الجزء 15

قعدتاا واخدتاا الموضوع ايزى..شوية وباب الغرفة فتح بكل قوة وكان حسام جاا علي وفجأة لزانى ورمانى ف الارض ومسك يدينى الاتنين وربطهم وعصرهم برجلوو وخالتو سعاد جات داخلة انا ببكى م عارفاها شايلة شنوو قال ليها ناولينى ليهو وامسكى رجليهاا..وفعلاا مسكت رجولى وبكل قوة وانا بديت اكورك افتكرتهم عايزين يقتلونى..وي ريت لو قتلونى😭😭...فجأة احس بشي زى النار وزى السم ف انفى..حسيت بيهو ف مصارينى جووة😭...اتاريهو دا بلاستيك مسيح بالنار ونقطوو لي ف انفى بالاتجاهين وفكونى ومشوو...انا بس بقيت م شايفة وبكورك باعلى حسى...مصارينى كانت بتتقطع من جوووة من شدة الوجع الفى راسي💔💔...بس ماسكة راسي وبكورك وبزحف ف الغرفة لحدى م خلاص بقيت م قادرة اتنفس وحسيت كانوو م فينى راس...ووقعتا وفقدتاا وعى..

حسام والوية وامهاا كانو ف الصالة والوية م جاها اي شي من الزلقة..لمن م سمعوو لي صوت الوية قالت ليهم دقيقة اشوفاا واشمت فيها حبة..جات داخلة ولقت وشي فاير ومورم وانا زى الزول الميت اتخلعت وجرت نادتهم...كلهم بقو مخلوعين..حسام قال ليهم لو ماتت نوديها البحر بس ماف طريقة غير كداا..الوية كانت مجمدة ف مكانها وبترجف..اما خالتو سعاد جات علي وختت راسها ع قلبى ولقتو شغال..قالت ليهم فيها روح يلا نوديها المستشفى...حسام قال ليها حندخل ف سين وجيم..خالتو سعاد قالت ليهو ح اقول ليهم دى بتى وعندها حالة نفسية عشان كداا عملت ف روحاا كدا..

وفعلاا شالونى واقرب عربية وع المستشفى..وبمجرد م دخلونى بدو يحققو معاهم..ف البداية الدكاترة م اقتنعو بس خالتو سعاد نزلت ليها دميعات وانو فعلا بتها عندها نفسيات وبفت تحلف فيهم انقذوو لي بتى..الدكاترة اقتنعوو ودخلونى عملية لانو البلاستيك قفل الانف واتجمد..وطبعا القروش ع قلب حسام..

هم م كان همهم القروش بس همهم م اموت ويدخلوو ف جريمة..

العملية اتعملت ورجعتا اتنفس طبيعى..بمجرد م فتحتاا لقيت نفسي ف المستشفى..واتذكرتا الحصل بقيت ارجف وابكى واقول ي حسام لاا لاا..خالتو سعاد جات جارية داخلة والدكتور جاا قالت ليهو اها كدا صدقتاا ولا لا..الدكتور مشاها وقال ليهاا اي صدقتا وادانى حقنة مهدئة ومشي لحسام برة وقال ليهم ضرورى تدخل مصح لمدة تلات ايام ندرس حالتهاا وطوالى هم م صدقوو ووافقوو ..حسام قال للدكتور بعد تلات يوم حنجى نستلمهاا..وفعلا ف نفس اليوم ودونى المصح وانا كل م افتح يدونى حقنة مهدئة..

اليوم التانى من الصباح فتحتاا بس بدون بكى..كشفتاا لقيت الناس الجمبى حالتهاا بالبلاا..وناس تكورك ونا مربطة وغايتوو..يلا كدا فهمتاا انو انا ف مصح..شوية وجا الدكتور الادانى الحقنة ف المستشفى لمن فتحتا اول مرة ومعاهو دكتور تانى شكلو اخصائى نفسي..من شفتهم استعدلتاا قعدتى وسلمو لي رديت السلام بكل ادب ...الدكتور النفسي احتار وعاين للدكتور التانى..التانى قال ليهو حاسس كلامى ح يكون صح( كلامو انو قال للدكتور النفسي انا شاكى انو البت دى م عندها حالة نفسية والجابوها ديل هم النقطو ليها البلاستيك لانو لمن صحت كانت بتقول لا حسام لاا وحسام دا جا معاهاا)...الدكتور النفسي قال ليهو نشوف..

وبدو يسالو فينى اسمى وساكنة واهلى وكداا..حكيت ليهم قصتى من طق طق للسلام عليكم..لمن الدكاترة بكوو وبكونى معاهم😭😭..ونسونى وخففو علي شوية وقالو لي ادينا رقم واحد اهلك..اديتم رقم مصطفى وودعنو وقالو لي بعد ساعة بنجيك..

انا بقيت ابكى واحمد واشكر ف ربناا😭😭...فعلا ربنا يمهل ولا يهمل..وم بنسى زول😭😭...واخيراا ح اتحلاا من العذاب والذلة والاهانة😭😭..واخيراا ح اطلع من السجن الكنتاا مفتكراهو ح يكون جنة بعد اعرس حسام😭😭...جواي احاسيس كتيييرة...احساس فرح بانى اتخلصتاا من ذلة حسام واحساس شفقة ع المنتظر حسام والجماعة الطيبين منى ومن انتقامى..واحساس خذلان من حب حياتى الاستمر 4 سنين وطلع كلو مخطط ليهو وخداع وهم..واحساس الغدر اللقيتو من اقرب الناس الوية وامهاا....

بس احساس السعادة غلب عليهم كلهم وبقيت منتظرة الساعة بفارق الصبر😍😍...شوية وجو الدكاترة الاتنين براهم..قلبى اتقبض وقلتا بكون اتلاقو مع حسام واداهم رشوة وخلاص احلامى ضاعت😞😞..قعدوو وكانو ساكتين قلتا ليهم وينو مصطفى..

قالو لي م قدرناا نصل ليهو...انا انهرتاا ف البكاا وقدر م حالو يسكتونى م قدروو😭😭...فجأة احس بيد هبشتنى رفعتا راسي لقيتو مصطفى وكان ببكى..طوالى مسكتو وبقينا نبكى والدكاترة زاتهم بكوو معاناا..بعد هدينا شوية مصطفى قال لي اعفى لي ي اختى ..انا م قدرتاا اكون اخوك وسندك..انتى اتعذبتى وانا قاعد ...المفروض اخوك حي ماف شي يتجرأ يهبشك..بس شكلى م قدر كلمة اخ..وبقى يبكى..قلتا ليهوو ليييه تقول كداا الحصل دا انت م عارفوو ولو كنت عارف كان مسحتاا بيهم الارض..مسح دموعوو وقال لي بووعدك وكفى ع كفك ح امسح بيهم الارض..الدكتور العمل العملية قال ليهوو وانا ح اختم ليك كل اوارق المستشفى عشان تقدمهم للمحكمة..

انا كنتاا ماسكة بيدينى الاتنين ف قميص مصطفى..حاسة كانو لي سبعة سنين م سبعة يوم منوو..كنت خايفة اكون انا بحلم والحلم ينتهى واتفاجأ بالواقع والقى نفسى لسة ف زنزانة ناس حسام وعذابوو وذلتوو...عشان كداا كنت ماسكة ف مصطفى وابيت افكوو نهائى..لحدى م طلعنا وركبنى العربية الدكاترة كانو معاناا..قالو لمصطفى نحناا معااك وسندك وبنعرف اكبر المحامين عشان يمسكوو قضيتهاا دى وضرورى تفتح ملفهاا بكرة لانو ناس حسام حيجو بعد تلات ايام عشان يستلموهاا..

مشينا البيت وطبعا بقيت ضعيفة سلك بس لمن دخلناا خالتو ومجتبى وسارة كانو بتغدوو خالتو لمن شافتنى لمن اتشرقت وبقت تبكى وتقول سجمى بتى مالاا حصل ليها شنو...مصطفى هداهاا وحكى ليهم الحاصل...مجتبى غضب جنس غضب لمن كباا كل الاكل الفى الصفرة ف الارض وكسر الصحانة..وقال ليهم الليلة دا ح اقتل حسام وانوموو ف المقابر قبل بكرة وقام ماشي الا مصطفى مسكوو وقال ليهو م تتهور ولو قتلتوو كدا م حنستفيد ضرورى يضوق اضعاف العذاب العذبوو لفطومة...قعدنا واتونسوو معاي وخففو علي وطلعونى ع غرفتى..

الليل كلوو شلتو تفكير لمن نمتاا..

الصباح صحيت وكنت متحمسة لليوم دا بالذات لانى ح اخد حقى واشوف حسام جوة السجن😎😎..استحميت وصليت ولبستا لي عباية ونزلتاا اتفاجأ ب