الجزء 5
- مستر اكرم انت متاكد من القرار الحاتاخدو ده
- وائل الموضوع ده بالنسبه لي منتهي بعدين انا شخصيا مابآمن بالخرافات دي ايه اللي الشقه مسكونه والعماره مسكونه واشباح وبتاع (وقعد يضحك )😂😂 ياخ الاطفال القصص دي مابتخوفهم بقت
- والله ي مستر اكرم انت عارف انا شغال سمسار لي كم زمن وصاحب البيت لانو الاشاعات الطلعت علي العماره دي كتيره الناس بقت تخاف تاجر منو وتسكن عشان كده هو عرض الشقه دي بسعر رخيص للبيع نهائيا وحتي السكان الساكنين هنا في مره وحده عجوز وراجلها مقعد (مابتحرك) وبقيه الشقق الناس الساكنها مهاجرين بره البلد
- وائل العماره دي الناس طالعه داخله منا وماف اي كلام زي ده عموما خلينا نخلص جبتا الاوراق بتاعتك عشان اوقع واديك الكاش
- طيب ي مستر انا جاهز بس عشان انت عزيز علي حبيت تكون عارف اي شي وماتحس اني خبيت عليك حاجه ☺)
- علي الجهه التانيه دينا مبسوطه شديد وبتتفرج علي الشقه الشقه فيها غرفتين وحمامين حمام داخلي في غرفه النوم الشقه جدرانها كانت باللون الابيض وكانت مفروشه فيها كل حاجه ممكن تحتاج ليها دينا سواء كان اثاثات او ادوات كهربائيه بس لاحظت انو في كل مكان في الشقه في صوره فوق معلقه الصوره مرسوم فيها مثلث وجواهو عين حست انها ممكن تكون حاجه غريبه بس ماركزت دخلت المطبخ فتحت التلاجه وقفلتها تاني فتحتها زي الشافت فيها حاجه تحت فتحتها تاني بس نور التلاجه طفي 😰 وهي فاتحه نزلت تعاين مكان النور عشان تشوف المشكله شنو لما نزلت فجأه حست بيد في كتفها اخدت شهقه عميقه اتخلعت وصرخت واتلفتت وره
- ااااااااااخ ياخ خلعتني يا اكرم ماممكن معاك 😔😦😓
- في شنو يابت مالك زي الشفتي عفريت 😳
- ماعارفه نور التلاجه ده طفا وماعارفه مالها
- ايوه التلاجه فيها مشكله كلمت السمسار وقال حايجيب زول عشان يصلحها بكره حاولي مشي يومك الليله بااي اكل جاهز للصباح طيب
- طيب حبيبي 😍😍 بس انا مبسوطه ياخ الشقه حلوه شديد والاثاث جميل وفيهو لمحه من الطراز القديم ودي حاجه انا بحبها بس حبيبي اكيد بتكون غاليه صح 😰
- [ ] ماف حاجه تغلي عليك ي حبيبتي
- [ ] وعندي ليك مفاجآه تانيه غمضي عيونك 😍😍
- [ ] 🙈 ..
- [ ] ترااااااا يلا فتحي ،، (وطلع من جيبو مفتاح عربيه شكلو جديد لما شافتو دينا بقت تنطط وتقول )
- [ ] لالالا معقوووووول عربيه لي انا ياخ انا بحبك بحبك (حضنتو شديد وبعداك طلب منها يمشي معاها الفندق عشان يجيبو باقي الخاجات بتاعتها من الفندق واثناء ماهم ف الشارع راجعين قال ليها انو عايزه تسيب الشغل وتقعد مرتاحه في البيت بس هي رفضت وقالت انو ده الشي الوحيد البيسليها لما اكرم يكون ماف ، جابو الحاحات من الفندق ورجعو ولما وصلو تخت العماره نزل ورفع معاها الحاحات فوق وبعد وصلهم طلع من الشنطه بتاعتو كميه من القروش اداها ليها وقال ليها
- [ ] _ حبيبتي خلي بالك من نفسك انا يمكن اسافر بعد اسبوع بحاول اجيكي قبل اسافر طيب
- [ ] _شنووووو 😰😰😰 تسافر انت ماحادي صح انت فاكر انو انا الشقه والعربيه بتهمني اكتر منك انا ماعايزه شي غير انك تكون قاعد جنبي خليك معاي عليك الله ماتسافر انا هسا ماصدقتا انك خلاص ح تستقر معاي في بيتنا الجديد 😭😭😭😭
- [ ] - حبيبيتي ماتخافي انا كلها شهرين تلاته وحارجع ليك بس لاذم اسافر عندي مؤتمر ف لندن القروش دي حاتمشيك كويس ولما تنتهي خاديك رقم تتصلي عليهو يجيب ليك مصروفكً تمام وح اتصل عليك (حضنها وباسها من راسها وطلع )
- [ ]
البيت من غير اكرم بالنسبه ل دينا كئيب وكل الجماليات الفيهو ماليها لذوم دخلت دينا الحمام اخدت شور وطلعت فتحت التلفزيون الكان ف الصاله في البدايه التلفزيون م اشتغل وكان بعمل حركه كده بيفصل ويشتغل بس فجأه اشتغل وبقي تمام عملت شاي وجات قعدت علي الكنبه البره وشربت الشاي واخدتها غفوه ونامت وفجأه