الجزء 19
صحيت لقيت لؤي قدامي قلت ليهو لؤي امي امي ي لؤي قال لي اهدي اهدي م سمعت كلامو قلت ليهو انا ماشه لي امي خليني امشي فكيت الفراشه من يدي ونزلت من السرير لؤي حاول يمسكني بفكو مني كل م يحاول يمسكني بفكو جريت منو ويدي كاابه دم والمستشفي دي كلها جاريه وراي 💔 جري وراي لؤي مسكني وداير يرجعني الغرفه ابيت ليهو مشا جاب الممرضه وجا لفت لي يدي بي شاش معقم قلت ليهو لؤي انا م بقدر اقعد هنا ولا ثانيه انا امي لو حصلت ليها بموت لااازم امشي امريكا في باقي اليوم دا او بكره الصباح قال لي ح تمشي لي امك بكره وامك ح تكون كويسه انتي بس اهدي❤️ هديت شويه كدا دايره اقوم حسيت بي دوخه قعدت لؤي قال لي اساعدك قلت ليهو لا م مشكله دايره اقوم تاني دخت وقعدت لؤي طوالي شالني قلت ليهو لؤي بتعمل في شنو انت مجنون ؟قال لي ايوه انا مجنون واسكتي م داير كلام سكتت لحدي م وصلت العربيه ووصلني البيت حتي كمان دخلني لحدي جوه وحكا لي ناس البيت الحاصل محمد بقا يشكر فيهو قال ليهو كويس انو الزمن دا فيهو ناس زيك ياخ بالجد م عارفين نشكرك كيف ❤️لؤي قال ليهو شكر شنو ي اخوي دا واجب ياخي قعد شويه ومشا نادين محمد قلت ليهو محمد لازم تشوف لي تزكره الليله او بكره الصباح لازم اصل لي امي خلال يومين قال لي طيب انا بتصرف بس انتي ارتاحي وفعلا محمد حجز لي وجا قال لي خلي رودينا ترتب ليكي شنتطتك طيارتك الساعه 4 صباحا قلت ليهو تسلم ي محمد ياخي م كنت من غيرك ح اعمل شنو قال لي انا داير راحتك بس وم تخافي امك ح تكون كويسه ان شاءالله❤️قال لي انتي لازم تاكلي حاجه وترتاحي عشان راجيك تعب سهر مشا وجا جايب لي معاهو صبنيه الاكل اكلني وطلع انا نمت وصحيت الساعه 2 عشان اجهز صحيت لقيت رو مجهزا لي شنطتي ❤️بس شلت شنطتي وتلفوني مشبت ودعتهم وركبت مع محمد عشان يوديني المطار ركبت معاهو قال لي امسكي قلت ليهو شنو قال امسكي ياخ شلتو لقيتو كيس فيهو كيك وشيبس وبارد قال لي سفرك طويل لازم تاكليهم قلت ليهو تسلم لي ياخ وصلني المطار ودعني ورجع اول م وصلت ضرب لي لؤي قال لي م تدخلي دقيقه انا في المطار ح اجي اسلم عليك جا ودعني ورجع دخلت ركبت الطياره الساعه 4 وصلت امريكا الساعه 9 تاني يوم كميه من التعب الحمد لله وصلت ركبت تاكسي وطوالي المستشفى ولا مشيت البيت حتي وصلت لقيت ماما تعبانه وبابا قاعد معاها وزعلان اول م وصلت بقيت ابكي معاهم قلت ليها ي امي قلتي لي امشي اخليك والله تاني م امش مكان واخليك براك بابا قال لي ي بتي اهدي امك وضعها مستقر م تخافي عليها لما قال لي ك ا اطمنت شويه عدت الايام وكل يوم لؤي بيضرب لي ويطمن علي وعلي امي ❤️وجا يوم الاحد يوم العمليه وكان يوم صعب بالجد علي والعمليه الحا تعملها ماما نسبه نجحها 50%يعني ممكن تنجح وممكن لا بس اليوم كلو بصلي وبدعي الله يقوم لي ماما بالسلامه دخلت العمليه واستمرت 4 ساعات الدكتور لمن طلع راسو وجسمو لما معرق قال لي العمليه كانت صعبه بس الحمد لله نجحت ❤️باخ كان احلي احساس حسيتو في حياتي بقيت ببكي وماسكه بابا وانا ابكي قلت للدكتور بقدر اشوفها؟قال لي لا لمن ندخلها غرفتها براها بعد حولوها مشيت شفتها وهي لسه تحت تأثير المخدر م صحت منو الا بعد ثلاثه ايام اول م صحت شافتني قالت لي بتي حبيبتي جريت عليها حضنتها ❤️قلت ليها كظا ي ماما انا امشي اخليك انتي تهدري صحتك وتتعبي كدا قالت لي ي بتي اعمل شنو قدري كدا وبعدين بعد دا انا خلاص م فضل كتير لمن قالت كدا انا بس بقيت ببكي كتيير قلت ليها اميي م تقولي كده ياخ حرا والله تموتي انا اموت وراك😭قالت لي ي بتي كلنا الموت علينا واجب وكلنا في النهايه ح نموت قلت ليها اي عارفه بس م تقولي كدا قعدت تضحك قالت لي سمح😂عدت الايام والاسابيع قاعدين في المستشفى شهر ونص وكل يوم لؤي بيضرب لي ويطمن علينا❤️
يوم العصر كدا جانا الدكتور قال لينا ماما صحتها ميه ميه وكل شي تمام بعد كدا تقدرو تمشو البيت رجعنا البيت اول م وصلنا امي قالت لي عان البيت دا ويخان كيف كدي اقوم انضفو قلت ليها امي انتي جاده انتي م ح تعملي ولا حاجه في البيت دا من الليله فهمتي قالت لي بس ي بتي قلت ليها ولا بس ولا بطيخ شفتي ي ماما لمن عملتي كظا حصل ليك شنو وانا م مستعده اخسرك ي ماما سفتها وديتها غرفتها وجيت نضفت البيت ضرب لي لؤي حمد لي السلامه اتونسنا مسافه وقفل بعد قفل قلت معقوله الولد دا بيحبني للدرجه دي متابع معاي كل حاجه وكمان حافظ تفاصيل يومي وكل يوم بيضرب لي بالجد انا محظوظه فيهو وانا واثقه م ح القي انسان يحبني زي م بيحبني لؤي❤️مرا شهر وبابا اصر انو انا ارجع السودان للجامعه