الجزء 3
الجزء:13
فكيت منو يدي وقمت من السرير بزهج😠
-اول شي انت كان ممكن تكلمني وتاني شي انت الحاجة لو ما عايز تعملها ما بتعملها بس انت أصلا عندك استعداد عشان تخسرني وكفاية وكفاية يا رضا بالجد كفاية أنا اتحملتك كتير وما بقدر أضغط على نفسي أكتر من كدا حتى لو ما شفتها حتة لو ما عندك ليها حاجة حتى لو طلقتها زاتو انا مستحيل أرجع ليك تاني مس ت ح يل مش انت اتزوجت وخلاص؟تاني انا ما بتقبلك فاهم؟وانا لسه في كلامي طلقني وبس😭😪
فجأه هو زاتو قام بدأ يصرخ😠😠
-ياخ مش البنت دي أسي بطلقهاا وأنا قلت ليك مية مرة اني ما عايز أخسرك لكن انتي معندة وشنو شابكان طلقني طلقني😠
بقينا نصرخ كدا اي واحد بعلي صوتو أكتر من التاني😩أمي سمعتنا قالت لآمنة أجري شوفيهم مالهم آمنة قالت ليها ما ماشة خليهم يتناقشو براهم يا أمي ما تدخلي لكن أمي جات جارية لينا وآمنة لحقتها وقفو جنب الغرفة كانو مترددين يخشو كيف
- طيب يا ربا أنا حطلقها وأسي قدام ناس بيتكم عشان ما تشبكيني انت عرست وانا ما عايزاك وطلقني😒😒
-ياخ حتى لو طلقتها ما عايزاك فاهم وأصلا ما بهمني وبقى ما من اختصاصي حياتك اتصرف فيها براك ياخ ما تجنني وطلقني وبس😠
قام رمى التربيزة في الأرض وبقى يصرخ ياخ قلت ليك ما بطلقك وما تجيبي سيرة الطلاق دي في خشمك تاني يا ربا فاهمة😠
-بجيبها طلقني يا رضا انا ما عا ي ز اك وكلامي دا واضح😒
غمض يدو بقوة لمن عروقو دي ظهرت لكن ما رد لي وطلع تلفونو من جيبو وعمل مكالمة في الأثناء دي أمي وأبوي وآمنة جو خاشين لمن سمعو الصراخ زاد😩
- في شنو يا أولاد استهدو بالله الأمور ما بتتحلى كدا
(مافي زول رد ليهم)
الزول الفي التلفون رد لرضا
-أمشي ودي التلفون دا للزفتة الخليتوني اتزوجها دي سريع فاهمة ٥ دقايق بس وتديني ليها😠
عرفت انو بتكلم مع وحدة من أخواتو وقال ليها ودي التلفون للمرة العرسها دي😒هو كان فاتح الخط وكل شوية بقول ليها سريع ياخ لسه ما وصلتي سريع من صوتها عرفتها رؤى(هي شكلها من الخوف وصلت في ٥ ثواني😹😹)
أدتها ليه وهو فاتح الاسبيكر رؤى قالت ليها دا رضا عايز يتكلم معاك بس فجأه البت بقت تتمايص الساعة القالت فيها الو دي (حسستني كأنها شاكيرا😹😹)رضا ولا تفاهم معاها أصلا قال ليها انتي طالق بالثلاثة البنت فجأه بقت تجعر وليه يا رضا انا عملت ليك شنو هو ولا استناها أصلا تيت تيت قفل الخط في وشها😹😹انا والله كنت مبسوطة بجوة لكن ما عايزة أبين ليه أمي وآمنة وأبوي كلهم بقو عاملين كدا😳😳احساس انو عمل كدا قدامهم
-اها يا ربا أنا طلقتها قدامك وانا قلت ليك انها ما بتهمني وم عندي ليها حاجة انا البنت دي اسمها ما عارفو والله في وشها ما عاينت ولو دا برضو ما برضيك وريني البرضيك شنو عشان أعملو ليك🥺
اتلفت على أبوي واتكلم معاه
- والله يا عمي أنا بنتك دي شاريها وما بحب زعلها انا مستعد أعمل أي شي هي عايزو
يلا انا اتدخلت
-مش قلت حتعمل أي شي أنا عايزاه؟
-اي يا ربا والله أي شي🥺🥺
- طيب طلقني😒
يلا هو في اللحظة دي انفجر😠 لكن بقى ساكت عشان أبوي قاعد
- يا بتي دا كلام شنو اسي هو طلقها قدامك انتي عايزة شنو تاني؟
-هو اتزوج قبل كدا عشان أمو يعني ممكن يتزوج تاني وتالت ورابع وانا ما أكون عارفة ولو ما الصور الجاتني دي هي كانت حاتكون مرتو وما حايطلقها وانا ما حكون عارفة وما معروف الموضوع دا تكون مدتو كم يعني انتو فاكرين انو لو ما أنا عرفت هو كان طلقها لا دي حاجة عملها عشان ينقذ بيها نفسو بس😒😒
هم تاني ما قدرو يقولو لي حاجة غير الله يصلح حالكم وطلعو خلونا هو بقى يعاين لي مسافة من غير ما يقول حاجة شكلو بفكر كيف يرضيني
- ربا يعني انتي حتفضلي كدا؟بس قولي لي لمتين حاتعذبيني كدا لمتين حاتخليني أتمرمط وأتبشتن معاك كدا لمتين؟لمتين حاقعد أفكر في ألف حل عشان أرضيك لمتين بس قولي لي😓
- انا م قلت ليك أعمل كدا ولا ضربتك في يدك لو ما عاجبك طلقني وبس😒
عاين لي كداا مساافة كأنو مفكر يديني كف لكن غير رايو😹😹قام من الكرسي ومشى الباب شكلو طالع قال لي لا عاجبني وطلع
•
•
•
-وووب علي أنا وووب علي من الحصل دا اخوكم خرب أي حاجة أنا حقابل علوية تاني كيف بس أقابلها كيف ولا أقول ليها شنو بعد العملو رضا دا وااا سجمي انا😭😭
- يا أمي انتي براك عملتي كدا براك دخلتي يدك في النار انا قلت ليك ما تخربي عليهم حياتهم لأنو رضا بحبها وفي النهاية شفتو نهاية العملتو😒
-انتي أسكتي انا ما عايزة أسمع صوتك قومي جيبي لي حبة الضغط دي أبلعها😓😓انا تاني أقابل علوية بأي وش بس تاني أقابلها كيف ووب علي انا الليلة ووووب(شغالة تولول بيدينها وقاعدة في الأرض وخاتة قطعة في راسها😹بس المقطع دا عرفتو؟😹)
رؤى ورؤية شغالين يهدو فيهااا
•
•
•
- في شنو يا مان مالك قاعد سرحان كدا؟
-لي يومين ما عارف خبر عن ربا😓
-طيب ما تضرب ليها
-بضرب من الصباح ما بترد علي😓
-والله يا عماد أنا شايف انو البنت دي أحسن تخطاها هي متزوجة وأكيد عندها الف سبب وسبب عشان ما
ترد ليك وغير كدا ياخ هي متزوجة يا عماد ياخ😓
-هي متزوجة لكن حتتطلق
-وليه واثق كدا؟😒
-لأنو راجلها مجنون😒
- انت شنو شابكني راجلها مجنون مجنون مالو هو؟
-البنت بتحب انو راجلها يغير عليها صاح؟
-أكيد
- طيب لما الغيرة دي تزيد عن حدها مش بتبقى جنون؟
-اها
-يلا هو كل شوية حايجن أكتر ويخرج من سيطرتو وهي بالطريقة دي حتكرهو وحتطلب الطلاق😏
-ولو هو ما وافق يطلقها؟
-أصلا هو ما حايوافق
- طيب يا شاطر حيطلقو كيف؟
-هي حترفع عليه قضية انو بضربها وكدا وهي ما بتقدر تعيش مع واحد مجنون زيو والمحكمة حتديها الطلاق😌
-وهي حتعمل كدا ليه أصلا؟
-لأنو هي ما حتقدر تستحملو أكتر من كدا وحايفيض بيها شديد فاشنو حتلجأ للمحكة😌
•
•
•
قعدت أبكي وأبكي كنت محتاجة أتكلم مع زول أفضفض لزول كنت محتاجة للحاجة دي شديد😭😭ما عارفة أعمل شنو أساسا بالجد انا بحبو بس قصة انو يتزوج دي أكلت معي جنبة و في النهاية جاء طلقها بكل بساطة طيب هو لو من البداية بقدر يخوف أخواتو وأمو بالطريقة دي ويمشيهم كلمتو عليهم كان من البداية رفض وخلاص بس أكيد في حاجة في راسو أكيد😓
•
•
•
- انا الليلة ما بقدر أجي يا أمير ياخ
-وليه ما بتقدري تجي يعني؟😏
-عندنا مشكلة في البيت وأمي تعبت شوية عشان كدا صعبة اني أطلع من البيت
-حاولي حتقدري بس تعالي شوية بس😓
- أمير انت ما بتفهم قلت ليك أمي تعبانة
-أخواتك ال٢ معاها يعني انتي حتعملي ليها شنو؟ولا قولي انتي أساسا ما جاية وخلاص😏
-أمير انت ما عندك احساس ولا شوية حتى لو أخواتي معاها أنا كيف قلبي يسمح لي اني أسيبها وأطلع😒
-يا زولة خلاص انتي شكلك أصلا ما عايزة تجي يلا باي😒👋🏻
قفل الخط واتلفت وبقى متوتر😳
-حبيبي في شنو عايزة حاجة؟
-جهزت الأكل تعال عشان ناكل🙂
-حاضر يلا نمشي🙂
كان خايف انها تكون سمعت مكالمتو😪😢
- انت قبل شوية كنت بتتكلم مع منو شايفاك زهجان😢
طوالي لحق نفسو سريع سريع
-ياخ دي السكرتيرة الغبية دي من أمس بقول ليها تعالي جيبي لي الأوراق شابكاني أمي تعبانة وما عارف شنو ياخ كرهتني😒
- ما تتضايق روق شوية يمكن بالجد أمها تعبانة
-يمكن😏