الجزء 32
زياد وصلني البيت و كانت الساعه ١ بالليل
انا : باي
زياد : باي حبيبتي 💖
انا فتحت الباب بالمفتاح براحه و قلعت جزمتي و دخلت بتسحب 💃و المويه تنقط من هدومي
و البيت كان مضلم
اتسحبت لمن دخلت غرفتي
انا : الحمد لله رجعت بسلام 😌👌
غيرت ملابسي و نشفت شعري
و نمت
الصباح ....
جود في مكتب زياد
جود : زيزووووووو 😍
زياد : صباح الخير 😊
جود : صباح النور ☺ ، زيزو جبت معاي قهوه علشان نشربها و نتناقش في موضوع المحلات 😃
زياد : اها طيب
احمد جا داخل و قعد في الطاوله : الكج دي الجابها شنو 😒
جود : ما تتكلم معاي انا جيتك انت 😠
احمد : ياخ قومي لفي و شيلي قهوتك دي 😒
جود : زيزوووو اتكلم معاهو الشرير ده ، شفتو بعمل لي شنو 😭😭
زياد : يا جماعه ياخ خليكم جادين حبه ، كل ما نكون عايزين نشتغل تتشاكلو
احمد : طيب اها
جود : غياظ 😡
احمد : هبله 😑
جود : عبيط 😬
احمد : بايره😑
جود : زفت و حيوان و منقولي و كلو عليك 😬😬
زياد : جود خلاص 😒
جود : زياد شوف هو بقول لي شنو 😭😭
زياد : احمد عليك الله خليها
احمد : طيب سكته
زياد : طيب نبدا
جود : هاك قهوتك يا زيزو 😍
احمد : ياخ قطمي ، خلينا نشتغل
جود : انتي غيران علشان انا ما مهتمه بيك و لا جبت ليك معانا 😝
احمد : اودي اهتمامك وين يا بايره 😒
زياد قعد في الكرسي بزهج : يلا خلاص خليناهو زاتو ماف شغل يلا
جود : كيف يعني ؟؟؟ 😰
زياد : يلا تمو شكلتكم 😒
احمد : احسن زاتو
جود قربت من زياد : ما تكون زعلته ، خلاص ما حنتشاكل 😰
زياد : خلاص ما دايرين نشتغل غيرت رأي يلا اتفكفكي 👏
احمد : والله شفاتي😂😂😂😂😂💔
جود : كلو بي سببك يا غبي
احمد : مش قالو ليك طيري 😏 شوفي شغلتك
جود : اصلا ماشه حأرجع ليك بعدين يا زيزوووووو ❤
و مشت
احمد : ويين يا ابو الزووز مشتاقين عديل كده 😂😂😂
زياد : بالاكتر ياخ 😂
احمد : يلا انا مكبرها الليله ، انت خليك يا زياد طيب
زياد : ماشي وين ؟😕
احمد : طالع مع ليلى 😉
زياد : ياخ والله ليلى دي مختفيه وين زمن ما اتلاقينا
احمد : اصلا قالت لي اقول ليك اصبر يا عواليق ما بتسأل مني 😂😂
زياد : 😂😂😂 والله ليها وحشه طيب قول ليها يوم كده نتلامه كلنا ☺ و هسي سلم عليها
احمد : يلا سلام
انا كنت واقفه مع هبه
انا : هبه زياد جوا ، اقصد مستر زياد جوا
هبه : اي قاعد معاهو مستر احمد 😐
في اللحظه دي احمد جا طالع
احمد : لمار كيفك ؟ ✋
انا : تمام الحمد لله ☺
و مشا
انا دخلت ما لقي زياد في المكتب وقفت مستغربه 😕
فجأءه زياد مسكني من ورا
زياد : خطيبتي الحلوه ❤❤❤
انا : انت جيت من وين ؟؟ زيااد استنا انا كنت...
زياد و هو بقرب علي : كنتي شنو ؟
انا : زياااد 😥 دقيقه نحن في المكتب
زياد : و شنو يعني ، مش خطيبتي 💖
انا : انا ما خطيبتك
زياد : 😳😳 كيف يعني ؟
انا : يا زياد انت مفروض تمشي حسب العادات و خطوبة الخواجات دي ما بتنفع مع ماما
زياد : 😕💔
انا ملصت الخاتم و ختيتو ليهو في يدو : ما بقدر البسو الا تبقى الخطوبه رسميه 😐
و اثناء ما نحن بنتكلم جود جات جاريه و ادست ورا زياد
جود : يا زيزو الحقني 😰😰😰
احمد جا جاري وراها وقميصو لونو اصفر ووسخان و شعرو مبلل و شكلو مبهدل
جود : وااي يا زياد امسكو
زياد : احمد كدا دقايق الحصل شنو ؟
احمد : ياخ الحيوانه دي شالت العصبر دفقتو فيني
جود : اي بدفقو لانك قليل ادب 😛😠
احمد : زياد زح لي منها
جود : لا لا لا يا زياد اوعك تزح 😰😰
زياد : دا شنو دا يا جود ، هسي بالاهو كدا لي
جود : خلاص معليش
احمد كان داير يدقاها : ما معليش
زياد مسكو : احمد خلاص ياخ
جود فرتكت طوالي برا 💃و انا طلعته وراها
احمد : ياخ عاين شكلي بقا كيف ، هسي في مدير محترم شكلو عامل كده 😞😞
زياد مسكو من كتفو : كدا هسي خليك من الهبل دا ، داير اسألك سؤال 😐
احمد : شنو ؟؟ 😞
زياد : العادات دي شنو ؟ يعني المفروض اعمل شنو ؟
احمد : عادات حقت شنو لكن ؟ 😕
زياد : لو عايز اخطب بت بعمل شنو يعني ؟
احمد : تجيب ليها خاتم و انتهينا 😒
زياد : لا ياخ انت ما فاهمني
جا وائل فجأءه ناطي : ازيكم يا ح😂😂😂😂😂😂 انت العمل فيك كدا شنو
احمد : دي الزفت الحايمه برا دي
وائل : 😂😂😂😂
زياد : وائل كويس انك جيت ، العادات حقت الخطوبه شنو
وائل : عادات من اي ناحيه
زياد : يعني لمن مشيت تخطب مايا زمان عملت شنو ؟؟
وائل : اها طيب ثانيه اتزكر
زياد : تتزكر شنو بس وريني عملت شنو 😑
وائل : اها اتزكرت ✊ ، يلا مشيت جبت امي و ابوي و مشينا ليهم في بيتهم دقينا الباب فتح لينا اخوها و...
زياد قاطعو : ما تحكي لي قصة حياتك اختصر ياخ
وائل : اووووف ياخ عزبتني ، طيب بس مشيت ليهم مع امي و ابوي و قلت ليهم انا عايز اخطبها و بعدين اتخطبنا ، كدا فهمت
زياد : يعني لازم امشي لي امها في الاول 😐
وائل : انت عايز تخطب ، مبرووووووووك يا ابو الزووز
احمد : مبرووووك
زياد : كدا اصبرو خليني افهم
احمد : شنو ما ز
ي ما قال ليك سوق اي خرتيت معاك و امشو ليهم في البيت بس 😐
زياد : اها تمام
وائل : هي انا جيت اسلم عليكم و ماشي
زياد : ماشي وين ؟ 😐
وائل : حفله كلها مزز 😍😍
احمد : سلم عليهم 😂😂
وائل : يلا لحدي بكره
زياد : سلام ✋
وائل : ☺
زياد : هسي يا احمد اسوق معاي منو ، يعني انت عارف ما عندي زول اسوقو 😩
احمد : هو انت جادي يعني داير تخطب ؟؟ 😕
زياد : يعني بهظر معاك مثلا 😒
احمد : كدا شوف زول من اهلك اي زول
زياد : امي و ابوي متوفين ، جدو مستحيل ، غراثي خرفت و اصلا ما حتعرف تعمل حاجه ( غراثي دي حبوبتو ام امو 👵) ، خالتو انتصار ما ينفع ، اناما عارف هسي اعمل شنو
احمد : طيب انتصار دي مالا هسي 😐
زياد : انت جادي ياخ ، المره دي حتعزبني
احمد : يعني ماعند غيرها ،بعدين يعني بتها عرست تاني ما بتعمل حاجه
زياد : بتها عرست 😳😳
احمد : اي لمن انت كنت مختفي جات هنا علشان تعزمك
زياد : يعني هسي ماف غيرا 😞
احمد : هي مش بتبقى ليك
زياد : اي بت اخت جدو لكن ...
احمد : بس تمام امشي كلمها و خلاص
زياد مسكو من كتفو : تمام
احمد : ☺
زياد : انت ما داير تستحما من العصير الفيك دا 😂😂😂 يدي كلها اتملت عصير
احمد : ياخ الزفت دي ، هسي الا ارجع البيت 😑 حتن اطلع
زياد : انت لسه ما طلعت مع ليلى ؟😕
احمد : ياخ كنت ماشي جات اعولاق دي و اتشاكلت معاي و رشتني بالزفت دا
زياد : 😂😂😂😂
المساء 🌛🌛
بعد ما الموظفين مشو جاني و قعد في طاولتي
وانا ماسكه اللاب توب
زياد : انا مستنيك 💕
انا : ثانيه هنا في حاجه جود قالت ما تطلعي لو ما خلصتيها 😐
زياد فقل اللاب توب : خليها بكره بتخلصيها ☺
انا : جود حتشاكلني
زياد : ما بتقدر ، ما بخليها 💓💓
انا : طيب يلا
زياد : يلا حبيبتي
لمن وصلنا
انا : باي ✋☺
زياد : الباي ما من بعيد 😉❤
انا : زياد نحن في الشارع
زياد : طيب سلمي على الوالده ، وقول ليها بكره حأجيكم علشان اطلب يدك
انا : زياد بالجد 😃
زياد : اي بالجد
انا من الحماس اديتو قبله في خدو : ييييييي 💘 زياد انا بحبك
زياد : وانا كمان يا حبيبتي
انا جريت : يلا باي حبيبي ✋💝
زياد : ☺
ماما فتحت لي الباب : الليله مبكره ما شاء الله
انا : ☺
ماما : نحن زمان ابوي كان ما بخلينا نطلع بعد المغرب ، لكن بنات الزمن دا بري منكن
انا : ماما عليك الله ما تبدي لي محاضره 😞
ماما : بما انك جيتي بدري امشي اعملي الشاي
انا : طيب
جبت الشاي و جيت قعدت جنبها
انا : ماما عايزه اقول ليك حاجه ☺
ماما : اها
انا : في واحد عايز يتقدم لي
ماما : واحد 😑
انا : هو مديري في الشغل
ماما : و جنسو شنو دا كمان 😒
انا : لا هو سوداني ، يعني من اب سوداني و ام استراليه
ماما : ما عارفه انتي هسي فاجئتيني
انا : و هو قال حيجي بكرا بالمساء 😐 هنا البيت
ماما : اي ما مشكله اعرفو و اعرف اخلاقو بالاول
انا : يعني تمام
ماما : اي ماف مشكله 😊
انا اديتها بوسه في خدها : شكرا ماما 💗💗
و جريت غرفتي
تاني يوم .....
زياد مشا لخالتو انتصار بالصباح
انتصار : هي وب علي بركه الجيت ، تعال تعال افطر معاي
زياد : اهلين يا خالتو ☺
انتصار : يا زياد معقول تختفي الوقت دا كلو ، اها اخبارك 😊
زياد : تمام الحمد لله
انتصار : لكن يا زياد انا زعلانه منك شدييد
زياد : لي ؟؟ 😕
انتصار : انا كنت دايراك لي بتي تقوم تمشي لمن تعرس ليها واحد تاني 😒
زياد : كل حاجه قسمه و نصيب
انتصار : المهم يا ولد انت مالك ما قاعد تاكل 😐
زياد : كدا هسي خليك من الاكل ، انا عايزك في موضوع
انتصار : اها
زياد : انا عايز اخطب لي بت و عايزك تتطلبيها لي كواحده من العيله 😊
انتصار : سجمي تخطب تاني 😳
زياد : يا خالتو انا ما خاطب ديك كانت حبيبتي و دايرك تخطبيها لي 😐
انتصار : واااااااااي البت المعصعصه ديك ، مستحيل ما بمشي معاك ، بعدين انت ما بتخجل تقول لي حبيبتي
زياد : اخجل من شنو ؟؟ 😕
انتصار : زياد انت يا ولدي عيونك مشت وين ،ما اخترت الا البت دي 😒
زياد : عليك الله يا خالتو ، يعني ما عندي زول غيرك
انتصار : خلاص بس علشان خاطرك ❤
زياد : بالجد ، شكرا يا خالتو ☺
في الشركه ...
في مكتب زياد
انا : زياد صباح الخير ☺💙
زياد : صباح النور حبيبتي 💜
انا : مستر احمد بعت ليك ديل و قال ليك دي تقارير السنه دي
زياد مسكني من خصري :احمد بقا ببعت لي حاجات حلوه 💕
انا : امبارح كلمت ماما و قالت تمام الليله بالمساء
زياد : يعني من الليله حتبقي خطيبتي
انا : اي طبعا 💓
جات جود داخله زياد طوالي فكاني
جود : زيزوووووو حبيبي 😍
زياد : اهلا
جود : زيزو بعدين انا عايزاك تفسحني و نطلع اي حته رومانسيه في افخر المطاعم مثلا و انا البس فستاني الاحمر داك متزكرو 😍😍😍
انا عاينت ليهو عايزه اشوف جوابو شنو
زياد : جود انا ما فاضي و عندي شغل مره تانيه 😊
جود : طيب خلاص ، بجيك بعدين ، باااي 😘✋
زياد : باي
و مشت
انا كنت ماشا وراها
زياد مسكني : ماشا وين 💝 انتي استني
انا : ماشا اجيب فستاني الاحمر متزكرو
يا زيزو 💔😑
زياد : لمار افهمي جود دي بتقول اي كلام ما تشتغلي بيها
انا : زياد دي بتقول ليك حبيبي
زياد : لمار انتي عارفه انو انا حبيبك انتي ، انتي وبس لمار 💖
انا : زياد يعني انا بقيت حبيبتك و حكون خطيبتك ما صاح هي تجي تقول ليك حبيبي و كدا ، يعني مفروض تكون في حدود 😥
زياد بملس لي شعر : خلاص ما تزعلي حبيبتي 💖
انا : يلا زياد لازم امشي علشان ماف زول يحس
زياد : يحس ؟؟ يحس بشنو
انا : يعني ما عايزه النا تعاين لي على اني حبيبة المدير و كدا
زياد بقرب مني : انتي حبيبة المدير المطلعة زيتو والله ❤
انا : زياد خلاص انا لازم امشي 😥
زياد فكاني : طيب
انا : ☺
بالمساء ..🌜🌜
في غرفتي
لميس : لك طالعة متل القمر 😍😍😍
ماما : الله يحفظك يا بتي ☺
انا : 💝☺
الجرس دقا
ماما : تعالي يا لميس ، انتي خليك هنا بعدين بعد ما نتفاهم بتجي تقدمي ليهم حاجه
انا : طيب
ماما فتحت الباب : اهلا اهلا شرفتونا
وقعدو في الصاله
ماما : اتفضلو اتفضلو ☺
انتصار :طبعا زياد اطعبط قال الا بتك دي مع انو البنات راقدات
زياد بصوت واطي : دا شنو البتقليهو دا يا خالتو
انتصار : المهم زياد دا زي ولدي امو و ابوهو متوفين لكن انا بمثابة امو يعني ، والليله عايزين نطلب يد لمار لزياد ولدي على سنة الله و رسوله 😒
ماما : والله طالما جا بالباب و كان زول واضح فأنا ما عندي مانع ☺
انتصار تلولو في خشمها
لميس جاتني و انا كنت في المطبخ
انا : حصل شنو ؟؟؟ وريني سرعه
لميس : يعني على الاغلب كل شئ تمام هلا هنا عم يحكو
انا : شوفي انا ما عارفه عملت. قهوه كدا تمام 😥
لميس : ايي كتير منيح ، بس استني
اناف: شنو ؟؟ 😕
لميس : حطي بدل السكر ملح بكاستو لزياد
انا : لي يعني
لميس شالت وحده من الفناجين : ما بعرف هيك شفت بالتلفزيون 😐
انا : طيب
لميس كبت ليهو ملعقتين
انا : جيبي اكب ليهو شطه
لميس : بدك تقتلي انتي 😂😂😂
انا كبيت ليهو شطه
و شلت الصينيه و مرقت ...
انا :اتفضلي يا خالتو ☺
انتصار كانت عايزه تشيل الفيها ملح انا لفيت ليها الصنيه
انا : شيلي دي احسن ☺
و اديت زياد حقتو و قعدت جنب لميس
زياد اول ما شرب بقا يقحق
انتصار : كرر علي سحروك 😨
زياد بصوت مبحوح : لا انا تمام
ماما : القهوه كيف ؟؟ عجبتكم عملتها لمار
زياد : شدييييييد عجبتني شديييد 💝💝
ماما : يلا نرجع لموضوعنا ☺
انتصار : اها
ماما : المهر💵
لميس بصوت واطي : امك جنت مهر شو يلي عم تحكي عنو هلا 😐
انا : ما عارفه 😥
ماما : يتراوح من ٦٠ _ ٧٠ الف
انتصار قامت على حيلها : ٦٠ الف لي دايرين نعرس ليهو انجلينا جولي 😡 كان ما بتك المعصعه دي اقسم بالله ٦٠ جنيه ما بخسرها فيها 😒
ماما قامت ليها : هيييي و تاني هي ، بتك انتي الما بتسوا ، يا نعجه ام رجول مكعوجه 😠
انتصار : هيي يا معفنين طلع ليكم لسان تردو بيهو كمان ، يا مبشتنين زاتو زيارتنا دي خساره فيكم
انا قمت : ماما انتي بتقولي في شنو 😳
زياد : اهدو يا جماعه
ماما : نحن مبشتنين يا عجوز ، نظام خلااص انتو واااو 😒
انتصار : زياد ارحكه نطلع برا البيت دا الناس القليلين ادب ديل ما بنناسبهم زاتنا 😡
زياد : خالتو استني 😥
ماما : انا زاتي ما بديكم بتي يا واطيين 😠
انتصار جرت زياد من يدو و فتحت الباب و طلعو
ماما : اوعك تجيبي لي سيرة الولد دهو😬و تقفلي الموضوع دا نهائيا
يتبع.....
رأيكم شنو في الجزو دا ، اقصد الشكله دي 😂😂😂😂