الجزء 1

قصتي دي اقرب للخيال لكن والله بتثبت للواحد انو م يقنط من رحمه الله .. ح احكي قصتي انا ويحاول اختصر ليكم نحن من أسرة بسيطه والله ابوي اتوفى من تلاته سنين كده وحتى قبل م ابوي يتوفى كنا اسره بسيطه كده ورزق اليوم باليوم ..المهم بعد م ابوي اتوفي الأوضاع بقت اسؤ والله مع انو برضو امي كانت بتساعدو ف مصروف البيت لكن انتو الظروف بقت صعبه خصوصا لي اسره منكونه من تلاته بنات 😧😢 طبعا انا اكبر واحده ف اخواتي وبتجي الوسطانيه دلال ف تانيه ثانوي والاصغر ممتحنه شهاده .. لم ابوي اتوفي قررت اسيب الجامعه واشتغل اي شغل عشان اساعد امي واخواتي 💔 أمي رفضت الفكره شديد واخواتي لم عرفو الموضوع طلعونا من بيت الايجار وجو قعدونا ف بيت العيله طبعا هو م كبير عشان عندنا اتنين من اخوالي ساكنين فيهو 😤 المهم طوالي وافقنا مع انو ح نسكن ف اوطه مع برنده صغيره وعملنا ف حوشنا زاتو مطبخ كده صغير .. المهم امي كانت مرتاحه نوعا ما عشان الايجارات البقت غاليه وكان كل همها تقرينا وتشوفنا متوفقين بحياتنا وامي زاته الله يديها كانت النوع المصاحبنا داك😂 وبنحكي ليها ع اي موقف ولاحاجه حصلت معانا المهم انا ف حياتي م كان عندي صحبات كتير الا واحده كنت بحسها زي اختي بت طيوبه شديد والله❤😍 بتجي علينا ومرات تنوم معانا مع انو من عيله كبيره وغنية بس متواضعه شديد ف كلاما وونستا وم حسستني ف يوم انها اعلى مننا بالعكس سبحان الله كتير بنمشي السوق مع بعض وتشتري ليها ملابس وتاني يوم اتفاجأ تجيني وتجيب لي وتقول لي تخيلي لقيتهم ضيقين فيني وانا عارفه انها بتكزب علي بس عشان عارفني حساسه وم بقبل بالهين المهم جابت لي وقالت لي عندنا عرس ود خالتي الاسبوع الجاي ولازم تكوني معاي انت عارفه متاعب العرس وح نعملو ف بيتنا عشان كبير وبشيل الناس .. اها ي خالتو رأيك شنو قالت لي الهام دي زي اخت طوالي تمشي معاك اها قولت ليها بعد كده م عندك حجه😂🤚🏻امك وموافقه. طبعا م بدس عليكم انا كنت متحسسه شديد ياخ هم وين ونحنا وين المهم بجاي وبجاي اقتنعت

يتبع

ملاحظة

القصه دي والله واقعيه ومن واقعنا العايشنو ده