الجزء 35
وائل: انتو قاعددين تعملو شنو ، برا المزز ملو المكان و انتو لسه قاعدين 😃
احمد : زياد ما جا 😒
وائل : اتو جادين ، كيف يعني ؟؟؟
ليلي : ما عارفين ، اتأخر و تلفونو ما بمعرف مالو كمان 😔
احمد : انا حطلع ارجع الحلاق امكن القاهو
انا طبعا من شدة الخوف بقيت ولا سامعاهم بقولو في شنو ، دخلته في حاله كدا بقيت ما شايفه قدامي و دموعي بتنزل و قاعده م بتكلم 💔💔💔
لميس مسكتني من كتفي : لمار ، ما بتلاقي الا و داخل علينا 😊
ليلى : استنا يا احمد انا جايه معاك
فتحوا الباب كدا كانو طالعين
بس مرقو لقو زياد في وشهم
احمد ما صدق حضنو : زياد انت مشيت وين ، نحن لينا ساعتين راجينك
زياد : حكايه طويله 😊
ليلى : حرام عليك البتعملو فينا دا ، امشي شوف مرتك دي قربت تموت
زياد : اسف والله غصب عني 😩
و نحن قاعدين زياد دخل
انا قاعده و مقبله و الدموع جاريه
ماما : هي بركه الجيت 😍
زياد : معليش خليتك تستنو
انا لمن سمعت صوت زياد اتلفت وراي 😳😳😳
جريت عليهو و حضنتو و انا ببكي
وائل : قلت ليكم دا زي الكديسه بسبعة ارواح 😂😂😂
ماما : الحمد لله
لميس : انا رايحه جيب الكوافيرا منشان تعيد لك المكياج ☺
وائل : انا طالع اشوف الزباين علشان ما يحسو
ماما : يا ولد استنا انا ماشه معاك ☺
و طلعو كلهم و خلوني انا و زياد
انا كنت لسه حضناهو و بقوه
زياد : حبيبتي خلاص ما تبكي ❤ ، في عروس بتبكي ؟
انا بصوت باكي : انت كنت وين _؟؟ لي اتأخرت ؟؟ انت عارف مليون فكره جات في راسي ، و تلفونك مالو ، اوعك تعمل حركه زي دي تاني 😰😰
زياد : بعد ما طلعت من الحلاق مشيت المقابر ازور امي و ابوي ، و لمن كنت جاي الحته كانت زحمه و قمت صدمت عربيه واحد من ورا ، وقفنا و مخالفه و غرامه و كلام كتير في الاخر ، دفعوني و جيت
انا : 😭😭 برضو كان لازم تتصل تطمني على الاقل
زياد : تلفوني اتكسر
زياد مسح دموعي و باسني في راسي : خلاص يا حبيبتي هندا انا جنبك 😘
انا : زياد والله لو حصلت ليك حاجه انا بموت 😭
زياد : بعد الشر عنك حبيبتي 💖
جات لميس و معاها المره
لميس : يلا يا لمار تعي منشان نعمل ليك المكياج تبع
و مشيت معاها
وائل و احمد و ليلى و ماما كلهم جو و قعدو مع زياد
وائل : ياخ والله ما مصدق زياد يعرس اول واحد فينا
احمد : اي والله 😂😂
زياد :بالنسبه لأحمد فما اظن انو حيطول لكن انت يا وائل 😂😂
وائل : لسه ما لقيت البت المناسبه 😏
احمد : لانو ماف بت بترضا بيك اصلا😂😂
زياد : 😂😂
ليلى : بتتوشو تقولو في شنو ؟؟
وائل : بنودع زياد من حياة العزوبيه الجميله الى الحياة الزوجيه النكديه
ليلى : هيي زياد ما تسمع كلام المجنون ده 😠
وائل : هسي يا احمد مش كلامي صاح 😏 احلا العزوبيه ولا الزواج
ليلى بقت تعاين لأحمد بحميرا كدا
احمد : ما عارف ما تسألوني 💔
وائل : يا فرده مالك جريت واطي 😉
ليلى : هي انت ما تخرب لي خطيبي
زياد : اقسم بالله انتو معاقي 😂
احمد : مفروض تحمد ربك انو عندك اصحاب زينا 😂😂😂😂
زياد : بالجد والله انتو احسن ناس ☺
جات لميس دخلت
لميس : بلا سلمو على عروسنا ☺
انا جيت داخله ...
زياد بقا بعاين لي ❤
و كلهم بعاينو لي بأعجاب 😍😍😍😍
ماما : 😍 وحلاتي
ليلى : واااااااو 😍😍 زياد انت حتعرس ليك مزه
وائل و احمد : ما شاء الله
زياد كان بس بعاين لي ❤❤❤
ماما : طلعتي احلا من قبيل ، ربي يحفظك يا بتي 💟
انا : ☺☺
احمد : يلا ما لازم تتأخرو اكتر من كده ، نحن كلنا مفروض نطلع نخلي العرسان بعد خمسه دقايق لازم تجو طيب 😊
و كلهم طلعو فضلنا انا و زياد
زياد قرب مني و مسك يدي :حبيبتي يا ملكة جمال الكون ❤ احلا و اجمل بنت في الكون ❤
انا : زياد انا فرحانه ، فرحانه شدييد 💖💖💖💖💖
زياد : حتكوني كدا دايما ...
حتكون حياتنا حلوه ...❤
و بعد ماكل الناس ديل يمشو حنفضل .. انا و انتي بس ❤
حنكون مع بعض طول العمر ..❤
حنتشارك كل لحظه و كل ثانيه مع بعض ..❤
حتمر السنين ... ❤
و حنعيشها بسعاده مع بعض ...❤
و حأعتبر نفسي اكتر شخص محظوظ في العالم ..❤
لانك معاي 💖💖💖
و اداني قبله في راسي 😘
و مسك يدي : يلا
و مشينا
كانت كل حاجه جاهزه في الشاطئ و مرتبه و كل الناس واقفين
اول ما جينا ماشين في الممر
الناس كلهم بقو بصفقو 😍👏👏👏👏👏
جاء مأذون موكل من المحكمه
و معاهو عقد ، الشهاد وائل و احمد
و مضينا انا و زياد و ديلك شهدو
المأذون : اعلنكما اليوم زوجا و زوجه 💖
بارك الله لكما ، و بارك عليكما ، و جمع بينكم في الخير ☺
بعد ما خلص كلتم زياد باسني في راسي
و الناس بقو يصفقو 👏👏👏😍😍
بعدها رقصنا سلو على المقطوعه حقتنا
تثنا ما نحن بنرقص
انا : زياد
زياد : عيون زياد 💙
انا : و اخيرا و لأول مره في حياتي كل حاجه تمشي زي ما عايزه
زياد : حاجه حلوه ، انك تتعب بس في الاخر تفرح ☺💖
انا : يا ريت كل حاجه تستمر
زياد : حتستمر و حنعيش كل لحظات حياتنا بفرح ، و افضل احبك كل يوم اكتر من القبلو 💖💖
انا : انا
ما مصدقه انو خلاص كدا ، كل يوم حصحا و حتكون انت نايم جنبي امكن اكون اسعد وحده الليله
زياد : ايوا خلاص تاني ماف حنفترق ابدا ☺
بعد مرور ٦ شهور ....
كنا نايمين بالليل
انا حسيت اني تعبانه فقمت على حيلي و طلعت الجنينه
بعد زي ربع ساعه كدا زياد صحا
زياد اتخلع 😳😳 لمن ما لقاني جنبو
قام على حيلو و نزل
زياد : لمار حبيبتي انتي كويسه
انا : تمام بس حسيت بطني طامه كدا قلت اطلع اشم لي شوية هوا 😊
زياد : اطلب ليك دكتور ؟؟
انا : لالا ما ضروري ☺ هسي ببقا كويسه
زباد : اها طيب ، انا لمن ما لقيتك جنبي اتهجمت شوبه
انا : خلاص اصلا هسي احسن يلا نرجع ننوم
تاني يوم ☀
انا كنت في المطبخ باكل نوتيلا بالملعقه
زياد جا و حضني من ورا : صباح الخير 💖
انا : صباح النور حبيبي ، الليله مالك صحيت متأخر
زياد : ما عارف شالتني نومه 😊
انا قبلت عليهو : زياد نحن لينا كم بنعرف بعض ❤
زياد : ما عارف من زمان يعني ٣ سنين تقريبا ☺
انا : و كل مره علاقتنا كانت بتتطور
زياد :😊❤
انا : و اتزوجنا بعدها
زياد : 😊❤
انا : و بنينا حياتنا و بقينا عائله
زياد : 😊❤
انا : و الحاجه العايزه اقولها انو عائلتنا جاء الوقت انها تكبر
زياد : لمار انا ما فاهم يعني انو...
انا : ايوا 😃
زياد : لمار انتي حامل ؟؟؟؟
انا : ايوا ☺
زياد: ثانيه انا ما مستوعب يعني هسي انتي و انا ....
انا : ابوا يا زياد ايوا
زياد حضني و شالني 💖💖💖💖
و كان مبسوط شدييد
مرت الايام و الشهور لحدي ما ولدت
جبت توأم بنتين متشابهين
سميناهم يارا و لارا 💞💞
و ملو علينا حياتنا
و عشنا في سعاده انا و زياد و بناتنا
دي حكايتي و قصة عشقي ☺
حزنت و تعبت ز بكيت و قمت ووقعت
وجا اليوم الاختفت فيه كل الاحزان و الحاجات الكنا شايفين انها مستحيله حصلت 💖
افترقنا و تعبنا و دا كلو بسبب الغرور الماخلانه نسامح بعض
لكن في النهايه العشق انتصر
حاولو حافظو على البتحبوهم سواء كانو اهلك او اصحابك او اي زول
و ما تخلو غرورك يطغى على حبكم
ما تفترقو ابدا حاولو سامحو بعض مهما كانت الغلط كبير لانو حبكم اكبر ❤❤❤
...💖النهايه💖...
دمتم طيبين
اكتبو رأيكم في الروايه
تحياتي دعاء ابراهيم☺