الجزء 19

قال في نفسو معقوله يكون تشابه اسماء ولا امكن تكون نفسها هي بدريه انا لازم اصل لي الحقيقه ب اي طريقه و محور القصه دي بتركز لي علي تلاته اشخاص كلتوم نعمه وبدريه الما عارف ليها اتجاه دي،، انا متاكد انو في وراهن سر بس شنو الله اعلم،،،وصل الشركه وهو لسه بفكر في الموضوع الشغال كل تفكيرو دخل مكتبو لقاء هناء قاعده قال ليها انتي مهمله كدا لي فايل كامل تنسي جنب البوابه،،،ادها الفايل وقال ليها اعملي حسابك وم تنسي حاجات مهمه ذي دي،،،،قالت لي حالتي كنته بفتش علي وقلبته شنطتي تقلب بس م لقيتو لانو فيهو ورق مهم خصوصا الرقم الوطني بتاع امي الحمدلله انو انت الي لقيتو شكرا،،،،قال ليها ولايهمك قبل م يدخل جاها راجع تاني قال ليها ممكن ي هناء تجيبي لي كبايه جبنه لانو حاسي نفسي مصدع وم قادر اجمع قالت لي سلامتك وحالا ح امشي اجيبه ليك،،،،دخل مكتبو وقعد في الكرسي مسح وشو بيدي الاتنين وقال في نفسو انا لي شاغل نفسي ب الحكايه دي لي مصر اني اعرف القصه لي حاسي انو في صله قويه بتربط بين خالتو نعمه والمراه الاسمها بدريه دي لي حاسس انها هي السبب في كل الحصل ليها،،،بعدها اتزكر كلام شهد وقال في نفسو طيب م امكن كلام شهد صاح واكون انا الغلطان لانو لو كان فعلا ليها اعداء او معارف كان حكت لي شهد لانو هي الوحيده القريبه منها ومستحيل تخبي عنها شي ذي ده ،،،،اكيد بكون انا مدي الموضوع اكبر من حجمو لازم انسه القصه دي واشيله من تفكيري بس لي م قادر انساها ،،،،جات هناء داخله قالت لي ب مياعه عملته ليك احلا كبايه قهوه من يدي قال ليها تسلمي قربت منو ومدته لي بس انزلقت من ايده وانكشحت في قميصو قالت لي انا اسفه قال ليها عادي ولايهمك بعدين هو اسود م باثر قالت لي م عارفه الحاصل لي شنو جابت المناديل وقربت منو وبدت تمسح لي في القميص .

انا ووعد كان عندنا كم ملف عاوز مراجعه قلت ليها انتي شيلي جزو وانا ح اشيل جزو قالت لي تمام بعد تخلصي منهن وديهن لي وليد عشان يوقعن قلت ليها تمام شلته الملفات وطلعته مكتبي وبديت اراجع فيهن بعد خلصتهن شلتهن وطلعته مشيت مكتب وليد وانا داخله شفته هناء جوه مع طارق وكانت قريبه منو لي درجه انها لاصقه فيهو،،،،انا لحظته حسيت ب دمي بغلي من الغيره ودخلته توشك من غير م اطق الباب وليد بعد شافني ابتسم وزحه من هناء وقال ليها خلاص انتي اطلعي لو احتجته لي حاجه بناديك ،،،،، هي بعد قال ليها كدا اتغاظت ولمن شافتني صرت لي وشها وطلعت،،،،وليد قام من كرسي وقرب مني قال لي وانا اقول الشركه منور كده لي اتاري نور حبيبتي سابق تصدقي طول الفتره دي والشركه من غير م عندها طعم بجد اشتقته ليك ولي طلتك علي،،،،زحيت منو وختيت لي الملفات في الطربيزه قلت لي بس انا م شايفه كدا شايفاك مبسوط و بتتغزل في سكرتيراتك لي درجه انو لاصقات فيك ذي القراد وانت م مصدق،،،،ضحك وقال لي اعتبره دي غيره قلت لي لا واغير لي قال لي يعني م بتغيري علي قلت لي لا رفع لي حاجبو قال لي متاكده قلت لي اي قال لي طيب رايك شنو بالله في هناء دي مش زوله مزه وكيوت وتتحبه علي طول وشكلها بوحي انها بتحبني كمان ،،، قلت لي وانا دموعي في طرف عيني لايقه عليك و حبها ب راحتك دايره اطلع مسكني من ايدي ورجعني مكاني دموعي نزلو قشيتن قال لي ي بنت انتي غبيه مافي بنت غيرك ماله عيني لاهناء ولا اي بنت تاني غيره بتحل مكانك،،،،انا كنته عاوز اشوف غيرتك علي عشان كدا قلت ليك كدا بس م تفكري في يوم انو انا ممكن احب واحده غيرك فاهمه ويلا بطلي بكه،،،،،قلت لي انت واحد غليظ م عاوزه معاك كلام والغاظني اكتر انو خليتو وهو بضحك،،،هناء بعد شافتني قالت لي استني اتلفته عليها قلت ليها انتي معاي انا ضحكت و قالت لي شايفاك مبسوطه بس ي حرام مسكينه عايشه علي امل وثراب مفكره انو وليد بحبك،،،بس انتي م عارفه انك مجرد حشره بنسبه لي حبه يتسله بيها يومين بعدها ح يزهج ويرمها،،،مفكره انو لمن يحب ح يحب واحده زيك اصحي ي ماما وليد لي انا وبس واذا خليتو ليك يومين ده ب مزاجي فاهمه بعدها ح يكون ملكي براي اما انتي اخرتك الشارع لانو بليق ب الناس الزيك واعرفي كويس انو الناس مقامات وعايني لي نفسك اظن فاهماني،،،،قلت ليها خلصتي كلامك ولا عندك كلام اضافي لوت لي خشومه،،،،قلت ليها احب اقول ليك ياريت ياريت لو تصحي شويه من احلام اليقظه العايشه فيها دي وعيشي في الواقع البقول انو وليد عمرو م حباك ولا ح يحبك لانو لو كان عاوزك بجد طول المده دي م كان معمي منك وكان معاك دايما حتي انو انتو ساكنين سوء في نفس البيت علي م اعتقد يعني لو كان عاوزك بجد ذي م بتقولي كان صارحك من زمان وم جاء صارحني انا بحبو،،،،يعني انا الوحيده الفي بالو وحياتو فهمتي وطول م اتقبلتي الفكره دي بدري بكون احسن لانو وليد م كان ولا حيكون ليك في يوم من الايام،،،قالت لي غلطانه وليد بحبني انا وبس ،،،،قلت ليها عموما انا م ح اقول ليك غير شي واحد انو الايام كفيله تثبت ليك اذا

ح يكون معاك ولا معاي واذا كان بحبني او بحبك،،،،وطلعته خليته مفروسه،،،،نهايه اليوم بعد خلصته شغلي وانا طالعه لقيت وليد وواقف برا جنب باب الشركه ومتكل علي عربيتو انا طوالي بعد شفتو غيرته اتجاهي بقاء ينادي فيني بس انا ولا كانو بتكلم معاي قرب مني ووقف لي في وشي قال لي انتي م سامعاني بنادي عليك قلت لي لا،،،،،قال لي انا عارف انك زعلانه مني بس ممكن تمشي معاي ونتفاهم في العربيه سكته قال لي ممكن،،،قلت لي طيب مشيت مع دور العربيه وبقاء لافي بي لاهو اتكلم ولا انا اتكلمته،،،،،وقف العربيه و قال لي شهد انا م عاوزك تسكتي كدا ولا عاوزك تزعلي مني لانو زعلك بضايقني قلت لي بس انا م زعلانه منك ولاشي وم اكذب عليك انا قبيل لمن شفته هناء وهي معاك غرته وكل م اتزكر انها سكرتيرتك بغير وبتغاظ عليك اكتر بس ده كل الحاصل ،،ضحك وقال لي الله ي صبرني عليك يوم ح تجنينيني وي ستي انا عارف انك بتغيري وده من حقك لانو انا ملكك انتي وبس فاهمه،،،، بس ده م بديك الحق كمان انو تزعلي مني مهما كان،،، هذيت لي ب راسي قال لي م تجي نعرس مع بنت عمتي دي ياخي انا دايرك تكوني جنبي علي طول وم تغيبي عني ولا لحظه قلت لي لا قال لي ولي لا قلت لي لانو العرس بعد يوم واحد وانا مستحيل ارضه يكون عرسي قريب كدا قال لي طيب رايك شنو بعد شهر اظن كدا مناسب قلت لي بعد عرس بنت عمك بنتناقش في الموضوع ده قال لي طيب ماشي،،،،قلت لي نمشي لاني اتاخرته وامي عندها دواء لازم تاخدو في مواعيدو وهي م حا تنتبه لي،،،،،وصلني البيت وقبل م انزل قلت لي وليد قال لي عيونو قلت لي شكرا قال لي قلتي شنو كدي عيدي ضحكته وقلت م شكرا شكرا،،،،،شكرا لانك موجوده في حياتي لانك الوحيد الحسستني معني الحياه وم عرفته الحب الا وانا معاك،،،قال لي انا المفروض اشكر ربنا عليك لانو اداني احلا نعمه،،،،قال لي م نعمه امك ضحكته وقلت لي بطل ثقاله ياخ قال لي ده الا انا عاوزو عاوز اشوف ابتسامتك دي علي طول ملازمه وشك ،،،،نزلته منو وانا مبسوطه دخلته البيت وانا بنادي علي امي قالت لي انا هنا في الصالون تعالي دخلته الصالون لقيته هي وخالتو كلتوم واتفاجئته لمن لقيت محمد قاعد كمان ،،،،قلت لي انت بتعمل هنا شنو في بيتنا يلا اطلع برا،،،،،،،امي قالت لي شهد عيب كدا ده مهما كان ضيفنا،،،،قلت ليها نحن م بنستقبل ضيوف ذي ديل ،،،،قال لي شهد انا جاي اعتزر منك وندمان علي العملتو فيك بس انا كنته م واعي والشيطان لعب ب راسي واسع طلقته سهام لانو اكتشفته انو انا م بحبها حتي انو هي م فيها ولاصفه ذيك،،،،،اسع انا جايك ندمان وسافف التراب عارف العملتو غلط بس نحن اولاد بلد وجيران والعشره والحب البينا اكبر من كدا شهد انا لسه بحبك وباقي عليك واوعدك انو انا ح اعمل اي شي بتقولي علي مستحيل اخزلك تاني بس خلينا نرجع زي الاول،،،،،قلت لي نرجع ههه بسهوله كدا جاي بتقول لي نرجع لا وكمان ذي الاول انت في حاجه في راسك ده وواعي لي الانت بتقول فيهو،،،،انت فاكر انو بسهوله كدا ممكن ارجع ليك تبقاء غلطان قال لي انا مستعد اعمل اي شي بتقولي علي بس نرجع ي شهد انا ياداب عرفته قيمتك ،،،قلت لي ي سلام شي عظيم انك ياداب عرفته قيمتي بس ياترا بتقدر ترجع لي كرامتي الشوهتها لي قدام الناس ولااهانت ابوك واخوك لي وانت كنته واقف في نصهم وعلي الرغم من انك عارف انو كلامهم كذب وافتراء بس فضلته تسمع كل اهاناتم الوجهوها لي وانت عملته شنو بقيت ساكت من غير م تنطق ولاحرف،،،، طيب خليك من دا بتقدر ترجع الزمن لي وراء بتقدر ترجع كل دمعه بيكته ب سببك بتقدر ترجع كل الم انا اتوجعتو وكنته انت السبب فيهو جاوبني لي سكته م عندك جواب صاح معاناها يلا اتفضل اطلع برا قال لي شهد ارجوك اديني فرصه واحده انا عارف انك م نسيتيني ولسه بتحبيني ذي م انا بحبك قلت لي عن اي حب جاي تحكي هو الزيك بعرف يحب من اصلو انت م عارف يعني شنو حب ف م تجيب سيرتو علي لسانك،،،،عارف الحب شنو طيب اقول ليك الحب عطاء تضحيه وفاء اخلاص وانت م عندك ولا واحده فيهن ولو كنته بتحبني ذي م بتقول م كان زليتني وصغرتني قدام الناس،،،،عاوزاك ي محمد تعرف شي واحد انو انا م حبيتك ولا ح احبك لاني ببساطه اتخطيتك من زمان من اول يوم اتخليت عني فيهو وبجد بحمد ربنا انو زحاك من طريقي لانو لو انا اتزوجتك كنته ح اعيش في تعاسه طول عمري،،،،بس ربنا بعدني عنك وعوضني ب شخص عرف يقدر قيمتي ووجودي في حياتو م ذي واحد كل همو نفسو وبس وعامل فيها راجل و بفرض قراراتو في اي شي هو بطلبو وبقررو وطبعا كلامو لازم يتنفز ،،،انت عارف لمن بعدته عني اكتشفته انو انا م كنته بحبك من الاساس يعني فيك تقول كنته بتوهم انو انا بحبك و اكتشفته كمان انو كل الكان اتجاهي ليك مجرد حاجه عابره م ليها وجود ولامعني ،،،،،بس مع وليد عرفته معنى الحب الحقيقي معني المشاعر الصادقه قال لي ب صوت غليظ وليد منو ،،،،، ابتسمته وقلت لي هو نفس الشخص لمن انت كسرتني هو جاء و احتواني ولملم كل حاجه كانت محطمه جواي شخص حباني

اكتر من نفسو شخص واقف معاي وداعمني في كل قراراتي وانا بحبو فوق م تتصور،،،قال لي وانا ي شهد،،،،قلت لي انت ولاشي م عندك وجود ولا معني في حياتي من الاساس ولا حتكون،،،،ويلا اتفضل برا من غير مطرود وياريت م توريني وشك هنا تاني طلعتو برا البيت وقفلته الباب في وشو امي قالت لي شهد وليد ده منو كمان،،،،،كلتوم قالت ليها مدير شهد في شغل بجد راجل وقف معاها وقفه رجال لمن كنتي مرقده في المستشفى الزيو نادرين،،،،بس بجد ي شهد بنتي بركه الطردتي لانو ديل الكلب عمرو م بنعدل واحد تافه بعد م مسح ب كرامتك قدام الناس جاي يعتزر قال ويرجع ليك يرجع فيهو لستك المعفن،،،،،قلت لي امي انتي كيف بتسمحي لي يدخل قالت لي م ظريفه اطردو من بيتي وبعدين هو جاء ندمان واعتزر،،،،قلت ليها امي الذي ديل مستحيل يتغيرو حتي لو جو واعتزرو ،،، خليتن ودخلته غرفتي وقفلته علي الباب المساء جاتني امنيه قالت لي صحي محمد جاء هنا قلت ليها تخيلي بكل عين قويه جاء وقال شنو جاي يعتزر مني قالت لي اريتني لو كنته حاضره كان زليتو زله الكلاب التافه،،،،قلت ليها عارفاك م بتقصري فجاء تلفوني اتصل لقيتو وليد قال لي حبيبي ممكن تطلعي برا قلت لي شنو قال لي مالك اتخلعتي افتحي الباب بس،،،،مشيت فتحته الباب لقيت صندوق كبير مغلف عاينته يمين شمال مافي زول شيلتو و دخلته بيهو غرفتي امنيه قالت لي ده شنو قلت ليها م عارفه اتصلته علي قلت لي ممكن اعرف ده شنو الرسلتو لي ده قال لي هديه قلت لي هديه ب مناسبه شنو قال لي بطلي اسئله كتير وافتحيها،،،،،دايره افتحه لقيت امنيه سبقتني كان فيها فستان ذهري وفيهو تطريز ب الفضي علي شكل قلوب كان خرافي حتي الطرحه والشبط نفس الدرجه ومعاهن ساعه واكسسوارات وعلبه مكياجات وشوكلاته قلت لي وليد ده شنو كل ده قال لي انتي شايفه شنو قلت لي بس انا م طلبته منك تجيب لي حاجه قال لي م ضروري تطلبي وي ستي انا جبتهن عشان عاوزك تطلعي بيهن مميزه وتكوني اجمل واحده في العرس مع انو انتي اصلا جميلا من دون الحاجات دي،،،، بس دي مجرد كماليات ليس الا قلت لي م عارفه اقول ليك شنو غير ربنا يخليك لي و م يحرمني منك قال لي ولا منك،،،،امنيه شغاله لي ب صوت واطي اقفلي قلت لي وليد برجع ليك قفلته منو،،،،قلت ليها في شنو بقت تصرح وترتب في السرير قالت لي واي ي شهد الحقيني ح يغمه علي قلت ليها بسم الله مالك ي بنت قالت لي انا م قادره اصدق حاسه اني بحلم قلت ليها يبنت انتي مجنونه خليتيني اقفل عشان تسرخي قالت لي اي لانو كانت واقفه لي في حلقه ولو م قفلتي كان صرخته وفضحتك معه في التلفون،،،، شهد قلت ليها نعم قالت لي انا لي حظي زفت كدا لي م بلقاء لي واحد ذي وليد ده،،،كل العرفتهم في حياتي مواسير وزباله الواحد لمن يعزمك يعزمك علي عصير منقه التقول انا ناقصه فايتمينات،،،،شهد م تشوفي لي من النوع بتاعك ده شكلو خام اصلي،،،،،انا م قدرته امسك نفسي وانفقعته عليها ب الضحك لمن بطني وجعتني قلت ليها الله يجازي محنك ي امنيه انتي م نصيحه،،،،قالت لي حبيبك ده لي بعمل معاي كدا قاصدني شكلو وعارفني سنقل بئسه عشان كدا كل م اجيك ناطه يجي هو ويجيب ليك هديه لي كدا م حرام علي م عارف انو انا عندي جفاف عاطفي،،،،قلت ليها طيب رايك شنو تمشي معاي العرس امكن تمرقي ليك ب واحد من هناك عاينت لي كده بقعر عينه،،، قلت ليها دي فرصه ي بنت قالت لي افكر بس انتي جاده ولا بتهظري قلت ليها جاده والله طوالي مسكتني وحضنتني عليها قالت لي اختك وين انا قلت ليها خنقتيني ب حضنك ده قايتو الله يشفيك ويهديك من الجن الفيك ده،،،، زحت مني وهي بتضحك وقالت لي بجد ي شهد انتي بتستاهلي كل السعاده الموجوده في الدنيا دي عشان كدا ربنا بعد منك محمد وخته ليك وليد في طريقك ،،،رقدته في سريري وانا بفكر في كلامه معقوله انا ربنا بحبني لي الدرجه دي لي درجه انو جسد سعادتي كلها في وليد.

⚘كنت التقط انفاسي ثلاث وتسعون مرة قبل أن أدخل مكان أعلم أنك موجود بداخله واعود لترتيب مظهري في كل لحظة ثم اشعرك بأنني لا أراك بينما أنا أكثر من ينتبه لوجودك..ف انني اقسم ب انني لم أكن أنوِيك حُبًا لقد وقعتُ فيك سهواً..وانا الان اوشك علي مناداة الجميع ب اسمك⚘

بعتزر امس مفتكره اني نزلتها