الجزء 18

الناس دی جایطة فی حلقة واحدة انو انا خاینة طیب اثباتکم شنو قلت لی خالتو خیریة انا مش خنتا احمد ادونی دلیل ابوی قال لیم اثبتو کلامکم دا قالت لیو ی احمد عرفتا کیف الکلام دا

قال لیهم دی رسایلا مع مصطفی وطلع تلفونو اسکرین شوت مکتوب علیو مصطفی اای اسم مصطفی والرسایل مکتوب فیها حبیبتی یاخ انا مشتاق لیک

وانا رادة وبنفس رقمی وکاتبة لیو انا اکتر حبیبی وی ریت اقدر اتخلص من البلوة دا عشان الاقیک

طیب ی رنودتی حاولی اطلعی من البیت بحجة العرس وتعالی نتقابل وکلام من النوع دا والمصیبة انو صور مصطفی بتاعت الجلابیة حقت حنة رامی اخوی مرسلا برضو

انا زاتی اتخلعت وقلت دا کلام فاضی وانا مستحیل اعمل کدا الناس دیل علیهم ب الباین والظاهر والرسایل واضحة لیهم

طلعت تلفونی وقلت لی ابوی شوف دی دردشتی مع مصطفی شوف انا بتکلم معاو کیف واصلآ اول مرة اتکلمت معاو کان بسألنی من رایی ف الجلابیة الجایبة ل رامی اخوی لانها مفاجأة وم ینفع یسأل زول غیری مصطفی م کدا

احمد بقی یجوط رماح اخوی قال لیو اوعک تعلی صوتک احترم الدار دی قبل کبیرا وابوی دقا ل مصطفی وخالتی سوسن

بجای بجای الفضیحة بتنتشر قبل الخبر السمح

خالاتی جن والناس دی اتلمو وقعدونی وقعدو مصطفی وشافو الرسایل وسبحان ربی بقلبی بقول الکلب دا جاب اسکرین مفبکر من عندو لکن رقمی المسجل شالو کیف وانا اصلآ بنوم وتلفونی تحتی اتذکرتا الحبوب البخلطا لی مع العصیر لانو م عایزنی احمل وقلت دا قدر یعمل کدا اکید دردشة مفبکرة م بتغلبو

خالتی سوسن جاطت وقالت بت اختی م بتسوی کدا ومصطفی دا قام قام فی بیتم لو عایز ریناد کان دارا ب الحلال م ب الحرام ابوی جا مسک مصطفی وقال لیو حلفتک ب الذی خلقک الکلام دا صاح

انا واثق فی بتی بس رد للناس دیل

مصطفی قام من الکرسی وضرب احمد کف وکلهم وقفو وقلبو البیت فلم مصطفی قال لی ابوی وعمو عبداللطیف والله انا اسف ع الکلام الح تسمعو دا یاخ شئ یخجل لکن ح احقولو م عشان ابرر نفسی من شئ انا اصلآ م بعرف عنو شئ بس عشان اتهمو البت دی فی مکانا وهی مظلومة

قال ل عمو عبداللطیف احمد متزوج وبی ولدو ومرتو اجنبیة وعرس ریناد بس عشان یرضیکم عرسا وکل یوم بتکلم مع مرتو قداما عرسا وهی عروسا ضربا وهی عروس احمد قاطعو وکان خایف یصدقو مصطفی وانو اغتصبنی بقی یتمتم ویقول لاحولا لاحولا انا م قلت لیک ی اخوی انا م عایز عرس ولا عیلة کان تخلینی فی حیاتی العاشیة وحیاة الغربة احسن لی من الظلم دا ومناسک بقت تبکی

ابوی قعد ف الارض وم عارف یصدق منو احمد قال لی ابوی انا بحلف قسم انو بتک خاینة

وانا ومصطفی بنحلف اننا مظلومین

خالتی قالت لی ابوی انت عارف ریناد م بتکذب

امی قالت انا ف شئ غریب لاحظتو امس لمن مصطفی جا طلع متغیر وریناد بتبکی والقالو شنو م بعرفو لانی کنتا بسوی ف الشای قولتا الشفتو وبطلع من حق ربی

وخالتو خیریة قالت لیم یوم انا جیت ریناد جات وکانت متناقشة مع احمد اکید ف السبب دا لانو اصلآ احمد بحترما وم حصل شفتا منو شئ

وفعلآ احمد قدام الناس ورقة بیضة بس الجواو ربنا بعلمو وسخان واسود

رماح اخوی بدون م یتأکد کان عایز یضاررب مصطفی وشغال یقول امناک ع بیتنا وطلعت کلب وندل

طیب اثباتو شنو

طیب بررو ع نفسکم

الزول دا بحلف واحمد کان برقرق ف عیونو نظام اتظلم واتخان ومستعد یحلف قسم یعنی متأکد وعندو دلیل اسکرین وصور وکمان ناس بیتو واقفین معاو

انتو حلکم شنو شافو تلفونی واخر مکالمة من مصطفی وقالو لی اکید مسحتی دردشاتو معاک وخلیتی الرسایل العادیة بس

من الصباح متلمین الناس دی یاکلو فینا اکل ب الکلام

عم عبداللطیف قال لی ابوی ی استاذ نحنا م عندنا شئ نقولو غیر الطلاق تانی

وطلعو

خالتو سوسن قالت ل مصطفی ی ولدی دا شنو الحاصل دا

وطلعت زعلانة مع امی ابوی قال لی ی خسارتی وی خسارة الثقة

الیوم کان شؤم یوم اهانة واتهام والناس کلهم ضدی انا ومصطفی واصلآ م عارفین الصادق من الکذاب

اتصلت ل احمد عشان اسجل کلامو م ردا لی

واصلآ م ح یرد الکلب

بقیت جایطة وملخبطة محتاجة اتکلم محتاجة شئ یساعدنی غیر البکا

مشیت اتوضیت وجیت اصلی رماح اخوی قال لی لو بتعرفی ربک م کان ختیتنا فی الموقف دا کلمتو وجعتنی اکتر من ظلم احمد لی المهم صلیت واخدتا بکیتی مشیت ل امی قلت لیها انتی م واثقة فینی لی ی امی قلت کدا قالت لی امشی غرفتک م عایزة اشوفک قدامی ختیتنا فی موقف م یعلم بیو الا ربک

لا اکل لا شراب لا ونسة

الجو مکهرب

والناس منفسنة وانا م قادرة اتصرف وشایلة هم مصطفی

جاتنی رسالة من رامی اخوی من شفتا اسمو م فتحت الرسالة خفتا وجسمی نمل وقلبی قبضنی

اذن رامی عرف مشکلتی وهو ف شهر العسل

راسی بقی یودی ویجیب