الجزء 16

استحميت وصليت ولبستا لي عباية ونزلتاا..كنت بتدرج تدرج ف السلم لانى انتهيت رسمى..وبقى م فينى حيل...نزلتاا اتفاجأ بتلات عساكر ومعاهم ضابط وصاحب بابا شريكو ف معرض العربات داك..ومعاهم مجتبى ومصطفى كلهم قاعدين الا العساكر واقفين وراا الضابط داا..انا عرفتوو ضابط لانو نجومو تلمع مع اضاءة بيتنا😂😂😂..

مجتبى انتبه لي طوالى جانى ف السلم..اتكلت عليهو ونزلناا..عمو صاحب بابا لمن شافنى جانى قبل اصلهم ومسكنى وقعد يبكى معاي😭😭...اصلا هو بريدنى شدييييد لانو م عندو بنات...قال لي حمدلله ع السلامة ي بتى وبركة الطلعتى بروحك من الحيونات ديل...

عموو ساقنى من يدى وجابنى للضابط قال لي سلمى..سلمتاا ليهوو وقال لي دا صحبى ضابط ف المحكمة العلياا وبرضو بعرف ابوك الله يرحموو..وانا امبارح اتصل لي مجتبى وقال لي م بقدر اجى الشغل( طبعا انا وكلتا مجتبى ع شراكتناا ف المعرض) لمن سالتو ليه حكى لي الموضوع والليلة من الصباح انا مشيت لحضرة الضابط دا وحكيت ليهو وجبتوو معاي عشان ناخد اقوالك ونمش نكمل القضية برانا ف المحكمة...بدون م نسوقك ي بتى..

الضابط كان ظريف شديد...بكون ف حدود الاربعين كداا..بس م واضح فيهو كبير+ عندو شعرة شعرتين كداا بيضاء مزينات راسو😂😂+عندو فلجة تدخل طعمية😂😂+ اللبس الاخضر غامق يحردوهو ليهوو والدبابير والنجوم دى تسوى كدى👋👋👋قلبى قال لي اصحى من الانبراش واتعلمى من الفات😢😢..

الضابط بدا يسال فينى والعسكرى واحد بسجل ف دفتر والتانى بسجل بالتلفون...حكيت كل شي عملوهو لي ناس حسام لمن الضابط زاتو اتأثر ودمع😢...ودعوناا وطلعو معاهم مجتبى ومصطفى..

عملو كل اجراءات القضية ومصطفى مشي جاب اوراق المستشفى والفواتير كلهاا والقاضى رسل معاهم دورية فيها 6 عساكر ومعاهم ضابط بس رتبة اقل منوو وعموو ومجتبى ومصطفى وجونا ف البيت..

جانى مجتبى جوة وقال لي البسي بنطلون تحت العباية..وفعلا لبستوو وطلعتاا ركبونى معاهم وغشينا الدكتور العمل لي العملية ف المستشفى ورحلونى عربيتو وهم ف الدورية وانا والدكتور ف عربية الدكتور..

وصلنا العمارة الفيها شقة ناس حسام والدورية وقفت ف شارع وراا. العمارة وجانى مجتبى ادانى تلفون وكانو متصلين فيهو بتلفون مصطفى ...يعنى التلفون عندى والمكالمة شغالة..شفتوو اللولوة بتاعت الشرطة دى كيف😂😂😂

مجتبى قال لي دخلى التلفون دا ف جيبك واتصرفى بالتصرف البريحك لحدى م نحنا بنجيك..قلتا ليهو تمام..وساقنى الدكتور ومشيناا ضرب الجرس جاا حسام فتح وكان لابس ترينك وفلينة داخلية..الدكتور سلم ليهو وقال ليهو دى بتكم درسنا حالتها وطلع م عندها اي نفسيات وياها جبتها ليكم وهى رفضت توصف لي بيتكم الا قلتا ليها اتصل لحسام حتى وصفتو لي..حسام صرا لي وشوو وعايز يلطشنى بونية بس الدكتور واقف...حسام قال للدكتور اتفضل بس الدكتور رفض وقال مستعجل وفعلا مشي وانا دخلتاا..

دخلتاا غرفتى او سجنى وحسام جاا طاير لاحقنى..قال لي كنتى ماشة وين لمن ابيتى توصفى ليهوو😠😠قلتا ليهو عشان تنقط لي البلاستيك تانى..ولا المرة دى ناوى تكتلنى عديل..ولا حتقينى صبغة ولا سم...قال لي الزمى حدك ي خدامة وشكلو البلاستيك م ادبك بس الا اقص ليك لسانك دا حتى تتأدبى😠😠...دا كلو والخط فاتح وناس مصطفى والضابط والعساكر بسمعوو ف الكلام داا..

م اشتغلتاا بيهو وخليتو ف الغرفة وطلعتاا لقيت الوية ف الصالة من شافتنى قالت لي تصدقى خفتاا عليك البلاستيك يكتلك وم القى خدامة زييك وراجلى م يلقى ليهو وحدة يزلهاا بس ياهو اتعودتى ع الذلة وبدل تمشى بيتكم جيتينا براك😒😒يلا جيبى موية وغسلى لي رجلينى ديل سريع...قلتا ليها الزلقة كسرتك ولا شنوو ...م دام فيك رجلين غسليهم براك انا م خدامة جاباها ليك ابوك😒😒..قومى غسلى وغسلي لي معاك رجلين ديل...امها جات طالعة قلتا ليها انتى ي الوية تغسلى لي رجلينى وخالتو سعاد تمسحهم لي😌😌...الوية قالت لي شكلو البلاستيك دا فصل ليك سلك من راسك وبقيتى تتكلمى زى المجنونة...يلا حسام شوف شغلك معاها عشان راسها يستعدل...

حسام جانى طاير وانا كنت قاعدة ف الكرسي ومسكنى من رقبتى وانا بقيت اكورك وخالتو سعاد قفلت لي خشمى بطرحتى وحسام خانقنى م فضل ليهو شى من يكتلنى...فجأة الباب اتكسر وبكل قوة..اصلا العساكر واولاد عمى كانو بسمعو للنقاش وكل م يزيد هم بقربو ع الشقة اكتر..الباب اتكسر وكانو العساكر واولاد عمى والضابط..طبعا حسام فكانى ووقف مصدوم لمن شاف اولاد عمى...العساكر كلبشو حسام وخالتو سعاد لانو لقوهم ماسكنى الاتنين..مجتبى دمو حااار خلاص كل مرة بقول عايز يخنق حسام بس بمسكوهوو..

انا غيبتاا لانو الخنقة حارة ياخ😂😂..واصلا انا منتهية..رشونى بموية حتى فتحتاا..اولاد عمى بكوو معاي وقالو لي اعفى ليناا لانو خاطرنا بيك وكان حتروحى فيهاا😢😢...

ساقو حسام بفلينتو الداخلية ديك وخالتو سعاد شيلوها توبهاا والوية قفلوها ف الشقة لانو ماف دليل ضدهاا والضابط خلى عسكريين تحت العمارة عشان الوية م تطلع منهاا...رفعوهم ف الدورية وانا اعاين لحسام واغمز ليهوو😂😂..وهو ينزل راسوو...اصبر ي تافه دى البداية لسة م شفتا شي...فاكر نفسك شنو عشان تلعب ع فطومة...اللعبة ي داب بدت وح تشوف النجوم عز الضهر😌😌

وصلنا المحكمة وطوالى حشروهم السجن والجلسة ح تكون بكرة..مشيت لحسام ف السجن وقلتا ليهوو لو سخنتاا او الباعوضة م خلتك تنوم اتصل لي حبيبى عشان اجيب ليك مكيف لانو من زمان انا بصرف عليك م فرقت😌😌...ويلاا استمتع بباقى الساعات دى لحدى م نتلاقى بكرة ف حلبة المنافسة😌😌وتفيت ليهو ف وشوو وغمزتا ليهو ومشيت😂😂

حسيت بطعم الانتصار ياااخ...واصلا دى البداية وقلبى بقول لي الحتحسيهوو ف الايام الجاية احلى من داا💜💜

رجعنا البيت وانا الفرحة م سايعانى..وانا قاعدة ف نص اخوانى حاسة نفسي ملكة😌😌...فعلا الاخوان سند...اتونسناا وكانو مبسوطين شديييد لانو انا مبسوطة💜💜...فطرنا مع انو زمن الفطور مشي بس كنا مشغولين مع الدراماا الحصلت😂😂..طلعتا غرفتى من الفرحة اتجدعتا ف السرير بعبايتى ونمتاا صحيت ع صوت تلفونى وكان رقم غريب رديت وكانت المفاجئة