الجزء 11

مرت 7 شهور والمفروض اوديها لي أمها بس هي أبت

وقالت لي انت ما عاوزني انا ما مرتك 😭😭😭

😭وقعدت تبكي قلت ليها انتي حبيبتي وكل شي بس

كمان أمك قالت تجي قالت لي خلاص بكرة ترجعني بعد

تحانيس حتي وديتا ولاقيت محمد قال لي انا ودين لينا

البيت لأني تعبت وقعدنا نحكي عن العذاب والتعب مع

الحوامل 😂😂😂 طلعت حلبيتي أخير من لينا غايتو

بقيت بمشي اشوفا مرة في الأسبوع ومرة رجعت البيت

لقيتا قاعدة قلت ليها الجابك شنو قالت لي يعني ما اشتقت

لي انا ما بقدر ما اشوفك كل يوم ياخ عاوزة ارجع أمها

اتصلت قالت لي جنات معاك قلت ليها اي جات اشترت

حاجات اسي في الطريق جايين قفلت الخط لقيت عيونا

اترقرقت دموع مسحتها وبستها في راسا قلت ليها أسف

بس ح ترجعي اسي رجعتها ومشيت يوم في الشغل قالو لي

جنات دي شكلها بتتوجع طوالي طلعت ومشيت وصلت كده

شايف ليك مرة في نص الحوش شعرا منكوش لابسة

جلابية مشروطة وقاعدة 😳😳😳😳😳جيت

قلت ليهم جنات وين وصفو لي ع المجنونة قلت ليهم اكيد

بتهظرو مش يلا نادوها لي😇 جات وقفت قدامي قالت

لي م عرفتني مش يا زبالة يا حقير لمن عملت فيني كده

كنت عارفني مش يا حيوان وولب لب لمن السما دي كلها

بقت تتشاف لي حلبيات 😂😂😂 بعد شوية هدت

أمها قالت لي قول ليها تستحمي انا ح أجهز الحاجات

مشيت ليها قلت ليها حبيبتي قومي استحمي قالت لي

واااااي يا عمار وختت يدها في خشمها قالت لي لو قعد

استحمي و وقع مني اعمل شنو انا اااججججش يا البقع

😂😂😂😂😂 يا بت هو شنو البقع قالت لي

لالا ما بستحمي راح حممني طلعت جذمتي كفكفت

بنطلوني وشلتها حممتها وطلعت شايلا من الحمام ألقي أمي

في وشي 😡😡😡😡 والله دي اخر قلة الأدب

مش وطاخ كف انا شايل جنات ما بقدر اعمل شي غير اني

أستقبل الكفوف بصدر رحب وطاخ انا ربيتك كده و جنات

قالت لي أمي طلعي شبشبك عمتي ما شفتي قلت ليه

بستحمي برأي قال لي لالا البيبي بقع عليك الله في بيبي

بقع كده وطاخ ولب خلاص اكتفيت 😭😭😭 يا

أمي والله بتكذب وقال ت لي نزلا نزلتها مشت بقت ماشة

وجاية انا بقيت اعاين ليها دموعي نزلت حبيبتي بتتوجع

😭😭😭 ومن دون أشعر غمضت عيوني نمت فجأة

جات مسكت شعري بكل ما اوتيت من قوة وتجر وانا غايتو

بقيت شغال واااي بحسي الكبير ده وهي شغالة تنوم الاهي

تنوم عليك حيطة يا واطي تنوم وانا بموت قلت لي نوم

مش وامي جات جارية قبل يفكوها غايتو نص شعري بقي

في يدها 😓😓😓 طلعنا ع المستشفي وهناك الناس

كلها مركزة معانا بقعد بختها في رجولي قامت قالت وااااي

ياخ انا بموت انا قمت بكيت قلت ليها اااسف والله ما كان

قصدي 😭😭😭😭الممرضات بقة يضحكو فيني

وفي واحدة غمزتني وجنات شافتا قامت صرخت أطلع برا

عاوزة أولد 😂😂😂😂وهي كان عاوزة تنفرد

بالممرضة وقمت طلعت مشيت بالشباك

يتبع ...