الجزء 3

عدنا 💃💃

قعدوا مع امي قريب ساعتين 🙀 صحيت من النوم بي مكالمة من رقم غريب ورديت عادي وما اسمع ليك الا صوت حسام طبعا لمن خشمي داير يتعوج من الصدمة سلم علي وبتكلم عادي ولا كانوا حاصل شي انا زاتي قلت في ستين الماضي اتكلمت معاهو عادي وسألتو من المدام كمان 😈 😴 وطوالي قلت لي معليش انا طالعة مشوار ممكن اقفل قال لي بس انا دايراك في موضوع 💔

طوالي قلت شنو بي نهره خفيفه كدا 😼 موضوع شنو قال لي صحبي قال دايراك 😒 وانا قلت لي انوا ما حيلقي بت احسن منك وهو زول كويس ياريم ربنا يسعدك . قلت لي حسام تاني ماتتصل علي نهائي وما دايره صحبك دا واي شي من طرفك ما دايراهو وطلب واحد بس تاني ماتتصل علي نهائي وقفلت الخط في خلقتو طوالي ولا اديتوا فرصة يرد علي الكريه ودايره اقوم من السرير لقيت ليك حيلي مات وراسي دا خلاص كبس رجعت قعدت ومخي بقي يودي ويجيب دا منو الصاحب الداير يعرس حبيبة صحبو دا جادي هو من وين دا وفي ناس بتفكر كدا في مجتمعنا دا وبفكر كدا ليه بعدين شافني وين اصلا لانا ما كنت بطلع مع حسام كتير واصحابو البعرفهم كلهم اتنين واستحالة يكون واحد منهم بقيت اقول لي روحي مايكون بس احسام كان برسل صوري لي اصحابو وتاني اقول لالا ما لي الدرجة دي واشيل واتكلم ذي المجنونه ما خليت احتمال ما فكرت في وفي النهاية وصلت لي انوا دي حركة من حسام ما اكتر وامي نادتني و قطعت تفكري

ياريم الاسكريم 😹 طوالي قمت مشيت و

قعدت معاه وبتونس معاه وسألتني من الثلاثي المرح واخبارهم

امي : وعد كيف مع الحياة الجديده ان شاء الله مبسوطة بس

انا : مبسوطة وسعيد زاتوا زول فاهم بس اول فترة الغربة جرستها وقالت الا ترجع وعشان سعيد زاتوا بسافر طوالي ما قدرت تتأقلم سريع

امي : صعبة والله الغربة دي خاصة في البدايةتتذكري الاهل والاصحاب واي بلد والله ماذيالسودان واللمة الحلوة لكن الزول بتعود

بتذكر مره انا ابوك كنا في مصر سنه كدا انا السنة دي بقت لي عشره سنين وانتي طبعا صغيره كنتي بس بعد رجعنا السودان دا انا روحي يادوب رجعت لي وتاني نهائي مامشيت مع ابوك انتداب نهائي لكن اهم شي الولد يكون فاهم وواعي والبت كمان عشان يقدو يتفاهموا ويعيشو مع بعض في اي مكان

انا : بجد عارفه يا امي الناس لو مافهمت بعض واتنازلت وكانت صادقه بتقعد لو في الصحراء بتعيش 😹😹

امي : صحراء قلتي لي دي جرسة بوره منك بس انتي تقعدي في صحراء سجمك انتي في البيت دا يا الله قاعده لو قفلنا المكيف تعملي ليك موضوع 😹😹😹 لكن اسمعي طوالي عليكم الله واصلو صحبتكم دي وماتخلوها تحس بي بعدكم وخليكم عاقلين واوعك ياريم يوم تجي تقول ليك مشكلة تمشي تحرشيها ولا تقولي ليها كلام يخليها تتهور

انا : هههههههههههه انا ما شريره قدر دا ان شاء الله يا امي وربنا مايجيب مشاكل ويسعدها علي طول

امي : دايراك في موضوع بي مناسبة العرس وكدا

انا : ابشري يمه موش عرس نون بت خالتي انا بمشي قبل شهؤ ان شاء الله

امي : جنس شفقه هسي انا قلت ليك ترس نون

انا : لا لكن اها عرس منو

امي : لو صبرتي بتعرفي شفتي النسوان القبيل

انا : اي صحي ديل منو ما عرفتهم

امي : واي ياريم انا اقول اخبتك 😒 ديل ساكنين في الطايف و قالوا ولدهم شافك وقال الا دايراك يعني خطاب 😍😍 يابتي ومستعجليين وولدهم جاي اجازه من دبي والعرس وتجهيزاتوا في ظرف تلاته شهور

انا : بي خلعه امي 😱 وقلعت عيوني

امي : ما تتهجمي فيني انا ماقلت ليهم حاجه واهم شي رايك وابوك بجي بقول لي ونشوف كلامو شنو

انا : ناس منو ديل وللدهم منو وشافني متين في الطايف

امي : ام الولد اسمها خديجة وخالتوا ايمان وعمتو رقية واخيرا الولد اسمو احمد كمال الطيب

انا : احمد كمال الطيب 😮 مابعرفوا شافني في وين في الطايف 😱

امي : اي الطايف ياريم انتي الحوامة ليك شنو تعالي هنا عندك شنو في الطايف

انا : بري يا امي ولا متذكره زاتوا الكلام دا الا كان ايام الجامعة

امي : المهم الجماعة ديل قالوا يومين كدا وتاني بجونا ومن كلامك مافي معرفة عشان كدا الا تجهزي نفسك الدور الجاي تجي تتعرفي عليهم ويتعرفو عليك لكن ولدهم دا علي حسب الكلام ما جاي الا للعرس

انا : خير ان شاء الله يا امي بس الجرس رن وطلعت خالتو حياة جارتنا زولة طيبة شديد قالت لي امي عم حسين راجل عواطف طلعهو ارح نحمدل ليهم السلامة وفعلا امي قالت لي لي بعدين ومشت معاها

طوالي دخلت غرفتي و فتحت لي كتاب عشان اشغل نفسي من التفكير اقرا سطر وافكر في الاتصال وتاني اقرا وافكر في النسوان وولدهم الشافني دا وساكن الطايف كمان قدر ما دورت الكلام دا ماركب لي في راسي ونهائي ما اتخيلت لي لحظة انوا يكون احمد دا لي علاقة بي حسام وقعدت علي كدا بس شوية واسمع ليك ابوي بناديني 😻

مساء النور ريم الحلوه يوما كيف ؟

انا : تمام التمام بي فرح كدا وعيني لي الكيس الفي يدو

ابوي : امك وين الليلة

انا : طلعت الجيران مع خالتو حياة لي ناس عواطف

ابوي : ابوهم صاح خرجنهو امس طيب ا

لحجات دي ليك وطوالي شلت الكيس وفرحت شديد لقيت ليك حلويات واشياء ترد الروح شاورما وشبس وكولا 😚😍😍😍😍

انا : الجيب ملان يا دكتور بس ما بشوف الكيس دا طوالي نهائي

ابوي : الحمدلله يابت الحجات دي مضرة بس من فتره لي فتره الزول بياخد كمية معقولة وداير يعمل لي ندوة علمية غذائية

انا : يا دكتور كدا كتير اوي لا للندوات الطبية

ابوي : زولة ما متعلمة نهائي انتي ثقافة طبية ماف نهائي واداني الكيس

انا : ضحكت وشلت الكيس وطوالي داير ادور علي غرفتي قال لي يابت داير كباية قهوة اول خلي دايره تقومي بي الكيس

انا : حاضر قهوة وكيك و باسطه كمان انا عندي كم عبدو😍😍

ابوي : بطلي بكش وجيبي القهوة ومعاه معمول بس وشلت كيسي ومشيت المطبخ امي جات وقالت لي اعمليهم اتين يا معلمة 😂😂😂 عملوني قهوجي وكدا

المهم قعدا سوا وانا بي كيسي داك وتوش الاوضة طبعا دا عشا كارب وموضوع عرش شنو البجيب خبرو مع الشاورما تاني ولا اتذكرت زاتوا 😂😂😂

امي طبعا حكت لي ابوي واتشاورا سمح 😎 وقال ليها انا ماعندي مشكلة لو زول كويس وهي موافقة

طبعا الساعة ١١ بعد الاكل وكدا نمت طوالي

والصباح قمت وديك ي القشرة والمكياج وشربت الشاي مع امي لقيت ابوي طلع عندو عملية مستعجلة و عادي طلعت وركبت عربتي و مشيت الشغل وعندي حركة لو ما سلمت علي الناس كلهم مابرتاح وان شاء الله ما تذكرت الموضوع الا لمن شفت اريج قلت ليها ارح معاي المكتب سريع عندي ليك شمار كارب اول شي حكيت قصة حسام وطلع من بالي العريس المستعجل دا وقالت لي المتخلف احظري الرقم بس دا بكون داير يرجع ليك

انا : يابت هو حظرتوا

اريج : اها تاني ماف شمار

انا : في واحد تاني خطير شديد

وبس دايره احكي ليها كدا طارق خبط الباب ودخل سلم علي وقال لي داير اريج دي لي شغل دقايق بس يا ريمو وبرجعاها ليك

انا : شغل 😂😂 اي كويس ما مشكلة

وبقيت اعاين لي اريج

المهم طلعوا وانا كان عندي شغل كدا وخلصتو واتصلت علي بت خالي كنت ناسيها عديل وكانت دايراني امشي معاه مشوار كدا ومحتاجه اوديها بالعربية وفعلا طلعت ليها بعد الفطور ومشينا المشوار ورجعت البيت بعد ما وصلتها اخدت نومتي العجيبة ديل وصحيت العصر كدا ولقيت ابوي رجع وجهزنا الغدا انا وامي بعد الغدا قاعدين كدا ابوي قال لي اها الموضوع 👳 حق العرس دا رايك فيهو شنو سكت ساي

ابوي : مالك ساكته

انا : الصراحة انا لسع مافكرت في الموضوع

ابوي : فكري واستخيري وامك قالت النسوان جاين تاني بكره العصر فكري يابتي وبكره اقعدي معاهم واتعرفي عليهم واخدي القرار بعد كدا ربنا يقدم الفيها الخير

انا : حاضر انت يا ابوي رايك شنو

ابوي : راي رايك طبعا وباسني في راسي وطلع

دخلت غرفتي واتصلت علي حنان قلت ليها تعالي لي البيت سريع

المهم عشره دقايق جاتني لفحت اقرب توب وجاتني حكيت ليها من طق طق لي السلامو عيكم

حنان . : يازوله حسام دا الا كان جنه ولا دي حركه منو اما العريس دا شوفيهو ما خسرانه حاجة انتي بعدين اي شي قسمة وبكره اطلعي ليهم وماتقفلي الموضوع من الاول طوالي واخدي وقتك فكري كويس وان شاء الله خير

انا : حنونه ربنا مايحرمني منك ياخ كلامك ريحني والله اها انتي ومحمود كيف الجواء عندكم

حنان : والله ميه ميه انتي عرفة قلت لي محمود ماف داعي لي عرس طويل وعرض وجرجره حجات بسيطة وكدا

انا : احسن شي والله يا حنان ماعصرتي علي الولد بعدين يادوب سافر وعشان يجهز نفسو داير لي سنين عشان يعمل ليك هليمانه ساي بعد كلامك دا ان شاء الله سنه كدا اموركم بتوضح وتتخارجي من الحلة دي 😂😂 وتاني يسمعو بيك سمع

حنان : هههههههه تاني تشميني قدحة الا تطلبيني طلب يختي من محمود

انا : شوف المفتره قال طلب قال يختي وعد كان كدا فيها النور مجرور

حنان : صحي كلمتي وعد واريج

انا : لا لا والله

حنان : هسي ارح نتصل عليهم

واتصلنا علي اريج ووعد وحكيت ليهم وشاكلوني طبعا وقالو لي بكره من الدغش عندك في البيت

يحصل شنو بكره وصحباتي حيعملوا لي شنو 😇