الجزء 25

نسيم : دي سمر وامها ومعاهم نغم و خالتو صبا

علي أخر كلامها لــؤي كان وووقف و وجه نظرو للمدخل

اماني ما قادرة أصدق و سلمت ع صبا بحرارة و شوق

روان: إتأخررتي يا زفته

سمر : أسكتتتي إنتي ما عارفة عذبتني كيف

روان : نوورتي يا عروستنا و قالت لنسيم تجيب شوية سكر

نغم كانت بتبسم بصعووبة و متفادية النظر ليهو لكن حاسة بنظراتو البتخترقها

الجو كان متوتر بس عفويتهم طغت شوية

ابي : طبعااا بما إنو ايمن ما أحسن مني و رمقو بنظرة غيظ مرحة , فأنا كمان يا خالتو سوسن بطلب إنو العرس يكون خلال إسبووعين مع عرس روان

سمر إتلونت من الخجل : ما بدري ؟؟

ابي بعصبية مصطنعه : هشش أسكتي إنتي شنوو العرفك الكلام للكبار

سمر حمرت ليهو : طييييب

سمـر: ما عندنا ماانع بس لاازم تشوور ع أبوها أول

ابي : أبشررري

صبا واماني إتكلموا و كل وحدة قالت الجواها و النفووس إتصاافت

روان: قوومي معاي

نغم : ووين

روان: ما يخصك قووومي بس

نغم إستسلمت و مشت معاها

طلعوا للجنينة حقتهم ,, الجوو كان هادئ و نسمات الهواء باردة و كان في طربيزة مظبطة

نغم و كأنها فهمت البخططوا ليهو : أممم أنا راجعة ي روان

روان مسكتها وو نادت ع سمر الكانت وراهم : تعالي أمسكي البت قبل أرتكب فيها جريمة نحنا ما صدقنا

بهناك كان ابي بقنع لــؤي إنو يطلع معاه لبرة عشان عايزو في موضوع مهم

لــؤي: ي ود ما ينفع نخلي الضيوف برااهم أجل الموضوع لبعدين

ابي بإصرار : ما حينفع

لــؤي هو بجول بنظرو بحثا عنها : ووين نغم؟

ابي بحزن مصطنع : مشت

لــؤي قام بسرعة : كييف يعني و مشت و مع منوو ؟ و ليه خليتوها

ابي: تقدر تحصلها

لــؤي بسرعة بس إتفاجأ بيها قاعدة

و إلتفت عشان يعاتب اخوه لقي الشله كلها واقفين جمب الباب

روان: ما حتخشوا مالم تحلوا مشاكلكم

لازم نقفل الباب و قفلوا الباب و هم بضحكوا , و خشوا و الونسة شغلتهم وكلموا الكل بالحاصل و إتفقوا لــؤي يعيد زواجهم تاني معاهم و الفرحة بقت تلاته

نرجع تلاته ساعات لي ورا

بعد ما روان طلعت من الشركة ضربت لي سمر طلبت منها تجئ لأي كافيه عشان يتفاهموا في موضوع نغم ولــؤي

و خططوا لكل شئ و إنو سمر و أمها يمشوا ليهو و يطلبوا منهم يجوا معاهم بس بدون علم نغم لكن صبا عارفة ماشين وين

و دا الحصل نغم إتفاجأت بأنهم قدام بيت لـؤي , بس ما كان في طريقة تتراجع و لا حتقدر و معاها التلاته متفقين عليها

و بعد صعوبة أقتنعت بالدخول

.......🌸🌸.......

flash back

خطواتو كانت بطيئة ما كان قادر يقترب منها .. حس إنو لو إقترب هي حتبتعد تاني

كانت مراقبه تقدمو و مع كل خطوة نبضها بززيد ,, و عطرو بخترق أنفاسها

كانت بتغمض عينها خوفا من المواجهه

قعد قصادها

شال كبايه مويه

كان في صمت غاطي علي المكان ماف حد بتكلم ضااعت الحرووف

هـو : كيفك ؟

هي: ك حالك

لــؤي: حالي مثل جسد بلا روح

نغم : سكتت

لــؤي : ماكفانا عذاب اكتر من كدا ما بتحمل

نغم بقت تبكي : أنا أسفه ع كل لحظة كنت بعيدة و إنت محتاجني و علي كل مرة قسييت فيها عليك و إنت كنت حنين فيها معاي .. ع كل لقاء كنت بردك بخيبة جديدة و كل كلمة جرحتك بيها بقصد أو بدون قصد

لـــؤي : أنا أسف عشان ما كنت زي ما إنتي متخيلة عشان أذيتك بقوة و إنتي كنتي بتحتمي بي , علي كل مرة بخلت إني ما أوصل ليك إحساسي فيها

نغم : عندي طلب ممكن ما أنقطع من بابا

لــؤي : حاااضر أوعدك نزورو

نغم إبتسمت : صافيه ي لبن

لــؤي : عسل ي قشطه

وبقو يضحكو الاتنبن

لـــؤي :- أنا الطالب السماح يا السمحة , أنا العايزك تبقي زي ضلي و تبقي الكتف اللمن الحياة ترهقني أسند. بيهو و أنا مطمئن

نغم : و أنا دايراك لي سند وقتيت يمل الحيل لقاك كتف

لــؤي و باسها في رأسها : نورتي بيتك يا مدام

و قال

" عندما أحببتتك وجدت معكي ضالتي التي كنت أبحث عنها....وعصاي التي أتوكأ عليها وأهش بها على أحزاني

أخذتيني بعيداً الى العالم الآخر

خبأتيني في غارالآمن

تصرخ ملىء فمها الصغير وبمعق خدها المثير "لااا تحزن إن الحب معنا"

أضع يدي على فمها مبتسما على عرض شفتاي "يا عزيزتي قد ودعنا الحزن منذ أول محطة عبرتي فيها الى حياتي"

الآن وقد انتهت سنواتنا العجاف

وقد توشحت سماء دنيانا بسحاب غيث حبنا

وها هي الأفراح تمطر علينا من كل جانب

إنني الآن مبتلٌ بحنانك...وجسمي يرتعش من برد حبك

لا عليكِ...

زمليني في قلبك ودثريني بين يديك...

لم نصبح وحدنا فقط في الغار "الحب هو ثالثنا الآن"

وما زلنا نضحك ونبتسم...

نغم :- ارح نرجع جوا ونوريهم بالخبر السار دا

لـــؤي : يلا ي حقي

فعــــلا دخلـــو جوا ورهم انو رجعو لي بعض وحيعملـــو العرس مع ايمن وابي وكدا بقت الفرحه مضاعفه 3 مرات والعـــرس زمنو جو وروان وسمر ونغم طلعو احلا عــروسات وتمو العرس وفــرحو شديد ونسيم. نتيجتها طلعت وكانت جايبه 93.9 وكلهم فــرحو بيها وقدمت طب علي رغبت والدها وشالوها وحتنزل قريب

بعد سنتين

كل الاسرة متجمعه الاولاد بلعبو بلي ستيشن وسوسن

اماني ونجوي بتونسو صبا مشت تجهز شنطه نغم وتجيبها لانو موعد ولادتها قرب

ايمن : يااا روان يااخ تعالي شيلي مــرام دي أنا ما قادر أركز في اللعبه

روان جات بغيظ : تقوول حتركز في شغل و لا شئ مهم ما من الصباح قاعدين كدا قدام الزفت دا

ايمن و هو مندمج مع اللعب ولا شغال بي كلامها : أيووا أيووا قوووون وبقا يصفـر

و عاين ل ابي : إتعلللم بلعبووا كدااا يا بليد

روان عاينت ايمن : أنا بتكلم ع فككرةةة

ايمن : شيليها بس و بنتفاهم بعدين

لــؤي :- انا جيت يلا زحو لي

روان :- حتي انت ي الو البقول عليك عاقل

ولا رد ليها

روان كتمت غيظها و مشت منهم

سمـر: سفهووك صح ؟؟ دا الحصل لي و أنا بحاول أقنع ابي إنو يمسك اسامة شووية بس لحدئ نخلص شغل

روان بحنية : حبيبي اسامة يا نااس بقي حلااتو , يكبر و يشيل إسمو يا رب ويطلع زي بابا ودموها نزلت

سمــر حاولت تغير الموضوع : حتي مرام كبرت ما شاء الله

روان : انتي الباقين وينم

سمر : في الجنينة بررة بتونسوا

روان : تعالي نودي ليهم الشفع دييل عشان نخلص الباقي

و طلعوا و كل وحدة أدت أمها شافعها

نغم : إستنوا جاية معاكم

روان: لاااااا إنتي عايزة سي لـؤي يقتلنا , إنتي خليك هنا مرتااحة يا برنسيس نسيم بتساعدنا

نسيم : يوووه أنا ما فاضية زي ما إنتي شاايفة عندي بحث بطلع فيو

نغم : يااخ حجئ معاكم و نتونس شووية بدل القعدة كدا

روان: أمرئ لله قومي يا ستي

نغم عاينت ليهم ببراءة : تعالو أسندوني و ضحكت

سمر: ما قلناا خليكي قاعدة ياخ بس تحبي تتعبينا

و المطبخ كان جاايط بونستهم و هظارهم و كل وحدة بتحكي عن راجلها بحب كانوا مبسوطين شديد

نغم : جيبي السلطة بقطعها انا

روان : أي ممكن أسمح ليك تقطعيها عشان ما فيها تعب

سمـر : الله الله أنا كدا حغييير و لا الدلع دا نغم بس

روان ضحكت : و الله إنتو الإتنين ووواحد و بحبكم جدا و أحلي أخوات

نغم كانت عايزة بس ملامحها إتغيرت وبقت تصرخ

روان : عبير إنتي كويسة في شنو مالك

وفجاء لــؤي قي قدام المطبخ :- نغم نغم مالك في شنو حاسه بي شنو

نغم ما قدرت ترد و دموعها بقت تنزل

سمر حست بخوف : يا بت إنتييي كوويسة ردييي علينا

نغم بصوت متقطع : أنا شكلي حو حوولد

لــؤي وروان بصوت واحد : شنوووووووو ؟

الكل إتوتر :

سمـر حمشي انادي ابي

ابي ايمن تعالو. نغم بتولد الاتنين جرو علي المطبخ

ابي : انا حمشئ أجهز العربية

ايمن : و أنا أعمل شنو ؟

روان : أمشئ شيل العيال من أمي و خلي نسيم تقعد معاهم عشان امي تمشي معانا

سمـر كانت دقت لي صبا وكلمتها

لــؤي : حبيبتي طمنيني إنتي كويسه

نغم : كل مره تصرخ صرخة اقوى من الاولي

لــؤي طريقة مرحة : شكلك ما كويسة و سندها مع روان لحدئ ما وصلو العربية

اماني : إنتو أمشو و نحنا حنلحقكم , بنغشي صبا حتمشئ ونشيل شنطه نغم من البيت

و نجوي وسوسن حيجو مع ايمن

روان وسمر ما تقلقي يا أمي كل شئ حيكون تمام

وو لــؤي سااق العربية بسرعة قبل يسمع بقية الكلام

كان ماسك يدها بقوة أول مرة يشوفها بتتألم كدا

كانت بتأن من الألم و أطرافها. باردة و بترجف

كل شوية يعاين ليها. ودمعو جاريه

روان : إطمن كلنا مرينا بالحاجة دي

لــؤي : بس شوفيها دي حتي ما قادرة ترد

روان ضحكت : دي متجرسة براها و بقت تهديها

وصلو المستشفي و بعد دقائق لقي نفسو منتظر برة غرفة العمليات

جو كلهم عليه .. أها طمنوونا

لــؤي : دخلوها عملية

صبا : سجمممي مش كان المفروض تلد طبيعي

حازم : ما هو بصراحة

اماني بخوف : في شنوو يا ولد ما يكون حصل ليها شئ

لــؤي:- اصــلو نغـــم ....

نتلاقا مع كل الحب والريد