الجزء 2
بقلم: منى الريح
الجزء 16
نظرت ريان الي بسام نظره كلها اسئله لم تكن تستطيع ان تسأله ف وجود خالد فاستأذنت منهم ....
ريان:- يلا ي جماعه النوم وجب بعد دا... ساره حتلحقيني ولا حتمشي معاي...
ساره:- لالا سوقيني معاك والله نعست... يلا تصبحو ع خير
خالد:- وانتو من اهلو
بسام:-وانتو من اهلو
ذهبت ريان وساره الي غرفتيهما ...
دخلت ريان واستلقت ف سريرها وارسلت الي بسام..
" *بسام انت ليه وافقت ليهو ع اني حأقابلو بكره..م بقدر اقابلو م مضمون دا* "
اجابها
" *م تخافي انا عندي خطه ... وانا حاكون معاك م تتخيلي اني ممكن اخليك براك* "
اجابته
" *خطة شنو وحنعمل شنو وحيحصل شنو* "
اجابها
" *شوفي انا عندي صحبي ظابط كبير وتتصلت عليه وهو حيساعدني اني ادخل الرمه دا السجن ويظبطو كمان*
اجابته
" *بسام م عايزين نعمل مشاكل نحنا* "
اجابها
" *لا لو م وريتو هو كان بلعب مع منو م برتاح.... عايزاني اخليهو بعد خلاكي تبكي استحاله* "
اجابته
" *ربنا يكون ف العون وبكره تشرح لي باقي الخطه لان اسي حانوم ...وانت كمان نوم بكره راجينا سفر*
اجابها
" *خلاص اوووكي* "
نظرت ساره الي ريان
ساره:- حصل شنو ف موضوعك انتي ي بت
ريان:- والله خلي بالنيه بس .. اسي رسل رساله قال عايز يلاقيني بكره
ساره:- 😱 شنو يلاقيك
ريان:- اي وبسام وافق ليهو بي اسمي.
ساره:- ليه فهمو شنو
ريان:- قال عندو خطه لكن م وراني ليها قال لي بكره
ساره:- ربنا يسترها معاك يرب
ريان:-امييين .... يلا ننوم بكره حنصحي بدري...
ساره:- اااي خلاص ننوم...
اتي الصباح وتحركو رجوعا الي الخرطوم .....
وصلو الي منزل ابو خالد ...وذهب خالد وارجع ساره واهلها الي بيتهم ليرتاحو ....
اما بسام جلس مع ريان حتي يشرح لها كل الخطه....
شرح لها كل المطلوب وكانت الساعه ف هذا الوقت الثالثة ظهرا اي انه تبقي ثلاثة ساعات ...
بسام:- يلا شوفي انتي استني رسالتو وحيوريك المكان العايزك تجي فيهو تمام ..وتوريني طوالي
ريان:- خلاص اوكي..
بسام:- انا اسي حامشي البيت اغير وكدا وبجيك من هناك اجي اسوقك ...
ريان:- طيب بستناك ... الله يستر الليله بس
بسام:-اي ان شا الله....
ماذا سيحدث بعد ذلك؟؟
يتبع....