الجزء 45

غياث كان واقف في شارع مقطوع .. بيحاول يصلح عربيتو الاتعطلت .. اتصل على مجاهد صحبو عشان يجيه .. ورجع يحاول يصلحهاا .. بعد تلت ساعه .. عاين لجهه العربيه الوقفت جنبو ..

مجاهد بضحك: اول مرة تحصل معااك

غياث: عشان صبحت بوشك

مجاهد: احترمني عشان حتكرم واوصلك

غياث: عشان كدة انا شايل هم التوصيلة الحتزلني بيها عمري كلو

مجاهد بضحك: طيب امنها عشان نمشي

غياث امن عربيتو وطلعو في ربيه مجاهد الكان بلقح في كلامو لغياث ومبسوط ..

غياث: انا من الاول شاكي في المثل البقول الصديق وقت الضيق

مجاهد: ونععم بالله

غياث:يااخ اخرسس لما نوصل

مجاهد بضحك: جنان ونور كيفهم

غياث: بسسط والله .. اها انت ما قررت تتزوج عايزين نفرح بيك

مجاهد: العرس قرب جهز شعورك

غياث: شعوري كالاتي مستغرب انك حتشيل مسؤوليه والله

مجاهد: حرام عليك ياخ

غياث ضحك وفتح تلفونو عاين للرسائل الاتبعتت ليهو من رقم مجهول .. " نور بتموت" "نور مريضه بالسرطان" " انقذها يا غياث" .. ابتسم بعدم تصديق .. مسح على وشو الكان بسيل عرق .. مجاهد لاحظ لغياث

مجاهد:غياث انت كويس؟

غياث:مجاهد اسررع

مجاهد: خيير في شي !!

غياث خانقاه العبرة: سوق بسررعه ..

بعد دقائق مرت ببطىء .. نزل من عربيه مجاهد .. طلع بسرعه لبيتو .. فتح الباب قبل ما يفتش على نور في كل مكان كان بنده عليها كانها امو .. نور جات طالعه ومبتسمه ..

نور:غيااث

فجاءة حس انو مكبل ما قادر يتقدم ويضمها عليهو ما قادر يسألها قررب منها .. نور كانت بتعاين لعيونو المطلعه شرار جسمو البرتعش .. ما اتعودت تشوفو بالخوف دة جررت عليه وحضنتو

غياث بين يسألها وخايف تقولو ايوة انا مريضه كانسر ..غياث رفع راسها من صدرو:انتي كويسه حبيبتي صح!! الرسائل دي كلها غلط!! انتي مستحيل يكون عندك سرطان يانور! ما حينفع ماا حقدر اشوفك بتبعدي مني .. علا صوتو قبل ما يضمها انتي بخير يااااانور 💔💔💔💔💔💔

نور وسط دموعها: انت ليه عرفت؟ ليه؟؟ انا ما عايزاك تعرف غيااث انا كويسه والله دة سرطااان حيموتني انا انت ماينفع تموت ما ينفع تنكسر ما حقدر اشوفك منكسر💔💔

غياث ما ردا عليهاا ما كان ساامعهاا .. كان في عالم تاني وهو ضاميها بقوة عليهوو .. نسى اي شي نسى انو اب وابن وزوج .. عايش جوة شعور قاتل .. شعورو البقولو انو ماينفع يخسر نور .. عارف لو انكسر نور حتنكسرر .. فتح عيونو وهو واثق انو نور حتبقى كويسه

غياث ختا ايدو في فمها وبابتسامه قويه: ما حيحصلك شي

نور بعدت خطوات: ما عايزة استنى وانا بتفرج في الموت بقرب مني كل يوم ..

غياث جاا عليها وهو من جواه شعور حيقتلو مسك ايدها البترجف: فااهمه يعني شنو " ما حتمشي للموت إلا وانا معاك"

نور عاينت لغياث قبل ما تمسح دموعها

نور: دة قدري براي انا ابتليت بالمرض براي .. وانت ربنا اختارك عشان تكمل من دوني اختارك عشان تكون جنب جنان والبيبي ..

غياث مسكهاا من ايدهاا بقوة وطلع معاها للسطوح .. عاين ليها في عيونها المورمه ..

غياث:كل الناس الانتي شايفاهم ربنا ابتلاهم .. ولما ابتلاهم ما شرط انو الناس الحولينهم تعيش حياتها وتنساهم .. ابتلاهم بنفسهم وفي غيرهم .. الحقيقه الوحيدة الانا عارفها اني ابتليت بيك ابتليت بوجودك جنبي بحنانك وطيبتك ..ابتليت ب "نور" واحنا الاتنين ربنا ابتلانا بجنان .. ما اي ابتلاء بكون شر يعمري .. ما اي كانسر نهايتو الموت .. ختا ايدو في خدودها وقبلها قبلة طويلة .. نور حست بأنها انولدت من جديد حست بنفسها بتطلع اول انفاسها .. غياث كان بحاول يبعد اي ساالب عن طريقهاا .. رغم السلبيه الجواهو .. ورغم انو السالب مع السالب بيحمل تنافر بس كان في جذب قوي بينهم .. نور اندست بين ضلوع غياث الكانت كاتمه الوجع عشان نور ترتاح ..

__

في غرفه جيهان وزياد..

جيهان: حشتاقلك حبيبي

زياد: وانا كمان بس حرجع قريب

جيهان: اكيييد؟😭

زياد: اكييد خلي بالك من نفسك لما ارجع

جيهان: لا اله الا الله

زياد: محمدا رسول الله

طلع زياد من البيت بعد ما ودع مرتو .. اتوجهه للمطار عشان يساافر لشغل شغلو كان ل 5 شهور .. جيهان كانت مستاءة لمشيتو .. بس شنو الحيحصل على زياد؟؟ حيخزلها ذي ما خززلت خلود صحبتها؟ ولا حيكون ليها زوج مثالي للنهايه!؟