الفصل العاشر
اول ما احمد ثبت نفسه وبقى رئيس ..
فكر في عمك الفاضل الراجل العلمه صنعة النقلتيه زاتها.
ومشا سافر ليهو (خميس وجمعة) وحنسو قال ليهو انا عايزك تشتغل معاي بأجر كافيوافي.. ولو ماعايز تعال انا اديك احذية جديدة تبيعها وتجيب القروش وتاني تشيل .قالليهو انا ماعندي دكان. اجر ليهو دكان في نص السوق .وساقو معاهو ورفع ليهو بضاعةمن المصنع بسعر خاص جدا بعد مشاورة مع صاحب العمل.
وعمك الفاضل طبعا ماكل في خاطره من الحركة بتاعة الحسد العملها ليهو وخجلان منروحه.
وسبحان الله احمد بيخدم في عمي الفاضل بكل طيبة نيه والحكاية الحصلت ديك ولاهومتذكرها بس كل المتذكره انو الفاضل في يوم الايام لماهو وعلمه الصنعة
وحاسس انو عليهو حقوق كبيرة.
عمي الفاضل سافر بالبضاعة وامورو مشت كويس. دي الحاجة.
الموضوع التاني والمهم طبعا المصنع بقى يبيع بيع كتير جدا وشغل مضاعف شديد والزباينكترو ..
اها يوم من الايام احمد عمل اجتماع مع العمال وقال ليهم انتو الماهية مكفياكم؟
قالو ليهو لا.
قال ليهم رايكم شنو نزيد ساعة في زمن العمل ونزيد المرتب.
في النهاية الساعة مابتعمل حاجة يعني انتو بدل الساعة 8 صباحا تعالو المصنع الساعة 7.والمرتب يزيد 20%
طبعا العمال فرحوا فرح شديد.وقالو ليهو بس سعادة المدير مابقبل بالكلام ده
قال ليهم انتو ماتشيلو هم انا بكلمو .بكرة طوالي عمل اجتماع مع المدير
وراهو حسابات بنسب معينة.
وقال ليهو نحن الاقبال علينا من تجار الجملة بقى كبير وعندنا ناس من تجار سعد قشرةوسوق ليبيا وغيره بقو اصدقاءنا ومتعهدين مايشترو من غيرنا
وبقينا مابنقدر نغطى طلبات الزباين.
ففي الحالة دي بكون عندنا خيارين.
يا اما نجيب عمالة جديده ودي فيها .. ميزات سالبة.
دايما العامل الجديد بحتاج فترة عشان يتعود على الشغل
تانيا بيجد صعوبة مع بقية العاملين ف يالفترة الاولى
تالتا نسبة المصروفات بتكون كبيرة في المواهي ..
الخيار التاني نحن نزيدي ساعات العمل ونزيد
نسبة في مواهي العمال الحاليين ..
ودي فيها مميزات موجبة
اولا تزداد ثقة العمال في المصنع والادارة
ويزدا التعلق والحب ويحسو بانو نحن عايزين نساعدهم
تانيا زيادة العمل ساعه بدينا ارباح بنسبة 13%
واحور العمال بتاخد 1.7% من الارباح الشهرية ..
وحتريديد نسبة 20% بتكون بالتقريب 2%
وبيكدا بتكون الارباح المجنية للمصنع حكاية مذهلة
وبقى يضرب ليهو في الحسابات.
قال ليهو ياولد انت كيف بتسقط في الامتحان بتاع الشهاده طيب ؟؟
الكلام الانت قلته حساباته مية المية
وانا موافق وفعلا من تاني يوم زادت ساعات العمل وزادت الماهية
والمدير تكفل بحافز والعمال مبسوطين وشغالين بنفس.
والارباح متضاعفة ومرت كم شهر كدا الامور ماشة زي الساعة
بس يوم من الايام الحكاية انساطت بطريقة غريبة
وزروق دعا الناس العمال لاجتماع وطلع احمد بره اتكلم معاهم كتير ..
احمدحس فعلا انه في مشكلة ..
بعد المدير خلص من العمال ناداهو جوة.
بس ماعارف المشكلة شنو؟