الجزء 8

ف يوم وانا ف الشركة جانى اتصال من رقم غريب وكانت المفاجئة..

رديت المرة كانت بتبكى وبتشهق وبتقول لي الحقيناا ي بتى فطومة ...قلتا ليهاا معليش منو معاي..قالت لي خديجة مرت عمك يونس ي بتى😭😭..مصطفى تعباان ليهو تلاتة يوم ولمن وديناهو المستشفى اسي طلع عندو التواء ف المصران😭😭...والمفروض يدخل عملية مستعجلة ب75 الف ..بس م دخلوهو لانو جنيه م عندناا..مجتبى ف اليومين الفاتو اشتغل طلبة وعمل 600 جنيه وعملناا بيهاا الفحوصات وسارة مرتوو شغالة غسيل ف البيوت عشان ناكل😭😭...

قطعت قلبى شديييد💔💔..واتذكرتاا العملوهو ف باباا..بس قلبى كان بقول لي انو ناس امى محتاجين الصدقاات فلازم اساعدهم واتصدق عليهم بنية بابا وامى..

قلتا ليهاا اي مستشفى ...وصفت لي المستشفى وطوالى طلعتاا غشيت البنك سحبتاا القروش وزيادة للادوية والعناية الخاصة والفحوصاات ومشيت ليهم ...اليوم دا كان جيت بعربيتى..وصلتاا ولقيت امهم بتبكى ومجتبى قاعد جمبهاا وخاتى ايديهو ف راسوو..سلمتاا ليهم ومجتبى كان متفاجئ م كترتو معاهم قلتا ليهم مصطفى وين..خالتوو قامت معاي ووصلتنى العنبر..كان بتألم شديييييد لدرجة كان قاعد ف الارض وخاتى بطنوو ع ماسورة السرير ولمن جسمو عرقان وسارة مرتوو قاعدة جمبو ف الارض وبتبكى...مسكتاا دموعى بالعافية..وابيت اسلم ليهو مشيت اشراف التمريض وسالتاا من الاخصائى المشرف ع علاج مصطفى السستر ساقتنى وودتنى ليهو امو خليتهاا معاهم ف العنبر..مشيت قابلتا الاخصائى ووريتو انو العملية حتتعمل ف اقرب وقت..ومشيت وردتاا القروش وخلصتاا الاجراءات وجيت لقيت لسة مجتبى قاعد ومهموم والدموع ف عينوو..قعدتاا جمبوو وبديت اتكلم معاهو وهو ببكى وبقول لي اخوى حيمووت وانا مكتف وم قادر اعمل شي😭😭..دموعى قراب شديد من وفاة ناس امى انا زاتى بكيت معاهوو..امهم جاتناا وكانت مبتسمة والدموع ف عيونهاا معاهاا سارة..قعدن جمبى وامهم بقت تقول لي اعفي ليناا ي بتى اعفى ليناا😭..قلتا ليهاا دا م زمنو ي خالتى..مجتبى قال ليهم انا ماشي لاخوى نطت سارة قالت ليهو دخلوهو العملية..مجتبى اتفاجأ دخلوهو كيف..امو قالت ليهوو فطومة دفعت تكاليف العملية...قعد جمبى وبقى يبكى ويقول لي فطوومة علييك الله سامحيناا..عمى ماات وم بنقدر نطلب منو السماح بس انتى سامحيناا😭😭..قلتا ليهو خلاص ي مجتبى نحناا ف المستشفى لمن نمش البيت...العملية نجحت وانا قلتا ليهم بعد دا لازم ارجع بجيكم بكرة وختيت لخالتو قروش جمبهاا بطريقة ظريفة كداا ودخلتاا لمصطفى كفرتاا ليهو وهو مستغرب م جايب خبر وطلعتاا مجتبى قدمنى لحدى عربيتى ورجع..

وصلتاا البيت لقيت الوية ف الباب قالت لي خوفتيناا عليك يااخ مالك م بتردى وحسام اسي كان هناا متوتر وطلع رجع الشركة يشوفك..فعلا فتحتاا تلفونى ولقيت مكالمات كتيرة من حسام ضربتا ليهو من اول جرس رداا قال لي فطومة انتى كويسة..قلتا ليهو اي ي حسام تعال راجع وبنتفاهم..مسافة اغير هو جاا واتصل لي نزلتاا ليهو وحكيت ليهو الحاصل المهم اخدتاا لي بهدلة منوو وراضيتوو❤️❤️..اتغدى معاناا ورجع..بالليل اتصل لي وقال لي لسسة زعلان ع فكرة قبيل قطعتى قلبى انا قلتاا مالك وبقيت زى المجنون افتش فيك😒😒..قلتا ليهو حقك علي والله انشغلتاا معاهم ونسيت اكلمك لانو مصطفى تعبان شديد..المووهم خلطناا ساعة كداا وقفل لانو الصباح ورانا شغل..

الصباح طلعتاا مع حسام وغشينا المستشفى صبحتاا ع اولاد عمى وكانوو مبسوطين منى شديد حتى مرت مصطفى واضح الفرح ف عيوناا..عرفتهم بحساام وشربنا معاهم الشاي وطلعناا..خلصتاا شغلى وحسام كان عازمنى بعد العشاا قلتا ليهو خلاص امش امر ع اولاد عمى وبجيك..وفعلا مشيت المستشفى ولمن جيت راجعة حسام وصف لي كافيه مشيت ليهوو كان مضلم وحسام كان منتظرنى برة..من جيت نزلتاا سلم لي وانا قلبى اكلنى وخفتاا قلتاا بكون عايز يعمل فينى جريمة...بمجرد م وصلناا باب الكافيه الانوار ولعت وكان الكافيه كلوو مزين❤️❤️...اتفاجئتاا ووقفتاا مسك يدى وساقنى لحدى جوة ..كان ف الوية وغزل واصحابو تلاتة ومعاهم بتين وحلاا اختو😨😨

كلهم بقو يقولو لي سنة حلووة ي جميل❤️❤️..ي دوب استوعبتاا انو الليلة عيد ميلادى...حسام قال لي ليناا 4 سنة مرتبطين وم اتوفقتاا عشان اعمل ليك عيد ميلاد...بس الليلة ربنا قدرنى وعملتو ليك..دموعى جرو مسحهم لي وقال لي الليلة م يوم زعل ي قلب..قضيناا عيد ميلادناا داك وقطعنا التورتة انا وهو واكلتو واكلنى..لاحظتاا لالوية اتضايقت من الحتة دى بس م اشتغلتاا بيهاا..لمن رجعناا انا وحلاا ركبناا سواا ف عربيتى والوية ركبت مع حساام..حلا قالت لي م شايفة شغلك ليه تخليها تركب مع حبيبك..قلتا ليهاا واثقة فيهوو😌😌..م بعاين ليهاا لانو انا مالية عينوو وبحبنى بكل حالاتى ومهما كان شكلى✋✋..وصلناا وطبعاا بالليل نفس الروتين حبكانيات مع حسام..

اليوم البعدوو مشيت المستشفى وشلتاا معاي فواكه وصلتاا وم لقيت مجتبى قالو مشي يشتغل..وخالتو مشت لاولاد مصطفى لانهم براهم..لقيت سارة بس مع مصطفى وباين عليهم مبسوطين❤️❤️..قعدتاا معاهم ولمن طالعة سارة طلعت معاي واديتها قروش قلتا ليها ديل للشفع احتمال يكونو عايزين حاجة..وطلعتاا..

مشيت الشركة وجاتنى صحبتى امتنان صاحبتهاا ف الشركة اتونست معااي وطلعت..جانى اتصال من حسام وقال لي انو ف باب الشركة جاينى وفعلاا جاا وسلم وقعد معاي حكاية ساعتين ونسة وضحك بعدهاا فاجئنى وقال لي

يتبع

متابعة للصفحة❤️❤️