الجزء 3

انا بعد سمعته صوتو اتصمغته في مكاني وعد قامت من مكان وجرت علي حضنتو قالت لي ولي شوق الشوق انا اتلفته عليهم لقيتو ذي م اتوقعته بعد ما سلم عليها عاين ب اتجاهي ب نظره استقراب وقال لي انتي ،،،وقبل م يكمل كلامو وعد سبقتو وقالت لي دي سكرتيرتي الجديده قال ليها سكرتيره ومن متين انتي بتحبي يكون عندك سكرتيره،،،،قالت لي من الليله وبصراحه هي كانت مفروض تكون سكرتيرتك لانو انت القبلتها بس حصل معاها ظرف وانت وظفته الزفته هناء،،،،قال ليها وعد نحن مافي البيت ويلا علي مكتبك قالت لي بزهج ماشي يلا ي شهد طلعت وانا كنته طالعه وراها بس اسمعو ليك قال لي دقيقه وقفته وقلبي شغال يضرب خماسي في سداسي قال لي مش انتي الاقيتك امس جنب النيل وكنتي بتبكي،،،قلت لي وانا متوتره ايوه قال لي وان شاء الله اتحسنتي قلت لي الحمدلله،،،، قال لي انا اسف بخصوصك م كنته عارف انو انتي السكرتيره الوظفتها قبل كدا بس انتي م جيتي ف اطريت اني اوظف واحده بدالك،،،قلت لي انا عارفه قوانين الشغل بس حصل لي ظرف منعني،،،قال لي الحمدلله انو دعاء م قصرت واختارتك تكوني مساعده ليها يعني م حتطلعي من غير وظيفه،،،، فجاء ضحك وقال لي مع انو الشغل معاها في حد زاتو معانه ربنا يعينك معاها وبتوفيق ،،،فجاء جات خاشه علينا نفس البنت الطقشتني لمن انا داخله علي الشركه،،،،قالت لي وليد بس بعد شافتني عاينت لي بنظره استحقار وقالت لي انتي وعاينت لي وليد قالت لي البنت الشرشوحه دي بتعمل هنا شنو،،،،وليد قال ليها هناء احترمي نفسك وم تنسي انك في شركه م في الشارع قالت لي انا اسفه قال ليها المفروض تعتزري ليها هي م انا عاينت لي بعين حقد وقالت لي انا بعتزر قلت ليها عادي م مشكله وعن اذنكم طلعت من المكتب وانا مبسوطه من العملو وليد معاها اي نعم انا م عندي معرفه بيها بس من م شفتها ساي قلبي اباها وم حبيته دخلته المكتب المقاصد لي لقيت دعاء قالت لي مالك اتاخرتي علي كدا اخوي كان بحجي فيك ولاشنو ضحكته شكلها ظريفه،،،،قالت لي بتعرفي اخوي من وين لانو ظاهر من نظراتكم انكم م اول مره تتلاقو قلت ليها بصراحه كل لقاءاتنا كانت صدفه يعني م معرفه كدا قالت لي فعلا الصدف دايما بتكون جميله يعني لو م انا جيت صدفه الله اعلم كان لقيتي ليك وظيفه بس تصدقي انا اول م شفتك قلبي ارتاح ليك عشان كدا م حبيت انك تطلعي زعلانه،،،،،قلت ليها انتي الزوق والله وروحك جميله عشان كدا بتشوفي الناس بشكل نقي وجميل ،،،،ضحكت وقالت لي ايك نحن لو بارينا النضمي ما حنخلص شغل ولاح اخلص من زن وليد تعالي نزلي معاي الملفات دي لانو لازم نراجعن.

في جانب تاني

ي ماما اعمل شنو اذا جربته معه كل السبل بس برضو مانافع معاهو شي وذي ماهو بتعامل معاي ببرود وم شايلني من ارضي،،،يبت ابقي فالحه ذي اختك لفت علي اخوهو الكبير وخلتو يخليها سكرتيرتو وبكره ح تخلي يبقاء راجله وملكه وانتي غالبك تخلي اخو الاصغر منو يحبك ،،،قالت ليها بس انتي عارفه انو بحب ياسمين وماشايف غيره،،،، ياسمين شنو البحبها كمان وانتي قاعده انتي الاوله بيهو منها بس شغلي لي مخك التخين ده م لازم اولاد عزام الاتنين يمرقو منكن م لازم الثروه والعز ده كلو يضيع من يديكن و يمشي لي زول تاني نحن اولا بيهو،،،،امي بصراحه انا بحب وائل شديد بس هو مفتري وماشايفني وجاري ورا الزفته بنت عمو الاسمها ياسمين م عارفه العاجبو فيها شنو،،،،قالت ليها الاجري ساي انا بعرف اخلي يحبك كيف انتي اصبري وشوفي امك ح تعمل شنو.

انا و وعد بقينا نراجع في الملفات وم حسينا ب الوقت زاتو،،،، لحدي م جاء وليد داخل علينا قال لينا ناويات تبيتن في الشركه دي قبلكن ولاشنو وعد قالت لي،،،لي اصلو الساعه كم قال ليها شوفي تلفونك شويه ويدخل المغرب قلت لي يا معقوله وعد ضحكت وقالت لي م حسينا ب الزمن قلت ليها فعلا وليد قال لي وعد شنو يعني اول يوم لي البنت تشغليها كدا م حرام عليك،،،قبل م وعد ترد لي رديت لي انا وقلت لي بلعكس الشغل معاها حلو وفعلا من شده م كنا مركزين في الحسابات م حسينا ب الزمن،،،،ضحك وقال لي شكلك كدا زوله عمليه حلو،،، يلا اطلعن لانو مافي غيرنا في الشركه،،،،انا لحظته شلته هم لي الرجعه لانو المواصلات زفته وامي ح تقلق علي وح اصل البيت الساعه كم،،،، وعد شافتني شارده قالت لي شهد قلت ليها ها قالت لي وين شردتي يلا نطلع وليد قال مستنينا تحت قفلنا المكتب وطلعنه ونحن في باب الشركه قلت ليها يلا انا ح امشي نتلاقاء بكره قالت لي ماشاء وين قلت ليها حا امشي البيت قالت لي وحتلقي مواصلات لي الزمن ده قلت ليها ح القاء ان شاء الله قالت لي مستحيل تلقي مواصلات ويلا اركبي نحن ح نوصلك،،،،قلت ليها بس قالت لي م بس ولاحاجه اي نعم انا جو الشركه دي مديرتك بس برا اعتبريني صديقه وم تنسي انو انا السبب في انك تطلعي متاخره في حين انو دوامك بخلص الساعه اربعه،،،،من غير م اشعر ابتسمته ليها لحظته حسيت ب احساس غريب لانو دي اول مره في حياتي تلاقيني واحده زوق

زيها حسستني كاني اخت بنسبه ليها م واحده بتشتغل عندها والزيها في البلد دي عمله نادره،،،، وليد قال لينا م يلا ساعه عشان تطلعن،،،،ركبنا وراء لانو قدام كانت معه البنت الاسمها هناء استقربته دي الركبه شنو لا وكمان قدام بس سكته،،،وعد قالت ليهو ولي حبيبي انا جعانه شديد،،، شبت هناء قالت ليها غالبك تنتظري بعد نصل البيت،،،، وليد قال ليها انتي تامري انا عندي كم وعوده،،،،لحظته انا قربته افكها ضحكه بس احترمته نفسي بجد طير جبهته كان ما ساي الوداها تقابض شنو،،،،وقف جنب جامع كدا قال لينا دقيقه اصلي المغرب واجيكن،،،بعد نزل وعد قالت لي الجو هنا ده مالو اتغير كدا م حاسه ي شهد انو الجو مسخن وكانو مافي هواء هنا ،،استقربته لانو الجو عادي فجاء الاسمها هناء دي طلعت من العربيه وقفلت الباب بكل قوته وبعدت شويه عاينته لي وعد لقيته بتضحك قلت ليها الجو عادي ي وعد قالت لي انا عارفه كدا بس كنته قاصده قلت ليها قصدك هناء قالت لي ايوه البنت دي نهائي م بريده م تشوفيها كدا بس اخبث منها مافي قلت ليها بتعرفيها انتي قالت لي اي بنت مره عمي وعايشه معانه في نفس البيت قلت ليها يعني بنت عمك قالت لي لا م بنت عمي دي قصه طويله ي شهد بحكيه ليك مره تانيه لانو شايفه وليد جاء عاينت ب القزاز فعلا شايفه جاء وواقف مع هناء،،،، بعدها هي ركبت وهو دور العربيه وقف جنب مطعم هادي وحلو التقول م فيهو ناس،،،،قال لينا يلا انزلو وادخلو مسافة اركن العربيه بعد نزلنا وعد وهناء دخلو بس انا قبل م ادخل وقفته كان وليد وراي قال لي شهد(ويجمال صوتو وهو بقول اسمي اول مره اعرف اسمي سمح كدا عندو )قال لي شهد قلت لي نعم قال لي وقفه مالك قلت لي بصراحه انا اتخرته ولازم ارجع البيت ف ح اشوف لي مواصلات قريبه من هنا ارجع بيها م عاوزه اتعبكم معاي،،،،وليد قال لي مفكره انو انا ح اسمح ليك تمشي بكل بساطه كدا،،،، ي بنت الناس انتي عارفه انو الايامات دي في ازمه مواصلات ومستحيل تلقي في الوقت ده مواصلات،،،وبعدين م تنسي انك بنت وبراك وم معروف البحصل معاك شنو،،،، انا ح اوصلك لحدي البيت ويلا ندخل دخلته وانا بتلفت ذي المروحه بجد المطعم ده جميل بشكل مبالغ في والاسمح انو هادي يعني لو مشيتي ساي تسمعي صوت رجليك،،،،قعدته جنب دعاء وهناء بعد شافت وليد قعد خلت كرسيها وقعدت في الكرسي الجنبو استغربته من جراءته وليد قال لينا تحبو تاكلو شنو وعد قالت لي بيتزا قال لي وانتي ي شهد قلت لي اي شي هناء قالت لي اي شي نفهمه شنو يعني ،،،وعد قالت ليها يعني عاوزه بيتزا ذي وليد قال ليها طيب معناها كلنا حناكل بيتزا،،،،هناء اتغازت وقالت لي بس انا م اخدته راي قال ليها طيب حابه تاكلي شنو قالت لي علي زوقك وعد قالت ليها بس افتكر انو هو قال ليك زوقو بجد اللحظه دي حبيت وعد حب مع اني م اتعرفت عليها غير كم ساعه بس حسيت كاني بعريفه من سنين ،،،بعد اكلنا قال لي وعد انا اتصلت علي وائل شويه ويصل ح ترجعو معه لاني ح امشي اوصل شهد فجاء هناء شبت و قالت لي شنو.

⚘

يليق بك أن تكون ضوءاً لا ينطفئ أن تكون ورداً لا يموت وماء لا يجف يليق بك ان تكون كل الأشياء السعيدة التي لا يمكن ان يعبرها الحزن يوماً ما⚘