الجزء 1: ليلة الفاجعة في القرية الطيبة
روايتنا الليلة بتحكي عن قصة حصلت في قرية من قرى السودان ،والقرية دي أهلها مشهورين
بالطيبه والكرم والشهامة والمروءة ،ومشهود على القرية بالأمان .لكن في ليلة من الليالي
المظلمة شق هدوء الليل صوت عويل ونواح خلى كل الناس تقوم من نومها مرعوبة ومفزوعة،
وعشان تعرفوا الأسباب تعالوا نشوف أحداث القصة.
بخيته :هي يا راجل قوم ما سامع صوت البكي والعويل دا؟
حاج كرم قام مخلوع وقال ليها :في شنو يا ولية؟
بخيته :إلا كان مات زول ،وبكونوا شايلين الجثمان وجايين جاي على بيتنا النو كل شوية
صوت النواح بيقرب شوية.
حاج كرم بسرعة لبس العراقي بتاعه وشال عكازه وطلع على الشارع ،مشى على الناس لقاهم
شايلين جثمانين .شال معاهم الفاتحة ،وأقرب زول ليهو ناداهو :لو سمحت يا حبيب المتوفي
منو؟
الشاب :ديل ناس البيت ديل كانوا مسافرين على أهلهم والباص انقلب بيهم وكل الفيهو اتوفوا ،ما
نجت إلا بنتهم الصغيرة بس لقوها أمها ضاماها عليها.
حاج كرم :لا حول ولا قوة إلا باهلل ،الله يرحمكم يا بدرية والطيب .وهو بيتكلم دمعته نزلت
قشاها بطرف الشال ومشى على بيته وقال لمرته :بخيته يا ولية هوي بدرية والطيب اتوفوا.
ي الليلة دي مصيبة السواد والرماد
ي وكر عل َّ
بخيته سمعت الكلام وبقت تولول :واااي وووب عل َّ
الليلة يا حليلهم .ولفحت توبها ومرقت على بيت البكي ،لقت واحدة من البنات شايلا بنت بدرية،
ي الخلوك ولسه ما فطموك احييي منك واااي
شالتها منها ضمتها عليها وبقت تقول :الليلة كر عل َّ
أنا .وبقت تسكلب وتجعر لغاية ما جهزوا الجثامين وودوهم المقابر والناس جات راجعة.
عملوا الفراش والمعزيين يجوا وفود وفود لغاية ما صبحت الوطة والناس قاعدين .بخيته قالت
لحاج كرم :اسمع يا حاج كرم أنا أقرب واحدة لبدرية وهي أختي بنت خالتي وعارفة إنو أمها
وأبوها متوفين وهي البنت الوحيدة وما عندها إخوان ،يعني عندي الحق إنو أربي بنتها .كل
العايزاهو منك إنك تكلم كل الناس ديل إنك حتتبنى شهد.
حاج كرم :بس يا بخيته انتي يداب ولدك حسين عمرو سنة وحاجة ولسه ما اتفطم.
بخيته :يا حاج كرم أنا عايزها البنت دي عليك الله كلمهم عشاني يا أخي.
حاج كرم :طيب يا ستي ماشي.
وطلع على الناس في الفراش وبدأ يتكلم :هوي يا ناس انتو عارفين إنو بدرية والطيب نحن
أقرب ناس ليهم معرفة ،وأنا شهد بنتهم دي من هسي بعتبرها بنتي وأنا بتبناها .في زول عندو
رأي في الكلام دا؟ اللي يقولو.
ما في زول من الناس القاعدين اتكلم .بعد شوية دخل على بخيته وكلمها بالحاصل.