الجزء 4: حريق بيت الشيخ وذعر القرية

والشيخ لسه مواصل قراءة ،وكل ما يقرا كل ما الحجار بتزيد ،والشيخ من الخوف لمن بقي يرجف والعرق ملي جلابيتو .وفجأة كل الشبابيك ولعت نار ،والشيخ من الشافو اتخلع وقام جاري وبقي يقول :دا أنا ما بقدر عليهو ،دا أنا ما بقدر عليهو .وحاج كرم من شاف النار عاين لشهد لقاها دايخة ،بسرعة شالها .أول ما طلع من الغرفة النار بقت فيها والغرفة اتحرقت. والجيران قاموا مخلوعين بسماع صوت الناس بتكورك :حريقة حريقة .وأي زول جا شايل جردل ملان موية من بيتهم عايز يطفي النار .وأول ما الواحد فيهم يقرب للنار بتجيهو لهبة من النار في وشو .وكل زول شاف المنظر اترعب والناس كانت خايفة خوف شديد وكلهم اتراجعوا

وبقوا يعاينوا للنار بتاكل في بيت الشيخ لغاية ما انطفت .وكل زول مشى على بيته .وح ajكرم

شال شهد رجعها البيت ،وكانت في حالة صعبة شديد والليل كلو ما نامت.

أصبح الصباح والناس كل كلامها كان عن حريق بيت الشيخ ،وإنو السبب فيهو كان الجن .وكل

الناس كانت خايفة .وفي زي كم نفر كده مشوا على غرفة الشيخ عشان يشوفوا لو فيها حاجة ما

اتحرقت .وأول ما قربوا منها ووصلوا الباب جو جارين كلهم من المنظر الشافوهو .وواحد فيهم

جري للشيخ لقاهو قاعد متمحن وقال ليهو بصوت خائف ومتقطع :يا شيخنا الحق الحق ،نحن

مشينا البيت عشان نشوف لو فيهو حاجة ما اتحرقت ،أول ما وصلنا الغرفة لقيناها مضلمة شديد

ولقينا مكتوب في الحيطة بالدم عبارة :الراجل فيكم يدخل جوه .وفجأة ظهر لينا الجن عيونه

حممممر وقت شفناهو قمنا جارين.

الشيخ قال ليهو :البيت اتسكن خلاااص ،ودا جن كافر ومستعد يضر أي زول يقيف قصاده

ويمنعه من حبيبته .وبقي يحتسب.

وبالناحية التانية شهد من سريرها ما كانت بتقوم ،وأثناء النوم كانت بتتخلع وبتهلوس كتييير.

والحالة استمرت معاها كم شهر .وفي يوم اضطرت إنها تمشي السوق مع ناريمان عشان

تشتري لنفسها ملابس المدرسة .وقاموا أجروا ليهم ركشة ومشوا السوق .وأول ما وصلوا

ناريمان قالت لشهد :امشي اشتري حاجاتك وأنا بنتظرك هنا.

شهد :تعالي معاي عليك الله يا ناريمان.

ناريمان :تعبانة يا شهد ،امشي بنتظرك هنا أنا.

شهد :طيب .ودخلت محلات الملابس اختارت ليها لبس مدرسة وقامت حطته في الكيس ودفعت

الحساب وطلعت من المحل .وهي ماشة على الركشة ناريمان من شافتها نططت عيونها كبااار

وبقت تعاين فيها .وشهد من شافتها لمن استغربت .أول ما قربت منها ناريمان قالت ليها :انتي

ما نصيحة يا بت.

شهد :مالك يا بت ما نصيحة كيف؟

ناريمان :دا شنو العملتيهو دا؟

شهد :مالي عملت شنو؟

ناريمان أشرت ليها على ملابسها.

شهد عاينت لنفسها لقت نفسها البسة الملابس اللي اشترتها ،من الخلعة وقعت دايخة .ناريمان

من شافتها بقت تبكي وبسرعة نزلت من الركشة مشت جابت ليها موية غسلت ليها وشها

وطلعت ريحة من شنطتها شممتها ليها حتى فاقت .وساقوها وودوها البيت.