الجزء 3

بيني وبينكم طبعا م قدرت ادس ملامح وشي 😅 😅 واندهاشي من العربيه ولا ودخاله العرريس جد يعني قيافه ووجااهه 😂 المهم لميت نفسي ونظرتي كانت محدوده لانو صرراحهه كان الخجل ظاهر ف وشي ..

المهم طلع متواضع زي صحبتي ونزل سلم علي قبل م اطلع معاهم ومشينا ع مطعم قال الا نفطر بالاول ..

وبعد م خلصنا من الفطور الاهو اصلا م اكلته من الخجل😂😂 مشينا ع كم مشوار وتاني نزلنا السوق قالت ليهو صحبتي خلاص انت امشي ارجع البيت احنا ح نتأخر ف السوق ..

خلصنا من ملتزماتنا ورجعنا ع بيتم ..

م شاالله طبعا كان مليان بالاهل مسكتني وعرفتني عليهم كلهم الا سبحان الله وحده بت خالته سلمت علي بطرف اصابعا😕😢

مع انو اول مره تشوفني لاكن مابعرف مالا معاي وف نص قعدتنا كان صحبتي تنادي ودخالته التاني جرتو من ايدو قالت ليهو تعال سلم ع صحبتي😂😂 انا ف الساعه دي قررب يغما علي اول حاجه م شاالله طول ع وجاهه ع قيافه وانا جواي اقول سبحااان من خاالق كل الجمال ده😍😍🙈

كان ظريف شديد وبتونس وبضحك معانا من غير حواجز وحسيت بيهو زي البعرفنى ليهو زمن ..

المهم بعد م اخد قعدتو وونستو معانا استأزن مننا وقال ماشي يرتاح عشان ماليهو زمان واصل من السفر طلع شغال ف ابوظبي وجاء مخصوص عشان يحضر العرس..

طبعا مااا كلمتكم بي بت خالته لي صحبتي لمن كان قاعد معانا تشيل وتعاين لينا من طرف 😒 م عاجبه الحال كلو كلو😤

المهم سألت صحبتي قولت ليها بت خالتك دي م طبيعيه مالا معانا ولا هي اصلا طبعا كده 😕

وصحبتي تمووت من الضحك😂😂 قالت لي انسيها اصلا منفسنه وعندها امل من ودخالتي أتقدم ليها وهي عايزه تموت القهر عشان م شغااال بيهاااا ..

قولت ليها ايوه عشان كده 😂

المهم الوقت اتأخر ومفروض ارجع ع البيت ونحن طالعين عشان صحبتي توصلني كان اشوف ليك خالد طلع ورانا وبسأل ع وين قالت ليهو صحبتي ماشين نوصلا بيتم ..

قال لينا طيب دقيقه اجيب المفتاح من اخوي واجي معاكم ..

انا ف اللحظه دي ارتبكت وقولت ليهو م ف داعي تتعب روحك وانت جاي من سفر .. عاين لي كده مسافه وقال لي وقفتك مع صحبتك دي م تعب برضو .. وااي يخواني من نظرتو🙈😂😂 لبشتني لبش م طبيعي .. المهم جاب المفتاح وطلعنا وهو طبعا فرفوش كده وبحب الونسه والله اول مره اشوف بيتنا قريب كده 😂😂💔 م حسيت بالمسافه من كتر م كنت مبسوطه وانا معاهم وصلوني لحد الباب قام نزل وسلم علي ف ايدي وانا حسيت بروحي اتجمدتا م

عارفه مالي 😂

طوالي صحبتي قالت لي بجي بكره عشان اسوقك قولت ليها خليك بجيك براي طوالي قال لي ولي تجي براك نجي نحنا نسوقك ف الساعه م ادس عليكم حسيت بأحساس غريب ..

دخلت البيت لقيت اخواتي نامو الا امي يديها العافيه بتنتظر فيني .. مشيت عملتا شاي لي وليها وقعدتا اتونست معاها وحكيت ليها بلفتنا ورجعتنا وعن ود خالته خالد وونستو معانا وحست بي اني مبسوطه ..

قامت امي مني وقال لي تصبحي ع خير وربنا يبسطك كمان وكمان .. وانا مشيت ع سريري وتفكيري كلو ف خالد ونظرتو لي وهظارو واشيل وابتسم براي 😂 لحدي م ف حاجه جواي قالت لي اصحي خالد منو الممكن يعاين ليك انتي هو وين وانتي وين ..😢 حاولت انوم كده كده واطرد الافكار من راسي ..

الواطه اصبحت الحمدلله اخواتي طلعو ع مدارسم ومشيت جهزتا روحي للمرقه