الفصل الرابع

انس دخل الاوضة الصغيرة...طلع في السرير ومن راس الدولاب نزل ليهو شنطة قماشية مهترئة...قلبها بين يدينو قبل ما يلاحظ انو فيها شرطة...شالها وطلع بره غسلها نضيييف...خلاها نشفت وجا شالها وقعد يخيط فيها..ابتسم قبل مايرفعها قدامو: كدا بقت جاهزة.

طلع شبط رجالي من البلاستيك نضفو ودخلو مع الشنطة في الدولاب قبل ما يطلع لي بره عشان عندو كم شغل كدا.

التوأم كانو نايمين صحو بصوت امهم.

قمر: هزاع همام...يلا قومو بعد دا ماشين لي ناس جدكم. اي واحد اتقلب على الجهة التانية وهو بغطي راسو بالبطانية.

قمر جرت البطانية من هزاع قبل ما تمشي على همام وتجرها منو. الاتنين قامو في نفس الوقت: في شنووو؟

وحااات اسم الله لو ما امهم بتقوم جاري ديل مستنسخين منقسمين بالانشطار البسيط زي الاميبا...الاتنين لابسين نفس

زي ما انا

البجامة وشعورهم منكشة ونفس ردة الفعل وتعابير الوش.

عبير وهي بتخت البطاطين في الكنبة: قومو حبايبي ماشين لي ناس جدكم(حبايبي دي اعتقد خافت منهم خفت منهم)

هزاع: وين عروة؟

قمر: عروة الزيو منو يا يما...المؤدب المطبع...صحا من الصباح مشا جاب حاجات البيت وساعدني في التنضيف والترتيب انتو الله يخليكم للنوم.

همام وهو بيتعدل عشان ينوم: اشطا.

قمر: 5 دقايق بس واجي القاكم قمتو...انا ماعايزة كلام كثير. تجنبا للكلام الكثير الماعايزاهو خالتو قمر القمر قامو اصحابنا التوينز عشان يجهزو نفسهم لي الطلعة.

المهم بعد دخلة وطلعة وشكلة وهاك وجيب جهزو كلهم وطلعو على بيت الجد...طبعا اليوم الجمعة عشان كدا. الموووهيم وصلو بين الجد...البيوت السمحة الكبيرة ديك العتيقة بتاعت الاجداد دي.

البيت كلو عبارة عن اصايص زهور وشجر ونخيل. كان في مرة قاعدة بتقصقص ليها في شتلة.

عروة مشا عليها: يسريتي

رفعت راسها قبل ما تقيف على حيلها وتسلم عليهو بحب: يا عيون يسرية.

الجدة يسرية الفقرية(بمززززح) الجدة يسرية القوية(برضو بمزح) الجدة يسرية رمز الحنية(كدا ظبطت اشطا يلا نكمل) نزلت بي مدرجات قبل ما تقبض التيمان وتبدا تبوس فيها وتقرص خدودهم: يا حبااااايبي وحلاتي يا ناس كبرتو. هزاع وهمام: 22 يسرية: هزاع وينو وهمام وينو؟ همام: انا هزاع هزاع: اها بدينا. عروة: اللابس تقويم همام...ما يغش عليك. يسرية وهي بتضحك: بيتغاتت يعني.

مشت على ورد وبرضو حضنتها وباستها: ماشااااء الله امووووح 6 الله يحفظكم.

مشت لي قمر وسلمت عليها: حمدل على سلامتكم نورتو المكان. قمر: بي نوركم والله.

دخلو جوه لي جدهم...كدي قبل مانمشي للجد نتعرف على ماما يسرية: جدة اصحابنا...فيمنست متعصبة جنها حقوووق

مرأة وقضايا نسوية وكدا...كاتبة صحفية. نخش بقا على جدو.

جدو مختار... اول ماشاف الاولاد داخلين عليهو وقف على حيلو وجاهم: يا مرحبا يا مرحبا المكان نور والله...عاين لي هزاع وهمام: اها ديل بفرقو بينهم كيف.

عروة: بعد كم يوم بتحفظهم حفففظ...لو ما من الشكل من الاسلوب. جدو مختار لورد: اها والقمراية الحلوة دي منو؟

عروة: محسوبتك ورد.

جدو مختار: اسسسسم على مسمى.

وورد الابتسامة دي مش للاضنين للجبهة عدييييل...المهم بعد السلام وكدا دخلو كلهم جوه...كان معاهم صاحب جدهم...اصحاب الجدود المفلسفين ديلك...العمة عمة ترباس والعصاية كيف وداك يا شبشب الجلد الاسود وقاعد يرغي.

جدو مختار: اها المدارس بعد يومين بس سجلتي ليهم ياتو مدرسة؟ قمر: والله لسا ياعم مختار زاتو ماعارفة اشوف ليهم ياتو مدرسة.

عروة: في مدارس كويسة زي الشيخ مصطفى الامين...او المنار...وبرضو الصبابي النموذجية بنين. صاحب جدو مختار: انتو نازلين سنة كم؟

هزاع: 3 ثانوي.

جلال(صاحب جدو): طيب لي تمشو بعيد...يمين بال تدخلو مدرستي وما تدفعو قرش احمر.

مشا يدو في شنبو قبل ما يعتدل في قعدتو: سنة 1989 كنت القنصل السوداني في الولايات المتحدة...(طبعا بحكم وظيفتي اسرتي كانت هناك معاي...فحبيت المدارس الامريكية القرو فيها اولادي طبعا مدارس مهيئة وجميلة جدا...فأول ما رجعت السودان قررت افتح مدارس هنا...روضة اساس وثانوي...وفعلا سويت المدارس دي وسميتها مدارس المستقبل(ترا را رااا) مدارس مهيئة جدا...فصول كبيرة...اساتذة اكفاء وشخصياتهم قوية... تفوق اخلاقي واكاديمي... التزام من كل النواحي (طبعا بتقولو دي مالا بتضحك براها بتعرفو براكم بس الصبر) جدو مختار: فعلا المدارس بتاعتو كويسة جدا.

عمو جلال: بكرة تجو تسجلو وتشيلو اليونيفورم بتاعكم طوالي. قمر: شكرا جزيلا ليك والله ما بتقصر.

عمو جلال: ديل زي احفادي ياخ ماف داعي للشكر...بعدين ديل اولاد عبدالله...عبدالله دا ربيتو على يدي. ظهر الضيق في وش قمر لمن جات سيرة عبدالله.

جا صوت ماما يسرية: يلا ياااا جماعة الفطور جهز. قامو كلهم على جهة الصفرة المجهزة بي ما لذا وطاب.

فلة كانت بتتجول بين ممرات المكتبة عشان تختار الحاجات العايزة تشتريها...دا احلى شي في المدرسة لمن تمشي

تشتري الدفاتر والاقلام والشنطة بالرغم من انها حلوة بالنسبة لي كانت كابوس بالنسبة لي والدي لاني بخليهو يعلن عن افلاااسو. جات ياسمينة وهي شايلة سبت ومالياهو بالحاجات: انتي لسا ما خلصتي؟ نرجس جاتهم جارية وهي شايلة شنطتين: باربي ولا لولو كاتي؟

فلة: لولو كاتي.

نرجس وهي بترجع: معناها باربي.

فلة هزت راسها وتابعت مشيها سمعت صوت: بسبس.

قبلت وراها لقتها ميرنا...جاتها بي فرح وحضنتها: جيتي متين؟

ميرنا: هسسسه جيت...عندي ليك شمار نااار...امبارح بضرب ليك ابيتي تردي علي. فلة: لا والله كنت بس نعسانة شديد ونمت...يلا وريني.

ميرنا: خلينا نشتري اول وانا حاحكي ليك.

كانو بيتمشو وبيختارو وميرنا بتحكي: امبارح ناس خالتو اقبال جونا في البيت...وباتو معانا. فله: اهااا وحبيب القلب جا معاهم.

ميرنا: اسكتي خليني اكمل. فلة: اها سكتنا. ميرنا وهي بترجع شعرها لي ورا قبل ما تدنقر عشان تشيل دفتر عجبها: كنا انا وكريستين(اختها الكبيرة) قاعدين في الحديقة...فقام جانا لويس(ولد خالتو اقبال) وبقا بيتونس معانا...المهم بعد ما كريستين استأذنت ودخلت جوه بقا بيتونس معاي انا...بعدها استأذن عشان يمش...قلت ليهو بيت معانا بدل تمشي هسه في الليل دا وناس بيتك كلهم هنا...فقال لي انو ما حينفع وهو مابيرتاح الا في اوضتو لكن قعد واتونس معاي...سكت شوية قبل ما يقول لي ميرنا انا بحبك(انا بحب المنقا الخضراء بي ملح الليمون وانتو ؟) فلة وهي كاتمة صرختها: باللللللجد؟

ميرنا وهي بتخلل شعرها بيدها: والله العظيم.

فلة بعد ضحكة طويلة ب عدم تصديق: حمممدل على السلامة ياخ. ميرنا وهي بترفع راسها باستهبال: الله يسلمك..(عقبالك.

فلة وهي بتدارك: ما حكيت ليك امبارح ضربت كروزو وعفصت رجلو. ميرنا: ما جاااادة...ووووب ما خفتي فلة: انتي ماشفتي عمل لي شنو هو قايلني هزار ولا شنو.

ميرنا: عمل ليك شنو.(

فلة: اولا مسك يدي...وثانيا مسك وشي بيدينو وقرب مني كأنو عايز...

ميرنا: عايز شنو.(

فلة: عايز ي... ياخ اقول ليك انسي. ميرنا: خلاص فهمتك.

فلة: بس والله ما خليييتو...كشحت البيبسي في وشو. ميرنا بي شهقة: ما اداك كف؟

فلة: لو راجل يقدر يمد يدو...بقطعها ليهو...بالاضافة لي انو سكاني كلب وفي ولد من الاشكال البتعجبك انقذني. ميرنا: عندو عضلات؟ فلة: ايييييك(.

ميرنا: لويس برضو عندو تاني ما بعاين بعيد. فلة: عايني ما تفلقيني بيهو خليني اكمل ليك. ميرنا: كملي.

فلة: هزار جات امبارح...بالرغم من انها لابسة فستان شاذ لكن رهييييب. ميرنا: شفت الصورة في الفيسبوك.

فلة: لحقت نزلتها؟

ميرنا: كاتبة كلام كثير وتحت كتبت هابي بيرث داي كروزو وعملت ليهو منشن...لحدي هسه لا عمل ليها لايك ولا كومنت... وهو قاعد اونلاااااين.

فلة: تستاهل...مدياهو اكثر من حقو...قال لي لمن شاكلتو انو هو ماكان قاصد يكلمها والكلام جا عفوا. ميرنا: دا استهبال منو ساي عشان يطلع نفسو...كدي سيبك من دا صحي جابو ليهو عربية؟

فلة: اتخيلي بس...فيراري رياضية.

ميرنا وهي بتتقدم على فلة عشان تمشي لي قسم الأقلام: محظوظ. مشت وجات جارية بي سرعة لي ورا.

فلة: مالك؟

ميرنا: كروزو...كروزو وايهم جايين على هنا. فلة وهي بتنط: وين؟

ميرنا: وطي صوتك.

الاتنين قامو جاريات بي الجهة التانية...لقو جمال واقف بيعاين في ادوات الرسم...رجعو خلف برااااحة وقامو جاريين لي نفس مكانهم...لقو كروزو وايهم واقفين وشايلين ليهم دفاتر.

ميرنا بهمس: قبلي على جهة الرفوف.

بقو مقبلين على جهة الرفوف ومنزلين ريسانهم.

كروزو وايهم جو عليهم...كروزو: اها رجعنا تاني للثانوي الزفت.

ايهم: هانت شوية وندخل الجامعة ونرتاح من الابيض واسود البنلبسو دا.

ايهم وهو بيفتح تلفونو: شوف شوف صحبة هزار المتخلفة دي مرسلا لي صورها. كروزو: كدي وريني.

ايهم: هي ياريت لو سمحة...شايفة نفسها على الفاضي.

كروزو بخبث: صورتها دي رسلها لي...عارف بالصورة دي اي شي انت عايز تعملو فيها حتعملو.

نصيحة: صورك ما ترسليها ولا لي اخووووك اياك...بكره حتندمي وحتدخلي في مشكلة انتي في غنى عنها...صورك ما ترسليها للاولاد...الاولاد ما ترسلي ليهم صورك...صورك للاولاد ما ترسليها فهمتي ولا ارطن. ايهم: اي عارف... لاميهم ليها كتااار.

كروزو: اي لمهم ليها بنت ال...

ايهم ضربو بخفة في كتفو قبل ما يأشر ليهو على الواقفات جمبهم على اساس وطي صوتك عشان ما يسمعوك. كروزو وهو بيدخل يدينو في جيوبو: ما عندي شي لي زوووول ايهم: اسمعني هزار امبارح كانت مزه...مش احسن تظبط معاها بدل فلة دي.

فلة هنا نطرت عيونها وقبلت على ميرنا:.2 كروزو وهو بيرفع يدو عشان يشيل كم دفتر كدا: هزار ممكن املا بيها وقتي واستمتع بيها...لكن فلة غير...ثم ثانيا ماعايز اتكلم بيها هسه عشان كدا غير الموضوع.

ايهم بي همس وهو ماشي وراهو: بعد البيبسي لازم تكون غير. بعد مامشو فلة وميرنا اتنفسو الصعداء.

ميرنا: هو قاصد شنو ب استمتع بيها.

فلة: ماااا اعتقد حاجة كويسة خالص...لازم نحذر هزار...مهما كان هي كانت صحبتنا في يوم. ميرنا: كروزو كلب شديد ياخ.

فلة: وقح.

ميرنا: ياريت لو نقدر نوصل للبيتكلم عنها ايهم دي برضو. فلة: اعتقد تكون مي...لانها قريبة لي هزار شديد.

ميرنا: مسكينة الله يكون في عونها من صورها العندهم دي.

فجأة جا صوت ياسمينة العالي: فلة؟ انتي وين بفتش عليك لي ساعة لسا ما خلصتي؟ ميرنا وفلة وهم بيقفلو ليها خشمها: هششششششش.

ياسمينة: اممممممممم(صوتها وهي قافلين خشمها) زحت يدينهم منها وهي بتتنفس: في شنو مالكم. ميرنا بهمس: اسكتي كروزو هنا ماعايزنو يشوفنا.

ياسمينة بابتسامة: بالجد وين؟(منو العوض وليه العوض) فلة وهي بتضربها في راسها: اتأدبي.

جا عماد(الابو): وين انتي يا فلة دا كلو بتشتري؟ عماد وهو بعاين لي قدام: محمد حسن؟(كروزو) فلة قبلت وراها وشافت كروزو جاي عليهم...رجعت تعاين لي ابوها قبل ما تتلفت على ميرنا(يادي الفضيحة.) عماد وهو بيمشي عليهو: ازيك ان شاء الله كويس؟

طبعا كروزو في اللحظة دي ما بقا كروزو...بقا محمد الهادئ المسكين المهذب. كروزو: تمام والله وانت كيفك؟

عماد وهو بيسلم على ايهم ويرجع بي نظرو لي كروزو تاني: والله الحمد لله...كيف ابوك لسا ما جا؟ كروزو: كم يوم كدا وبيجي.

عماد: اها مستعدين لي.3

كروزو: ان شاء الله(انت كدااااااب...بصوت محمد هنيدي من فيلم عسكر في المعسكر) عماد: اي انكربو وشدو حيلكم(الكلام دا بحسسني بالذنب) كروزو: ان شاء الله...تعال سلم على اخواتك.(هيهيهيههي.)(

كروزو سلم على ياسمينة وميرنا وطبعا ياسمينة جاها هبوط مفاجئ في الكبد. كروزو لي فلة وهو مادي يدو: ازيك.

فلة رفعت عينها...عاينت شوية كدا قبل ما تقول ليهو: معليش ما بصافح(الاحراجة الرابعة...المره دي الجبهة وصلت روما عديل.) كروزو رفع حاجبو بي غيظ: سبحان الله...اول مرة اشوف واحدة ما محجبة ما بتصافح. فلة وهي بتخت ضفيرتها في كتفها: والله الزمن دا تتوقع اي شي.

عماد وهو بيدارك الموقف بي ضحكة: شنو يا اولاد عايزين تتشاكلو ولا شنو؟ كروزو: لا كيف نتشاكل يعني...دا يبقى كلام برضو.

حدر ليها قبل ما يمشي على جهة عماد ويسلم عليهو: نشوفك قريب ان شاء الله. عماد: ان شاء الله.

كروزو: يلا عن اذنك.

مشا ومعاهو ايهم الكان متابع بي صمت.

ركب عربيتو بعد شالو حاجاتهم...وبقا قاعد في العربية. ايهم بي تردد: حنقعد كثير؟

كروزو: وين جمال؟ ايهم: حيرجع براهو هنا كروزو انفجر وهو بيشد في الدركسون: حقييييييرة. ايهم: بنعرف نأدبها يامان...انت بسس اهدا هسه.

كروزو: انا تقول لي ما بصافح؟ وهي طرحة في راسها ما بتلبسها.

ايهم وهو مغمض عيونو من صوت كروزو العالي: اهدا ياخ قلت ليك بنأدبها ليك.

كروزو انطلق بالعربية بسرعة شديدة...خلت اي زول في الشارع يكورك ليهو بي ياحمااااار. عماد: اها يا بنات خلاص اشتريتو؟

فلة: اي كدا تمام.

عماد: ميرنا نوصلك معانا؟

ميرنا بي ابتسامة: شكرا يا عمو...انا جو معاي اولاد خالتي الصغار وحيجونا عشان يسوقونا هسه. عماد: طيب تمام...مع السلامة...سلمي على اهلك.

ميرنا: ان شاء الله يوصل.

ميرنا وهي بتأشر لي فلة: call me فلة وهي بتغمز ليها: تمام.

طلعو على العربية...عماد وهو سايق: ياااا فلة دي شنو الحركة السويتيها قبيل دي؟ فلة اتلعثمت: م ما انا يا بابا ما وريتك اني خلاص تاني ما حاصافح؟

عماد: طيب حاجة كويسة لكن انتي هيأتك ومظهرك ما بتوحي انك ما بتصافحي...لو عايزة تتغيري اتغيري كلك...ما تكوني متناقضة...احرجتي الولد شديد.

فلة: ...

عماد: بس ياريت تاني ما تحرجي زول بالطريقة دي...انا ما ضد انك ما تصافحي...لكن لو انتي بالجد ماعايزة تصافحي خلي مظهرك يوحي بي كدا...تمام؟

فلة: تمام.

عماد: بكرة حاوديكم تمشو تجيبو اليونيفورمس(الزي المدرسي) من المدرسة.

ياسمينة: متحمممسة للثانوي.

فلة: دا انتي حتشوفي ايام سوداء. ياسمينة: كذاااااابة. فلة: حتشوفي براك.(

ياسمينة وهي بتفتح تلفونها: ما حاتناقش معاك كثير لانك مليانة بالطاقة السلبية. فلة: ياااااي...مبروك عماد: خلاص يابنات اهدو...اها يا فلة اخترتي ياتو مجال؟

فلة: علمي احياء(جاتك القرف...دا انتي الي حتشوفي ايام سوداء) عماد: تمام والله...بس انتي متأكدة.

I wanna be adoctor ااااي: فلة ياسمينة: هسه دا شكل دكاتره يا كافي البلا عماد: بالتوفيق ان شاء الله.

فلة وهي بتتجاهل ياسمينة: شكرا. وصلو عمارتهم ونزلو وطوالي طلعو.

عماد جاهو تلفون...دخل المكتب بتاعو وبقا بيتكلم...البنات بعد ماغيرو هدومهم ساعدو امهم في رص الاكل...وقعدو ياكلو...شوية كدا عماد جا طالع اتكل على كرسي فلة: جاتني سفرية مفاجئة بكره.

دلال بي ابتسامة: مفاجئة؟

عماد وهو بيتجاهلها: معليش ما حاكون معاكم اول يوم في المدرسة. نرجس: ما مكن السفرة تتأجل؟

عماد: معليش يا بابا ماف طريقة 5... يوم كدا وبكون معاكم ان شاء الله. فلة: ربنا يرجعك بالسلااامة. عماد وهو بيقرصها في ارنبة انفها: الله يسلمك مرا اليوم عادي من دون اي حاجة جديدة. قمر واولادها رجعو شقتهم.

قمر: شنو رايك في المدرسة بتاعت عم جلال دي؟

عروة: والله هي كويسة من حيث مباني وكدا لكن اكاديميا دي ما اعتقد...معظم الطلاب الفيها بكونو جايين من برا عايزين يقرو سنة واحدة وكدا...فهدفهم ينجحو بس لكن ماف تفوق بعدين مختلطة...يعني بتنفع ليك مع همام...لكن هزاع دا شوفي ليهو مدرسة نموذجية.

قمر: لكن الحركة ما ظريفة الراجل اصر على انهم يجيبوهم ليهو...وبعدين ما بقدر افرقهم اي واحد في مدرسة براو.

عروة: طبعا هو كلو في النهاية راجع لي قراية الطالب براهو...فماف مشكلة...دخلي ورد مدرسة الاساس والتوأم الثانوية.

قمر: خلاص بكرة نمشي ان شاء الله...عرفها وين صح؟ عروة: اي قمر: يلا خلاص امشي نوم بعد دا. عروة: تصبحي على خير.

قمر: وانت من اهله.

عروة طلع من اوضة امو ومشا على اوضة ورد لقاها نايمة صلح ليها غطاها قبل مايمشي اوضتو...غياب والدو عنهم خلاهو يكون مسؤول ويحاول يملا مكان ابوهو بالنسبة لي اخوانو.

اول ما دخل لقا هزاع ماسك اللابتوب وهمام ماسك التلفون. عروة: هييي النوم بعد دا بكره حتصحو بدري.

همام: تمام.

عروة دخل اخد ليهو دش ومشا بلع فايتمينات قبل ما يجي راجع تاني الاوضة. لقاهم لسا ماسكين اجهزتهم...بس مااشتغل بيهم كثير...طفا الابجورة بتاعتو ونام.

وفي الصباح 0

طبعا هناي وهناي ما قدرو يقومو عشان ساهرو امبارح وبقا ليهم بمممممبي...عروة صحا بدري نزل اخد ليهو جكا قبل مايرجع ويغير هدومو ويسوق امو واخوانو المدرسة.

لا بتعرفها مدرسة ولا جامعة...صرح ضخم...بتدخل ليهو بي بوابة فيها سكيورتي من الجهتين...اي مرحلة دراسية مفصولة عن الثانية بي سياج...في المدرسة الثانوية على الجهة اليمين في ملاعب كرة قدم وسلة وطايره بالاضافة للتنس...ووراهم طوالي لوحة كبيره مرسوم عليها سهم ومكتوب المسبح(جومبلق...)بتتكون من 4 طوابق...الطابق الرابع فيهو مكاتب المعلمين والادارة.

الموحيم...طلعوا لي الادارة فوق...دقو باب المكتب قبل ما يدخلو...لقو المديرة قاعدة...بتديك احساس ناس زمان ديييييلك...الشعر اشعث...والنضاره كبيرة والتوب الابيض.

سامية(المديرة): اهلا وسهلا اتفضلو...فتحت الورق بتاعهم قبل ما تقول: ايوا هزاع وهمام وورد انتو جات توصية عليكم.

قلعت نضارتها: احسن خيار اخدتوه انكم تجو مدرستنا...مدرسة مهيئة من كل النواحي...وفيها اهتمام بمواهب الطلاب يعني ما بنركز على الجانب الاكاديمي بس...ان شاء الله حتعجبكم...هسه عايزا اعرف بخصوص التوأم اي واحد يعرفني بي نفسو وعايز يقرا شنو.

همام: انا همام 17 سنه...عايز ادرس طب. هزاع: وانا هزاع...عايز علوم طيران.

قمر بلعت ريقها وعاينت ليهو باستغراب قبل ما ترجع بي بصرها مع المديره.

سامية: مبدئيا كدا عايزاكم تقولو لي ماما سامية دا الاسم البينادوني بيه كل الطلاب...ثانيا بخصوصك يا همام انت حتدخل احياء...اما انت يا هزاع مجالك دا مادي اكثر من اكاديمي لكن حتدخل هندسية...هسه عايزاكم تنزلو تحت تختارو اليونيفورمس بتاعتكم وخلوني مع امكم.

ورد: وانا؟

ماما سامية: انتي برضو يا اموره.

جات واحدة من المسؤولات ونزلتهم تحت محل اختيار الزي.

ناس الثانوي زيهم كالاتي: بنطلون اسود وقميص ابيض وكرفته حمرا...والبنات نفس الفهم بس بدل البنطلون تنوره...اما ناس الاساس بناطلين سوداء وتيشيرتات بالابيض...وناس الروضة تيشيرتات بيضاء و أردية(وحلاااتي ياناس.) همام بعد ماقاس وشال هدومو: هسه انتي يا ورد حجمك دا بتلقي كيف 2 ورد: شايفني بقرة يعني؟ همام وهو بعلي صوتو: لو سمحتي شوفي لينا حاجة كدا XXX لارج لي اختي. ورد: دا تلبسو انت يا اهبل.

همام: اهبل منو انا؟ 2Ð

ورد: اي

همام: بس كان مره قوليها تاني ورد: اهب قطعت كلمتها لمن هزاع ختا يدو في خشمها: ياخ ما تحترمو نفسكم شوية دي شنو قلة الادب دي في اي مكان فاضحني. ورد وهي بتزح ليهو يدو: شوف هو البدا.

هزاع: خلاص هششششش امشو تموهو في البيت اضاربو اتكافتو قتلو بعض لكن ما هنا. شال هدومو ومشا خلاهم...وقف بي صوت ورد وهي بتنده عليهو.

هزاع وهو بيقبل وراهو: اها خير. ورد: استناني.

هزاع وهو بيقبل عشان يتابع مشيو: الحقيني. وبس طقشك اطاقش مع بنت.

هزاع: اسف.

البنت: عميان الاخ ولا حاجة

هزاع: بالضبط كدا.

البنت: لا لميض كمان؟

هزاع وهو بيأشر على جهة خشمو: هش هش هش مافاضي ليك هسه. وتابع طريقو.

البنت وهي لسا بتعاين ليهو: الاولاد ديل مالهم كلهم بقو لئيمين ورمم كدا. جاها صوت صحبتها وهي بتنده عليها: فلة فلة. فلة: ايوه.

ميرنا: ما تفوتيني جاية معاك. فلة: ارح دخلو مع بعض جوه وشالو هدومهم...وطلعو. فلة: اهلك جوك؟

ميرنا: اي مع السلامة. فلة: باي.

ميرنا طلعت وشوية كدا جات دلال نازلة من عند الادارة وركبو عربيتهم. دلال: اها يا فلة داخلة ياتو مجال؟

فلة: علمي احياء.

دلال: علمي احياء شنو وتعب شنو؟ عايزاك تدخلي ادبي وتقري لغات...بعدين حتشتغلي في السفارات وكدا وحيسفروك كثير...قراية سهلة وحلوة.

فلة: لكن انا يا ماما انا عايزة ابقى دكتورة.

دلال: دكتورة شنو؟ دي عقدة مجتمع ساي حتقعدي تقري كم سنة عشان في النهاية تشتغلي في مستشفى اي كلام ويجيبو ليك زول عينو طالعة يقوم يموت ويجو يدقوك...هسه شوفي مي وهزار الاتنين دخلو ادبي...اسمعي كلامي والله بكره تقولي الحمد لله سمعت كلام ماما.

فلة: لكن

دلال: انا سجلت ليك ضمن الفصل الادبي تمام؟ فلة: تمام(

اكعب شي بيعملوه الاهل وهم ما منتبهين لي نفسهم انو يقارنوك بي فلان وعلان اولاد اصحابهم...دي حاجة بتخليك تكره الناس ديل من دون سبب يذكر وبتبقى ما بطيقهم(. فلان وعلان) دلال: ايوه كدا خليك شطورة وبتسمعي كلام امك. فلة جواها كانت حاسه بي انكسار وحزن من امها البتحب دايما تجبرها على حاجات هي ماعايزاها.

الخاطرة الثالثة:

(كنتي ولا زلتي يا امي تضعيني في تلك المقارنات الغبية مع هزار ومي...هل تعلمين انني الان اكن لهم كل مشاعر الكراهية؟ كل هذا بسببك انا لا اعرف ما الذنب الذي اقترفته لتعامليني بهذا الاسلوب...انا لست دمية آليه مجردة من المشاعر والاحاسيس يجب ان افعل ما تأمريني به من دون اي رد...لدي احلام واهداف اريد تحقيقها...ولكن يبدو انك ستكونين اكبر عائق في حياتي...فلة) كل الطريق كانو ساكتين. دلال: اشتري ليكم ايسكريم؟ ياسمينة و نرجس: اااااي دلال وهي بتعاين لي فلة: ماعايزة؟ فلة: شكرا...عندي وجع حلق.

دلال: طيب على كيفك.

نزلت جابت لي نفسها وياسمينة ونرجس وجات راجعة...وطوال الطريق بتتونس معاهم وفلة سكتم بكتم. وصلو البيت.

دلال بي صوت عالي وهي بتخت المفاتيح في الصفره: اي واحدة ترتب هدومها وحاجاتها كويس...وتنضف درجها...وبكره حاشيل منكم التلفونات(المقولة التي ابكت الملايين.) فلة قفلت باب اوضتها قبل ماتخت يدينها في راسها وتصرخ صرخة مكتومة بي عصبية...ضربت رجلها بالارض بي قوة قبل ما تتحرك على السرير وتطير فوق وتتخمد فيهو... غمضت شوية قبل ما تفتح عيونها وتمسك المخدة وتعضيها بي اسنانها بغيظ.

في اللحظة دي جات دلال داخلة. دلال: 2 فلة وهي بتتنحنح وبتبتسم بي استهبال: احم...اسناني دي بقت بتوجعني شديد خلاص. دلال: احجز ليك موعد دكتور الاسنان؟

فلة بانفعال: لا

اداركت نفسها قبل ما تقول بهدوء وابتسامة الاستهبال ما فارقت وشها: لا يعني...احم...ماف داعي للدكتور كدا ما للدرجة دي.

دلال وهي بتلوي بوزها: ممممم خلاص ممكن لو سمحتي تقومي تساعديني في المطبخ ملكة وغنوان جايني يتعشوا معانا (ممكن اجي معاهم يا خالتو...دلال: لا ... يلا يا ولية يا فقرية) فلة: انتي يا ماما الناس ديل ما بتزهجي منهم؟

دلال وهي بتطلع: لمن انتي تزهجي من ميرنا انا حازهج منهم. فلة وهي بترفع يدها: زيت غيرت هدومها قبل ما تمشي لي امها بره وتساعدها قرابة الثلاثة ساعات شغالة في المطبخ...بعد ما جهزو حاجاتهم

دخلت اوضتها.

ياخ كانت زهجاااانة ومضايقة وحاسة بي عدم الموضوع...بقت بتفكر كيف حياتها حتكون في فصل ادبي مع مي وهزار. جرت الساعات بي سرعة...غيرت هدومها لبست فستان بسيط باللون الفيروزي ورفعت شعرها ضنب حصان(قدر ما حاولت اقول ذيل ما قددددرت)...شوية كدا ضرب الجرس معلن عن وصول ضيوف دلال...نرجس جرت جري فتحت الباب(وظيفة اخر العنقود في البيت... ياخ بفرحو فرح بي فتح الباب دا تلقا الواحد زي كلب الحر كل دقيقة جاري على الباب) انا كنت كلب حر في طفولتي... ماذا عنك صديقي القارئ...صديقي القارئ لا تطنشني ماذا عنك؟

جو داخلين غنوان وملكة...غنوان متأنقة كالعادة...وامها كمان. قعدو في الصالة...ملكة بتتكلم مع دلال وغنوان مع فلة.

غنوان: اها اخترتي مجالك. فلة بي ابتسامة منكسرة: اي. غنوان: شكلك كداااا علمية فلة: لا ادبي(

يا جماعة ما تفهمو حزن فلة عشان هي داخلة ادبي وانو مجال ما حلو وبتاع الناس الماشاطرة زي ما بعض الناس في مجتمعنا فاهمة...لا هي زعلانه عشان امها جبرتها عليهو بحيث انها هي طموحها حاجة تانية.

غنوان: حلو شديد والله...هسه محمد شايفاهو داخل هندسية(الحب هندسية وناس هندسية وعقول ناس هندسية وجمال ناس هندسية... عايزين ليهم قصيدة غزلية كدا ليهم... مع اني احياء بس بعشق ابو اهلهم) فلة: حلو.

غنوان: طبعا 3 دي سنة طويلة ومملة بس لازم تنعصرو(الكلام البحسس بالذنب)) فلة: اي طبعا.

دلال: يلا يا بنات الاكل جاهز.

مشو على الصفره...وقعدو وبدو ياكلو. دلال: طبعا الاكل دا معظمو عاملاهو فلة.

غنوان: بالجد...2 ماشاء الله يدك طاعمة شديد. فلة: شكرا. ملكة: فلة دي انا اصلا خاطباها لي محمد هنا فلة شرقت. غنوان ناولتها كباية موية.

ملكة وهي بتضحك: سيرة الحبيب بتشرق ولا شنو(يا حجة اهدي عليك الله) غنوان بي ضحكة: يا ماما ما تحرجيها.

ملكة بي ضحكة: من هسه يا دلال حاجزنها ما تكبر وتخش الجامعة تجيب ليها واحد تاني...اخير البنعرفو من المابنعرفو.

دلال: هو احنا لايقين حمودي.

ملكة: ولدي حلاااااتو شاطر ومهذب(هيهيهيهي ضحكة عادل امام.) فلة: سمعتو بي انو داعش امبارح ضبح 200 شاب؟

غنوان باندهاش: 200 شاب؟

فلة: ااااي دي حالتهم كل مره وكمان بصوروهم فيديو...اوريكم ليهو؟ دلال + ملكة+غنوان: لا لا لا لا.(هبشتوها برااااكم) فلة: لا والنعمة تشوفوهو.(

دلال: فلة

فلة بي ابتسامة: انا شبعت...اقوم اجهز ليكم الشاي...عن اذنكم.

قامت ودخلت المطبخ شالت القطعة ورمتها في الارض قبل ما تفركها برجلها: قال ولدي مهذب قال... التهذيب من الشمال وهو من الشرق الغربي الجنوبي.

جهزت الشاي وختت ليهم طقم ظريف كدا. غنوان: عايزة مساعدة يا فلة؟

فلة: شكرا جهزت اي شي.

طلعو الاتنين بره وختو الشاي.

فلة قطعت ليهم من الجاتوه وقعدت في كرسيها...مرات بتتونس معاهم وتضحك ومرات تسكت. لحدي ما خلصو ونستهم وشربو شاييهم وكدا.

جا وقت الطلعة...فلة نزلت مع امها تحت عشان تودعهم. كانو واقفين تحت في الشارع جمب مدخل العمارة.

فجأة جاتهم برادو سوداء مظللة. غنوان: حمدل على السلامة.

باب العربية اتفتح...وجا كروزو نازل لابس برمودة بنية وتشيرت ابيض وكاب...سلم على دلال. دلال: خلاص بقوك السواق كروزو: اي والله.

عاين لي امو واختو: يلا؟ ملكة: متسلم على فلة.

كروزو وهو بيدقق النظر: هي بال دي فلة؟ افتكرتها البت الشغالة(بووووم) غنوان بإحراج: احتمال عشان الشارع مضلم وكدا.

فلة بلعت ريقها وهي رافعة حاجبها. كروزو وهو متابع: هي بقت ما بتصافح. دلال باستغراب: متين الكلام دا.2 كروزو: يلا يا خالتو عشان ما تقيفي كثير في الشارع.

دلال: مع السلامة.

اتوادعو وكروزو ساق امو واختو ومشا.

دلال وهي طالعة في السلم: انتي بقيتي ما بتصافحي. فلة: دا واحد مختل.

دلال: هسه بقه مختل؟

فلة سارعت خطواتها وفتحت الشقة ودخلت وهي بتهمس: كروزو الحومار. عد باقي اليوم عاااادي واليوم البعديهو وجا اليوم الموعود.

اول يوم في السنة الدراسية البيفرحو بيهو الطلبة المجتهدين والناس الزيي بيجيهم ارتجاج في الركب منو...حلاوتو في انو بتششوف اصحابك الطولت منهم وانك بتلبس حاجات جديدة...وتتلاشى الفرحة عند اول حصة دراسية. كل ابطالنا جهزو وطلعو على المدارس. التوأم جهزو بدري ومعاهم ورد. بتشوفوهم بتقول لا اراديا ميشاااااء الله.

كانو لابسين طقم جزم وشنط سوداء من أديداس.

امهم دعت ليهم قبل ما تنزلهم في المدرسة..وتتحرك مع عروة...طبعا هي نزلت شغل في احدى شركات ادوات التجميل...وصلت عروة بالوصف للجامعة...وبالوصف برضو وصلت مقر شغلها.

اول ما وقفو قدام بوابة المدرسة...ختو يدينهم في يدين الشنطة وهم بعاينو...جنش شششششي البنات اشكال والوان كمية ما بطالة منهم لابسة طرح والباقيات من دون طرح...واسكيرتات ضيقة وقصيرة وحاجات كدة غريبة...حتى البتكون لابسة اسكيرت طويل بتكون الخطوة طويلة بي ورا.

همام بي سعادة وهو بيصفر: انا كدا متفائل. هزاع: الله يستر.

ودخلو الاتنين.

بالجهة التانية...انس كان ماشي وهو لابس المبرقع او الصاقعة ما عارفة(الزي بتاع الثانويات الحكومية) بالرغم من انو ما عندو شي جديد وحاجاتو كلها قاعد بيها من اولى ثانوي الا انو كان مبسوط ومتحمس للسنة دي. في مدرسة المستقبل:

الطلاب كانو مشغولين بالسلام على بعض واي واحد عايز يحكي حصل ليهو شنو في الاجازة(انا غايتو البتذكرو اني اول ما اسلم على صحباتي بمشي المقصف طوالي اكثر شي بكون مشتاقة ليهو) شوية اصوات الطلاب هدت وبقو بعاينو للشباب الجو الداخلين...البلاك شيرتز(بوم بوم بوم) طبعا لمن يجو داخلين الناس كلها بتركز معاهم...وهم رافعين نخرينهم دي في السماء...وما بسلمو على اي زول مكتفين بي نفسم بس.

هزاع وهمام كانو واقفين في احدى الزوايا وبعاينو بس طبعا مساكين ما عندهم اصحاب عشان جداد(جداد ولا بط اضحكو ياخ) جمال انتبه لي الجزم السوداء اللابسنها...همس لي كروزو في اضانو. كروزو هز راسو قبل ما يبتسم ابتسامة جانبية صغيرة ويتابع مشيو. التوأم سمعو صوت زول بيتكلم...قبلو وراهم.

همام: اهلين.

هزاع: مش قالو مدرسة الاساس منفصلة عن الثانوي؟ الولد: لا انا ممتحن الشهادة.

همام: يا زوووو ل. الولد: والله العظيم.

همام وهو بعاين لي هزاع: شكلو جادي. هزاع: اسمك منو؟

الولد: انا عبد الله... شايفكم واقفين براكم شكلكم جديدين هنا وما عندكم زول.

هزاع: اي والله جديدين.

الولد: ممكن تعرفوني على نفسكم. عرفوهو على نفسهم.

عبدالله: بتتشابهوا شديد حفرق بينكم كيف. همام وهو بيضحك: حتتعود حتتعود. عبدالله: عارفين وين فصولكم؟

هزاع: لا

عبد الله بي سعادة: ارح اوريكم بس وروني مجالاتكم شنو.

هزاع: انا هندسية وهو احياء.

عبدالله: انا برضو هندسية... انت في فصلي...لكن انت ارح اوديك فصلك عشان تحجز في محل كويس.

عبدالله: 15 سنة ممتحن طبعا...زنفوخ شوية وملامحو طفولية شدييييد...قصيروني...سموري وشعرو كثيف ومموج...نوع البيكون البنطلون مشنطو في الصدر بالحزام ديلك. مشا ودا همام فصل احياء الناس نصها حاجزة قدام بالشنط...كان فاضل الكنبتين الاخيرات(كنبات الناس الزيييت) قعد في الكنبة القبل الاخيرة...اما هزاع مشا مع عبدالله. هزاع: وين اصحابك؟

عبدالله: لا انا ما عندي اصحاب. هزاع: جديد برضو ولا شنو؟

عبدالله: لا بقرا في المستقبل دي من الروضة لكن ماف زول مصاحبني خصوصا في الثانوي بقولو علي شافع. هزاع: دا شنو الغباء دا.

عبدالله وهو بيضحك: ما انت جديد لسا ماعارف حاجة.

عاين لي جزمتو قبل ما يشهق: دا شنوو اسود... امشي طلعو سريع قبل ما يشوفوك.

هزاع باستغراب: لي؟

عبدالله: البلاك شيرتز اللون دا حكر عليهم في المدرسة هزاع: البلاك شيرتز ديل شنو كمان؟

عبدالله: ديل حاجة كدا زي المرتزقة والقراصنة اشرااار...مسيطرين على المدرسة بيعملو العايزنو وماف زول بيسألهم...لو ركزو معاك حقك راح...محرمين اللون الاسود في المدرسة الا على نفسهم.

هزاع: اها وانتو طوالي مشيتو على هواهم؟

عبدالله: صدقني ديل لازم تمشي على هواهم...السنة الفاتت في ولد اتحداهم ما شفت عملو فيهو شنو...الولد مش خلا المدرسة...طلع من السودان عديل.

هزاع: كدي ارح وريني الفصل وما تشيل همهم عبدالله: شايل حزام اسود في الكراتيه 2؟ هزاع وهو بيضحك: شكلك ظريف ياخ. همام كان قاعد وبيعاين بالشباك للطلاب تحت...فجأة جاتو صوت بنت: احم احم. قبل على يمينو: اهلا.

فلة: ممكن لو سمحت تقعد في الكنبه الورا عشان صحبتي ما بتشوف كويس. شهقت قبل ما تقول: انت الولد السخيف بتاع المره الفاتت.

همام: انا 2Ð فلة: لا انا

همام وهو بشيل شنطتو يختها في الكنبة ورا قبل ينط ورا: ابدا والله اول مره حتى اشوفك.

فلة: واحد من الاتنين يا بتستهبل يا عندك زهايمر...اقسم بدين الله انت اول امبارح في المدرسة اتساخفت معاي. همام: احتمال اخوي.

فلة: عندك اخ؟ همام: اي توأم.

فلة: وااااو بالجد...عموما شكرا لانك رجعت ورا شكلك ظريف ما زي داك. همام وهو بيغمز: لا شكر على واجب (هناي بحب البنوت) جات ميرنا داخلة وهي بتاوق.

فلة: تعالي خلاص رجع ليك.

همام وهو بيمشي يدو في شعرو: ما اتعرفنا. فلة: انا فلة ودي صحبتي ميرنا.

همام بابتسامة عريضة: تشرفنا.

فلة: احنا لينا الشرف...يلا عن اذنكم انا ماشه فصلي.

جرت في الممرات قبل ما تدخل فصل ادبي...كانت قاعدة في محل بعيد جدا عن مي وهزار تجنبا للالتماس معاهم. عبدالله وهزاع قعدو في الكنبة الثالثة جمب الشباك وهم لسا بيتونسو مع بعض.

فجأة في ولد دق ليهم الكنبه...رفعو ريسانهم وبقو بعاينو ليهو. الولد: انت يا اللابس اسود دا...دي اخر مره تجي بيهو ولا حتندم.

هزاع وهو بيرجع بي ضهرو لي ورا وبي ابتسامة سخيفة: يا زووول احلف عليك الله. الولد بي ضحكة: شكلك جديد وما عارف احنا منو. هزاع بي ضحكة استهزاء: مش البلاك شيرتز. الولد: ايواااا بس تسمع كلامنا وحتسلم.

هزاع: انتو منو عشان اسمع كلامكم بال ديل مالم ديل...بلا بلاك شيرتز بلا وهم. الولد: دا اخر كلامك؟

هزاع: اقول بس انقلع من وجهي. الولد ضحك قبل ما يطلع.

هزاع قعد بغيظ وهو بيصلح كرفتتو: بال شوف ديل. قبل على عبدالله لقاهو وشو اصفر زي الزول المزنوق. هزاع وهو بيهزو: عبدالله...انت مت ولا شنو؟

عبدالله: انت الحتموت.)

هزاع بإبتسامه: ما تخاف علي في اللحظة ديك كروزو وقف لمن الولد وراهو: قال علينا وهم؟ الولد: اي كروزو وهو بيحرك يدينو وبيضحك: دا الانا عايزو طولت من المتمردين. في اللحظة دي همام طلع عشان يمشي لي هزاع في فصلو.

الولد وهو بيأشر لي كروزو: هندا ليهو الولد. كروزو جا عليهو بهدوء: انت القلت علينا وهم. همام: نعم؟

كروزو قبل على اصحابو وابتسم قبل ما يدي همام بنية في نص وشو خلتو يقع في الارض وهو رعفان. علت اصوات البلاك شيرتز وهو بيضحكو على همام الفاكرنو هزاع.

كروزو: قوم عامل لي فيها راجل؟ هزاع طلع بعد سمع صوت الجوطة طبعا التوأم عموما مش ديل بس اي توأم في الكون يتقاتلو يضاربو يعملو اي شي بس ماف زول يهبش واحد منهم. هزاع قلبو بقا بينبض بي قوه لمن شاف اخوه في الارض جا على كروزو من ورا ومسك كتفو كروزو قبل وراهو...بس تجيهو ليك بنية في وشوي.

نزل راسو ودنقر من الوجع.. وفي اللحظة دي هزاع بي رجلو اداهو شلوت بقوة خلتو يقعد في الارض...مشا على همام البيحاول يقيف وهو دايخ: انت كويس؟

همام: انا منو؟

ايهم جا على هزاع مسكو من الياقة قبل ما يضربو بقوة في فكو طبعا دي سياسة البلاك شيرتز بيتلمو فيك كلهم يعنيي عادي يكون 7 على واحد بس...هزاع دنقر من الوجع بس رفع راسو بسرعة وجا جاري على ايهم...كان مدنقر ومسكو من جهة بطنو ولزاهو على ورا لحدي ما وقع في الارض.

ناس المدرسة كلهم اتلمو وهم مبهورين من الحاصل.

كروزو قام شال ليهو كرسي وجا جاري على هزاع...نزل الكرسي لمن سمع صوت ماما سامية: نزل الكرسي يا محمد...نزل الكرسي بغيظ وختا يدو في انفو البينزف...همام ماكان فاهم في شنو وراسو لافي من الضربة...مسح الدم النازل من انفو بي غزارة كلهم بقو واقفين وبعاينو للمديرة.

ماما سامية وهي بتأشر عليهم: انت وانت وانت سريع على الادارة. هزاع رجع يتكل همام.

ماما سامية: دا زاتو يجي معاكم. هزاع: هو ما عمل شي.

ماما سامية: ماعايزة كلام كثير الحقوني على مكتب الادارة.

طبعا كروزو والبلاك شيرتز كانو بعاينو لي هزاع بي طريقة مرعبة.

مشو كلهم على مكتب الادارة...فلة كانت متابعة هزاع بي نظراتها لحدي ما اختفى قبل ما تهمس بي تعجب: وااااو. تفتكرو هزاع حيحصل ليهو شنو بعد ما دخل للنار بي رجلينو؟

وهل كروزو والبلاك شيرتز حيرحمو؟

الفصل لانو طويل شديد ما نزل كلو...ححاول تاني انزل في بوستين عشان ما يقطع. المهم فصل طويل ومليان بالاحداث...ادوني رايكم. اتقبل كل نقد بناء نهاية الفصل الرابع