الجزء 26

كلهم دخلو عليها الغرفه شهد قربت منها وبكت شادي وياسمين كانو واقفين بعيد وبعاينو ليها هي كمان عاينت ليهم ياسمين قالت لي شادي انا م مصدقه دي هي امي،،،، نعمه اشرت لي شادي انو يقرب منها قرب منهاوقعد جنبها ومسك ايدها قالت لي انت شادي ولدي م غيرو صاح ودموعه جرن قال ليها اي ي امي انا ولدك شادي قالت لي كان قلبي حاسس ولمن شفتك عاطفتي كانت اقوه وجاني احساس قوي انك شادي ولدي وظني م خاب م انت الغالي ولد الغالي،، شادي بكه وقال ليها طيب مدام انا غالي عندك لي اتخليتي عني لي لي بعدتي وخليتيني وحيد كان تسوقيني معاك كان احسن لي من العزاب الكنته عايش فيهو وانا عايش علي امل انك خلاص مشيتي وخليتيني معقوله ي امي هنته عليك قالت لي م تقول كدا ي ولدي الله بشهد انت واختك في بالي طول الوقت بس ربنا علي الظالم،،،، ياسمين قربت من نعمه وقعدت جنبها علي الارض وهي بتبكي قالت ليها انا م مصدقه انك عايشه وقدامي حاسه اني بحلم ،،،،،نعمه كانت متفاجئه قالت ليها انتي ياسمين هزت ليها ب راسه،،،،نعمه مسكت ياسمين وحضنته عليها وبقت تسلم عليها في كل مكان وحضنت شادي كمان عليها،،،،شهد كانت واقفه قريب منهم وهي بتبكي شادي قال ليها تعالي بقو التلاته حاضنين امهم(فعلا حنان الام مافي زيو وحضن الام هوالحضن الوحيد البحتوي الواحد مهما مرت بيهو متاعب الدنيا الانو الامه دي نعمه ف حفظو علي النعمه دي و ربنا يحفظ و يخلي كل الامهات ))نعمه لمن شافت اولاده التلاته في حضنه بقت تقول يامنته كريم يارب واخيرا لميتني ب اولادي بعد السنين دي كلها،،،،،وليد كان واقف بعيد وبعاين ليهم واتاثر ب المنظر و لا اراديا دموعو جرن لانو دي اول مره يشوف اولاد محرومين من حنان الام والتانيه محرومه من حنان الاب ،،،،فجاء جات كلتوم داخله والخوف ظاهر في وشها جات وهي بتكورك نعمه بس لمن شافت شادي وياسمين وشهد حاضنين نعمه استقربت ،، نعمه قالت ليها كلتوم،،، كلتوم قالت ليها الحصل شنو ي نعمه وكيف تعبتي م كنا انا وانتي سواء قبيل انتي م عارفه لمن جاني اتصال انك وقعتي ودختي طوالي جيت جاريه جري،،،،وليد قال ليها انا الاتصلته عليك عاينت لي نعمه قالت ليها ديل منو م عرفتهم،،،،وليد قال ليها اولاده كلتوم اتخلعت قالت لي شنو،،،،وليد قال ليها ذي م سمعتي كدا ده شادي ولده ودي ياسمين بنتها وانا اتصلت عليك مخصوص ووحكيت ليك انو خالتو نعمه تعبت بس عشان اخليك تجي هنا،،،،انتي المره الفاتت كزبتي علي بخصوص خالتو نعمه بس حاليا م ح يكون في كزب نحن كلنا في الغرفه دي وعاوزين نعرف منك انتي وخالتو نعمه السر الانتن مخبياتنو طول السنين دي لي خالتو نعمه كانت بعيده من اولاده طول السنين دي عاوزين نعرف السبب الخله خالتو نعمه تدخل في غيبوبه لمن شافت بدريه،،،،كلتوم عاينت لي نعمه،،،وليد قال ليها انا عارف خالتو نعمه م حتحي لينا وح تحاول تداري عن الموضوع بس انتي الوحيده الممكن تحكي ،،،،،،نعمه هزت راسه لي كلتوم ب انو م تحكي،،،كلتوم قالت لي نعمه كلامو صاح لي متين ح تخبي لمتين ح تسكتي لحدي م ربنا ياخد امانتو طالمه ربنا لماك ب اولادك بعد السنين دي كلها لازم يعرفو كل شي لازم يعرفو الحقيقيه المخبياها من 18سنه واذا انتي م ح تحكي انا ح احكي ليهم لاني طول السنين دي ساكته بس عشانك بس اسع م ح اسكت وح احي ليهم كل ،،،،نعمه بقت تبكي وتقول ليها كلتوم م تحكي انا م عاوزه تحصل مشاكل كفايه الحصل،،، شادي قال ليها لا ح تحكي انا كمان عاوز اعرف السبب الخلاك تبعدي مننا طول السنين دي،،،،،كلتوم قالت لي انا ح احكي عاينت لي وليد قالت لي انت قبل فتره جيتني وسالتني عن السبب الخله نعمه تقع وانا وقتها م حكيت ليك الحقيقه كامله اي نعم انا حكيت ليك قصه نعمه وكيف عانت مع خالته وكزبته عليك في اني لاقيت نعمه علي ناصيه في الشارع،،،بس عشان انا وعدته نعمه اني م احكي اي شي بس خلاص لحدي هنا وكفايه،،،،مش عاوزين تعرفو الحصل طيب اسمعو انا ونعمه طول عمرنا كنه صحبات واكتر من اخوات كنته معاها في كل لحظاته لحدي م اتزوجت وسافرت الخرطوم وانا كنته علي تواصل معاها بعد فتره عرفته انها جابت ولد لحظته فرحته ليها من قلبي وسافرته ليها زياره وهناك شافني ابو امنيه و نعمه هي الوحيده الوقفت معاي لحدي م اتزوجته وجيت واستقريت في الخرطوم وكل فتره بزور نعمه وهي بتزورني بعدها بفتره كده نعمه ولدت بنت وسمته ياسمين لحظته فرحته وكانو ياسمين دي بتي انا،،،،لانو انا وقتها م ولدته م خلينا انا وسليمان دكتور بس م كان في اي نتجيه بعدها قررنا انو نمشي مصر وفعلا سافرنا عدينه سنه كامله هناك وفي السنه دي حملته ب امنيه،،،، سليمان كان مصر انو الد هناك بس انا رفضته وقلت لي احسن حاجه ارجع بلدي والد هناك وفعلا رجعنا السودان الحمل كان تاعبني شديد بتزكر يومها جاتني نعمه كانت زعلانه مني لاني من م سافرته م اتصلت عليها بس لمن حكيت ليها ب حملي فرحت وورتني انو هي كمان حامل وحكت لي ب انو خالته ماتت وبدر يه راجله مات وجات هي وبناته وانو عبدالله راجله قرر انو يكفلهم انا لحظته كنته بعرف بدريه كويس كانت واحده وسخه وخبيثه ونسخه من امها كنته خايفه علي نعمه منها لانو نعمه قلبها طيب وقدر م حزرتها منها كانت نعمه بتزعل وبتقول لي انو هي مسكينه وعندها ايتام،،،انا كنته بمشيها بس عشان م تزعل،،،بس بعدها ب كم شهر كدا راجلي حصلت لي ازمه ماليه لي درجه انو باع البيت الكنا ساكنين في عشان يسدد ديونو واطرينا نرحل من الخرطوم ومشينه سكنه مع اهلو كانو من ضواحي الخرطوم ورحلنا واستقرينا هناك ومن يومها اخباري انقطعت من نعمه،،،بس بعد فتره وانا داخله في التاسع كنته مقابله دكتور في مستشفي(......)وعلي التعتر لي الدكتور كان عندو عمليات انتظرتو في العياده ساعه واتنين وتلاته بس م جاء بعدها زهجته وقلت لي الكاتبه سجلي لي يوم بكره م بقدر اقعد اكتر من كدا بس وانا طالعه ب الممرات سمعته صوت في غرفه من الغرف الصوت م كان غريب علي رجعته و عاينته ب الشباك كانت مره لابسه ليها توب المره دي كانت واقفه ومدياني ضهره بعد شويه قعدت علي الجهه التانيه لحمته وشها وشفتها عديل كانت بدريه ومع منو مع دكتوري المقابله معاهو،،،،لحظته استقربته بدريه بتعمل شنو مع الدكتور قلت امكن تكون حامل بس هي راجله ميت حامل من وين فجاء لاحظته ليها انو طلعت قروش كتيره من شنطته وادته لي الدكتور قالت لي لازم بكره تنفز الطلبتو منك لازم بكره لمن يجيبوها ليك المستشفي تتخلص منها ومن الفي بطنها فاهم قال ليها تمام،،،،انا لحظته بقيت م فاهمه شي بدريه دي ادت القروش لي الدكتور لي ودي منو العاوزه تتخلص منها هي والفي بطنها مشيت البيت وانا راسي جايط الليل كلو م نمته صحيت الصباح سليمان سالني مالك سراحه بعيد كدا حكيت لي الشفتو و سمعتو قال لي انتي م قلتي لي انو بدريه دي عايشه مع نعمه صحبتك قلت لي اي ب الحيل فجاء وقبل م يكمل كلامو اتزكرته نعمه وبقيت اراجع كلام بدريه مع الدكتور لازم تخلص منها ومن الفي بطنه قلت في سري بس م تكون نعمه هي المقصوده انا لازم امشي المستشفي سريع قلت لي اسماعيل انا لازم امشي المقابله ورح وصلني قال لي ي مره مقابلتك الضهر قلت لي الضهر فاضل لي ساعتين ولمن نحصل هناك الضهر بكون جاء مشيت المستشفي وانا قلبي مقبوض،،،،دخلته العياده لقيت الكاتبه قالت لي الدكتور في عمليه انتظري،،،، بقيت قاعده وانا مقلقه طوالي طلعته من العياده ومشيت ب نفس الممرات عسه ولعله افهم الحاصل بس اثناء م انا مشاء لمحته عبدالله وبثينه من بعيد كانو واقفين جنب غرفه العمليات والخوف ظاهر علي وشهم فجاء جاء الدكتور المتابعه معاهو طال ع من غرفه العمليات وقال ليهم البقاء لي الله مرتك اتوفت هي والفي بطنه انا لحظته انصدمته يعني فعلا كلامي طلع صاح ونعمه هي المقصوده رجليني بقن م شايلاتني اقرب كرسي لي قعدته فيهو بقيت مدنقره وخاته يدي في راسي،،،عديت شويه حتين صحيت من الصدمه الكانت فيني عاينته م لقيت عبدالله ولا اختو،،،،،رجعته ب دربي العياده وقررته اني اواجه الدكتور ده م لازم اخلي ينفد ب عملتو لازم يتحاسب هو بدريه السبب في انو نعمه تموت بقيت قاعده علي اعصابي و منتظره لحدي م جاء دوري دخلته علي وانا كارهاو وكاره شوفتو،،،بقيت واقفه من غير م اقعد قال لي اقعدي،،،،قلت لي عملت فيها شنو اتكلم قال لي انتي بتقولي في شنو قلت لي انت فاهم انا بقول في شنو وريني عملت فيها شنو كيف قلبك طاوعك انو تازي ام وابنها بس عشان شويه قروش،،،،،قال لي انتي بتخرفي بتقولي في شنو ،،،،قلت لي انا ح ابلغ فيك ي دكتور لانو معاي دليل بدينك قال لي دليل شنو وكلام فارغ شنو قلت لي طيب لو م متزكر ازكرك ،،،،تتزكر امس لمن اتفقته مع بدريه وشلته منها قروش بس عشان تخلصو من نعمه والفي بطنها،،لاحظته لي الدكتور بقاء يعرق ويجف قال لي انتي واحده كزابه قلت لي انت عارف اني م بكزب لاني شاهده علي كل شي واسع لو طلعته من هنا اول حاجه ح امشي الشرطه وانت عارف البحصل شنو اول حاجه ح تخسر مهنتك ك دكتور لانو ح يسحبو منك الرخصه بتاعتك وغير كدا سمعتك ح تنتشر في كل البلد كلها،،،،،،بس هو فاجئني لمن قال لي اي انا اتفقته معاها بس لمن جابوها لي المستشفي وشفتها حالته م قدرته ازيها لانو قلبي م مطاوعني اكتله هي والفي بطنها بس كمان كانت حالته خطيره وكان لازم نعمل ليها عمليه ب اسرع وقت ،،،،،بدريه فهمتني انو هي في التامن وانو هي ح تعمل حاجه تخليها تقع عل بطنه وانو ح تجيبه لي المستشفي هنا وانا ب دوري اخليها تتوجع واديها جرعه زايده من التخدير لحدي م تفارق الحياه،،،،بس لمن دخلته عليها في غرفه العمليات م قدرته استحمل واتخيلته مرتي في مكانه،،، وانا ك دكتور حالف قسم انو انقز اي مريض مهما كانت خطورتو في الحظه دي هي كانت حياته في خطر واتضح لي انها في السابع م في التامن ذي م بدريه حكت لي لانو الجنين كان فيهو نبض وكان قدامي خيارين ي انقز الطفل او الام وقررته انو انقز الام بس حكمه ربنا انو الطفل طلع عايش والام كمان،،،، بس كان لازم اوفي ب وعدي لي بدريه طلعته من غرفه العمليات ووريتهم انو هي ماتت واديناهم جثه مره تانيه من المشرحه ،،،،اما هي نقلناها علي غرفه تانيه واسع منتظره تصحه عشان احكي ليها ب الحقيقه،،،،قلت لي لا لحدي هنا انت مهمتك انتهت وياريت دي تبقاء ليك ب درس انا م ح احكي لي زول الحصل ده بس انت كمان م لازم تحكي اي شي حتي بدريه م لازم تعرف انو نعمه عايشه لانو لو عرفت م تلوم الانفسك ونعمه انا بحكي ليها،،،، اسع هي وين وديني ليها طلع معاي ووداني غرفته لقيته صحت لمن شافتني فرحت وريته انو هي جابت بنت بقيت معاها يومين في المستشفي سالتني من راجله بس انا قلت ليها انو مسافر بعدها خرجونا من المستشفي وسقتها معاي البيت بعد شهر حكيت ليها كل شي لحظته انصدمت ،،،قلت ليها انا من الاول وريتك انو بدريه دي خبثه م بتامن ليها ذي امها بس انتي م سمعتي كلامي،،،،قالت لي انا لازم ارجع البيت واحكي لي عبدالله كل شي لازم يعرف اني لسه عايشه قلت ليها طيب تمام انتي م ح تمشي ح امشي انا وح احكي مع عبدالله بس اثناء كلامي معاها بطني وجعتني ودوني المستشفي وولدته امنيه بتي نعمه كانت واقفه معاي طول ايامت ولادتي لحدي م تميت شهرين قلت لي نعمه خلي امنيه معاك انا ح امشي لي عبدالله واحكي لي كل الحقيقه لازم ترجعي لي بيتك واولادك،،،، فعلا يومها مشيت بس اتفاجئته ب انو عقد علي بدريه لحظته انصدمته في عبدالله معقوله م لقاء غير بدريه يتزوجه رجعته البيت وانا م عارفه اقول شنو لي نعمه بقيت ساكته وم حكيت ليها اي شي وهي منتظراني احكي ليها الحصل بس انا كنته خايفه عليها لمن تعرف اقول ليها شنو يعني انو راجلك عرس ولمن جاء يعرس عرس بدريه الكانت السبب في كل الحصل ليك ده،،،،بس هي كانت مصره تعرف الحصل شنو لمن مشيت لي عبدالله بعد شفتها مصره كدا حكيت ليها كل الحصل وسمعتو لحظته انهارت،،،،نعمه قالت ليهم فعلا لمن كلتوم حكت لي ب الحصل انهرته وكانت صدمه بنسبه لي لانو م اتوقعته من عبدالله يعمل معاي كدا معاي معقوله نسه عشرتي وسنيني معه بساهل كدا لي درجه انو يتزوج فيني وبعد يتزوج يتزوج بنت خالتي ومن وقتها قررته انو انسه حاجه اسمها عبدالله وبدريه بس انتو كنتو معاهو لحظته قلبي كان بتقطع عليكم كنته عاوزه امشي واواجهو و اخدكم منو بس ح امشي كيف وانا في نظرو ميته ولو كان هو بريدني م كان اتزوج بسرعه دي،،،،لحظته م كان بهمني شي تاني غيرك انت واختك بس اعمل شنو اذا م ح اقدر اوفر ليكم كل شي لاتعليم ولا لقمه عيش ذي ابوكم الح يوفر ليكم كل طلباتكم وعشان م اجهجكم معاي قررته انو ابعد ،،، بس كل فتره بمشي اطمن عليكم من بعيد،،،،لحدي م في يوم عرفته انو انت سافرته لي عمتك في كندا لحظته فرحته لانو عارفه عمتك قدر شنو بتحبك وبتخاف عليك واكيد ح تهتم بيك كنته شايله هم ياسمين وكيف عايشه مع بدريه بس م كان في اليد حيله وقلت طالمه ابوها معاها اكيد ح تكون بخير واكيد ربنا معاها ،،،،وقتها حمدته ربنا انوبعد م حرمني من اولادي عوضني ب شهد العافرته عشانه عشان تطلع احسن حاجه في المستقبل ،،،،،اتمنين انتو التلاته تتربو في حضني بس حكم القوي يوم عن يوم بدعي انو تكونو بخير وين م كنتو ،،، بس اسع بحمد ربنا انو لمه شملي بيكم بعد طول السنين دي ،،،،شادي وشهد وياسمين كانو ببكو وهم بسمعو في امهم ،،،،وليد كان واقف وعيونو ملانه دمو قال لي خالتو نعمه بس عمي م حبه واحده غيرك وبدريه اتزوجه بس عشانك انت،،،،نعمه قالت لي عشاني انا وليد قال ليها اي بدريه جابت رساله لي عمي وبخط ايدك وطالبه فيها انو انتي لو حصل ليك اي شي يتزوج بدريه وعشان دي وصيتك عمي قرر يتزوجه بس زواج علي الورق نعمه قالت لي بس انا م اديت اي رساله لي بدريه ولا بتزكر اني اتكلمته معاها قال ليها طيب ممكن تحكي لي الحصل شنو وكيف وقعتي من السلم نعمه قالت لي وانا كنته نازله من السلم حسيت ب حاجه لينا في طرف السلم وقبل م اشوف دي شنو انزلقته وقعته من السلم علي بطني لحظته حسيت ب بطني بتتقطع بعدها م اتزكرته اي شي صحيت لقيت كلتوم في وشي،،،،وليد قال ليها ياداب الصوره وضحت لي بجد بدريه طلعت زكيه شديد وخطته كانت دقيقه وزكيه،،،،، اول حاجه عملت حاجه في السلم عشان انتي تقعي تاني شي زورت الخط بتاعك تالت شي اتفقت مع الدكتور انو يزيد ليك جرعه المخدر وتروحي فيها انتي والفي بطنك،،،،واكيد بتكون هي الدبرت الحادث لي عمي بس عشان تحصل علي الاملاك بتاعتو،،،بس ربنا كتب لي عمي عمر جديد وم قدرت تحصل علي العاوزه،،،،نعمه بخلعه قالت لي عبدالله عمل حادث شادي قال ليها اطمني ي امي ابوي بخير بس الحادث سبب لي شلل نصفي لانو الحادث كان قوي شديد علي فجاء دموعه جرو قالت لي شادي وديني لا ابوك عاوزه اشوفو وليد قال ليها ح تشوفي ي خالتو بس م اسع نحن لازم نخلي بدريه تعترف ب العملتو كلو بعدها اوعدك انو ح ترجعي بيتك وح تلاقي عمي عبدالله وارجعو زي الاول ،،،،شادي قال ليها كلام وليد صاح انا لزم اصفي حسابي مع الاسمها بدريه دي لانو هي الكانت ال سبب في انك تبعدي عننا،،،،،شادي قال لي امو ارتاحي نعمه قالت لي شادي ولدي م دخل نفسك في مشاكل مع المره دي بدريه مره م هينه وانا خايفه عليك منها قال ليها م تخافي علي ي امي انا بعرف كويس اتصرف معاها ،،،،،وطلع من الغرفه وليد طلع ب وراهو قال لي شادي انت لازم تتريس في الموضوع نحن ملازم نهاجمه كدا بدريه لحدي اللحظه مفكره امك ميته شادي قال لي قصدك شنو قال لي نحن لازم نتعامل معاها ب زكاء وانا عندي خطه ومتاكد انها ح تنجح.

⚘كم أتمنى أن يكون للحروف اصوات لتصرخ بدلا منا في

بعض اللحظات حين يخطفنا الصمت ويطوينا السكات حين

يكون مافي القلب اكبر من الكلمات حين تكون المشاعر أعمق

من اي عبارات،، ف محظوظ من لديه شخص يفاجئه بافعاله لكي يسعده فقط،،،،، فلا يستسلم ، لأنهو يخاطر بذلك قبل دقيقة واحدة من حدوث المعجزه ⚘