الجزء 4
معتز وراه عنوان المستشفي وطوالي ياسين قام عايز يمشي وفي نفس اللحظه لينا طلعت من المكتب ..
لينا: هييي انت ماشي وين؟؟
ياسين: لازم امشي مستعجل شديد ..
لينا:وكاله من غير بواب هي؟؟ انا قاعده هنا رجل كرسي؟؟مالك مابتجي تستأذن؟
ياسين: لو سمحتي انا مافاضي ..الشغل حكملو لمن ارجع ...طوالي جا ماشي ولينا بتنادي فيه وهو ماشغال بيها ..اتغاظت شديد من حركتو دي وقامت قالت بصوت عالي: لو طلعت من الشركه اعتبر نفسك مطرود✋🏻 ..ياسين وقف ولف وعاين ليها وقال : ابوي في المستشفي وانا مضطر امشي ..
لينا: مابيهمني ✋🏻..الشغل يعني الشغل سامع ..
ياسين ماعرف يقول ليها شنو وطوالي طلع من الشركه وقلبو مكسور لانو الشغل اللقاه ضاع منو في ثانيه ..
وصل المستشفي ولقى اهلو كلهم هناك ...ابوه كان كاسر يدو وفي جروح كتيره في جسمو ..بس وضعو ماكان خطير .. ياسين بعد اطمن على ابوه طلع طوالي ومشي الشركه عسى يقدر يصلح العملو قبل شويه . 💔
في الزمن ده لينا كانت قاعده في مكتبها وبتتزكر الكلام القالتو لي ياسين ..للحظه حست بتأنيب الضمير (ايه الانجااز ده😂✋🏻)..بالنهايه هي بتعرف كويس قيمه العيله ..بس طبعا شالت الافكار دي من راسها طوالي وصممت تطردو اول مايجي..
ياسين وصل وكل الاتاخرهم ساعتين بس ..جرا على مكتب لينا وكان حيفتحو بس اتزكر كلامها قام طقطق الباب بكل هدوء (تهرشش😂😂)..
لينا : ادخل ..
ياسين دخل وكان خايف شديد ..لينا لما شافتو حست بالنصر لانو رجع تاني ..وحيحنسها عشان ترجعو شغلو.... ابتسمت ابتسامه خبيثه وقالت : افتكر اني طردتك جيت ليه؟
ياسين: انا مامشيت بي مزاجي ..ابوي عمل حادث و..
لينا : شششششش مابيهمني كل الكلام ده ..انت مطرود ..اطلع برا ✋🏻
ياسين انفصم فيها : انتي قايله نغسك منو؟؟يعني عشان انا شغال عندك عايزه تتحكمي في حياتي؟؟ انتي ماعندك قلب؟؟لو كان ابوك مكان ابوي كنتي برضو حتقولي مابيهمك؟؟ انتي وحده انانيه بس ✋🏻
لينا : blah blah blah blah ..
ياسين : سخيفه 😑
لينا ما استحملت كلامو ووقفت على حيلها ومشت باتجاهو وضربتو كف وقالت : احترم نفسك وانت بتتكلم معاي ساامع..انا ليناا ماالك✋🏻
ياسين: لو ماكنتي بت صدقيني كان دفنتك هنا.. بس اي زول بيتعامل بي اخلاقو ..اذا انتي مامحترمه نفسك حتحترميني انا ؟؟ وما انا البتذل عشان شغل ..الله كريم وزي مالقيت شغل هنا حلقي في مكان تاني .✋🏻....وجا داير يمشي قامت وقفتو وقالت : انتظر ...انا ماكعبه للدرجه دي ... انا ماحطردك بس حعاقبك ✋🏻
ياسين فرح من جواه بس مابين ليها وقال: عقاب شنو؟
لينا: انت حتعمل لي القهوه لمده اسبوع ✋🏻
ياسين : بس..
لينا:معناها انت مطرود😊✋🏻
ياسين : طيب . موافق 💔
في نفس اللحظه دخلت بت على المكتب وكانت الاء (صحبه لينا ❤)..
الاء :لنووششتي 😻❤
لينا : بيبي❤😻 دي شنو المفاجأه دي 😻❤
الاء : حبيت اجي اسليك😄(يدوب انتبهت لياسين) ..انا اسفه انتي مشغوله خلاص بجيك لما تفضي ..
لينا: لاا خليك ..اتفضلي ..معناها ياياسين امشي كمل شغلك وقبل ده ياريت تعمل لينا قهوه ☺
ياسين: حاضر ...وطلع من المكتب ..(احساس الضعف الكان حاسيه ياسين مابيتوصف ..عشان هو بس ولد فقير بيضطر يتعرض لكل الاهانات دي ..قلبو واجعو شديد بس كان مصر انو مايستسلم ابدا ..)
مشي عمل القهوه وجابها ليهم وطلع يكمل باقي شغلو ...
الاء : الولد ده شكلو محترم ..شفتي كيف لما انا دخلت ماحاول حتي يرفع عينو ويشوفني ..رراججل يااخ❤
لينا: هييي ده مجرد سكرتير هنا ✋🏻
الاء: والرجوله من متين كانت بالشغل؟؟ انا كسرني شديد بس❤
لينا : طول عمرك زوقك بيئه 😒
الاء : عاجبني زوقك انتي 😂اسكتي سااي بلاي
لينا : الااااااء👊🏻👊🏻
الاء: سكت خلاص🙊
لينا:يكون احسن ✋🏻
الاء: انتي مطوله هنا ولا كيف ؟؟
لينا: اي شغاله علي صفقه مهمه جداا مع عملاء كنديين😎
الاء: وووااااووو بقيتي عالميه عدييل 😂 ...
لينا : طبعاا☺انا مابشتغل مع اي زول ☺
الاء:حتخلصي متين طيب؟؟
لينا : للمغرب 🙊
الاء: ششنووو ؟؟وعايزاني انتظرك كل الوقت ده يااعفنهه🔪🔪
لينا: انتي عندك شئ تاني يعني؟ وراك شنو 😒
الاء: هي يازوله انا ماشه ..يلا بيناتنا تلفونات ❤
لينا: طيب حبيبي😘
.......
الاء طلعت من مكتب لينا ولقت ياسين بيشتغل ..وقفت تعاين فيه (انبرششت😻)
كان قاعد وماسك الملفات وبيعاين ليها ورافع حواجبو وتاني يرجع يعاين للكمبيوتر ويكتب فيه ..كان منظرو جزاب ججدداا ❤...الاء ما اتحملت ومشت بأتجاهو ..
الاء : احم ..السلام عليكم❤
ياسين بخلعه : اا وعليكم السلام ..اي خدمه ؟؟
الاء: لا لا ماف شئ بس حبيت اسلم عليك ☺ ...بالمناسبه انا اسمي الاء ❤
ياسين : وانا ياسين اتشرفنا ❤
الاء : لي الشرف ❤...امممم انا ماحصل شفتك في الشركه هنا علي حد علمي كان شغاله بت هنا صح؟مني تقريبا ...
ياسين : ايوه ..بس هسي اتبدلنا ..
الاء: اتبدلتو؟😳كيف يعني؟
ياسين : مابقدر اقول اكتر من كده معليش ..بالاخير انتي صحبه مديرتي 💔
الاء :
ماتخاف ..انا
ما زي لينا ابداا ..طيب مدام هنا ماحتقدر تتكلم خلاص اديني رقمك ونتكلم بعدين ☺(اجي ياا للوششش😂😂💔)
ياسين : طيب 😊..
وسجلو ارقام بعض والاء طلعت من الشركه وياسين كمل شغلو لحد ماجا المغرب وانتهي وكان كل الفي الشركه طلعو لانو اصلا بيخلصو العصر ..بس لينا وياسين هم الوحيدين الكانو في الشركه ..
لينا طلعت من المكتب ومعاها ياسين ..طلعو الشارع وطوالي مشت لي عربيتها بس في ايد مسكتها وكان ...
طلعت من المكتب ومشت على عربيتها بس في ايد مسكتها وكان ده عمر ..
لينا : عمرر!!الجابك هنا شنو؟؟
عمر: جيت اتكلم معاك عن الكلام السخيف القلتيهو لي ده
لينا : انت مابتفهم ؟ انا كلامي معاك كان واضح..انا ماعايزاك صعبه دي ؟؟
عمر ضغط على يدها اكتر وقال: ماعلى كيفك تنهي العلاقه بالبساطه دي ..على الاقل فهميني السبب شنو؟؟
ياسين كان متابع الحاصل ومافاهم شئ ..قال يمكن بتعرفو قام ما ادخل ..لكن لما عمر ضغط على يد لينا ادخل طوالي..
يس : هييي انت فكها يلااا..
عمر: هه انت منو كمان؟؟ ده الخليتيني عشانو؟؟ عجبك فيه شنو انطقي !!
لينا فكت يدو منها وطوالي ادتو كف وقالت : مابسمح ليك تلمسني فاهم ..ايااك تتعدا حدودك معاي ..انت نسيت نفسك؟؟ اعرف مكانتك كويس وماتتعداها ✋🏻 واحد غبي .. وطوالي جات تمشي بس تاني عمر مسكها وقرب عليها شديد وقال: انتي لي انا ماحخليك فاهمه ..ماحخليك ...
يس فكاها منو وضربو بوكس ووقعو في الارض... لينا قالت : شكرا مامحتاجه مساعدتك ..بحل اموري براي✋🏻(ناكره جميل👊🏻🔪)
ياسين: العفو ياخ ماف داعي تشكريني ماعملت شئ انا ..😊
لينا : سخيف ..
قامت نزلت في الارض ومسكت عمر من قميصو وقالت : اياك تتجرأ وتجيني مره تانيه .صدقني حنهي وجودك في الحياه فاهم ..انا لينا مالك ✋🏻..وقفت على حيلها وعاينت لياسين من فوق لتحت ومشت لي عربيتها وركبتها ومشت طوالي ...
ياسين ماعرف يعمل شنو فكر انو اكيد لينا هي الغلطانه على الولد ..وندم انو ساعدها ..قام سند عمر وساقو لمطعم قرييب للشركه وبقي يتكلم معاه ..
عمر: انا كنت بحبها من زمان ..بس هي عمرها ماحسستني بحبها تجاهي ..بحبها من ايام الجامعه ..كانت بت واثقه من نفسها جدا وقويه ومابتشبه اي بت تانيه ..كان كل الشباب مكسرين فيها ..عمرها ما اهتمت بواحد فيهم ..كانت مركزه في قرايتها بس ..حاولت معاها كم مره ايام الجامعه بس كانت داايما بتصدني ..بعد اتخرجنا حتي وافقت ..ورغم موافقتها الا اني عمري ماحسيتها حبتني ..💔 وهسي ببساطه نهت علاقتنا ..انا كنت راضي بوجدها معاي حتي لو ماكانت بتحبني ..كنت بقول حتحبني مع الايام بس ماحبتني ابداا😞💔..
يس : مدام نهت علاقتكم انت كمان انساها ..خلاص ماتعزب نفسك اكتر من كده ..
عمر : انا لو قادر كان ده حالي؟؟ انت مافاهم احساسي ..لينا دي كل حياتي وانا خسرتها ..
يس: حتلقي الاحسن منها واللي تستاهلك صدقني ..
عمر اتجاهلو وقال : انت بتحبها؟؟قول لي انتو في علاقه؟؟
يس ضحك وقال : انا ولينا؟ مستحيل ..دي بت مغروره جداا وشايفه نفسها الكل في الكل مستحيل اعاين ليها اصلا ..انا بس شغال في شركتها ما اكتر ولا اقل ..
عمر: طمنتني ..
يس: وحتستفيد شنو انت ؟؟مابالاخير انتو خليتو بعض صح،؟!!
عمر : انا ماحتخلى عنها ..حاحاول لأخر يوم في حياتي ..
يس: على كل حال ربنا يقويك ..يلا انا لازم امشي بعدا ..
عمر : انا زاتي ..يلاا..
طلعو من المحل واي زول مشي بيتو ...
لينا وصلت بيتها ومضايقه شديد من الحصل ..دخلت غرفتها وطوالي نامت عشان ماتفكر كتير ...
بالصباح لينا جهزت وطوالي مشت الشركه وهي داخله صادفت يس في الباب ..طبعا كانها ماشافتو مشت طوالي (عديمه زوق😂👊🏻) ..
يس: صباح النور ..انا كويس انتي كيفك ؟؟
لينا عاينت ليه ولا ردت حتي طوالي ركبت الاصانصير ومعاها يس ..طلعو وقبل تدخل المكتب قالت : قهوتي تكون في مكتبي خلال خمسه دقايق ..سريع ... .دخلت وقفلت الباب وراهاا ..
يس جاب القهوه واداها ليها وقبل مايطلع لينا قالت : بالنسبه للحصل امس ياريت ماتحاول تدخل في حاجات مابتخص فاهم✋🏻
يس: حبيت اساعد بس..
لينا: وانت منو عشان تساعدني؟ تأكد اني مستحيل احتاجك في يوم ✋🏻
يس : عارفه انك وقحه؟
لينا: عفوا ؟؟!!
يس: ماعندك رحمه ومغروره ..انتي قايله نفسك منو؟؟ لو انتي ماعايزه الولد مرتبطه بيه ليه؟؟ عشان ترضي غرورك المريض؟؟ تاكدي كل البتعمليه ده حيرجع ليك في يوم من الايام وحتشوفي ..
لينا ببرود :blah blah blah blah ..
يس بهمس: وحده مريضه ..
لينا سمعتو ووقفت على حيلها ومشت بأتجاهو وقالت : مريضه عشان واثقه في نفسي ؟ هه ولا انتو الا البت تكون مكسوره وضعيفه حتي تحبوها ؟؟ انا قويه بنفسي وبحب نفسي وعمري ما احتجت ولا ححتاج راجل في حياتي ..الرجال مجرد مرض ما اكتر وانا مستحيل اكون عبده لحب راجل يلعب بي فاهم✋🏻
يس: انتي بتحكمي على الرجال على اي اساس؟؟ اذا كنتي في علاقه وفشلت مامعناها انو كل الرجال كعبين..
لينا :ومين قال ليك اني كنت في علاقه وفشلت؟؟ انا عمري ماسلمت
قلبي لزول ..ولا حيحصل✋🏻
يس: دي الحاله ماحبيتي؟؟ امرك غريب ..
لينا : اطلع برا 👈🏻
يس: على فكره مابتموتي لو كان اسلوبك احسن من كده ..
لينا : براااا
يس عاين ليها بغيظ وطلع طوالي ...فضلو يشتغلو كده وبعد مسافه يس دخل مكتب لينا وجاب ليها ملفات للتوقيع وقاال : الليله في حفله عملوها شركائنا بسبب نجاح الصفقه البينا وطلبو اننا نجي ..
لينا بتوقع في الورق ومارفعت راسها
وقالت : متين الحفله؟
يس: الليله ..
لينا : تمام ..
يس: اانا ماحقدر اجي الحفله ..اسف
لينا : ماف اعزار ✋🏻 انت السكرتير ولازم تكون معاي ..
يس: نحنا الايام دي بنطلع متأخر من الشركه وانا مابصدق اصل بدري عشان اقعد مع ابوي شويه ..لازم امشي واهتم بيه مابقدر امشي الحفله والله ..
لبنا : يس جلال انا كلامي واضح ..وانا ماطلبت رأيك فاهم ✋🏻
يس شال الملفات وطلع ..
لينا حست بالزنب بس ما اهتمت ورجعت كملت شغلها ..
(لينا بتحب تكون مسيطره دايما ..رغم انها مابتحب تعاملها الناشف مع الناس لكن بتعمل كده بس عشاان الناس مايفتكروها ضعيفه ..من يومها اتعلمت تكون قويه وتحمي نفسها بنفسها ..)
لينا طلعت من مكتبها ومشت لياسين الكان مركز في الورق القدامو .. لينا بقت تعاين فيه مسافه وحست بأحساس غريب اتملكها حست بدقات قلبها ..خافت تكون بدت تحبو وهي الطول عمرها مابتؤمن بالحب ..على طول نزلت عينها واخدت شهيق زفير وهدت نفسها ومشت بأتجاهو ..يس لما انتبه ليها وقف على حيلو .
لينا : ااا بتقدر تمشي بيتكم هسي وبليل تجي الحفله ..بالاخير عيلتك اهم❤
يس استغرب جدا منها وقال : بس انا لسه ماكملت شغل .
لينا : بتقدر تخلصو بكره 😊
يس: حاضر ..
لينا فضلت واقفه وبتعاين ليه في عيونو وسرحت فيه ..يس اتوتر من نظراتها دي وعمل نفسو بيكح عشان تنتبه 😂 ..يدوب لينا انتبهت وطوالي مشت مكتبها وقلبها حيطلع من محلو ..
بقت لافه في مكتبها وبتردد جمله واحده (لا انا مستحيل احب) ..حاولت ماتركز في احساسها ده وقامت طلعت من الشركه ومشت البيت عشان تجهز للحفله ...
لبست فستان اسود بسيط معاه جكت ابيض وجزمه سوداء وشنطه سوداء ..ركبت عربيتها واتحركت لمكان الحفله
"سبحان_الله💜_الحمد_لله♥️📿"
لينا لما رجعت البيت اتصلت لصحبتها الاء✨ ..
لينا : الاء ركزي معاي كويس ..
الاء : بسم الله في شنو؟
لينا : في حفله الليله عاملنها شركائنا وعايزاك تجي معاي 🙉 ...
الاء : طبعا مستحيل عارفني بكره الازعاج والزحمه😒
لينا: يابتي ماف اي ازعاج صدقيني انتي قايلاه عرس ولا شنو؟؟ دي حاجه بسيطه كده وماحيكون في ناس كتار اصلا بطلي هبل 😒👊🏻
الاء : انا مابحب جو البزخ ده🙄💔
لينا: شوفي انا ماقعد اخد رايك👊🏻انتي حتجي اجباري😒بعدين كلها ساعتين حتموتي فيها🙄🔪؟؟
الاء : يااااخييي😤😤😤😤بكررهككك ياااخ😤😤😤😤💔💔💔
لينا : وانا بمووت فيك😘 يلا يابطه جهزي نفسك ماتجيني مبشتنه😒👊🏻
الاء: اقرب فستان من طرف الدولاب حلبسو👊🏻
لينا : ياغبيه هناك في مزز ..عشان كده اتمزمزي عسى ولعل واحد يكون احوص ويعجب فيك😂😂💔
الاء : يااحيواانه😂👊🏻💔 شايفاني بايره ؟😂😂💔
لينا : بااييره طببعا😂😂👊🏻
الاء: معناها انتي كمان اتمزمزي عشان تلقي حبك الحقيقي😻
لينا : الحب للاغبياء ✋🏻انا مستحيل احب☺✋🏻
الاء : بنشوووف يااستي ..يلا طيري من وشي خليني اجهز 👊🏻
لينا : طيب 😂😂💔💔
# end _ of_ flash _back:
لينا وصلت الحفله ودخلت ووقفت مع كم واححد من رجال الاعمال وبيتونسو لحد مابعد شويه شافت يس دخل الحفله ..بس المره دي كان غير ..كان مختلف ..كان جدا انيق ❤ كان لابس بدله سوداء قاطعه فيه قطعه شديده😂💔(اموت انا 😻❤) ..اتكسرت فيه شديد ..يدوب لاحظت لملاحو الرجوليه لعيونو وحواجبو المقرونه لدقنو الكساارع جددا ولحركاتو اللا اراديه وابتسامتو البيبتسمها لأي واحد في طريقو .. ما قدرت تستحمل اكتر من كده وطوالي مشت ليه😻 ..
لينا : ازيك 😊(سبحان مغير الاحوال😂😂💔)
يس بأستغراب : انا تمام انتي تمام؟!!😳
لينا : ايوه حمدلله . مالك مستغرب كده ؟؟
يس : لا ولا شئ ..(ليك حق تستغرب😂✋🏻)
لينا : طيب يلا تعال اعرفك باالناس الهنا 😊
مشت عرفتو بالناس ومشو قعدو في طربيزه براهم ..
لينا : اول مره تلبس بدله ..
يس : مابحب البس بدل 😊
لينا : ليه ؟! البدل كلها اناقه وسمو ❤
يس: لولا اختلاف الاراء لبارت السلع ☺.
لينا ماردت عليه واتصلت لصحبتها وكانت وصلت اصلا ..
الاء جات داخله بكل اناقتها وجمالها ..لينا رفعت ليها يدها والاء مشت ليها طوالي ..
كانت لابسه فستان بيجي وبالاطراف فيه اسود وبني ومعاه جكت بني وطرحه بيجيه (محجبه طبعا❤) (الرباط نفر😂😂💔)
الاء طبعا لمن شافت ياسين ابتسامتها لأخر ضرس مشت قعدت جنبو طوالي ..يعني يس بقي في نصهم 😂😂(تالتهم😂😂💔 بس طبعاا ده مابينطبق على يسو يااخ😂💔 يسو ده جميل 😂)
لينا للحظه شمت الاء بس سكتت وماقالت شئ ..ياسين كان مضايق من الموقف اللي هو فيه ده شديد ..بس هو ارتاح لي الاء جداا وبقي يتونس معاها وسفهو لينا تماما 😂(واشريري😂😂💔)
لينا من الغيظ العليها قامت من جنبهم طوالي وهي مضايقه من نفسها قبل كل شئ عشان هي بتحس بحاجات من المحرمات بالنسبه ليها(الهب😂) ... شافت ليها ولد شاب قاعد براه وبيعاين ليها ..كان واحد من رجاال الاعمال الجدد في سوق العمل ..طبعا في لحظه غضبها ديك كل الهماها انها تثبت لي نفسها انها لسه مرغوبه وانها مركز الكون ..فمشت بأتجاهو والولد ماصدق طبعت بدا يحنك فيها واخد رقمها وكده . بعد شويه جو كميه من الاولاد قعدو في نفس الطربيزه حقتهم وبقو يتونسو معاها ويهظرو ويدرعو ولينا بتجاريهم في الكلام ..وطبعا اي واحد حيشوف المنظر ده حيتأكد تماما انها بت شمال فى شمال ...بالنتيجه كل الجيش ده اخد رقمها وكلهم بيحنكوها في نفس اللحظه وهي ماعندها اي مشكله ولا حتي الوضع ده مضايقها .. كانت كل ماتتلفت على جهه يس والاء تلقاهم حتي مامنتبهين ليها تقوم تتونس اكتر واكتر وتضحك بأعلي صوتها وجواها نار افتكرت للحظه انو الحيطفيها البتعملو ده بس كانت نارها بتزيد اكتر ..
بعد شويه زهجت من الشباب ديل وقامت من عندهم وجات ماشه بس فى ولد وقف في طريقها وجراها من ايدها ووداها طربيزه بعيده كده وقعدها ...(الولد ده اسمو احمد و كانت بتعرفو لينا من زمان ..او بالاصح كانت على علاقه معاه .. وكسرت قلبو بكل بساطه وهو الكان حيموت عليها ..وللصدف لقاها الليله في الحفله العاملها ابوهو اللي هو شريك لينا ✋🏻..الدنيا صغيره فعلا 💔..)
احمد : ده شنو البتعمليه ده ؟! انتي مابتتوبي؟؟
لينا : انا شايفاك وين قبل كده ؟؟(من كترتهم عاد 😂💔)
احمد قعد يضضحك بأعلي صوتو وبعد مسافه قال : شكلو كده كنا مربطين زمان(بيتريق او بيتهابل للمافهم معني كلمه بيتريق😂)
لينا : اسمك منو؟
احمد : احمد 😊
لينا : والجابك هنا شنو؟
احمد : جيت الحفله العاملها ابوي ..بس واضح انك انتي شريكتو ..للاسف 💔
لينا: والله ؟؟؟ اممم ظريف ..
احمد: شوفي يالينا ...انتي اصلا كنتي غلطه في حياتي والحمد لله انا اتخطيتك ✋🏻 وانا ماعارف ليه انا قاعد وبنصح فيك هسي مع انك ابدا ماتستاهلي ..لكن انا بتعامل
بخلاقي وحابي اني انصحك..
لينا : وااو شيخ يااخ وفر نصايحك لنفسك انا مامحتاجه منك شئ فاهم ✋🏻
احمد: انتي لمن تقعدي مع كميه الاولاد دي مابتقرفي من نفسك ؟؟ قايلاها فلاحه ؟؟ عارفه انتي تشبهي شنو؟ الاكل الوسخان والمكشوف والمعاك ديل هم الضبان البيتلما فيك ✋🏻 فاهمه يعني شنو مكشوف؟؟ .. شايفه كل الاولاد ديل؟؟ ولا واحد منهم حيعاين ليك لما يكون عايز يستقر ويتزوج ..عارفه ليه؟؟ لانك متاحه للكل ..لانك مكشوفه وكلهم ركو فيك قبل كده ..فوقي من البتعمليه ده ..انتي كده بتخسري نفسك يابت الناس ..حرام عليك ابوك وامك الراجيينك ..حرام عليك نفسك ياخ ..استغفري ربك وتوبي قبل ماتلقي نفسك تحت التراب ✋🏻
لينا بملل : blah blah blah blah
احمد بأستهزاء : لسه زي ما انتي ..ما اتغيرتي ...وماحتتغيري ✋🏻 ..اتزكري حاجه وحده بس ..لايغير الله مابي قوما حتى يغيرو مابي انفسهم ✋🏻 فاهمه ؟؟
لينا عاينت ليه مسافه وقامت مشت وطلعت طوالي من الحفله ...
(عمرها ما كانت فلاحه انك تعرف/ي اولاد/بنات كتار ✋🏻 تأكد تماما ابدا دي ماشفتنه وحيجي يوم تندم اشد الندم على كل غلطه عملتها وعلي كل كسره قلب وعلى كل دمعه كنت انت السبب فيها ..فووقوو واصحوو من البتعملو ..وحاسبو نفسكم قبل مايجي يوم الحساب 💔)...
لينا طلعت من الحفله وكلام احمد لسه في مخها وبتفكر فيه ..حست انو كل الناس دي بتكرهها عشان تعاملها الكعب معاهم .. قلبها وجعها شدييد ..والزاد عليها كمان انو هي بدت تحب ياسين بس هو واضح انو معجب بصحبتها الوحيده 💔. او زي ماكانت متخيله ...
لينا حبت الولد الوحيد الكان بيديها على راسها ..القوي الشجاع البيدافع عن حقو غصبا عنها ..حبت فيه قوتو وثقتو بنفسو ..كان عكس الباقين العرفتهم في حياتها كلهم كانو نفس التشكيله 😑( خرفاان🙊)
قعدت تبكي بوجع على كل شئ ..حست انها خسرت كل حياتها 💔..وكل ثقتها بنفسها ضاعت في اللحظه دي ..بكت بكل ضعف ..عكس شخصيتها تماما .. هي لينا مالك العمرها مابكت عشان ولد ..كان دايما بيحصل العكس ..هم البيحبوها والبيبكو عشانها بس هسي هي ضعفت وماقدرت تمنع مشاعرها تجاه سكرتيرها البسيط ..
بعد مسافه نص ساعه من البكا ..لينا مسحت دموعها واتحولت لشخصيتها القويه من جديد .. قررت انها تنسي كل الحاجات الفكرت فيها دي .. واقنعت نفسها بالكزب انها مابتحب يس ولا شئ ..بس يمكن يكون مجرد انجزاب لشخصيتو القويه ما اكتر .. رجعت دخلت الحفله من تاني واصلا ماف زول فقدها ..قامت مشت تحت عيون يس والاء اليدوب انتبهو ليها ..مشت لشريكها وسلمت عليه وودعتو وطوالي طلعت مره تانيه من الحفله بعد ما عاينت لياسين والاء ادتهم نظره كده عفنه شديد😂 ...
ركبت عربيتها ومشت بيتها لقت امها صاحيه منتظراها ..جات سلمت عليها وقعدت جنبها ومانطقت بحرف ..كانت بس سرحاانه بعييد ...( عمايل الحب 🌚👊🏻)
نهي (ام لينا): لنوو حبيبتي مالك ؟سرحانه وين ؟؟
لينا: ......(خارج النطاق😂)
نهي: لييناااااا ..الووووو 😳 ياابت بتكلم معاك انا 😳 اجي اجي (اجي ياابري😂😂 ..بري معرض ولا بري بالنص 🙈❤)
لينا: هااا😳 بسم الله ..قلتي شنو يا امي ما انتبهت ..
نهي: سرحانه وين يابت ..ماتكوني حبيتي😍
لينا طوالي بدت تبكي وحضنت امها وهي بتبكي بكل وججع 💔
نهي: لينا في شنو؟؟ماتخوفيني عليك يابتي 💔
لينا : ماما انا ضايعه ..اول مره احس اني مافاهمه نفسسي ..قلبي واجعني ياماما😭😭💔
نهي : احكي لي ياحبيبتي انا سامعاك..
لينا : بس انا ماواثقه من مشاعري لسه ياماما💔
نهي: مامشكله قولي لي بس ..ده منو الخلاك تتلخبطي كده؟
لينا وهي بتبكي : يس جلال 😭😭 . انا بكررهوو بكررهوو😭😭😭 لااا انا بحبوو ياماما انا كزاابه 😭😭😭 تعبت من احساسي ده انا ماعايزه احب يا امي ..الحب ضعف وانا طول عمري قويه 😭 انا مامحتاجه حب يا امي ..انا ماعايزاه يا امي ماعايزااه😭😭💔
نهي: يابتي ده كلام شنو ؟! الحب عمرو ماكان ضعف يالينا ..الحب بيقويك مابيضعفك . منو القال ليك انتي مامحتاجه حب؟ كلنا محتاجين للحب .محتاجين العطف والاهتمام ..محتاجين سند في حياتنا وشريك لباقي عمرنا يالينا ...ماتقفلي قلبك يابتي ..لو هو زول كويس حبيه مالو بس❤
لينا : لااا لاا مستحيل احب ..انتي عارفه انا مابقتنع بالخرافات دي ..انا بس متأثره الايام دي وعواطفي زايده ما اكتر . بس مامعناه اني بحبو ..اكيد مابحبو .اصلا يا امي هو ماكمل اسبوع من اشتغل في الشركه ..متين حبيتو بس؟؟
نهي: الحب مابالزمن يالينا ..مرات كتير بنلاقي ناس وبنحبهم من اول مره نشوفهم فيها ..الارواح بترتاح لأشباهها..
لينا فكت امها ومسحت دموعها وابتسمت وقالت : لو بس تشوفيه يا امي ..ساحر جزاب ..فيه شئ استفزاني من اول ماشفتو ..ماعارفه بس هو كده كيووت شديد ...ااااه ياماما لو تشوفيه ..دايما بيكسر قوانيني وبيعمل عكس البقولو ..عارفه في مره انا حبيت اتعبو في الشغل واديتو كميه ملفات يشتغلها ..وفجأه لقيتو طالع وخالي الشغل عشان ابوه في المستشفي كان ..ياماما حبيت حبو لأهلو ..واهتمامو
بكل شئ بيخص عيلتو ..تخيلي هو بيقول لي انو مابيصدق الدوام ينتهي عشان يمشي ويهتم بأبوه ..انتي عارفه شباب الايام دي ..ماعندهم اهتمام بأهلهم ..الواحد تلقيه يطلع من الصباح مايجي الا نص الليل ..مابيعرف الحاصل شنو على اهلو ..طول الوقت يتسكع مع الشماسه الزيو ..بس ياسين غير ..لطيف وحبوب ..رغم استفزازو لي هو بس غير 🙈( لينا طول كلامها بتضحك وتغطي عيونها لما تتزكر ملامح ياسين ..😍)
نهي : ده كلوو ومابتحبيه ؟؟ كدي قولي كلام غير ده بس 😂
لينا : ماااماااا ياااخ🙈🙈
نهي : هههههههه خلاص خلاص ماتضايقي ..يلا امشي نومي هسي والصباح رباح 😘
لينا : طيب ..بحبك ياماما . انتي حبيبتي يااخي❤
نهي: هههههه بركاتك ياشيخ ياسين غيرت لي بتي 😍 انا لازم اتعرف عليه واشكرو على انجازو ده 🙊
لينا:امميي بطلي 😂👊🏻
نهي : طيب طيب 😂😂
طلعت غرفتها وحاسه بكميه سعاده في قلبها كبيره شديد وفي نفس الوقت زعلانه من منظر قبيل وخايفه يكونو بيحبو بعض وهي تضيع بينهم(الاء وياسين) . 💔
في الصباح قررت تكون الليله لطيفه مع الكل من غير استثناء ..مشت استحمت ولبست اسكيرت اسود وقميص شفون كريمي خلت شعرها مفكوك وطلعت والاب
ابتسامه ماليه وشها ..نزلت لاهلها تحت ونطت في ابوها اول ماشافتو 😂😂
لينا : بااابااااا صبااح الخيير ياا احللي اب في العاااالم 😍
مالك : بسم الله في شنو انتي كويسه يابت 😂
نهي : احمم بركااتك ياا..
لينا : اممييي 👊🏻
نهي : هههههه انا ماقلت شئ🙊🙈
مالك : اهاااا البت وامها بينهم اسررااارر ...ايواا وطلعتوني انا مش كويس مامشكله ..🌚
لينا : لااا بابا ماكده يااخ 🙊
مالك بيقلد صوتها :( لا بابا ماكده يااخ ) امال كيف بس فهميني🌚
لينا : ماف شئ والله ده كلو عشان حضنتك؟يعني تقول ماقعد احضنك كل صباح🌚
مالك : بتحضيني بس الليله انتي مبسوطه كده على غير العاده في شنو ؟
لينا : ماف شئ ياحاج😑
مالك : حاج في عينك👊🏻 اقعدي اشربي الشاي معانا ..
لينا : لااا مستعجله حشرب في الشركه ..
نهي : في الشششررككه قلتي لي 😉
لينا حمرت لي امها وطلعت من البيت .....
الروايه دي هديه ل #Sun_Rise سودانيه وبتعشق الروايات السودانيه وللاسف مقيمه في كندا ، ولانها متفاعله شديد ومتابعه معي اول باول واصلها في مكانها 😁 ( نص احداث الروايه حاصله هنا والبقيه في كندا)