الجزء 38

في يوم بعد كذا اسبوع

ريفال بتعاين لنور: يعني حتسوقي جنان وتمشي خلاص😭

نور: ريفو انتي بتبكي

ريفال: لا😒

باسم: دي بكايه سااي عاينو لي انا صاامد كيف 💔

نور قربت من باسم وحضنتو : حشتاقلك💔

باسم ضربها في كتفها: ليه محسساني انك حتهاجري ما حشتااقلك .. باس جنان في عيونهاا وطلع فووق بدون مايودع نور .. غمض عيونو اللمعت جواها الدموع ..

نور كانت حتبكي لما شافت باسم وهي عارفه انو اكتر واحد حيفقدهاا .. سلمت على امها وابوهاا الكانو مشفقين من جواهم على روحتها .. اتعودو عليهاا لاربعه شهور وحترجع تسبيهم تاني 💔 .. ريفال اتقدمت خطوات لنور : يلاا خلي بالك من جناني

نور: ما حتطلبي اخلي بالي من نفسي!

ريفال: لا وامشي عشان غياث مستنيك

نور باست ريفال في راسها: طيب خلي بالك من نفسك يا روحي💜

وقفت جنب باب العربيه وعاينت لنفس البيت الاتربت فيه من زمان .. طلعت العربيه على صوت غياث البقولها يلا 💜

_

الساعه 3:00 صباحا

نهى كانت نايمه في غرفتهاا .. صحت وفتحت النور لما سمعت صوت اقدام .. استندت على السرير وكانت مفتكراه فؤاد .. طلعت من غرفتها بس ما كان في زول في الصالة .. حست بقبضه في قلبهاا وخوف .. بدون ماتتردد دخلت غرفه فؤاد بسرعه .. فؤاد كان نايم بعمق .. قفلت باب الغرفه واتقدمت لجهه سريرو .. طلعت ونامت بالجهه التانيه ..

فؤاد صحاا بصوت المنبه حرك ايدو عشان يقفلو وف نفس الوقت الفجر اذن .. اتسند على السرير وخلل ايدو في شعرو .. فتح عيونو بوسعهم لما شاف نهى ناايمه بعمق جنبو .. استغرب وعقد حواحبو .. كتف ايديهو وابتسم .. نزل واتوضى .. جا وقف في الصلايه قبل ما يكبر سمع صوتها

نهى: انت حتصلي ؟

فؤاد: ايوة

نهى: استنى اتوضى عشان نصلي سوا

فؤاد بابتسامه: طيب يلا

نزلت بسررعه ودخلتت اتوضت وجات .. وقفو وهي شويه منو ..

"عارفين يعني شنو حلال! ما مجرد كلمات نقولها واحنا متاكدين انها حلال ما مجرد حضن واحنا مفهمين روحنا انو حلال! الحلال الحقيقي لما تحب الحلال .. لما يكون الله راضي عن عشان انت اتحاميت بالحلال.."

_

باسم كان في بلكونه غرفتو .. شايل تلفونو وبتصفح .. قلبوو وقف للحظات لما شاف الصور .. مرر ايدو في شاشه التلفون بعدم تصديق .. ضحك بإستهزاء .. وقال بصوت مكسور: دانيا 💔!! دانيا مستحيل تموت .. كان بعاين لصورها الماليه الفيسبوك والناس مشيراها وبدعولها بالرحمه .. صحباتها كانو بدعولها ومنزلين صورهاا .. غمض عيونو قبل ما تنزل دمووعو 💔

" طشاش الدنيا لما تشوف خراج الروح بكل وضوح"

اتصل على صحباتها بس ماافي رد .. عاين لتلفونو لما جاهو اتصال من رقمها

باسم: دانيا💜

ابو دانيا: انت باسم صح

باسم: ايوة ..دانيا كويسه صح ما حصلها شي صح

ابو دانيا: استغفر الله العظيم .. دانيا اتوفت يا ولدي.. ادعيلهاا

باسم: هي قالت انها حتكون كويسه ق ق قالت انو حتقدر تتحمل العمليه .. انا منتظرهاا

ابو دانيا: ان لله وانا اليه راجعون .. دانيا قالت انو اقول ليك حلمت انها معاك في الجنه .. بتي كانت بتوريني باي شي عنك وبتحكي لي بتفاصيلك .. كل المصبرني انت ياولدي خليك قوي لانها طلبت مننا كدة .. 💔

باسم وسط دموعو ورجفتو: استغفر الله العظيم💔

قفل منو قبل ما يرمي التلفون من ايدو .. ختا ايديه في اذنيهو قبل ما يصرخ باسمها 💔

جاتو امو لما سمعت صوتو .. كانت بتسالو بخووف .. حضنهاا بقوة قبل ما يقول ليها رااحت يا امي راحت💔

شمس: استغفر يا باسم في شنو

باسم من بين اوجاعو حكى لامو بالحصل .. شمس ضمت ولدها عليها وقالت ربنا يرحمها ياا باسم ادعيلها لانها محتاجه دعواتك 💔

عددت الايام على باسم الكان بتزكر دانيا بكل تفاصيلها اتزكر كلماتها قبل ما تدخل العمليه بدقائق

دانيا: انا لو مت انت حترجع تحب ياباسم وتجيب بنت واتسميها دانيا😍

باسم: حتقومي بالسلامه واتزوجك ونجيب بنت بتشبهك بكل تفاصيلك 💜

دانيا: باسم اياك تنكسر في يوم لاني مشيت

باسم: اذا ما سكتي حفصل في وشك

دانيا: حشتااقلك ياريتك لو كنت جنبي

باسم: انا جنبك .. استقوي ياا دانيا انا مؤمن انك حتقومي وتقولي لي عملتهاا يا باسم 😻

دانيا بابتسامه: الواقع دايماً مطب عشان يضعف ايمانا بس انا مؤمنه انك حتكون بخير من دوني

باسم: كلامك مابيهمني كل البيهمني انك تصحي بعد العمليه💜

دانيا: بحبك ياباسم

باسم: بحبك والله

..

غمض عيونو واتسند على كتف مااجد ..

ماجد: ليه ما وريتها الحقيقه

باسم: كانت حتموت

ماجد: وهي ماتت

باسم: دانيا حيه يا ماجد

ماجد: انت حبيتها ؟

باسم: كانت احلى من مجرد حب كانت اوتن من كدة

باسم اتعرف على دانيا في الجامعه .. دانيا كانت برلومه .. وباسم في السنه ال3 .. وقتها كانت مريضه بالقلب ..حبت باسم حب جنوني اتكلمت عنو كل الجامعه .. بس باسم كان بشوفهاا صديقه ودانيا وبس .. ما حاول يقولها انهاا مجرد صديقه خاف انها تنكسر .. بعدهاا بشهور دانيا سافرت مع ابوها تايلند عشان تتعالج .. جمدت سنتها الاولى .. وتواصلها

مع باسم كان اتصال وعالم اسفيري .. كل يوم بتشتاق ليهو اكتر .. باسم اتعلق في دانيا من جهتو بس ما حباهاا .. رغم دة كلو كان مقرر انو يخطبهاا .. ماجد الوحيد الكان فاهم شعرو باسم .. ما حسس دانيا انو ما بحبها .. باسم من جهتو ما قادر يميز شعورو .. الا لما شاف اريام في عرس نور وغياث .. يمكن حباها بسررعه ..بس ما حاول يتقرب منهاا ..

نور عرفت بموت دانيا بكت بوجع على موتها .. كانت حاسه بالانكسار الحقيقي الحصل لباسم .. راحت لباسم عشان تشيل معاه شويه من وجعو . كانت ماسكه ايدو وباسم مبتسم ..

باسم: انا كويس حبيبتي ما تخافي علي

نور: خبي دموعك على ماما وبابا وماجد وعلى اي زول بس ما علي ياباسم 💔

باسم: ربنا يرحمهاا طلبت مننا ما نبكي لموتها .. يانور دانيا كانت عارفه انها حتموت

نور: الله يرحمها .. خليك مؤمن انو ربنا حيرجع يصلح اي شي

باسم: ونعم بالله

نور: حترجع الجامعه!

باسم: حنزل بكرة

نور: وعدد

باسم: ووعد .. يلا انتي امشي عشان ما تتأخري

نور: طيب خلي بالك من نفسك

باسم اكتفى بإبتسامه عكس الجواهو ..

__

الساعه 8:00 مساء

نهى دخلت اخدت دش .. طلعت وهي لافه نفسها ببشكير .. كانت مبتسمه بتدندن وقفت في التسريحه عشان تجفف شعرهاا ..شهقت بصوت عالي لما شافت فؤاد واقف وراها في المرايه .. فؤاد ما حاول يرجع قرب منهاا وهي كانت بتعاين بزهول وبترجع لوراء ..

فؤاد: خفتي!

نهى: فؤاد! انت جيت متين

فؤاد: من لما طلعتي من الحمام

نهى: اطلع عاوزة اغير ملابسي

فؤاد قرب منها ومسك ايدها: ليه؟

نهى بتوتر: ع عاوزة اغير .. غمضت عيونها لما فؤاد قررب منها اكترر .. فؤاد شال الساعه بتاعتو ..

فؤاد: يلا عشان تعملي لي الغداء 😊

.. نهى فتحت عيونها لما شافت فؤاد ماشي على الباب طلع وخلاها متوترة .. ختت ايدها في عنقهاا .. ابتسمت للحظه وبعدهاا غيرت بسرعه وطلعت عشان تعمل ليه الغداء ..

فؤاد كان بعاين ليها ومانزل عينو منها لما كانت في المطبخ .. ولما قعدو مع بعض في السفرة بعاين ليهاا ومبحلق فيهاا ..

نهى: مش احسن تعاين قدامك

فؤاد: اعمل شنو ومرتي زايدة حلاوة

نهى بتتجاهل كلامو: عاوز عصير؟

فؤاد: عاوز شي تاني

نهى سكتت وماردت عليه

فؤاد: ما حتساليني شنو؟!

نهى وقفت واتوجههت للمطبخ بدون رد .. حست بشي جزبهاا .. غمصت عيونها وهي في حضن فؤاد .. فؤاد كان بعاين ليها بطريقه خلتها تخجل وتنزل راسهاا .. فؤاد رفعلها راسها

فؤاد: ما حتقوليها!

نهى: شنو؟؟

فؤاد مسكها من خصرهاا اكتر وشداها عليهو: حتتغابي لمتين

نهى: فؤاد سيبني

فؤاد: متوقعه افرط في الملاك القدامي

نهى: فؤاد 💔

فؤاد: عاوز اسمعها 💜

نهى كانت بعاين لعيون فؤاد وشايفه حبو الكبير .. اكبر بكتير من الكان في عيون فارس .. اخدت نفس قبل ما تضمو بقوة ..

نهى: بحبك 💜

فؤاد غمض عيونو لما سمع الكلمه الكان منتظرها من سنين .. ضماها عليهو بخوف انو يفقدهاا .

"الخوف" الاحساس البخليك دايما بتفكر بخوف إنك تفقد الطرف التاني .. دة نعم الحب"