الجزء 4
الجزء:14
رونق كانت خايفة على ربا😪هي كانت قاعدة لما أمها هددت رضا انها تحرق نفسها وكدا وبعد ما رضا اتزوج هي ما قدرت تكلم ربا لأنها صحبتها شديد وما حتقدر تحكي ليها موضوع زي دا فكرت انها تضرب ليها بس خافت من ردة فعلها وأنها عرفت انو هي كانت عارفة بالعرس وكدا وما نبهتها لكن أتوكلت وضربت ليها🥺
- الو ربا
-رونق انا محتاجة ليك شديد🥺(كأنها كانت محتاجة الاتصال دا منها)
- في شنو حبيبتي؟😢
- انا متضايقة شديد(قعدت تبكي)
-استهدي بالله😢
-ي رونق انا ما عارفة أخوكي دا عايز يصل لشنو يعني وقت هو ما عايزها وطلقها بكل بساطة طيب ليه اتزوجها من البداية عايز يثبت شنو يعني ولا قصدو يوجع قلبي وخلاص🥺
- لا يا ربا ما كدا والله أمي ضغطت عليه شديد هي كانت مستعدة تعمل أي شي عشان رضا يتزوج تاني والله حاولت معاه بكل الطرق وما لقت طريقة لدرجة انها قالت ليه انها متبرية منو وهو ما ولدها وبرضو هو ما وافق في النهاية قالت حتحرق نفسها شالت البنزين وكبتو في روحها اها قولي لي في اللحظة دي هو كان حيعمل شنو غير انو يوافق وانتي عارفاه بحب أمي ومتعلق بيها قدر شنو🥺والله يا ربا رضا بحبك شديد ما بتتخيلي هو بحبك قدر شنو وهو مضغوط شديد يعني انتي مفروض تقيفو جنبو في الظروف الهو فيها دي لأنو محتاج ليك شديد🥺
قعدو يتكلمو بالساعات ورونق حكت ليها لما رضا جاهم وهددهم انو هي لو ما رجعت ليه هو بعرف يعمل ليهم شنو وانو حايندمهم على كل دمعة هي نزلتها وقال ليهم انو من الليلة انا ما بعرف زول فيكم والحالة الجاء بيها وقدر شنو كان متضايق وضرب رؤية كف والبكاء العملو وانو قدر شنو كان متأثر🥺🥺
ربا بقت مستغربة شديد معقولة رضا يعمل دا كلو يعني معقولة يكون بحبني الحب دا كلو؟معقولة🥺بقت حاسة بالذنب وأنها مفروض تكون جنبو للحظة حست انها مطمنة وحست براحة نفسية لما عرفت الكلام دا🥺 وبقت تفكر في كلام رونق وانو لو كان صاح يعني رضا ما عندو ذنب غصبا عنو حصل كدا🥺وهو لو ما كان بحبني ما كان طلقها🥺
رونق بالها بقى عند رضا بعد ما ربا قالت ليه يطلقها وهي مصرة على الطلاق حالو حايكون كيف😢 وهو متعلق بيها شديد فجأه قلبها أكلها اتجاهو وخافت تكون حصلت ليه حاجة لبست ليها عباية سريع سريع وقفت ركشة من خشم بابهم ومشت لرضا🚶🏻♀
لما وصلت لقت باب الشارع فاتح بس مدقر لزتو وخشت وهي بتنادي فيه رضا رضا يا رضا لكن ما كان في زول برد خشت الغرفة بتاعتهم كانت مقفولة لزت الباب فتح معاها لقت رضا في الأرض وحوليه دم😳
•
•
•
-اي يا عماد كيفك قبيل لقيت منك مكالمة كنت نايمة
-معليش يا ابتهال أزعجتك بس كنت عايز أقول ليك أضربي لربا دي شوفيها مالها لي ٣ يوم ما قادر أصل ليها😓
-ليه مالها في شنو؟😢
-والله ما عارفها بضرب ليها وما بترد وخايف عليها😢😢
-طيب انا حاضرب ليها أشوفها وارجع ليك تمام؟
-طيب🙂
•
•
•
-حبيبي أنا آسف😢
-😏😏
- خلاص يا رؤى أووف ما قلنا آسف وبعدين انا مشتاق ليك عشان كدا😢
- يعني انا أقول ليك أمي تعبانة يا أمير وانت ما بهمك غير اني أجيك وخلاص😒ولا حتى سلامتها دي ما قلتها لي😪😪
- والله اسف ياخ انا بس كنت عايزك تكوني جنبي عشان كدا😓😓آسف
-طيب تمام😒بس يا أمير تاني ما تضرب لي انت عارف ناس بيتنا ما بقدر أرد ليك خايفة زول يشك فيني بس انا لو لقيت نفسي فاضية بمشي البيت وبديك تلفون تمام؟
-طيب لكن انتي ما تتأخري علي بس😓
-حاضر🙂
هو زاتو اطمن عشان مرتو ما تكشفو😏
رؤى قفلت من أمير بيجاي رؤية جاتها خاشة مخلوعة وبتبكي
-الحقي يا رؤى رضا حاول ينتحر رونق أسي ضربت لينا وهم في المستشفى؟😭😭
-شنو😳انتحر؟واااي انا هو كويس حصلت ليه حاجه؟😭😭😭
- ما عارفه وما عارفين حاجة نحنا وأمي هديك ليها هابطة تعالي سريع نشوفها ونلحقهم في المستشفى😭😭
-وووب علي يا ولدي دا شنو الجاك دا ووب علي😭ولدي كررر علي يا جناي ما ضقت يوم حلو في حياتك😭
- يا أمي عليك الله ما تعملي كدا قومي خلينا نمشي نشوفو
-واي يا ولدي 😭😭
-رؤى كدا حاولي قوميها معي هي كدا ما حاتقوم
•
•
•
رونق بعد شافت رضا كدا بقت تبكي وتصرخ😭😭ما عارفة تعمل شنو شافت زجاج مكسر جنبو عرفت انو جرح نفسو بالزجاج دا بقت تصحي فيه لكن هو فاقد وعي قعدت جنبو في الأرض وتصرخ يا رضا يا رضا وتهز فيه وهو ما بصحى😭😭قامت ضربت لود خالتها(الكان قبل كدا جاء لناس رضا في البيت وقال لربا عايز لي عروسة تكون أحلى منك وكدا)المهم يلا هو جاها وودو المستشفى وضربت لأمها وأخواتها عشان يجوهم
فلاش باك#
وصلو المستشفى وأي وحدة بتبكي براها لقو رونق وحسن برة سألوهم من رضا قالو انو معاه الدكتور جوة وانو كان فاقد وعي وكدا المهم انتظرو شوية وخشو ليه الدكتور قال ليهم انو عايزين ليه دم لأنو فقد دم كتير وشكلو كان ليه زمن في الحالة دي مافي زول جاب ليه خبر وفقد دم كتير😢😢رونق اتبرعت ليه لأنو عندهم نفس الزمرة أمو اتجرست ولسه بتبكي😭😭الدكتور طلعها برة وقال ليها ما عايزين ازعاج(أذية خلاص😒)رؤى ورؤية طلعوها برة
عشان تهدأ وحسن قعد معاه هو كان بين صاحي وبين نايم بقى يتمتم ربا ربا ربا ربا ربا حسن جاء قريب منو بقى يسأل فيه رضا في شنو؟مالك؟عايز حاجة؟وهو بقول ليه ربا ربا ربا لكن ما كان قادر يفهم كلامو😢
بعد شوية جو وأدوهو الدم وكلهم كانو فوق راسو هو بقى يصحى شوية شوية وبردد ربا ربا ربا هم كانو سامعنو بس مافي زول رد شغالين ليه انت كويس؟عايز حاجة؟وهو شغال ليهم ربا ربا ربا رونق طلعت برة الغرفة براحة براحة وضربت لربا لأنها عارفة انو أخوها محتاج ليها😢
- الو يا رونق
- ربا عليك الله تعالي سريع رضا في المستشفى
-شنو؟مالو رضا حاصل عليه شنو؟😳
-انتي تعالي وبعدين بفهمك بس استعجلي😢
•
•
•
لما رونق قالت لي انو رضا ف المستشفى جسمي قام شعرة شعرة ياربي بكون حصل ليه شنو معقولة تعب فجأه؟ولا بكون مالو الأفكار السلبية كلها بقت مسيطرة علي😭😭أشيل حاجة تقع مني كلمت أمي وآمنة قالو ان شاء الله يكون خير بس ولبسو وقالو ماشين معي ما حايخلوني براي وانا خايفة كدا والله زعلت من نفسي شديد ختيت اللوم كلو علي😭قلت لو كان سمعتو ورضيت أرجع معاه ما كان حصل الحصل وما كان مرض وما كان حصلت ليه حاجة بس انا ما كنت معاه😭😭طلعنا من البيت ووصلنا المستشفى ضربت لرونق عشان أشوفهم وين قامت هي جاتنا برة وشكلها كانت بتبكي وما كويسة وشها دا نهائيا ما بشرني بالخير بقيت أسأل فيها في شنو يا رونق رضا حاصل عليه شنو؟وأنا خلاص عايزة أنهار عديل قالت لي والله يا ربا رضا دا حاول ينتحر انا مشيت ليه في البيت وكدا كدا كدا حكت لي الحاصل كلو أمي وآمنة بقو عاملين كدا😳😳انا بعد سمعت الكلام دا دموعي بقت جارية عشرة عشرة😭😭بقيت انبذ في نفسي يعني هو بحبك الحب دا كلو ومستعد يعمل عشانك أي حاجة وانتي تجازيه كدا؟ليه يا ربا ليه بس😭😭رونق قالت لي يلا خلينا نمشي ليهم ومشينا عليهم خشينا لقيناهم كلهم قاعدين رؤى ورؤية وأمو وحسن أمو وأخواتو مافي وحدة فيهم اتكلمت معي بس كانو بعاينو لي بعين ما كويسه نهائ😒انا بس كنت عايزة أشوف رضا هم كانو مغطينو قربت لحدي ما شفتو كانت يدو ملفوفة بشاش ووشو شاحب😢لما شافني بقى يعاين لي كتير من غير ما يتكلم معي بس نظرتو دي كانت كافية تقول لي انو محتاج لي شديد😢رونق بقت تحاول تطلع الناس عشان تخلينا برانا الحاجة المحيراني انو أمو وأخواتو ما اتكلمو معي ولا حتى حاولو يطاعنوني بكلامهم ويعملو حركات😏
بعد ما طلعو..
أنا كنت واقفة بعيد ما قادرة أقرب عليه أشر لي بيدو يعني تعالي أقعدي جنبو قعدت جنبو في السرير وانا ساكتة ما لقيت حاجة أقولها😢 قال لي وهو بتنهد وتعبان شديد
- ربا
ما قدرت أرد ليه لأني حابسة دموع كتيرة وما مخلياني أتكلم🥺
تاني قال لي بعد ما أخد نفس وظاهر في صوتو التعب
- ربا
فجأه بقيت أبكي شديد😭😭والله ما عارفة حصل لي شنو فجأه زعلت من نفسي😭
وهو بتكلم معي
- ربا
-حبيبي
-أسي البخليك تبكي شنو بس؟
وأنا لسه ببكي😭😭
- انا ما قادر أقوم تعالي قريب لي
جيت جنبو شديد ونمت في صدرو وأنا ببكي😭وهو حضني بيدينو
-ي بكاية ما قلنا خلاص الله!يعني أقوم وأشاكلك؟ما تبكي خلاص
-رضا انت ليه كدا؟🥺
-كيف؟
-ليه حنين كدا ليه بتحبني كدا أصلا؟🥺
-عشان انتي دنيتي كلها في زول ما بحب الدنيا الهو عايش فيها؟
بقيت أبكي أكتر
آيروس.. 🖤
بقلم:نفحات محمود🖋
الجزء:15
بقيت أبكي أكتر🥺
-ي حبيبي خلاص الله يرضى عليك ما تبكي والله دمعة وحدة منك بتكون زي النار على قلبي انتي بترضي انو قلبي يتشوي يعني؟
هزيت ليه براسي لالا🥺
- خلاص يلا ما تبكي🥺
- طيب انت ليه عملت في نفسك كدا؟🥺
أخد نفس وحضني عليه أكتر
-عشان أنا بدونك ولا شي انتي الحياة بالنسبة لي ولما انتي تكوني ما موجودة أنا أعيش ليه بس؟😢
رفعت راسي من صدرو وبقيت أعاين ليه في عيونو
- بس يا رضا كدا ما كويس انت لو ما عايز روحك دي انا عايزاها😓
- هو انا لو عارف انك عايزة روحي دي ما كان عملت كدا اصلا😓
-رضا أنا بحبك كتير وما بقدر أتحمل أشوف فيك أي حاجة عشاني يا رضا تاني ما تفكر تعمل كدا في روحك🥺🥺
-طول ما انتي معي أنا ما حفكر أعمل كدا لأنك بتخليني أحب أعيش بس في اللحظة الانتي بتمشي فيها أنا بوعدك اني ثانية ما حاسكنها في الحياة دي😢
- بس يا رضا🥺
-(قاطعني)أنا عارف والله عارف انك ما بتسيبيني الا أنا لما أغلط وعارف اني انا البسبب ليك الزعل وأي حاجة ما حلوة بس بوعدك من الليله ولقدام كل شي انتي عايزاه انا بعملو ليك كل شي بس في المقابل أوعديني انك ما تتخلي عني مهما يحصل🥺
-بوعدك ما بتخلى عنك مهما يحصل🥺
- خلاص يلا قومي مني لقيتي المخدة دي وما صدقتي
ضربتو في يدو(حيوان😒)
-يدييييي ربا يدي😭
-رضا مالك؟😭آسفة حبيبي والله ما قصدي اضربك فيها اسفه رضا يا رضا دقايق خليني أنادي الدكتور يشوفها ليك😭
عايزة أقوم من السرير🚶🏻♀ جراني من يدي
-الزول ما يهظر مع مرتو يعي😹😹
-كويس يا حيوان أصبر لي ما بخليك الليلة😒
بقيت أضرب فيه وهو يقول لي يا شريرة أصبري خليني لما أقوم والله أخلي خشمك ملح ملح😹😹
•
•
•
-عان العفنة السايطة جاها تتكبكب وبتتبكى عاملة فيها زعلانة عليه أصلا بسببها هي حصل معاه كدا😒😒
- يا أمي خلاص عليك الله وما بسببها هي حصل كدا بسببكم انتو لأنو خليتو يتزوج غصبا عنو وما اكتفيتو بدا وخلاص رسلتو لمرتو الصور وخربتو ليه بيتو😒
- خلاص يا رونق نحنا في المستشفى 😒
- يا شيخة؟يعني أسي خلاص بقت فارقة معاك المستشفى دي؟ما انتي السبب في المشكلة دي كلها انتي الرسلتي الصور لربا😒
-ياخ أسكتو كلكم مافي زول فيكم يتكلم😠😠
- أنا زاتي ماشة أشوف رضا😒
•
•
•
رونق جات خاشة علينا ولقتنا بنضحك😹
-احم احم شايفة في ناس اتصالحو🖤😏
-نحنا أصلا ما كنا متشاكلين عشان نتصالح صاح يا ربا؟😌🖤
-اي صاح😌
-دا كلو يرجع لي أنا طبعا😌😌
-انتي بالنيني لو ما حنكي السنين دا ما كان الأمور اتظبطت😌
-ايواا يعني نكرتني؟بس قوم من سريرك دا أشتغل فيك ضرب زي الضرب😒
-نشتغل فيه ضرب😌
-شنوو؟ربا انتي معي ولا معاها؟😒😒
-واللهي امممم ما عارفة😹😹
-أصبري لي بس رونق بعدين ما بتكون معانا عشان كدا صلحي معاملتك معي😌
-أبييت😹
آمنة وأمي جو خاشين سلمو لرضا واتحمدلو ليه السلامة وآمنة قالت لي ابتهال دي من قبيل بتتصل عليك وأنا ما رديت ليها أرجعي ليها شوفيها شلت التلفون وطلعت برة لقيتهم لسه قاعدين أي وحدة تحمر لي براها جيت مارة في نصهم وشغالة أحمر ليهم زي ماهم بحمرو لي يلا تاني وحدة بوحدة😹😹
طلعت برة واتصلت على ابتهال
- ربا كيفك وين انتي بتصل عليك من قبيل؟🥺
- معليش يا ابتهال بس مع رضا في المستشفى؟
-مالو؟😳
- لا بس حاجة بسيطة تعبان شوية
-ايوا سلامتو الف سلامة 🙂🙂
•
•
•
-اها ربا ردت ليك؟
-اي ردت
- طيب مالها وليه ما كان بترد علي حاصلة معاها حاجة؟🥺
- لا كويسه هي بس قالت زوجها تعبان شوية وهم في المستشفى
-مالو؟
-والله ما عارفة بس قالت انو تعبان شوية
-ايواا😏
•
•
•
- أمير انا عايزاك في موضوع
-قولي يا روحي🖤
-رايك شنو نبيع البيت الفي العباسية
-ليه نبيعو؟😳
-عشان نفسي أعمل كوفير ومن زمان كلمتك وانت قلت لي حاعملو ليك وما عملتو لي🥺
-اي عارف بس الموضوع طلع من بالي وغير كدا ما عندي إمكانيات أعملو ليك في الوقت الحالي
-يلا عشان كدا أحسن نبيع البيت لأنو أساسا نحنا ما محتاجين ليه
-لالالا البيت دا خليه انا عايزو(لأنو المكان الوحيد البقدر يلاقي فيه رؤى)
-عايزو ليه؟😏
- ما لحاجة بس هو ذكرى من أبوي المرحوم ما ما عايز أبيعو ياخ
- طيب لو ما عايز تبيعو انا عايزة كوفير بس🥺
- طيب طيب أصبري لي شوية بس
•
•
•
وصلنا البيت أنا ورضا و معانا رونق وحسن وصلونا لحدي البيت بعدين هم مشو ساعدتو غير ملابسو ومشيت عملت ليه حاجة عشان ياكل وينوم🙂🙂الوقت كلو كان بعاين لي وكأني أول مرة أقيف قدامو🥺
- خلاص كفاية تمشي وتجي تمشي وتجي تعالي أقعدي جنبي🥺
- حاضر
-البيت دا اشتاق ليك والله اشتاق للحنية والعيون الحلوة دي🖤🖤اشتاق لحضنك🖤
-دا انت ولا البيت؟😒
-هههه كذاب البقول انك ما بتفهمي
-😒😒ليه كنت فاكر اني ما بفهم؟
-رجعنا لللماضة تاني؟😒
-نحنا أصلا ما خليناها😌
- والله انتي عايزة أدب من أول وجديد بس خلي يدي دي تتعافى ما بخلي فيك عضمة عايشة😒👋🏻
- خلاص شوف زول يعمل ليك أكل يا شاطر😌😌
-بتهدديني عشان عارفة اني ما بعرف
أعمل شي؟😭😭
-😹😹أسي ما قلنا ميري كوم
•
•
•
مر شهر وأنا ورضا حلوين مع بعض صاح بنتشاكل بس بنرجع نتصالح تاني أهلو ما اتدخلو فينا تاني لأنو بعد الحصل لرضا خلونا في حالنا وحتى زياراتهم وتلفوناتهم معانا قلت شديد بس متواصلة مع رونق هي وحسن خطبو💙في الفترة دي علاقتي مع ابتهال بقت سمحة طوالي بتجيني وبمشي ليها رجعنا صحبات زي أول وأكتر كمان🙂🖤بالنسبة لعماد حاولت أقطع علاقتي بيه لأنو كل ما يلاقيني بجيب لي سيرة الطلاق وبتكلم عن رضا وانو ما مفروض أسكت ليه وشنو فهمت انو بس عايز يخرب بيني وبين رضا بأي طريقة😔💔بالنسبة لرضا هو بقى أحسن من أول من ناحية انو ما بزعلني وما برضى فيني لو بكيت عشان اي سبب بلقاه ببكي معي بس الحاجة الأنا لاحظت ليها شديد وما قادرة أتجاهلها انو رضا بقى يغير علي من ناس هو ما مفروض يغير علي منهم مثلا زي حسن ود خالتو مع انو هو زي أخوي وغير كدا هو خطب رونق بس لما يشوفو بتكلم معي أو بهظر معي هو بتضايق شديد وباقي اليوم بقضيه زهجان لما نطلع نتغدا برة او نتعشا وواحد يعاين لي بس ساي كدا هو بقلب الدنيا وبقول عايز يشاكلو حتى في اللمات الأسرية لما واحد من أهلي أو أهلو جاء سلم علي واتونس معي هو بتضايق أكتر وما بسمح ليه لدرجة انو الناس بقت تلاحظ ليه حتى أصحابو لما يجونا في البيت هو ما بخليني أطلع ليهم وبعمل أي شي عشان هم ما يشوفوني كلها حاجات انا لاحظت ليها يعني عندو تصرفات ما طبيعية خالص حتى انا بحتار فيه بس الحاجة البتهمني انو هو معي وجنبي وخلاص🖤🖤🖤🖤
•
•
•
الليلة مفروض أمشي لإبتهال لأني وعدتها كنت بحنس في رضا يخليني أمشي ليها لأنو الأيام دي هو ما بخليني أطلع وبتحجج لي بألف حجة كنت بحنس فيه لدرجة اني بكيت عديل😹😹حتى وافق بعد ما وصلني وشافني دخلت حتى هو مشى المهم قعدنا اتونسنا كتير
- ربا انا عايزة أقول ليك حاجة
-أها
-انتي وعدتي عماد بحاجة؟
-حاجة زي شنو يعني؟😳
- ما وعدتيه انك تطلقي من رضا؟
-أنا؟لا لا وليه أوعدو بحاجة أنا ما حاعملها؟😳
-والله يا ربا هو قال كدا ما عارفة عماد دا قصتو شنو مع انو انا قلت ليه ربا دي بقت متزوجة أحسن تسيبها لكن هو شكلو ما عايز يقتنع😢😢
- ما قادرة أفهمو عماد دا انا ما وعدتو بشي ولما عرفت انو لسه بفكر فيني حاولت أبعد منو
-أعملي حسابك بس عشان ما تخربي زواجك بيدك😓
ابتهال وهي بتتكلم معي كدا حسيت كأنها عارفة نوايا عماد وما عايزة تكلمني بس حذرتني😢
شوية وكدا راجلها جاء قعد اتونس معانا وانا قلت ليهم حاطلع لأنو الزمن اتأخر ورضا عندو شغل ما حيقدر يجيني أحسن أمشي من أسي يلا هو أصر علي انو يوصلني وقال أصلا عندو مشوار على طريقي وانا ما حبيت أتعبو قلت ليه بمشي براي وهو أصر وابتهال أصرت في النهاية وافقت🙂ودعت ابتهال وطلعت معاه كنت عايزة أركب ورا بس حسيت انها ما حلوة ركبت معاه قدام بقينا نتونس في مواضيع عادية وكدا كان في زول بتصل عليه وهو برفض الخط وما بتعدي دقيقة والرقم برجع تاني بضرب يلا انا لاحظت انو اتضايق شديد واتنرفز وشكلو عايز يرد بس وجودي مانعو يلا عشان ما أخليه يحس بالإحراج وكدا قلت ليه ممكن ترد عادي🙂 قال لي ياخ ما زول مهم دي السكرتيرة يلا انا ما اقتنعت لكن ما حبيت أحكها معاه الرقم لسه بشيل وبضرب وهو برفض الخط حسيتو كأنو حايقول لي ياخ انزلي تمي برجلينك😹😹في النهاية رد ومن فتح الخط قال بصوت عالي ياخ مالك عايزة شنو؟😠
أنا كنت قريبة ليه وسامعه صوت الزول الفي التلفون دا وعرفت انها بنت كان صوتها ما غريب علي
آيروس..🖤
بقلم:نفحات محمود🖋
الجزء:16
حاولت أركز بس ما عرفتها
- انت وين انا من الصباح بضرب ليك مالك ما بترد؟😠
-سايق بعد أصل البيت برجع ليك😒
- ما تتأخر لأني عايزة اقول ليك حاجة حلوة💜💜
- طيب طيب برجع ليك قلنا😒
قفل الخط واتلفت علي لقاني بعاين ليه ومركزة مع المكالمة قام اتربك😦
-ياخ السكرتيرة دي عذبتني لازم تضرب في اليوم مية مرة وأكيد بتكون عايزة تتكلم معي عن الشغل وانا أسي ما فاضي😒
-امم فعلا الوقت ضيق وانت مشغول🙂
-اي ياخ لأنو ما ممكن كل يوم جاياني بحاحة😒
تاني ما اتكلمنا لحدي ما وصلني البيت المكالمة القبيل دي فيها إنا حاسة انو دي ما السكرتيرة وانو دي بنت تانية لو سكرتيرة ما بتتكلم معاه بالطريقة دي🙄بس ما يكون الفي بالي ما يكون بخون ابتهال بس🥺
•
•
•
- أمير انا عايزة أقول ليك حاجة 🥺
-قولي يا عشل انت🖤
- أمير انا حامل🙈
-شنو؟كيف يعني حامل انتي ما جادة؟
- لا جادة معاك انت ما فرحت ولا شنو؟😢
-رؤى انتي ما جادة نحنا مافي أوضاع تخلينا نجيب أولاد😒
-كيف يعني؟وبعدين انت مفروض بعد دا تجي لناس بيتنا وتكلمهم عشان نتزوج🥺🥺
-أجي لناس بيتكم واأكلمهم؟عشان نتزوج؟انتي ما واعية لنفسك بتقولي في شنو؟🙄
-لا واعية وعارفة انا بقول في شنو بالجد يا أمير انا ما بقدر أخبي أكتر من كدا كفاية وبعدين في النهاية هم حيعرفو لما بطني تكبر😢😢
-دقيقة دقيقة بطنك تكبر بتاعة الساعة كم؟الولد دا انتي حاتنزلي😠
- شنو كيف يعني يا أمير انزلو؟🥺😳
-عديل كدا انا زاتي ما جاهز لعرس وحاجات زي دي😒
-نععم؟يعني انت بتغش علي على أساس انك حتجي تتقدم لي رسمي عشان نعيش مع بعض بالحلال🥺
-يعني انتي أي كلمة انا بقولها اني تصدقيها😒
- يعني انت كنت بتغش علي؟كل حاجة وعدتني بيها كذب؟🥺🥺
- والله يا رؤى أفهمي زي ما عايزة تفهمي بس الولد دا ينزل وبس وانتي لو عايزة تعيشي معي نزلي الولد دة فاهمه؟😠
-لا انا ما حنزلو وحرام انو نعمل كدا🥺
-هههه حرام؟هو انتي بتعرفي الحرام يعني وقت اتزوجتيني من غير أهلك وولي أمرك دا ما كان حرام؟😒😒😠
-معقولة دا انت يا أمير البتتكلم كدا معقولة دا انت بس 😢😢
- نحنا من البداية اتفقنا انو ما حانجيب اولاد الا بعد ما نعرف نهاية علاقتنا دي ونقدر نتزوج رسمي و نحنا اسي مجهجهين وما جاهزين لحاجات زي دي😠😠
-بس أنا عايزة الولد دا يا أمير😢
- طيب يا شاطرة قولي لي بعد ما ناس بيتكم يعرفو انك حامل حاتقولي ليهم شنو اتزوجت عرفي؟😒
- انت لو جيت اتقدمت لي يا امير واتزوجنا هم ما حايشكو في الموضوع لأنو الحمل دا ظهر ياداب😢
-ياخ انتي مجنونة أنا قلت ليك أموري جايطة وما جاهز لعرس ومسؤوليات😠
- يعني انت ما عايز يكون عندنا أولاد؟أمير انت شكلك ما بتحبني وعمرك ما حبيتني😢
-(جرا واطي)ما كدا ي روحي انتي عارفة قدر شنو انا بحبك وأي شي عملتو عشانك بس انا ما جاهز أسي في الوقت الحالي لعرس وبالنسبة للأولاد بعد ما نحنا نتزوج انا حشبعك منهم نجيب دستة دستتين زي ما انتي عايزة🙈💜 بس أسي انتي لازم تنزلي الولد دا عشان ما تحصل ليك مشكلة مع ناس البيت تمام؟😒😒
-طيب😢
- خلاص بكرة نمشي مع بعض طيب؟😒
- اممم🥺🥺
-أسي انتي أمشي ارتاحي تمام؟يلا باي👋🏻
-باي👋🏻😓
-ولد منو والحامل منو؟😳
-رونق؟😳
وقعت التلفون من يدها وهي بترجف😦
-كنتي بتتكلمي مع منو يا رؤى؟😒
- ما ما ما مع زول🥺
مسكتها من يدها
-كنتي بتتكلمي مع منو قلت ليك؟😠
- ما مع زول ياخ(فكت يدها منها)😢
-احسن تجاوبيني بدل أنادي أمي وتجي تسألك بطريقتها😠
- يا رونق قلت ليك مافي حاجه ليه ما عايزة تصدقيني ليه😢😢
-عشان انا عارفة انك بتتكلمي مع واحد وانك بتمشي تشوفيه واسمو أمير وقبضتك كم مرة بتتكلمي معاه بس أسي عايزة اعرف أمير دا منو وبتعرفي من وين أساسا؟😠😠
اتنهدت وارتاحت لما عرفت انو هي ما سمعت مكالمتها من البداية وانها ما عارفة أمير دا منو🥺🥺
-أمير دا واحد بحبو😢وهو جادي معي بس أمورو تتصلح وحيجي يتقدم لي وانا كنت بتكلم معاه وبشوفو وما كلمت زول فيكم عشان انتي عارفة أمي ورضا الحاجات دي ما بتنفع معاهم وخفت يرفضوه لو عرفو انو كان متواصل معي وكدا😢😢
- طيب ليه ما كلمتيني انا؟😒
-قلت يمكن تكلمي أمي😢
- يا غبية انتي متين قلتي لي حاجة وكلمت أمي معقولة؟
-😢😢
- بس أوعى يكون زول كذاب ساي😒
-لالا والله يا رونق هو بحبني شديد😢
- اممم طيب تاني مرة ما تخبي عني حاجه ولما تجي تشوفي كلميني ما تشوفي بالدس😒وبعدين انا أختك الكبيرة لو ما حكيتي لي أنا حتحكي لمنو؟😢
-حبييبتشي انا ما أتحرم منك💜💜
هي ما عارفة الجاييها من أمير شنو وما عارفة انو بكذب عليها وأنها اتدبست ووقعت وقعة سوداء😢
•
•
•
إحساس إني معاه بحس اني كاملة بحس إني مثالية واني مهمة في حياة الناس🖤🖤🖤🖤هو الوحيد البديني قيمتي كلها هو الوحيد الما بحسسني بالنقص🖤🖤🖤🖤بعاملني وكأنو الدنيا دي ما فيها غيري حتى غيرتو علي وحبو التملكي حبو الأناني دا بعحبني لأنو بسببو هو أنا مقيمة🖤🖤🖤🖤
ختيت الدفتر بتاع اليوميات
في الكوميدينا لما سمعت صوت دقة الباب مشيت فتحتو لقيت أصحاب رضا هم كانو زي ٣ كدا سلمو علي طبعا هم من عينة الناس البحو الهظار والضحك وكدا وشايفين البيت كأنو بيتهم المهم خشو جوة وأي واحد مشى على سرير نام فيه😹😹حتى سألوني من رضا قلت ليهم لسه ما جاء المهم عملت ليهم عصير جبتو ليهم واحد منهم قال لي يا زولة عصير شنو عايزين غدا عديل😹😹قلت ليه تكرم طوالي خشيت المطبخ بقيت أجهز ليهم في الغداء سمعت صوت الباب واحد منهم مشى فتحو لما جاء كان معاه رضا سلم عليهم ببرود لما هم قالو ليه في شنو يا مان؟قال ليهم بس تعب شغل وكدا جاء خاشي علي في المطبخ حضني بورا وباسني في رقبتي
-مشتاق ليك😢
- اممم
-أقول ليك مشتاق ليك😢
-وبعد داك؟😹😹
-😒😒اصبري بس
فجأه تاني قلب
-ديل جو متين؟
-أسي جو وانت طوالي جيت
-امم وانتي الفتحتي ليهم الباب؟
-اي يعني حايكون منو؟
- انا مش قلت ليك ما تفتحي الباب دا لزول وانا مافي؟😒
- بس يا رضا لو كان زول عايز حاجة او كدا كيف ما أفتح الباب؟😢
-لو في زول عايز حاجة بضرب ليك تلفون بس تاني ما تفتحي الباب لأي زول مهما يكون وانا مافي فاهمه؟😒
-امم طيب 😢
- خلاص جهزي الغداء دا سريع عشان يتغدو ويتخارجو😒😒
ما عارفاه ليه قال كدا مع انهم أصحابو شديد وزمان عادي كانو بجونا بس ما عارفة ليه قال كدا يمكن زعلان منهم أو في شي المهم جهزت ليهم الفداء وهو جاء شالو عملت ليهم شاي وهم شربو ولسه قاعدين ورضا زهج منهم كان ظاهر في لهجتو شوية وقال ليهم
- انا طالع على النادي الليلة في كورة⚽
- ما تحضرها هنا ولا شكلك طاردنا عديل😹
-وما يطردنا نحنا الليلة صابنها😹😹كدا جيب الكورة دي خلينا نحضرها
طبعا زهج منهم زهج شديد😹😹انا زاتي زهجت أقعد في المطبخ طلعت قلت أمشي أقعد في الغرفة المهم لما طلعت من المطبخ هم كانو في وشي لأنو الهول فاتح في المطبخ ولما اجي ماشة على الغرفة حامر بالهول رضا نظراتو كانت معي كان بعاين لي بزهج كأنو عايز يقول لي أمشي سريع😒😠 يلا واحد من أصحابو لما شافني قال لي ربا معليش بس مدي لي التلفون الجنبك دا فعلا هو تلفونو كان جنبي شلتو مديتو ليه هو مسكو مني وهبش يدي بالغلط يعني زي الزول الضرب زول بالغلط كدا المهم أنا عملت مارقة قبل ما أصل الغرفة سمعت رضا بصرخ معاه
-مرة تانية يدك دي بقطعها ليك فاهم؟😠
هم فاكرنو بهظر بقو يضحكو لكن انا عرفت انو في مشكلة😢صحبو الهبش يدي بالغلط قال ليه والله نحنا قلنا رضا اتغير عشان مرتو سمحة وكدا لكن ما كنا فاكرين للدرجة دي😹😹وهم بضحكو يلا هو قام فوق وشكلو زهج شديد قال ليهم ما بسمح ليك تتعدى حدودك ولو سمحتو اطلعو من بيتي عشان ما تشوفو حاجة ما تعجبكم وأشر ليهم بيدو على الباب👈🏻😠هم بقو عاملين كدا😳😳انا عاملة كدا😳😦😦استغربو منو شديد ما عرفو يقولو شنو واحد قال ليه يا مان أهدا شوية القصة ما مستاهلة قام زاد نبرة صوتو قلت ليكم اطلعو😠😠أي واحد بقى يعاين للتاني بعدين اتخارجو انا كنت واقفة جنب باب الغرفة لما عرفتهم طلعو مشيت ليه كان زهجان شديد قعد في الكرسي انا جيت قعدت جنبو والله لو أي زول شافو في اللحظة دي بخاف منو ما عارفاه الحاصل عليه شنو😦😦
-رضا انت ليه عملت كدا ما صاح منك
- ما صاح منهم هم هو يمسك يدك بأي صفة اصلا😠
- بس هو ما قاصد
علا صوتو أكتر😠
-مافي حاجة اسمها ما قاصد وبعدين انا مش الف مرة قلت ليك ما تفتحي الباب لزول قلت ليك ولا لا؟😠ياخ انا لو قاعد ومعي زول انتي ما تطلعي عشان يشوفك بفتكر اني قلت ليك الكلام دا😠
-اي بس يا رضا🥺
- ما بس ولا حاجة من الليلة ولقدام ماتفتحي الباب لزول انا قاعد جاء أي زول عشان يشوفني انتي ما تطلعي لأي سبب من الأسباب فاهمه؟😠😠
ما لقيت اي جواب غير اني أهز ليه براسي بس معقولة البحصل دا اي صاح أنا عايزاه يغير علي بس ما للدرجة دي يعني🥺🥺
•
•
•
- الو ابتهال الخبر شنو
-أهلين عماد
- معليش بس عايز أسألك من ربا أخبارها شنو لي زمن منها؟
-كويسه والله أمس كانت معي
-ايوا كويس طيب هي لسه ما اتطلقت؟
-وتتطلق ليه اساسا هي وراجلها كويسين مع بعض مافي سبب يخليهم ينفصلو
- لا بس عشان هي قبل كدا قالت عايزة تطلق منو
-دا كان زمان وهي بتحبو بس كان شوية زعل
-امم
وقفل الخط وهو بفكر يعني معقولة هم رجعو زي المرة وراجلها عادي كدا؟يعني هي تاني ما حاتفكر في طلاق؟يعني حاتعيش مع راجلها؟🥺
آيروس..🖤
بقلم:نفحات محمود🖋
الجزء:17
-يلا خلينا نخش
- أمير دقيقة انا خايفة😢
-خايفة من شنو يا يا بت مافي شي هي حاجة صغيرة وانا معاك🙂
-أمير أنا ما عندي النية انزلو عايزاه🥺
-رؤى نحنا أمس قلنا شنو؟مش اتفقتا وخلاص أسي ماللك؟
-خايفة بس 😢
- ما تخافي يا روحي يلا خلينا نخش
مسك يدها وخشى معاها عشان تنزل الولد عند قابلة متخصصة في الحاجات دي
•
•
•
رضا كان لسه متضايق المشكلة انا ما عارفة ليه حاجة بسيطة كدا بتخلي يتضايق ليه حاولت أخفف عليه واتظارفت وكلو وهو ما ناوي يضحك ساي في النهاية مشيت طلعت ليه ملابس من الدولاب وطلعت لنفسي وهو بعاين لي ساي جيت قلعت ليه قميصو اللابسو ولبستو واحد تاني وسرحت ليه شعرو😹😹دا كلو وهو بعاين لي من غير ما يتكلم في النهاية قال لي خلاص خلصتي؟
-اي يلا خلينا نطلع نتعشا برة لينا زمن ما طلعنا😢
-امم طيب بفكر
-خلاص يا رضو ياخ خلينا نطلع عشاني😢
-😹😹رضو دي حلوة(أخيرا ضحك)
- طيب خلينا نمشي عشان كل يوم أناديك بيه
-وعد؟
-اي
- طيب يلا بس بشرط؟
-ما تقومي من جنبي وتفكي يدي منك تفضلي ماسكاها مش عايز تقول كدا؟😌
-شاطرة بقيتي تفهمي
-😌😌احم احم
- خلاص ما تصدقي يلا خلينا نمشي
مشينا مطعم كدا ظريف وطلبنا العشاء وبدينا ناكل رضا كان كل ما يشوف زول عاين لي بالغلط ساي بتضايق وبقول لي ياخ خلاص خلينا نمشي وانا بقول لي نقعد شوية ونحنا قاعدين أنا كنت بعاين اتجاه الباب ورضا لسه بياكل فجأه أشوف رؤى وأمير راجل ابتهال خاشين المطعم سوا😦😦
بقيت بعاين ليهم وانا مستغربة كيف هم بعرفو بعض أساسا رؤى و معاها أمير راجل ابتهال صحبتي؟كيف دا؟😦رؤى شكلها انتبهت لي وقفت مصدومة وكان ظاهر عليها الخوف فجأه سحبت أمير من يدو وطلعو برة😦أنا كنت من الصدمة ما قادرة أستوعب رضا كان بتكلم معي وأنا سرحانة في المحل الكانو واقفين فيه
- ربا
-بنت
-مالك ما قاعدة تاكلي؟
-سرحانة وين انتي؟
ما انتبهت ليه الا لما لوح بيدو قصاد عيوني👋🏻👋🏻
-اي اي😳
-بتعايني في شنو من قبيل؟
- لا مافي حاجة🥺
•
•
•
- في شنو يا رؤى مالك مطلعاني من جوة بالطريقة دي؟😠
-رضا يا أمير رضا جوا😭
-رضا أخوكي؟شافك؟
-لالا ما شافني لكن شافتني مرتو😭😭
- يعني عرفتك؟
-اي يا أمير شافتنا هي كانت بتعاين لينا😭
- ياخ ما تخافي لو كانت عايزة تعمل حاجة كان طلعت ورانا
-طيب لو كلمت رضا؟😭😭
-هي ما صحبتك ماعندك بيها علاقة؟يعني ممكن عادي تقولي ليها دا زميلي أو صحبي أو كدا يعني نحنا مكتوب في جبهتنا اننا اتزوجنا؟😒😒
- ما كدا لكن هي بتكرهني يعني حاتكون عايزة تلقى لي أقل سبب وأسي بعد شافتني معاك أكيد حاتكلم رضا عشان يشاكلني😭
- ما حاتكلمو خلاص ما تخافي وحتى لو كلمتو قولي ليه دا زميلي في الجامعة وهو عزمني عشاء ما حبيت أكسفو ولا أي شي بس
-طيب😭
•
•
•
رونق كانت بتفكر،،
انا لما سمعت مكالمة رؤى سمعت انها بتتكلم عن حمل أو حاجة بالشكل دا بس نسيت أسألها هم كانو بتكلمو عن منو؟وهي ليه كانت خايفة كدا وهي بتتكلم معاه؟انا حاسة انو الولد دا وراه حاجة ما قادرة أطمن للموضوع😢😢
•
•
•
الوقت كلو كنت بفكر رؤى وأمير بعرفو بعض من وين معقولة يكون صاحبها؟او بتعرفو معرفة سطحية؟ولا يمكن بحبو بعض لالا مستحيل أمير دا بحب ابتهال شديد انا متأكدة مستحيل يخونها😢وبعدين رؤى يعني ما بتكون عارفة انو متزوج معقولة؟طيب البنت الضربت ليه أمس معقولة دي رؤى زاتها؟صوتها كان ما غريب علي معناها دي رؤى😦طيب علاقتها بأمير شنو أنا أعرف كيف بس😢
طلعنا من المطعم مشينا البيت والطريق كلو أنا بفكر في رؤى وأمير حتى رضا لاحظ لي وبقى يسأل فيني وأنا خفت اني أكلمو وتحصل مشكلة لأني عارفاه صعب فقلت أحسن أتأكد من الموضوع براي أو ممكن أكلم رونق لأنها متفهمة وممكن تساعدني🙂
•
•
•
-حبيبي أنا مشتاق ليك😢
- ما عايزة معاك كلام انا يا أمير😒😒
-ليه يا بهوو ياخ في وحدة بتزعل من راجلها حبيبها؟
-اي في وقت هو ما يشتغل بيها أكيد حتزعل😢
- بس انتي عارفة اني مشغول بس أكيد ما ناسي حبيبة قلبي
-😢😢😢
- خلاص ياه وبعدين انا مشتاق للبيبي دا(هبش بطنها)يا بطل أمك دي زعلانة مني ما اتكلمها ياخ هي ما عايزة تتكلم معي😢قول ليها انو بابا آسف😢
- خلاص انا ما زعلانة بس انت ما تتعب نفسك بالشغل كتير كدا شوف ضعفت كيف ارتاح شوية
-وقت يكون عندي مرة حنينة زيك كدا أكيد ما حشيل هم للتعب الله ما يحرمني منك يا ابتهال😢🖤🖤(وهو بعاين ليها بقى يحس بالذنب اتجاهها)
•
•
•
كنت واقفة في الدولاب جاء حضني بورا
-العسل الليلة مالو😢ليه زعلانة كدا في شنو؟😢
-مافي حاجة يا رضا🥺
-كيف مافي حاجة انا شايف انك ما على طبيعتك😢
- بس مرهقة شوية وحاسة بتعب
- طيب تعالي عشان ننوم
- انت نوم أنا بجي أسي
- لا بس ننوم سوا يلا تعالي ختي الفي يدك دا وتعالي
جراني من يدي ونومني في حضني وبقى يقرا لي في قرآن ويمسح لي على شعري لحدي ما لقيت نفسي نمت😴
بالجد الزول بلقى نفسو مرتاح ومطمن بس في حضن الزول البحبو🖤🖤🖤
الصباح لقيت رضا مشى الشغل وخ
لا لي رسالة الصباح في ورقة في الكوميدينا كالعادة😹😹ومعاها ما تفتحي الباب لزول وما تستقبلي زول لأي سبب وما تطلعي من البيت لأي سبب فاهمة؟😹😹بعد ما اتدوشت وفطرت اتذكرت رؤى وأمير شلت تلفوني وضربت لرونق ردت لي بعد جرس طويييل
- الو رونق كيفك
-تمام الحمد لله انتي كيف بالله
-كويسه الحمدلله رونق عايزاك في موضوع مهم والله😢
- أنا برضو عايزاك في موضوع والله كنت حاضرب ليك
- في شنو خير؟
-أحكي انتي اول
- طيب بصراحة أمس كنت مع رضا قاعدين في مطعم و فجأه جو خاشين رؤى و معاها راجل صحبتي أنا اتفاجأت شديد هي بتعرفو من وين وكدا يلا هم طلعو طوالي لما هي شافتني لكن رضا ما شافهم
-راجل صحبتك دا اسمو منو؟😳
-اسمو أمير؟
-أمير؟😳رؤى حكت لي عن حبيبها وانو اسمو أمير
-حبيبها؟😦انتي جادة؟لكن دا راجل ابتهال صحبتي معقولة هو بحب رؤى؟😦
-انتي جادة انو دا راجل ابتهال صحبتك؟😳
-اي والله وانا بعرفو حق المعرفة🥺
-شكي كان في محلو كنت حاسة انو الولد دا وراهو حاجة نهائيا ما اطمنت ليه لما رؤى حكت لي عنو والمشكلة انها كانت بتتكلم معاه بالسر وانا سمعتها كم مرة😢
- طيب رؤى ما بتكون عارفة انو هو متزوج؟
- ما عارفة بس أنا حاتكلم معاها عشان تقطع علاقتها بيه وانتي ما تجيبي سيرة لرضا لأي سبب😢
-اي ما حكلمو🙂
كنت بفكر في ابتهال صحبتي وانها قدر شنو مسكينة انا لما شفتها مع راجلها في البداية قلت يا ريت لو كان رضا زي أمير لأنو بعاملها معاملة حلوة وزول متفهم وعاقل بس طلع خاين بس ما أكتر😢طيب لو ابتهال عرفت؟حاتروح فيها انا أعمل شنو؟مستحيل أكلم ابتهال لا مستحيل و بعدين هي بتحبو شديد وكدا حتنصدم منو ما بقدر أكلمها ياخ😢
•
•
•
-اتفضل
- يا أستاذ في ناس عايزين يشوفوك
- طيب خليهم يدخلو
-اوكي
-أستاذ رضا أنا أمير من شركة.....وعايز أعرض عليك عرض ممكن يفيدكم ويفيدنا😏😒
-والعرض دا شنو🙂
-نحنا ممكن نعمل شراكة بين الشركتين انتو ممكن تستفيدو من فروعنا الكتيرة الموجودة في السودان وفي الخارج ونحنا بنستفيد من منتجاتكم😏
- طيب أدوني وقت أفكر وبديكم جواب🙂
- طيب😏
•
•
•
-الو منو معي؟
- الو الو الو
-منو انت؟
- الو الو
دا منو المتخلف دا بضرب لي وما برد😒😒
تاني التلفون ضرب
-الو الو انت منو
-ياخ لو ما عايز تتكلم تاني ما تضرب😒
قفلت الخط
تاني ضرب ما ردت ليه وعملت التلفون صامت😒
آيروس..🖤
بقلم:نفحات محمود🖋
الجزء:18
وأنا بحمر في بطاطس سمعت صوت الباب عرفت دا رضا جريت ليه ونطيت فيه😹😹
- يا مجنونة براحة رقبتي اتقلعت😹
-اسفة😢
قام شالني رفعني فووووق
-يلا كدا أحسن
-رضاا😢
-روحو🖤🖤
-عايزة أمشي السوق
-لييه😒
-عايزة أشتري ملابس لي زمن ما اشتريت😭
-ليه ملابسك مالهم😒
-ياخ زهجت منهم وغير كدا عرس حسن ورونق قرب عايزة أجيب اكسسوارات وميكاب😢
- انتو البنات عندكم حاجات غريبة طيب نمشي بكرة😒
-هيييي بحبج أنا♥🤤
-وعشان كدا انا اقول ليه من جيت خاشي مستقبلاني بالأحضان وشنو ايوااا ياداب فهنت😒😒
-لالا لالا ما كدا معقولة يا رضو😹😹
-اي معقولة😒يا زولة انا زعلت خلاص😒
-رضو ياخ ما تعمل كدا am sorry😢😢
-ي زولة ما بعرف خلاص انا زعلت😒
- طيب أعمل ليك شنو😢
بقى يرفع لي في حواحبو😹😹
-أبييييت😹😹
- ما على كيييفك
قام جراني من نصي وهمس لي
-رايك شنو نمشي
يلا بقى يأشر بعيونو على الغرفة😹😹
-أبيييت عايزة أطبخ أنا😢جوعانة
-خليك جوعانة كدا😒
-عايزة أنظف طيب البيت وسخان😢
- خليه وسخان كدا😒
- طيب عايزة أغسل ليك ملابسك
-خليهم كدا😒
- طيب عايزة اممم ما عارفه بس عايزة أعمل حاجة
-يلا الحاجات كلها خلصت تاني مافي شي ولا تحاولي😒😒
-امممم😢
-أمشي أفتحي الدولاب بتاعك بتلقي حاجة حلوة ألبسيها لي
-شنو؟
-انتي أمشي شوفيها أول
•
•
•
- انا عايز بابا😭😭
-ي عدي عليك الله أسكت كفاية تسل روحي كدا أبوك ما حيجي
- أنا عايزو عايزو بس جيبي لي أسي😭😭
- يا عدي خلاص ياخ😠
-مالو يا بت ببكي من الصباح
-شغال يقول عايز أبو عايز أبو والله يا أمي سل روحي الولد دا😪
-أصبري عليه شوية وما تتضايقي هو لسه صغير🥺🥺
مشيت فتحت الدولاب لقيت فستات في الشماعة لونو أسود قصير فيه فتحة في الظهر شكل كروس🤤رهيييب بكلوو يلا لبستو طبعا أكيد حيطلع فيني حلو في زول معترض؟😹😹ورفعت شعري ضنب حصان وعملت روج كبدي عشان يعكس مع الأسود دا ويلا خلاص قعدت أعاين في المراية لقيت شكلي حلو😹😹بقيت اترقص براي طبعا انا ما طوالي بتجيه وكدا يلا لما أتجيه حتى انا بستغرب من نفسي😹😹رضا جاء خاشي شافني بعاين في المراية وبتهابل بقى يضحك
- والله انا عايش لي مع مجنونة😹😹
-😒😒غلطانة انا البلبس ليك حاجاتك البتجيبها
-احيييا من القمر الواقف قدامي دا🤤🤤في مجال ي غزال؟
-😒لا
-مساء الرطوبة نتعرف ولا مخطوبة؟🤤
-😒مخطوبة
-أحييييا أنا أموووت ولا أحضن العموود؟🤤
-أحضن العمود😒
-أحيييا من الأسود دا الجاء بجنبي وما عبرني الشال قلبي وحيييا🤤🤤
-😒😒😒
-أموت انا في ابتسام ولا أدردق في انتصار؟🤤
-اسمي ربا لو سمحت😒
-أحييييا من الإسمو رباا🤤الشال قلبي سلبو ومشى خلاني مدروشة💃🏻🤤
-اها يا قونة
-👏🏻👏🏻دستووور والما بتقول دستور ان شاء الله تبور💃🏻😹
-😹😹رضا ياخ خلاص قوم أمشي مني
-أحييييا من جنبو كيفن أمش🤤🤤
-😹😹رضا ياخ
-يلا كفاية شغل قونات وخلينا في الشغل الصاح😹😹(برفع في حواجبو)
ويلا وداد أم جضوم الليله ما بتنوم😹😹👏🏻👏🏻👏🏻
•
•
•
-رونق في شنو مالك واقفة لي في الباب؟🙄
-تعالي خشي سريع عايزة اتكلم معاك
- في شنو يا بت مالك؟
-انتي عارفة انو أمير متزوج؟
-شنو؟متزوج كيف؟رونق خلي الاستهبال ياخ😦
- انا ما بستهبل أمير متزوج بالجد😒
-لكن ك ك يف يعني انا عارفه انو ما متزوج😦
- لا متزوج يا فالحة وكمان ابتهال صحبة ربا
-ايوا انتي ما اتقولي كدا من البداية عشان اليوم داك ربا شافتني معاه في المطعم عايزة تطلع فيه اشاعات أصلا انا عارفاها هي وحدة حاسدة وحاقدة😒😒
- لا ربا ما كدا هي لما شافتكم في المطعم استغربت انتي بتعرفي راجل ابتهال صحبتها من وين وكلمتني عشان تتأكد وانا لما قلت ليها انو هم بحبو بعض هي زاتها اتخلعت وقالت لي دا أمير راجل ابتهال صحبتي وأنا بعرفو عز المعرفة
- انا ما مصدقاها ربا دي وانتي زاتك كلمتيها ليه بعلاقتي مع أمير أكيد حتمشي تكلم رضا😢
- لا ما حاتكلمو وبعدين ربا ما من النوع دا وانا متأكدة انو كلامها صاح وانو أمير دا متزوج عشان كدا عليك الله أخطيه أصلا انا ما مرتاحة ليه🙄
-انتي بدل تقيفي معي تقيفي معاها هي واصلا هي كذابة وأنا بحب أمير وما بخليه😭😭
- رؤى انا ما عايزة معاك استهبال الزول دا أحسن تخطيه وانا متأكدة انو وراه حاجه وغير كدا تعالي هنا انتي اليوم داك كنتو بتتكلمو عن حمل وما حمل دا شنو؟
- شنو حمل شنو😦لا لا ما ما في حاجة
-كيف مافي حاجة وانا سمعتك
-ياخ دي أختو حامل بس كنا بنتكلم عنها ما أكتر.
- طيب المهم الولد دا تقطعي علاقتك بيه وبس فاهمه؟😒
•
•
•
-أنا أصلا ما عايزة منو حاجة يا أمير وما ضروري يتكفل بي ويتكفل بولدو انا بس عايزة أطلق منو عشان ابقى حرة
-آمنة انتي ما عندك شغلة بالموضوع دا انا بحلو ليك وانتي وعدي مسؤوليتي وانا ما بفرط فيكم بس انتي حاولي تهدي وكلو بتحلى
- يا أمير انا خلاص ما يقدر أتحمل ياخ انا قاعدة في زمتو ليه أصلا مادام هو ما شغال بي ولا شغال بولدو ياخ ٥ سنين وولدي ما شاف أبو عشان هو اتخ