الجزء 9

الاء : انتي ؟؟ يااخااينه !!

لينا كانت مصدومه من المنظر الشايفاه ده ..يس والاء سوا ..معناها هم فعلا ارتبطو خلاص .. ماكانت مركزه على اي شئ .. لحد ما سمعت الاء بتصرخ فيها وجات عليها وضربتها كف ..(الموضوع كبر شديد👊🏻)

لينا اتخلعت من الاء ومافهمت ليه عملت فيها كده ..يس جرا على الاء ومسكها وعمر جرا على لينا يطمن عليها ..

الاء : يس فكني قلت ليك ..انا مستحيل اسامحك يالينا مستحيل ..انتي انانيه ..مابتحبي غير نفسك ..كيف قدرتي تعملي فيني كده كيف ؟؟!!

لينا بصدمه : الاء !! عملت شنو انا ؟؟ عملت ليك شنو ؟؟

الاء: وبتسألي ؟؟ ليك حق ..ليك كل الحق ..من وين حتحسي انتي ؟ من وين حتعرفي انك بتجرحي الناس ؟؟ هو انتي بتحسي اصلا ؟؟ انتي عندك قلب اصلا ؟؟

لينا : اسكتي ..انتي مجنونه !!ده شنو الكلام ده !!!

يس : استاذه لينا لو سمحتي امشي خلاص ..الاء معصبه شويه وحتهدا ..بس انتي امشي ..

الاء : لاا ماحتمشي ..حسابي معاها ما انتهى ..

لينا : حساب شنو؟؟ انتي بتتكلمي عن شنو ؟؟

الاء : وريني بأي حق تطردي ياسين من الشركه ؟؟ قولي لي عمل ليك شنو ؟ ده كلو عشان انا بحبو ؟؟ عشان ماحباك انتي ؟؟ عايزه تخربي علي علاقتي معاه ؟؟ (وااي من البنات الردااحه🤦🏻‍♀ومن فهم البنات تف🌞💔)

لينا :شنووو؟؟؟ انتي اكيد جنيتي ..

الاء مشت عليها وبقت تصرخ فيها اكتر وقالت : انتي كيف بتحبي نفس الولد الانا بحبو ؟؟ عايزه تاخديه مني ؟(عايزه تشلبيه 😂💔) انا عملت ليك شنو؟ ليه بتحبيه لييييه !!!(عليك الله شوف زي ده ..والله صحيت من النوم فجأه قررت احبو 👊🏻)

لينا انصدمت من كلام الاء ...ماعرفت ترد عليها ابدا .. بقت تفكر هي عرفت كيف ؟ اصلا ماف زول عارف الموضوع ده غير اهلها .. كيف عرفت !!

عمر طبعا لمن سمع الكلام ده الدم وصل لوشو من الغضب والزعل والغيره .. هو لسه مافاهم شئ ..بس كلام الاء ضايقو جداا ..(واشريري..والله انت الضايع هنا ياولدي 😂)

يس مشى على الاء وجراها من يدها وبقي يتكلم معاها وهو ضاغط على اسنانو : الاء ده شنو البتقوليه دي ..انتي عارفه انو دي مجرد شكوك وماصح كمان ..يعني انا غلطان الحكيت ليك ؟ (لا يعني انت متوقع تسكت وتصفق ليك ولا شنو 😂💔)

الاء : يس فكني ..انا لازم اتكلم معاها ..فكني قلت ليك ..

وتاني مشت على لينا وبقت تتكلم : شوفي ..يكون في علمك ياسين عمرو ماحيحبك فاهمه ...انتي مجرد وحده وقحه وخاينه ..وماعندك حساب للصداقه الكانت بينا .. انتي مفكره يعني انك بتقدري تزلي الناس عشان انتي رئيسه شركه ؟؟ معليش يالينا اعملي كده مع واحد غير ياسين فاهمه ..وعشان اريحك خاالص ..من الليله انتي ماحتشوفي ياسين خلاص .. هو حيخلي الشغل عندك واشبعي بشركتك واموالك دي ..ياوحيده ✋🏻

يس : الااء انا ماحخلي الشغل في الشركه ..وانا لسه ماوافقت على كلامك القلتيه لي ✋🏻..

(نشوف الكلام كان شنو ونرجع بالشريط لكم ساعه وراا ..)

Flash back :

الاء : يس انت لازم تخلي الشغل في الشركه دي ✋🏻

يس : ننعععم؟؟!!!

الاء : اكيد ماحترضي تقعد في شركتها بعد الليله .. لينا عمرها ما احترمت حد وبراك عارف الحاجه دي ..وبراك عارف قدر كيف كانت بتعزبك عشان ترضي نفسها ..لدرجه بدلت شغلك وبقتك سكرتيرها عشان تتعبك في الشغل في اكتر من كده زل ؟؟ انت عاجبك زلها ليك؟؟

يس : الاء انا مابسمح ليك تاخدي قرار عني ..وبعدين مين قال انو دي زله ؟؟(بيحاول يهدي الوضع) هي رئيسه الشغل وبتقدر تاخد اي قرار بتشوفو مناسب ..ماعشان انتي اتشاكلتي معاها تخليني انا اطلع من الشركه (اجل دي امور بنات بس😂✋🏻)..(حاسه نفسي بقيت بكره البنات عديل انا 😂😂الروايه دي اشتغلت معاي لكن😂الوقت كلو واقفه في صف الشباب 🌞 الصراحه رغم كل شئ بس في منهم الطيبين ياخ💔)

الاء : انت لو مشكلتك الشغل انا بحلها ليك ..ممكن تشتغل في شركه بابا و....

يس: حتي ماتفكري تكملي كلامك ✋🏻 مستحيل اخلي شغلي فاهمه ..وما انا البخليك تتوسطي لي ..

الاء : انا ماعايزاك تتعرض للاهانه افهمني ..بعدين انا ماقعد اتوسط ولا شئ ..انا بس بقدم ليك عرض شغل زيو وزي اي عرض تاني ..

يس : ..........

الاء : السكوت علامه الرضا يعني موافق؟؟!!

يس: خلينا نمشي ..

(وطبعا الاء افتكرت انو وافق خلاص عشان كده قالت كلامها ده😂)

End of flash back..

الاء : كيف ماوافقت ؟؟ يااسيين ؟؟!!!!انت جادي😳

يس ما اشتغل بيها ومشي لي لينا البدت تبكي ..

يس : انا اسف على الحصل ده ..ارجوك ماتزعلى ..الاء هسي معصبه وماعارفه بتقول شنو ..اسف ..

لينا طول الوقت بس كانت بتتأملو وبتسمع كلامو وقلبها حيطلع من مكانو ..اشتاقت ليه بحجم الك

ن ..يوم واحد بس ماشافتو فيه وكانت حتموت ..بالاخير شافتو في اليوم ده بس كل الساعات الفاتت دي كانت كأنها سنه بالنسبه ليها ..ماهماها ولا اي شئ من الكلام ده بس كل الركزت عليه انو ياسين ماحيخلي الشركه ..❤

لينا : حصل خير ..بس انا عايزه اقول ليك حاجه يا الاء ..انتي غلطانه بكلامك ده .. انا عمري

مافكرت بياسين زي ما انتي متخيله ..ابدا ماحبيتو ولا حيحصل ..انتي عارفه تماما كيف انا بفكر ..كيف فجاه تتهميني الاتهام ده وانتي حتي مامتأكده ؟؟ بعدين حتي لو حبيتو تتوقعي اني اخرب علاقتك معاه ؟؟ انا مستحيل اكسر قلبك يا الاء انتي اختي ..انا يمكن اكون وقحه مع ناس كتير بس الا معاك انتي مستحيل ..انتي خاصه بالنسبه لي كيف بتفكري كده؟؟ ..

الاء : طيب ليه كل اللي بالشركه بيقولو كده ؟؟ ليه تعاملك غير معاه ؟؟ مره تعزبيه ومره تكوتي احن عليه من اي حد ؟؟ انا مافاهماك انتي كل شويه بتشخصيه ومزاج غير ..ليه بتتصرفي كده ؟؟

لينا اتنهدت وقالت : الاء !!انتي عارفه اني مزاجيه .. اني اعصب في ياسين ده شئ طبيعي وانا مابعصب في زول مالم يكون غلط ..كلو الا الشغل ..اما اني بحن عليه دي ..بالنهايه انا انسانه وبحس ..ولما اقسي على حد برجع بحن عليه تاني ..لكن مامعناها اني بحبو ..بطلي الغيره المجنونه حقتك دي ..وبعدين انتي عارفه الموظفين كلامهم مابيخلص ودايرين ليهم اي موضوع يشبكو فيه بس ..من صدقك صدقتيهم؟؟

الاء بتتمتم : بس..بس انتي لما كلمتك انا اليوم داك انتي رديتي لي بكل برود وما اهتميتي لكلامي حتي ..جرحتيني جداا ..

لينا : لانو انتي دقيتي في الوقت الغلط ..كنت وقتها معصبه وماقادره اركز معاك يا الاء انا عارفه انو ماكان مفروض اتكلم معاك كده بس غصب عني..(اخدت نفس وكملت) ..بس انتي طوالي فهمتيني غلط والله يعلم فكرتي بشنو اليومين ديل ..

الاء : طيب ليه ما اتصلتي تسألي مني ؟؟

لينا : الاااء ارجووك ..انا فعلا تعبانه واخدت اجازه من الشغل وماقادره اركز في حاجه كيف حتزكرك بس ؟؟ افتكر هسي كل الصوره وضحت ليك صح ؟؟

الاء : صح 💔

لينا : طيب منتظره شنو؟؟ تعالي احضنيني ياحماره 😭(مسكينه ياخ💔)

الاء جرت عليها وحضنو بعض وقعدو يبكووو والاء تشيل وتعتزر ولينا قلبها يتقطع اكتر ..هي كده خسرت كل شئ ..خسرت حبها الاول ..💔(عشان اتأكدت انو فعلا بيحب الاء 😢)

يس والاء مشو ولينا وعمر دخلو المطعم ..

عمر : الحصل ده شنو يالينا ؟؟

(طبعا لينا بعد الحصل ده ماكان عندها اي قدره للكلام وكانت بجد زعلانه وماعندها نفس لشئ ..بس هي برضو مزعله عمر منها وابدا ماينفع تتساخف في كلامها😂لازم تعصر على نفسها شوال ليمون وتحل المشكله دي بأسرع وقت ..## )

لينا : شنو؟؟

عمر : انتي بتحبي الولد ده بجد ؟؟

لينا : ماسمعتني قلت شنو ؟

عمر: سمعت ..بس ماصدقت ..

لينا : عمر .. اذا انت الكنت معاي طول فتره الجامعه وبعد اتخرجنا وعملت المستحيل عشان احبك وانا ماحبيتك ..كيف ححب واحد لسه ماتم شهر من عرفتو ؟؟

عمر: ومين قال ليك الحب بالزمن ؟؟ ههه صدقي انا كده اتأكدت تماما انك بتحبيه ..ماتنكري يالينا ..تصدقي وضعك اصعب من وضعي..ع الاقل انا براي عملتها في نفسي واتمسكت بيك رغم رفضك لي وخليتك ترتبطي بي ..وبرضو ماقدرت اخليك تحبيني ..بس انتي حبيتي واحد وللاسف صحبتك حبتو وهو كمان بيبادلها الشعور ..فعلا لمن تشوف مصيبه غيرك بتهون عليك مصيبتك ..💔

لينا : عمر انت فاهم غلط ..انا مابحبو صدقني ..بعدين ده ماموضوعنا ..انا يمكن فعلا رفضتك كم مره زمان بس انا ماكان لازم ادخل معاك في علاقه وانا عارفه انو مشاعري تجاهك ماحتتغير ..انا اسفه ياعمر..انت ليك حق تكرهني وتدعي علي كمان ..انا جرحتك كتير وكنت بعاملك بأسلوب وقح جداا وانت كنت بتستحملني ..عمر انا والله ماعارفه ليه انا مابقدر احافظ على الناس البتحبني ..انا عارفه انو لو انا بس كنت حبيتك كنت عشت احلي ايام في حياتي لاني عارفاك صادق معاي جدا ..بس اعمل شنو والله قلبي ماحباك زي ماحبيتني ماعارفه ياعمر ماعارفه😭😭انا بس بعتزر عن كل شئ ..وعارفه الاعتزار ماحيعمل شئ ..انا عارفه انو كسر القلب حاار شديد ..بس ياريت لو بقدر اعمل ليك شئ .بجد ياريت .. وريني بس اعمل شنو ياعمر عشان تسامحني ؟؟

عمر: تتزوجيني ..

لينا : عمرر!!!😳😳

عمر : مش قلتي لي عايزاني اسامحك .. معناها تتزوجيني ..

لينا : افهم انك بتستغل اني بعتزر منك عشان تنفذ العايزو ؟؟

عمر : انتي قايله اني لو اتزوجتك حعاملك كعب ؟ ولا قايلاني بكرهك ؟ انا عارف انك مابتحبيني...ومتأكد انك بتحبي الولد داك ..بس يالينا انا كمان بحبك وانا عايزك معاي ..انا مابتخيل اكمل حياتي من غيرك ارجوك وافقي يالينا ارجوك ..

لينا : عمر مستحيل اقبل ..مستحييل ..

عمر : معناها ماحتكوني لي غيري فاهمه .. والله ماتكوني لغيري ..يا انا ياتفضلي كده لحدي مابرضو تختاريني انا .. مستحيل اخلي واحد يقرب منك وانا عايش ابداا ....ومشي خلاها ...

(عاد درعتها ياعموري🌞💧)

لينا برضو طلعت وركبت سيارتها وعلى البيت طوالي ..

في بيت يس .كان قاعد وبيفكر في الحصل ..او بالاصح بيفكر في لينا .. للحظه حس انو بجد البت دي الناس فاهمنها غلط وانها بجد اضعف من انها تكون متحكمه في الناس ... بقي يفككر لحد ماقطع تفكيرو صوت تلفونو وكانت الاء (يلولو ضنبك 🌚)

الاء : حبيبي كيفك ؟(بتكرهوها زيي؟؟😂)

يس: تمام حمد لله ..كيفك انتي