الجزء 17

مره يومين وامي لسه في العنايه المركزه،،،والدكاتره مانعين انو زول يدخل عليها،،،،انا طول اليومين دي م غبته ولا لحظه عنها وكنته بدعي انها تقوم ب السلامه حتي وليد كان معاي وم فارقني،،، لحدي م شفته الدكتور وهو طالع من غرفه امي مشيت علي قلت لي طمني علي امي ي دكتور قال لي الحمدلله صحت من الغيبوبه لحظته كميه الفرحه الدخلت فيني م بتتوصف قلت لي ممكن ادخل عليها قال لي اكيد بس نفر واحد،،، وليد قال لي ادخلي انتي ي شهد انا زاتي عندي مشوار ح امشي واجيك راجع قلت لي تمام ،،،دخلته عليها لقيت شالو منها كل الاجهزه المركبنهن ليها قعدته جنبها عاينت لي ب عيونه قلت ليها كدا تخوفيني وتقلقيني عليك،،، م عارفه اني مستحيل اعيش بلاك انتي كل شي بنسبه لي حضنتها وبكيت،،،قالت لي بصوت هامس عطشانه قشيت دموعي وقلت ليها حالا ح امشي اجيب ليك واجي.

في جانب تاني

وهم مجتمعين في صفره الغداء قال ليهم بما انو عمتي اليوم حتصل وطبعا غرف الضيوف اتنين م حتكفيهم ف عاوزين غرفه تاني،،،،عاين لي بدريه قال ليها مره ابوي بما انو غرفتك كبيره وواسع رايك شنو انو تقعد فيها عمتي وانتي تقعدي مع واحده من بناتك،،،،قالت لي مستحيل افضي غرفتي وم عندي شغله في عمتك ولاغيره قال ليها ولي م تفضيها قالت لي انا صاحبه البيت ده وانا البقرر منو يدخل ومنو لا وبعدين عمتك جايه ضيفه يعني تقعد مع بنتها في غرفه واحده ولو انت حابب ممكن تديها غرفتك،،،،قال ليها معناها اتفضلي انتي وبناتك برا لانو انا المالك الوحيد لي البيت ده وعندي الحق اتصرف فيهو زي م عاوز انا لمن خليتك تقعدي انتي وبناتك دي كانت مجرد حسنه مني ليسه الا بس مع الاسف م كل الناس بتقدر الحسنه دي ف الاوله انهم يطلعو،،،،هند قالت لي امها خلاص ي امي تعالي اقعدي معاي وكلها كم يوم وترجعي علي غرفتك،،،،،قالت ليها انتي تسكتي م عاوز اسمع حسك واسمع ي ود عبدالله انا عندي حق في البيت ده م انت البتجي تتامر فيني ولو بتقدر امرقني وقامت،،،،،قال ليها معناها انتي الجنيتي علي نفسك ياسمين قالت لي شادي لي بتعمل معاها كدا قال ليها الناس الزيها ديل لازم تتعامل معاهم بنفس طريقتم واسلوبهم،،،دخلت بدريه الغرفه وبناته وراها هناء قالت ليها ماما الولد ده شنو حكايتو معانه بدريه قالت ليها خليهو انا بعرف اتصرف معه كيف،،،،قالت ليها وانا ح تشوفي لي صرفه متين ي ماما وليد مسفهني بس عشان البنت الجربوعه الاسمها شهد امها قالت ليها عامله خطه ومتاكدا ح تنجح والبنت الاسمها شهد دي ح تزح من طريقك انتي اصبري بس وكل المطلوب منك تنفزي اي شي انا بقولو ليك ب الحرف الواحد هناء حضنت امها وقالت ليها م اتحرم منك،،،،قالت ليها انتي مشكلتك محلوله بس الكلام علي اختك الهبله دي هند قالت ليها اعمل شنو يعني وائل وم طايقني وشادي وقلت لي اوعك تقربي منو،،،امها قالت ليها بس في ود عمتهم امجد وده لمن يجي م بكون فاهم شي وانتي لازم تتقربي منو وتوقعي في حبك بعدها تتزوجي وتسافري معه هند قالت ليها فكره حلوه علي الاقل ارتاح من السودان واشوف حياتي برا.

وليد بعد طلع من المستشفي مشاء حله ناس شهد سال كم واحد عن بيت كلتوم وصفو لي البيت وكان مقاصد لي بيت ناس شهد،،،طقه الباب فتحت لي امنيه قالت لي وليد،،قال ليها ايوه قالت لي مرحب بيك قال ليها امك قاعده قالت لي اي قاعده ادخل بعد دخل قعد في الصالون امنيه جابت لي مويه وعصير جات كلتوم بعد شافتو قالت لي مش انت الجيت مع شهد المستشفي،،،قال ليها اي انا مدير شهد في الشركه قالت لي اهلا ي ولدي قال ليها بصراحه ي خاله انا جيت عشان اسالك عن الحصل وخله خالتو نعمه تصل لي الحاله دي،،،،قالت لي والله انا زاتي محتاره الحصل ليها شنو لي درجه خلاها تقع وتحصل ليها صدمه قال ليها امكن شافت ليها شخصيه قديما مثلا قالت لي ابدا م اظن قال ليها بس انتي قلتي لي بنتك انك شفتي مراه بعدها اتلفتي لي خالتو نعمه ولقيتيها واقعه قالت لي اي صاح اتزكرته انا شفته بدريه بنت الفضل،،،،قال ليها وتطلع منو بدريه وعلاقته شنو ب خالتو نعمه ممكن تحكي لي القصه،،،،قالت لي بصراحه ي ولدي انا ونعمه دي كنا صحبات من لمن كنا صغار ولحدي م كبرنا كبرنا سواء نعمه دي كانت يتيمه بس ربته خالته وكانت قاسيه معاها شديد وعلي طول بتضربه،،،، خالته دي كان عندها بنت واحده ياها بدريه دي كانت معجناها ومدلعاها وكلو علي حساب المسكينه نعمه،،كانت بتضربه ومشغلاها عندها زي الخدامه لي درجه انا حنيت ليها وطلبته منها تهرب بس هي كانت مصره تستحمل ظلم خالته بعدها انا عرسته ورحلته من البلد وجيت سكنته هنا وانقطعت اخباره عني بس بعد عشره سنه انا وراجلي كنا في مناسبه واحد صاحبو ونحن راجعين لمحته نعمه قاعده ليها علي ناصيه في الشارع استقربته معقوله دي نعمه قلت لي راجلي اقيف نزلته وقربته منها لقيته ياها نعمه م غيره وكانت شايله ليها طفله وكانت حاضناها عليها قربته منها كانت بترجف قلت ليها نعمه دي انا كلتوم م تخافي

سقتها معاي البيت سالته الحاصل ليك شنو قالت لي انو اتزوجت بعدي طوالي وانو راجله مات وم عندها منو غير البنت دي واهلو طردوها من البيت قعدتها معاي في البيت بس هي كانت رافضه انو تعيش علي حساب غيره و قررت انو تشتغل عشانه وعشان بنتها وفعلا لقت ليها شغل في المدرسه فراشه ومن شغله ده قالت لي انا دايره اجر لي بيت قلت ليها لي تاجري بيت لي وبيتي ذي بيتك بس هي كانت مصره قلت ليها طيب رايك شنو تسكني في البيت الجنبي ده قلت ليها هو حق الطيب راجلي بس م لاقي لي زول ي اجرو انتي اسكني فيهو بس هي كانت عنيده الاتدفع حق الايجار قلت ليها طيب ادفعي البتدفعي وم بنتناقش،،،ومن وقتها هي عاشه جنبي هنا ومرت الايام بحلوها ومرها بس كل م اساله عن خالته وبنتها هي كانت بتتهرب من الاجابه لحدي م قبل يومين مشينا السوق انا وهي ولمحته بدريه بنت خالته بس م عارفه الحصل لي نعمه فجاء شنو وخلاها تفقد وعيها،،،قال ليها طيب بتعرفي بدريه دي ساكنه وين قالت لي م عارفه والله لانو م لحقته امشي ليها واساله لاني بقيت في نعمه الوقعت،،،طلع منها وهو راسو شاطب م فاهم اي شي قال في نفسو في حلقه مفقوده والاجابه عند شخصين بدريه ونعمه،،،بس انا اصل لي بدريه دي كيف لانو مستحيل اسال خالتو نعمه عن الحصل... اولا::: لانو م عندي الحق اساله سؤال ذي ده ثانيا::: هي م بتعرفني عشان تحكي لي سرها،،،تلفونو اتصل عاين في الشاشه لقاهو وائل قال لي عمتي وصلت هي واولاده تعال البيت وليد قال لي تمام ساعه واكون عندكم،،،،وصل البيت لقاءهم كلهم مجتمعين قال ليهم جلسه في الحرم كلهم قالو لي جمعا مشه لي عمتو وسلم عليها وسلم علي اسماء بنتها وامجد،،،،عمتو قالت لي اتوقعتك ي وليد انت البتجي وتسوقنا من المطار قال ليها مشغول شديد اعفي لي قالت لي ولا يهمك،،،،وانت ي شادي عجبتك السودان لي درجه انك نسيت كندا وشغلك فيها قال ليها انا قررته ي عمتي اني استقر هنا عاوز اكون معه ابوي واختي قالت لي فكره كويسه،،،،وليد قال ليها اسوم واخيرا ح نشوفك عروسه ضحكت وقالت لي بصراحه عمرو هو المستعجل شديد بس ده كلو عشان م عاوز يسافر امريكا ويخليني وراهو،،،،وائل قال ليها م تسوقوني معاكم بقعد موادب والله كلهم ضحكو علي ،،،فجاء جات نازله بدريه ومعاها بناته،،،وعد قالت ليهم بصوت واطي شرفت الخانو وبناته،،،،بدريه ركبت وش الفرحه والابتسامه لي الضرس قالت ليها وانا اقول البيت منور اتاري بثينه شخصيا مشرفانه بثينه اصلا م بطيقه ولا بتريده بس سلمت عليها عادي ،،،،شادي بعد شاف بدريه قال ليهم يلا انا بستازن لانو الجو اتلغم كلهم عاينو لي بس هو ضحك وقال ليهم قصدي عندي كم مشوار كدا،،،، بعد شويه بثينه قالت ليهم انا حاسه نفسي تعبانه عاوزه امشي اخد راحتي شادي قبل م يطلع جاء راجع قال ليها عمتي الغرفه العلي يدك اليمين دي حكتون غرفتك لانو الغرف التانيه دي مساحته ضيقه وشبابيكه صغيره وانتي عندك الحساسيه ف حضرته ليك الغرفه دي مخصوص عشان فيها تهويه،،،،بدريه عاينت لي شادي نظره خلتو يضحك من جواهو ب انو قدر يفرسه ،،،،بعدها طلع وخلاهم وليد قال ليهم وانا كمان بستئزن لازم امشي المستشفي وعد قالت لي سوقني معاك لانو لي يومين م مشيت لي شهد قال ليها طيب يلا هناء بعد سمعت اسم شهد دايره تطق من الغيظ،،،،، بثينه قالت ليها معليش ي بدريه كان بودي اقعد اتونس معاك بس مرهقه من السفر بدريه قالت ليها ولايهمك وهي بجواها من م جيت اي واحد فيكم داير ينسحب اصبرو لي اما طلعتكم من البيت ده واحد واحد م يكون اسمي بدريه،،،، هند عجبه امجد قعدت جنبو وبقت تتظارف معه بس هو م اداها مجال و في قلبو قال دي شنو البنت الخفيفه دي،،،وهم في العربيه وعد عاينت لي وليد لقتو ساكت وسرحان بعيد قالت لي شارد وين قال ليها م عارف راسي جايط قالت لي في شنو قال ليها في قصه م مفهمومه قصه ناقصه اشخاصا مجهولين وعشان تكتمل القصه دي لازم تصل لي الناس ديل بس كونك تصل ليهم في حد ذاته مهمه صعبه ومستحيله،،،،،قالت لي م فهمتك قال ليها م تشغلي بالك كتير،،وقال في نفسو مخبيه وراكي شنو ي نعمه.

⚘ثم يمر كل الذي مر ، وتبقي آثاره عالقة بين ضلوعنا...ليست صُدف بل هي خيوط اقدارنا،،،،، ، كل هؤلاء الناس الذين أعطونا بعض الدروس ، وكُل أُولئك الرائعين الذين أناروا سماءنا عندما خلت من النجوم ، إن خيوط قدرهم كُتب لها أن تُلامس خيوط اقدارنا ، قبل البدء وقبل كل شيء لذلك البعض نشعر معهم وكأننا نودّ قول : مرحبًا أنا أعرفك ، أين كنت كل هذا الوقت؟"⚘

_