الجزء 10

سؤاله نزل علي قلبي زي الصاقعه،،،بس م حبيت اكزب علي او امشي في الكلام لانو اول مره اشوف زول يصارحني بكدا وكمان بحبني لي الدرجه دي عشان كدا قررته انو انا لازم اكون صريحه معه،،،قلت وليد انا مقدره صراحتك وحبك لي بس انا م ح اكزب عليك واقول اني بحبك ولا ح اقول ليك اديني وقت عشان احبك،،،،انا انسانه فيك تقول انها مرت بظروف اصعب واسوأ اتعرضته لي كتير من الاهانات اتخزلت من اقرب الناس لي وانجرحت من اكتر انسان انا حبيتو،،،،بس رغم كل الظروف دي اتحديت كل شي وبقيت اقوه من الاول،،،،الحب في قاموسي حاليا غير موجود لانو قلبي عباره عن حجر واتجمد فيه الشعور او الاحساس ب الحب،،،،ف انا م عاوزه اظلمك معاي وبتمنى تلاقي واحده غيري تحبك اكتر من حبك لي لاني انا م بقدر ابادلك الحب ده وامكن الشعور الانت بتحس بي ده مجرد اعجاب م حب واكيد مع الوقت ح يزول ف انا بشكرك علي صراحتك معاي بس انا ح اقول ليك شي واحد انو انا غير موهله لي الحب بعتزر،،،،، لحظته حصلت حاله صمت بينا بس هو لسه مصر انو يعاين في عيوني حتيطى اثناء كلامي كنته بتفاده نظراتو لي لانها بتوترني،،،، قال لي خلصتي كلامك ولا عندك اضافات تانيه،،،،استغربته من كلامو قال لي يعني حاليا مافي شخص في حياتك طيب الحمدلله،،،،شهد انا فهمته عليك بس الما فهمتو لي انتي بتتجاهلي نظراتي ليك لي بتتكلمي من غير م تعايني في عيوني،،،،،سكته م رديت علي لاني بذات نفسي م عارفه الجواب،،،،،،قال لي شهد انا م بحكم ب وجهه نظرك ولا كلامك القلتي لي عارفه لي لاني بحكم بشي واحد اشر لي ب اصبعو علي اتجاه قلبي قال لي انا بحكم ب الاحساس البطلع من قلبك وانا شفته الاحساس ده في عيونك مرات بنقول كلام بس م بكون طالع من قلبنا بس لمن يكون العقل مسيطر علي القلب وقتها العيون هي البتحكي كل شي،،،،،وانا عرفته الجواب من عيونك ف م محتاج اجابه تانيه شهد اي انسان بمر بظروف وبعلاقات بتخيب ظنو وبتخليي يكره حاجه اسمها حب وبتخلي يكره نفسو لمن يجيبو سيرتو ،،،،بس م معناها انك اتخزلته مره انك م تدخل في علاقه تانيه وتحب من اول وجديد لي بنظلم نفسنا من تجربه واحده لي بنسئى الظن في الحب ب فشل العلاقات امكن الشخص الاخترتي كان غلط من البدايه و م جدير بحبك بس انتي حبك لي كان عاميك لي م تدي فرصه تانيه لي الحب يدق بابك من جديد امكن الفرصه التانيه دي كفيله تمسح كل وجع كان جواك شهد انا لمن حبيتك م حبيتك عشان هدف او عشان اقضي بيك يومين وخلاص لا انا لمن حبيتك حبيتك ك شهد حبيت روحك حبيت عفويتك حبيت حنيتك الظاهره في عيونك البتخلي الواحد من غير م ينتبه يسرح في جمالن حبيتك لانو انا عاوزك تكوني سند لي وزوجه وام لي اولادي انا عاوز اكون نصك الممكن تعتمدي علي في كل قراراتك نصك الكل م تتعثري بتلقي واقف معاك وساندك تتقوي بي واتقوى بيك م عاوزك تندمي علي حبي ليك في يوم بالعكس عاوزك تكوني سعيده انك معاي،،،،،لحظتها احترت فيه معقوله في انسان كدا ضحك وقال لي م تفكري كتير لانو التفكير حيمرضك وانا م عاوزك كدا،،،،،قلت لي بس انا قال لي هس م عاوز اسمع منك ولا كلمه،،،،،، عارف عاوزه تقولي شنو انو انتي م بتحبيني وده من حقك لاني فاجئتك بالموضوع وي ستي ما ضروري تحبيني بكفي انو انا بحبك اما حكايه انو انتي تحبيني دى مفروغ منها بس انتي خليك جنبي وبعدها انا بعرف كيف اخليك تحبيني واكتر كمان،،،، ضحكته وقلت لي انت واحد مجنون علي فكره وواثق شديد بس علي الفاضي،،،، قال لي فعلا مجنون بس مجنون بيك وحيجي يوم وانتي اللي حتكوني مجنونه بي وقتها خليك متزكره كلامي ده كويس واما حكايه انو انا واثق انك حتحبيني انا واثق لانو م حصل اتمسكته بحاجه في حياتي الا وكنت واثق انها حتكون لي ف يوم من الايام ف الثقه عندي شي اساسي،،،،،قلت لي مستحيل احبك او افكر فيك لاني شايله فكره الحب ده من بالي نهاي ويلا رجعني البيت لانو الخمسه دقايق بتاعتك انتهت ،،،،ضحك وقال لي ح ارجعك بس بشرط قلت لي سايقني من بيتنا وجايبني هنا وجاي تشترط علي كمان قال لي معناها م ح ارجعك وانا م بهمني عادي ممكن ابيت في العربيه وانا بتامل فيك وفي جمالك بس انتي اكيد امك ح تفقدك وح تفتش عليك ووقتها ،،،،قلت لي خلاص موافقه شال لي كيس هدايه من الكنبه الوراء واداني لي قال لي ناس م بتجي الا ب الهرش ده شرطي انو تقبلي الهديه دي مني قلت لي ب مناسبه شنو قال لي اعتبريها عربون اعتزار وصداقه انا عارف انو انتي م ح تقبليها ب الساهل كدا عشان كدا اشترطه عليك الشرط ده،،،،قلت لي شكرا وحاليا م مكن نرجع ابتسم ودور عربيتو ورجعني البيت قبل م انزل قال لي سلمي لي علي صحبتك هي اسمها منو قلت لي م بخصك تعرف اسمها ضحك وقال لي اعتبره دي غيره يعني قلت لي اغير من شنو علي اساس انك حبيبي يعني قال لي ح اكون ان شاء الله،،،،،قلت لي م تحلم عشان م تلقى نفسك واقع في الارض،،،،قال لي نفسي اعرف انتي بتجيبي طوله اللسان دي من وين ولا معاي انا بس غايتو الله

يصبرني شكلي ح اتعب معاك كتير ،،،قلت لي مشكلتك حاجه واحده انو غرورك عاميك مفكر انو بتقدر تسيطر علي بنات الناس وتخليهن يحبنك ب القصب،،،،قال لي م عندي شغله ب بنات الناس لانو م بهمني بتهمني بنت واحده وهي انتي ويلا اداخلي ب دل م يكون عندي راي تاني معاك،،،صريت لي وشي ودخلته البيت بقيت امشي براحه عشان م عاوزه امي تصحه وتدخل معاي في تحقيق دخلته غرفتي وانا بتسحب امنيه من م شافتني قالت لي دي الخمسه دقايق القلت عليها خلعتني قلت ليها يبنت براحه خلعتيني قالت لي الخمسه دقايق طلعت ساعتين وده شنو الكيس الشايله معاك ده،،،، وكمان فيها دور هدايه وحاجات اش علي،،،قلت ليها وطي صوتك امي نايمه،،،،خطفت مني الكيس قالت لي مستحيل خالتو تصحه لي الوقت ده فتحت الكيس وقالت لي واي ي شهد قلت ليها مالك قالت لي جاتني رعشه مسكتني صدمه كل الحاجات دي ليك انتي قلت ليها خلعتيني انا قلت الكيس فيهو قنبله قالت لي ياريت بس تعالي شوفي فتحنا الكيس كان فيهو شوكلاته كيتكات علي نوتيلا علي سيكرابس علي غيرو وارياح اشكال وانواع وكان فيه طقم بتاع فضه علي شكل قلوب حلو شديد ومجموعه دوف كامله وكان في ورقه مطبقه جواهن امنيه شالت الورقه عاوزه تفتحها خطفتها منها قالت لي شلتيها مالك خليني اقرا الفيها قلت ليها م اظن تكون مهمه رفعت لي حاجبه قالت لي الحاصل شنو من م جيتي خاشه وانتي م علي بعضك لا وكمان جايبه كيس الهدايه ده معاك يلا احكي سريع،،،، قلت ليها احكي ليك شنو واخلي شنو قعدت لي في نص السرير وقالت لي يلا احكي لي الموضوع من اولو لي نهايتو ولا شوله م تنقصيها،،عارفاها بتموت في الشمارات ف حكيت ليها كل الحصل معاي قالت لي واي انا منك ي شهد اعمل فيك شنو اخنقك ولا ارميك ب الشباك ده طيرتي المزه من ايدك ياخي انتي عبيطه ولاهبله اسع انا لو كنته مكانك كان اتشعبطه في رقبتو وقلت لي وانا كمان بحبك الذي ديل نادرين ي شهد وانتي لسه عايشه لي مع زكريات محمد حمه تاخدو هو مرتو،،،،الذي وليد ده اسع بزمتك ب قولو لي لا،،،،،قلت ليها تصدقي غلطانه انا الحكيت ليك،،،،قالت لي كان تقول لي اديني فرصه افكر لكن م طبي علي وتفاجئى ب الكلام كدا اسع تلقي جلا الفكره وح يشوف غيرك قلت ليها و يعني شنو يشوف غيري عادي وبعيدين هو زيو وذي اي واحد غيرو قالت لي احي انا منك ي شهد هو في ذي وليد وليد الهناء والسرور يايمه ده بجي واحد في الدسته م تقول لي غيرو هو كان في غيرو بكون حبو ليك كدا ،،، تصدقي بالله انتي واحده جزمه لحدي لحظه م قادره اصدق انك رفضتي وعشان شنو عشان واحد جزمه وزباله ذي محمد لا وكمان من اول لقاء عزاك ب هديه طول عمري م شفته زيها ،،،،،ومحمد المعفن كان معاك عمر كامل م حصل جاب ليك كيس تسالي ساي تتسممي بيهو،،،،،وريني اعمل فيك شنو كدي وريني عديل لانو فاض بي قلت ليها لا انتي م شديده فوتي عديل قالت لي الما بفوت بي شنو قاعده لي مع واحده غبيه وفوتت فرصه من يده والله اعلم تتكرر تاني،،،،رقدته في سريري وقبلته منها جات قعدت جنبي قالت لي شهد بس م تقولي لي قلت ليها امنيه خليني انوم بكره عندي دوام قالت لي لقيت همك بارد استعدلته ليها عديل وقلت ليها اعمل شنو يعني ازغرت مثلا قالت لي بس ي شهد م تقولي لي قلت ليها شنو قالت لي ياداب ركزته في كلامك الحكيتي لي قلت ليها كلام شنو قالت لي مش هو نفسو الشخص الدعمك زمان وبسببو وقفتي واتحديتي محمد والحله كلها صاح قلت ليها اي هو نفسو بس ده م بعني اني احبو صفقت لي بيدها وقالت لي لي م تحبي كدي عيبي لي بجد انفعلت اكتر مني انا ست الموضوع ذاته(بجد العندها صحبه ذي دي تحمد ربنا عليه لانو الزيها نادرين في الزمن الحالي الكتر فيهو خساسه الصحبات) قلت ليها امنيه الله يرضه عليك بطلي كلام كتير وامشي اتخمدي نومي وخليني انوم قالت لي طيب اديني اشوف الورقه اشوفو كاتب ليك فيها شنو،،،،قلت ليها امنيه قالت لي خلاص زحي لي كدا انوم جنبك عامله وشك الحامض ده ي ساتر،،،،،الصباح صحيت لقيته ليك في وشي قلت ليها اصبحنا واصبح الملك لله في شنو قالت لي واي ي شهد طلع رومانسي قلت ليها ده منو قالت لي منو يعني وليد شلته النعال وفنيته بيها بس جلت قلت ليها اسع خالعاني و مصحياني من نومي عشان تقولي لي كدا ضحكت وقالت لي اعمل ليك شنو اذا انتي م عندك دم ولا احساس ولا مشاعر،،،،ي بنت حسي ب مشاعر الولد ده شويه قلت ليها امنيه امشي بيتكم قالت لي م ماشا قاعده ليك هنا وفي قلبك ضحكت عليها بجد البنت دي مجنونه وفاطه سطر قلت ليها انتي في زول قال ليك انو انتي مجنونه ولازمك مصح عقلي قالت خليكي مني م عندك دعوه ضحكته،،،،قالت لي ايوه كدا وريني ضحكتك انتي عارفه عشان م تشبكيني عرفتي كيف ولاجن امس بعد نمتي فتحته الورقه وشفتها بس اللهم الثبات اريتو رجلي طول الليل بحلم براجل زيو ياخي طلع رومانسي دقيقه اقرا ليك الورقه وشوفي كاتب ليك شنو ي عديمه الاحساس((سيــدتي دَعينــي أقـولُ لكِ أمــراً بَسِيطــاً ؛ التَّغــزُل فــيكِ أجمَــلُ هِــوايَاتِي ف انتي بي

ضاء كالقمر تسلب العقول وتسحر البصر ذات عينان تطلق السهم نحيفتآ ذات غصن الشجر جميلتآ كجمالة يوسف وان لم ابالغ ب الوصف لقلت انك ملاك بملامح بشر اتحدي كل شي يبعدني عنك ويبقى قلبي ينبض ب اسمك..الي ان تتوقف تلك النبضات ف لو يعلم الحب كم احبك لتمنى الحب ان يكون حبيبي )

قالت لي شايفه ي عديمه الهارت حتى في كتابتو ظاهر انو بعشقك قلت ليها والمطلوب قالت لي ادي فرصه صدقيني م حتندمي قلت ليها صعب انتي شفتي محمد قدر شنو انا حبيتو بس م لقيت منو شنو غير الوجع والخزلان انا م عندي استعداد انو انجرح تاني من جديد ،،،،قالت لي امكن وليد يكون غير قلت ليها امنيه ياريت تقفلي الموضوع ده لاني م حابه اتناقش فيه،،،،مرت حكايه شهر وانا بتجاهل وليد الغريبه انو هو كمان بتجاهلني و من يوم كلامو معاي م فتح معاي الموضوع تاني بالعكس كان كل اهتمامو الشغل وبتعامل معاي علي اني موظفه وكل كلامو معاي في حدود الشغل وبس كانو م وليد الاعترف لي بحبو،،،،كان بارد شديد معاي،،،في يوم كان عندي ملف عاوز توقيع شلته الملف ومشيت لي بس لمن دخلته علي لقيت معه هناء كانت واقفه وهو قاعد وهي متلصقه فيه وقريبه منو شديد لحظته طوالي رجعته ب دربي ومن غير م اشعر دموعي نزلو م عارفه لي لمن شفتهم مع بعض م قدرته اتحمل رجعته مكتبي واديت الملف لي وعد قلت ليها استاذ وليد مشغول قالت لي م مشكله بخلي يوقعو لي في البيت.

⚘

‏ أعترف أنني أحببتك كثيرا ، وتعلقت بك ؛ وأعترف أيضًا بأني كنت شحيحًا بإظهار ذلك الحُب ، لأني مُصاب بمتلازمة التعلق بمن أحب وأكره فقدانهم ، وأخشى أيضاً من فكرة أن القَدَر يأخذ من نُحب ، لهذا السبب كُنت دائماً أُظهر للعالم بأنكِ عادي ولكن ادركت انك...ك الهواء الذي اتنفسه فكلاهما ضروري ولا استطيع الاستغناء عنه⚘