ..

لينا: بطل سخف ..جات تمشي تاني وقفها ..

يس: ماحبطل سخف ..يلا اثبتي لي ..

لينا : عايزني اعمل ليك شنو يعني ؟؟

يس : ماعارف ..ااا عرفت ..شوفي هناك الحجر داك ..جيبيه واضربيني بيه ..يلا دي فرصتك بتقدري تنتقمي مني ..

لينا عاينت للحجر ولياسين وقالت بخوف : مستحيل انت مجنون ..مابضربك عشان ماتموت ويدخلوني بسببك السجن ..

يس : ههههههه ماف زول شايفك يلا اضربيني ..

لينا: امشي اقتل نفسك براك ماترمي بلاك علي ..

يس : ههههه طيب اهدي .. خلاص انا كده اتأكدت فعلا انك بتكرهيني شديد ..شششدديييد ..

لينا حمرت ليه وجات تمشي قام طوالي حضنها ..(ابو الززففتت🌞💔)

لينا انصدمت شديد وماقدرت تزحو منها .. بقت واقفه ومانعه دموعها من انها تنزل ..لينا في اللحظه دي ضعفت لدرجه ماعاديه ..(ياسين بالغت..خلعت البت😂💔)

بعد مسافه🌞يس زح منها وعاين ليها وقال : تصدقي كده اتأكدت اكتر من كرهك لي ..ياساتر بس قربتي تقتليني انتي ..

لينا بدت تبكي تاني وسريع مسحت دموعها ..قام ياسين قرب منها وهمس وقال : على قدر قوتك البتظهريها للناس بس انتي في الحقيقه ريشه بيشيلك الهوا .. باسها في خدها وغمز ليها ومشي ..(اجييي يااعممك🌞ده شنو التغيير المفاجئ ده ..)

لينا فضلت مصمغه في مكانها ومصدومه من كل الحصل ده ..ختت يدها في قلبها القرب يطلع ..بقت ماشه جايه في الحديقه ..سمعت صوت ياسين من فوق بيتكلم معاها من غرفتو😂وقال : هييي ياامززه ..ادخلي جوه قبل ما تمرضي بالبرد ..

لينا حمرت ليه (معليش مجنونه😂) طوالي دخلت جوا الفندق ..طلعت لغرفتها لقت ياسين طلع وواقف جنب باب غرفتها ..

لينا : زح من الباب ..

يس : واذا قلت لا ؟

لينا : يسس ..(طبعا بتتكلم وبتعاين في الارض😂✋🏻)

يس : وين قوة لينا مالك ؟؟

لينا رفعت راسها وعاينت ليه وقالت : انت بتستغل الوضع صح ؟

يس : انتي عندك غراام في انك تفهميني غلط؟؟

لينا : وانت ليه دايما بتطلع نفسك صح؟

يس : لاني انا صح ..

لينا : good for you (هنيئا لك ..)

يس : وعليكم السلامم (بيستهبل😂)

لينا من غير ما تحس ضحكت ..

يس : ايوه ايوه كده ..ياسلام على الضحكه دي ..😍

لينا : 😒(كشرت ليه 😂)

يس : اووو اسف اسف خلاص ..طوالي زح ليها من الباب ودخلت وقفلت الباب ..

يس رجع غرفتو وطوالي اتصل ليه آدم ..

آدم : ها ياسبع عملت شنو ؟

يس : كلامك صح ..

آدم : ما اصلا كلامي صح 😒وصلتو لشنو يعني؟

يس : ولاشئ ..

آدم: يا ابني انت مجنون؟

يس : ياحبيبنا ماحوريك الحصل طبعا ماتتكلم كتير ..(راجل علي الطلااق😍..هسي لو ده واحد تاني كان قعد يتباها انو البت مكسره فيه واستسلمت ليه ..لكن ياسين محترم ومستحيل يستغل ضعف بت . يو نو 🌞)

آدم: اووو بقي في اسراار كمان حلوو ..

يس : ماقصه كده لكن ماعايز اجيب سيرة البت ..فهمت..ماصح كده ..

آدم : اكيد اكيد.. لينا محظوظه انها حبت واحد زيك ..

يس : ده الواجع قلبي .. انا بحياتي ماحبيت ولا دخلت في علاقه مع بت ..اول وحده كانت الاء ولما بديت احبها واستلطفها صدمتني بحقيقتها .. انا عارف انو لينا مختلفه بس انا مابقدر ادخل في علاقه وانا ماواثق في مشاعري . ماعايز اكرر نفس الغلط مره تانيه ..

آدم: معاك حق..

يس : 😪😪

آدم: طيب شوف ..رايك شنو نعمل بكره حفله بمناسبه اكتمال الصفقه؟

يس: ياراجل كغايه الحفله الفاتت والحصل فيها ..اكسر الحنك ..

آدم : خلاص تمام معناها الحفله

بكره بليل ❤

يس: هههههههه انت مجنون آدم: انا بخدم العشاق ما اكتر ..

يس : ههههههه طيب طيب يلا امشي تصبح على خير

آدم : تلاقي الخير ..

(قفلو الخط ..) ..

يس رقد في السرير وقعد يفكر في العملو هسي ده .. هو الصراحه عمل كده عشان لينا ..ولانو كمان حاسي انها بسببو كانت بتتعزب ايام كتيره ..فحس بالزنب وعمل العملو ده من غير مايفكر .. قعد يفكر كده لحد ما استسلم للنوم ..

بهناك كمان لينا مساهره وقاعده بتفكر برضو وبتسأل نفسها الف سؤال .. ياتري هو حيحبها يعني؟ولا ليه يعمل كده ؟ هو بيفكر فيها كيف ؟ فضلت كده لحد مانامت ..

بالصباح صحت لينا وطبعا خجلانه من الحصل ده وقررت ماتتحرك من غرفتها ابداا ..جات تتصل لي مني عشان تقدم ليها الحجز ..جاها تلفون من آدم ..

آدم : صباح الخير ياجميله ..

لينا : صباح النور ..

آدم : كيفك؟

لينا : حمد لله ..

آدم : اوكي يلا انزلي انا وياسيين حنفطر سوا الليله وعازمنك معانا ..

لينا : لالا افطرو انتو انا باكل بعدين براي ..

آدم : لالا انزلي لازم تنزلي ..

لينا : آدم مابقدر والله

يس شال التلفون منو وقال : حتنزلي ولا اجي انزلك براي؟

لينا قلبها وقف لمن سمعت صوتو وقالت من غير شعور : حاضر حنزل ..(قفلو الخط)

آدم: قالت شنو؟

يس : جايه ..

آدم : اوووه بتسمع كلام الحبيب بس مش ..😉

يس: آدم😒👊🏻

آدم: سكت 🙄

لينا بهناك غي غرفتها التوتر حيقطعها عديل ..ماعندها جراءه تشوفو تاني بعد الحصل امس وكفايه انها اعترفت ليه كمان 🙄 ..ماكان في يدها شئ تعملو لازم تنزل ..قامت مشت استحمت ولبست واخيرا فستان (ايوويوويويوي😂💔)

كان لونو اصفر😍حيوي كده ياخ وجمييل كان تحت الركبه بس ..🙄وفكت شعرها ولبست جزمه وشنطه بنيات واتمكيجت برضو 😍وجات نازله (اييه المززه دي 😍)..

لما شافوها وقفو وسلمو عليها وقعدو طلبو الاكل وبقو يتونسو ..

آدم : لينا ..اول مادخلتي المطعم العيون كلها عليك 😂

يس : لازم ..ماهي جميله ..

آدم حبا يغيظ ياسين قام قال: جميله وبس انا لو لقيت طريقه اعرسها طوالي ..بس هي كيف تقبل ..

يس : اسمع رايها بس ماتتلفت كتير 😒

لينا : ههههه آدم انا موافقه طوالي ..

يس عاين ليها وعاين لي آدم وسكت ساي...

(اتغاظ شوييه بس ..يعني هو من بعد عرف انها بتحبو بدا يميل ليها قليلا(كيف معلكم قليلا دي😂) ..خصوصا انها ضحت بحبها عشان صحبتها الماتستاهل دي👊🏻..ف كبرت في عيونو ششديد ..)

آدم انتبه لنظرات ياسين قام قال : يس براحه ماتعاين لي كده يازول بموت انا ..

يس : عاينت ليك كيف ؟😒

آدم : ماتكشر يابني ادم 👊🏻

لينا: جابو الفطور خلاص ..يااي زيتوون 😍بحبو جدداا ..كان الصحن قاعد بجهه آدم قامت شالتو وجابتو قصادها وبقت تاكل بمززااج 😂(والله انتي عسسل😍)

يس : بتحبي الزيتون 😂ياشيخه ده حامض كيف بتاكليه؟

لينا طبعا لمن تسمع صوتو قلبها ده بيشتغل دلوكه بس😂بتقوم تتكلم معاه لكن عينها بعييد منو ..

لينا : انا بحب الحوامض 😍

آدم : يابختها 😍

يس اتغاظ من خفه آدم دي وقام اداه شلوت من تحت الطربيزه لمن عرف الله كم 😂💔(ااخخخخ😂)

آدم: اااااااااا ياحيووان 👊🏻

لينا : في شنو؟؟مالك ؟؟

آدم بوجع : لا ولا حاجه .

لينا : كيف ولا حاجه ؟؟

آدم : في ناس بس بدت تغيير شويه وده عقاب البيدخل بين الحبيبه ..

يس رفع ليه حاجبو وقال: وشكلو الناس البيدخلو دي لو ماسكتو حيحصل ليهم نفس الحصل قبل شويه ☺

آدم: لالا ماتخاف حيسكتو ..يلا اكلو اكلوو ..(هرشش😂💔)

لينا طبعا كانت اغبي من انها تفهم كلامهم😂💔

آدم: بالمناسبه يالينا حنعمل حفله بعدين بمناسبه نجاح الصفقه ..

لينا : اعفيني ياخ والله تعبانه..

آدم: كأنك شريكتي ..ماف اعزار حتجي ياعسل ..

لينا : يس بيجي بدلي

يس : انا مابقيت من شركه مالك ..يعني انتي اللازم تجي ما انا ..

آدم : هيي وانت برضو حتجي

يس: مامشكله يامعلم بجي وراي شنو ..اصلا لسه ورانا كم يوم للرجعه ..

لينا : لا حنرجع بكره ..

آدم ويس: كيف؟؟

لينا : انا كلمت مني وخليتها تقدم الحجز ..

آدم: ماعايزه تتفرجي على البلد؟🙁

لينا:بتفرج الليله مامشكله ..

آدم :معناها يلا ارح نمشي هسي ..

لينا :طيب ..

خلصو فطورهم وطلعو التلاته وركبو عربيه آدم وبقو ماشين ..في نص الطريق آدم جاهو تلفون..

آدم: ايوه؟ لازم اجي ؟ليه في شنو؟؟انا مع العملاء هسي اجلوها لبعدين .. طيب طيب حجي ..

يس: في شنو؟؟

آدم : لازم امشي الشركه محتاجني هناك ..

لينا : معناها رجعنا وامشي الشركه ..

آدم : لالا ترجعو شنو لازم تتفرجو على المدينه ولازم بالزات تمشو مدينه الملاهي ..ماتعاينو لي كده ..دي حقت الكبار😂..انا حنزل واخلي ليكم العربيه وانتو امشو بالGPS ..

(طبعا ياسين بيعرف يسوق ..حتي كان ايام بيسوق بدل ايوه ويشتغل . بس ماعندو عربيه للاسف ..)

وقبل ماينزل غمز لي ياسين وطلع ..

يس طلع عشان يمشي يركب مكان آدم قام آدم قال ليه : استغل الفرصه واوعكم تتشاكلو ..ياريت تعملو خطوه جاده ..يلاا يا ابني بالتوفيق ..

يس : امشي يامجنون 😂

يس ركب العربيه ..

لينا : انت بتعرف تسوق؟

يس :عشان ماعندي عربيه قايلاني مابعرف ؟

لينا : متين اتعلمت ؟

يس : ابوي زمان علمني ..حتي كنت بسوق ليه الامجاد مرات كتيير ..

لينا : ابوك سواق امجاد؟

يس : اي ..

لينا:اممم حلوو ..

يس : ربانا من سواقه الامجاد ..لحد ماكبرنا وبقينا هسي مخلينو في البيت وبنشتغل نحنا ..ومهما عملنا ماحنوفيه حقو ابدا ..

لينا : اكيد ..اكيد ..

يس ساق العربيه لحد ماوصلو مدينه الملاهي ..نزلو ودخلو جوه 😍❤ وبدت مرحله اللعب ❤وحاجات تانيه حامياني 😂💔..

--------

يتبع ...

وانا الجوع حاميني انشر الحلقه الاخيره حسي😂😂💔 .. بهظر بهظر الحلقتين الاخيرات بكره