الجزء 11

لينا: حاضر حنزل الشغل بس اول لازم اعمل شئ مهم جدا وكان لازم اعملو من زمان ..

نهي : حتعملي شنو؟؟(نهي خافت 💔)

لينا قامت من كرسيها ومسحت دموعها وقالت : كلو في وقتو حلو ياماما ..حتعرفي اكيد ..

ودخلت غرفتها ..

مشت دولابها ولبست اسود في اسود وطلعت ركبت عربيتها ومشت على الشركه ..

اول مادخلت كل الناس قعدو يعزوها وكده ..بعد خلصو كلهم طلعت لمكتبها ..لقت ياسين قاعد في مكتبو وشغال ..ماكان عارفها جات ..اول ماشافها وقف على حيلو عايز يتكلم بس هي بدت اول وقاطعتو ..

لينا : استقالتك تكون في مكتبي هسي .. ومشت على مكتبها وقبل ماتفتح الباب ياسين مسكها ..

يس : استقالت شنو؟ لينا انتي جنيتي؟ انا زنبي شنو عشان تطرديني ؟؟

لينا بتعيد في كلامها وهي ضاغطه على اسنانها : استقالتك تكون في مكتبي .✋🏻

يس : اذا الاء ماتت تحمليني زنبها انا ؟؟ انا عملت شنو؟انا القتلتها ؟؟ افهمي ده يومها وتم انا زنبي شنو !!!

لينا بنفاذ صبر : استقالتك تكون في مكتبي ..وفكت يدها منو وجات تمشي بس تاني وقفها ..

يس : اسمعيني ..لينا ارجوك ماتظلميني انا ماعملت شئ انا بس ..

لينا طوالي مسكت يدو وجرتو معاها لبره الشركه ..

هو بيتكلم وبيحاول يشرح ليها وهي ماوقفت ابدا لسه بتمشي وماسكاه لحد مانزلو تحت وطلعتو براا وقالت : لو شفتك يوم بالغلط في الشركه دي ماتلوم الا نفسك ..انت مطرود وراتبك حيصلك في بيتك ✋🏻

يس : ما انا الانطرد بالطريقه دي يالينا ..ماحسمح ليك تهينيني ..

لينا ابتسمت وعاينت ليه من فوق لتحت ومشت لمكان المحاسبه شالت ظرف من مني(تتزكروها😂) وجات لياسين جدعت ليه الظرف في الارض وقالت : عشان مايكون عندك ولا حجه ..استلم راتبك ..ويلا ورينا جمال خطوتك ..

يس عاين للظرف وعاين ليها ومشي طوالي ولا شالو ..

لينا رجعت لمكتبها بعد مارجعت مني مكانها تاني (سكرتيرتها) وبدت تشتغل وماوقفت ولا دقيقه ...كل ده عشان ماتتزكر وترجع تبكي تاني ..حاولت تنسي كل شئ.. ياسين والاء وكل المصايب الحاصله دي ..

(طبعا وائل ووليد ديل قنعو من لينا تماما .. اتوجعو منها شديد وماقدرو ينسو الحصل بسهوله بس كانو قويين كفايه عشان ياخدو قرار ويطلعوها من حياتهم ويبدو من جديد .. بالاخير هم عرفو انو الحصل ليهم ده نتيجه للعملوه هم نفسهم زماان قبل مايعرفو لينا ..كسرو قلوب بنات كتير ..لعبو ببنات كتيير غشوهم واستغلوهم ابشع استغلال ..وقعوهم في مشاكل مع اهلهم وبسببهم اي بت لليله ماقادره تكمل حياتها طبيعي لانها ببساطه ماقادره تثق في زول ..ماقادره تسلم قلبها مره تانيه ..خايفين يحصل ليهم زي المره الفااتت ..بختصار هم دمرو بنات بعدد شعر راسهم فأستحقو انو قلبهم يتكسر ..اخدوه درس وطوو صفحه الماضي وقررو يبدو من جديد ..بدايه نضيفه خاليه من الغش والاستغلال والنفاق الكانو بيعملوه ..تابو عن كل شئ ..والله تواب رحيم ..##)

(عمر الوحيد اللي لسه كان متمسك بي لينا ..لانها اول حب في حياتو ..ماكانت اول بت بس هي الوحيده البجد دخلت عقلو وقلبو ..كان بيعرف بنات كتار ..بس هو ارحم من وائل ووليد ..ماوصل لدرجه يستغلهم وكده ..كان بس كزاب كبير ..في مشاعرو ..اي بت بيقول ليها بحبك وعايزك ..ولما يجي وقت الجد ..يخلع ..

مامعناها انو زول كويس ..بس ارحم من غيرو .. واصلا الاولاد بقي اسكيرهم عالي ..مابقو يكتفو بالكلام بس ..كلهم(او بالاصح الغالبيه ) بقو تفكيرهم بس محصور في انو كيف يشبع غرايزو ومابهمو شئ تاني ..يطلب من البت المسكينه صور ويستمر في كزبو وحنكو ويجرها معاه لحد ما بالاخير ياخد منها كل شئ واغلي شئ عندها ...وبعدها يجدعها ويفتش على غيرها ..بس كلمه عايزه اقولها للنوعيه دي ..انتو مفتكرين انو اي بت بتعمل العايزنو هي كعبه صح؟ ليكم حق تفكرو كده .. بس الانتو مابتعرفوه انو البت الهبله ده واثقه فيك ومابتتخيل حتي انو ممكن تكون بتلعب بيها ..مفتكراك سندها وضهرها .. هي بس بريئه لدرجه انو عقلها مابيخليها تفكر فيك بطريقه كعبه ..هي عارفه انها بتعمل غلط .بس حبها ليك اكبر من كل شئ ..لانها مافكرت بعقلها ..غلطتها الوحيده انها فكرت بقلبها وانها وثقت فيك ..بس انت كسرت كل شئ ..تاكد تماما انت يمكن (لا اكيد ) بعد ماتاخد العايزو انت كده دمرتها تماما ..موتها وهي لسه عايشه ..هو مامجرد موقف سيئ وحيتنسي ..لا هي بعد تصحى من غيبوبتها دي وتعرف انها غلطت حتخش في دوامه الزنب ..وما اقول ليك قدر كيف الدوامه دي اخير منها الموت .. احساس انك خاين لعيلتك ولربك ولنفسك قبل كل شئ ..صعب انها تقدر تطلع من الدوامه دي ..بل مستحيل ..##)

العصر جا ولينا خلصت شغلها وطلعت ركبت عربيتها بس جاها تلفون وكان من عمر..

عمر : الو لينا !!

لينا : نعم ياعمر 😪

عمر : سمعت بالحصل ..البقاء لله ربنا يرحمها يارب ..

لينا : اميين ياارب ..شكرا

عمر :ممكن اقابلك ؟

لينا كانت ضعيفه وماعندها حيل تقعد ترفض وكده وقالت: وين؟

عمر فرح وقال : نفس المطعم حق المره الفاتت ..

لينا: طيب ..

(قفلو الخط ..)

وصلت

مطعم ودخلت لقت عمر قاعد منتظرها ..اول ماشافها وقف لحد ماجاتو وسلم عليها وقعدو ..

عمر : كيفك!؟؟

لينا : عايشه للان ..

عمر مسك يدها وقال : انا معاك يالينا ..انتي ماوحيده ..صدقيني انا مستحيل اتخلى عنك ..صدقيني ..

لينا بدت تبكي وترجف وقالت : لو العالم كلو معاي انا برضو ححس بالوحده لانو اختي ماتت ..الاء ماتت وخلتني ..😭💔

عمر قرب منها وبقي يحاول يهديها وقال : لينا ارجوك اهدي ..عشان خاطري حبيبتي اهدي ..

لينا : انا تعبانه ياعمر ..ماف زول فاهمني وماف زول واقف معاي ..انا وحيده من غيرها ..ماف زول حيفهمني غيرها ..ماف زول ..ماااف💔💔

(ناس المطعم كلهم بقو يعاينو ليها ..)

عمر: لينا ارح من هنا .. ماحنقدر نتكلم مع الناس البتعايين لينا دي ..

طلعو من المطعم وهم ماشين فضلو يتمشو كده وعمر ماسك يد لينا لسه (عمك بيستغل الوضع🌞💔)(وطبعا لينا بتبكي ومامركزه زاتو 🌞)

لينا فجاه وقفت وقالت : رغم كل شئ انا عملتو فيك انت لسه واقف وبتدعمني ..الوحيد الجيت تواسيني بدل ماتطلعني من حياتك ..عمر انت انسان طيب بجد💔..وقربت منو وحضنتو وقعدت تبكي ..

(طبعا هي مامركزه بتعمل في شنو وعمر ماصدق انها لانت معاه كده🌞وحيطيير بالفررح)

(فرح خان ولا كاران جوهر ..هاهاه💔😂😂😂)

عمر : اطمني انا ماحسيبك ابدا..

لينا زحت منو وقالت : عمر ..انا موافقه ...

لينا: عمر ..انا موافقه ..

عمر ماصدق السمعو وتاني سألها : قلتي شنو؟؟سمعيني تاني 😍

لينا : موافقه❤ ماحلقي احسن منك في حياتي ..

عمر قعد يضضحكك وخاتي يدو في وشو وبيضحك ويصرخ من قلبو وجا على لينا وحضنها وشالها في نص الشارع وبقي يدور فيها وماواعي لنفسو ..لينا بتضحك لاول مره من فتره طويله .. من لما حبت يس في الحقيقه💔 ..بس ضحكت عشان شايفه قدر كيف عمر بسيط ..قدر كيف هو بجدد بيحبها ..لينا وهي بتصرخ وتضحك قالت : عمر خلاص نزلني يلاا😂😂

عمر نزلها وقال : والله ماحتندمي يالينا صدقيني ..انا حعوضك عن كل لحظه حزن عشتيها في حياتك ..حعوضك عن كل شئ بس سيبي لي نفسك وصدقيني انا مامستعجل ولا حضغط عليك ..انا حنتظر اليوم التجي فيه انتي لي وتوافقي بي اكون زوجك ويكتمل زواجنا فعلا ..ماحلمسك ابدا لو ماوافقتي بنفسك ..اخدي وقتك براحتك شديد ..بس كوني معاي وانا تاني ماعايز شئ في حياتي ❤( بسسييط ياااخ😭💔)

لينا: شكراا ياعمر ..بجد انا ماحلقي احسن منك (سرحت شويه وقالت ..) كانت خياراتي زمان غلط .. هه فكرت انو حبيت الشخص الصح ..بس كنت غلطانه .. يس مابيستحق حبي ..اناني ومابيهمو غير نفسو ..يمكن عشان انا كنت كده وقعت في واحد سيء زيي ..عمر انا بكره ياسين واتخليت عن حبو زمان ..المره الفاتت انا ما اعترفت ليك بس انا وقتها للاسف كنت بحبو ..اما هسي ..هو والحيطه واحد عندي ..✋🏻(ششت🌞💔)

عمر : انا كنت عارف وحاسي انك بتحبيه .. خلينا مانجيب سيرتو خلاص انسيه ..من الليله كل ايامنا حتكون فرح وسعاده ..❤

لينا ابتسمت وقالت : اكيد😊

عمر: طيب خليني اوصلك (احيييي انا بقينا نقول اوصلك😂😂💔)

لينا بضيق :ماف داعي حمشي براي ..(لسه مامقتنعه شديد او نقول مامتعوده ع الوضع الجديد 🌞...عملتيها في نفسك براك🔪)

عمر اتنهد : طيب ..ماحضغط عليك ..قرب منها وباسها في راسها وودعها ومشي ..

لينا ركبت عربيتها ومشت بيتها ..

--------

يس لما طلع من الشركه كان حاسي بكميه من الذل والاهانه ماطبيعي .. والواجعو اكتر انو لينا فاهماه غلط ..وماعايزه تديه فرصه عشان يشرح الحقيقه والحصل فعلا 💔..

ماعرف يمشي وين شال هم كبير ..حيعمل شنو؟؟ وهو حتي مرتبو ماشالو يعني شغل الايام ديك راح ساي ..بس كرامتو عندو اهم من اي شئ .. علي قدر ماكان محبط وحاسي بيأس ...علي قدر ماحاول يتفائل بأي طريقه عشان ده ابدا ماوقت الانكسار ..عشان لازم يلقي شغل بأسرع وقت ..

قعد يلف على شركات كتيير وكلهم مامحتاجين موظفين ..الوقت اتأخر والليل جا ومشي لأخر شركه وقبل يدخل دعى من قلبو انو يلقي عندهم شغل .. وقت دعاه ده كان الاذان بيأذن ..ربنا استجاب دعائه وفعلا لقي شغل عندهم كمحاسب ..شغلو الاصلي .. طلع من الشركه والسعاده ماليه قلبو ..ويدووب كده فااق للهم التاني ..كيف يقنع لينا 💔

------

لينا وصلت البيت لقت امها وابوها قاعدين مشت قعدت جنبهم ..هم كانو خايفين وماقادرين يسألوها عن شئ منتظرنها تحكي . والاهم توريهم شنو القرار الاخدتو وماورتهم ليه الصباح ..

لينا : انا عارفه انكم مقلقين ومنتظريني من قبيل .. طيب ..في حاجتين حصلت الليله ..

بالنسبه للقراري القلتو الصباح كان بخصوص ياسين ..(سكتت حبه وكملت وهي بتعاين لضفورها(متوتره))..طردتو ..😊✋🏻

نهي ومالك: طردتيه😳😳..

لينا قاطعتهم: القرار التاني ..انا حتزوج قريب ..

نهي :دقيقه ..لينا انتي واعيه لكلامك!! تتزوجي منو؟؟؟

لينا : عمر 😊

(نهي عارفه طبعا عمايل بتها كلها..حتقولو ليه مابتوقفها من البتعمل فيه ده ..حرجع ليكم لي اول حلقه ..انها مدلعه ..وكل شئ تعملو مابيراجعوها فيه ابدا ..يعني تعمل العايزاه بس ..وطبعا الدلع ده

هو الخارب نص العالم ده 🌞..اي واحد مدلع تلقاه خارب الدنيا ..وطبعا لكل قاعده شواذ..##)

مالك :مين عمر ده ؟؟

لينا : كان معاي في الجامعه زمان يابابا .. من زمان هو عايزني وانا مانعاه .. بس لقيت انو فعلا ماف زول حيكون لي احسن منو ... ع الاقل هو الوحيد البيحبني رغم كل شئ ..هو بس صادق معاي جداا وانا حكمل باقي حياتي معاه ..

نهي: وياسين!!؟؟وحبك ليه؟؟كده ببساطه نسيتيه؟ لينا في شنو ؟؟ماتخلي الوجع يغيرك يالينا ..

مالك: انتي هسي في حاله مابتسمح ليك تاخدي قرار مصيري زي ده ..بعدين ده ماوقت تفكري بالزواج ..يعني هسي انتي نسيتي الاء خلاص؟؟

لينا : عمري ماحنساها ..وانا ماقلت حعمل حفله وجوطه ..هو بس مجرد عقد وخلاص ..

نهي : بتي الوحيده تعرس كده؟مستحييل طبعااا ..

لينا بكت : يعني يا امي منو الحيجيني في الحفله؟؟انا كل الناس بتكرهني .. ولحد ما ارجع اكون علاقات واصالح الناس البعرفهم ححتاج وقت .. ماف زول حيجي يا امي ..ماف داعي اخت نفسي في موقف زي ده ..😪✋🏻

مالك: وحددتو موعد الزواج؟

نهي: مالك !!انت بتقول شنو !!عايز تسايرها ؟؟

لينا : ماما ... تأكدي تماما اني ماحعرس عير عمر وخلاص..ولسه ماحددنا حاجه يابابا ..ارجوكم قفل

و الموضوع ده ..

نهي : لينا انتي اكيد جنيتي ..انتي...

لينا : ايوه جنيت ..عشان كده ارجوك ماتعارضيني انتي كمان .. انتي عارفه اني عشت طول عمري وحيده .. والبت الاعتبرتها اختي مشت وخلتني ..ماتعملي كده انتي كمان يا امي .. انا ماقادره استحمل اكتر من كده ارجوك ارحميني ...

مالك: ماف زول فينا حيعارضك على شئ فيه مصلحتك ..بس انا كل البطلبو منك انك تفكري اكتر ..ماتستعجلي ..

لينا : طيب ..وطلعت غرفتها ..

(لينا فعلا كرهت ياسين ... بالاخير لو ماهو خلى الاء ماكان انهارت كده وجات تفتشو في الشركه وحصل الحصل ..بس رغم كرهها ده الا انها برضو مانست حبها ليه ..هي فعلا مشاعر جايطه مابين كانت بتحبو وبين هو السبب في موت الاء ..ده الفي بالها طبعا ...فكانت عايشه فتره ضياع من اقسي مايكون .. وفوق ده كلو هي لسه مااتجاوزت موت الاء ..)

لينا رقدت في سريرها وكالعاده ماسكه صورت الاء ..جاها تلفون وكان ده ياسين ..ما اترددت وقفلت فيه الخط .. بقي يتصل كتير وهي مصره تقفل الخط فيه (دواجن اسبيشس 😂💔...للمافهمو انا قاصده شنو ... دي حاجه كده انا عارفاها ف انتو اعملو ميتين من الحته دي😂✋🏻)

في الاخير ردت ..

لينا : عايز شنو؟؟

ياسين : ممكن مره تبطلي استفزازك ده وتتكرمي علي بعطفك وتخليني اقدر اتفاهم معاك ؟؟

لينا: بخصوص؟؟

ياسين: انتي عارفه كويس ماتستهبلي ..عايز افهمك كل الحصل بخصوص الاء ..وارجووك ماتوقفيني بس مره اديني فرصه اشرح ليك وانتي حره تصدقي او لا ..بس خليني ابرئ زمتي من الموضوع ده ..

لينا : احكي ..

ياسين حكي ليها كل شئ ..كلام الاء وحقيقتها الكانت مخبياها وكل كلامها وانو عشان كده هو خلاها ..

لينا : خلصت ؟؟!!

يس فااار ودفق من برودها ده 😂برود في الاولاد مافي 😂😂😂وقال بصراخ : لينا بطلي البرود الانتي فيه ده ..انا بوريك الحصل وانتي مامهتميه ؟؟

لينا زاتها بقت تصرخ فيه وقالت: وانا البيخليني اصدقك شنو ..انا بعرف لينا من سنين ..عايزني اكزبها واصدقك انت ؟؟ يمكن هي في اخر يومين قالت لي كلام كعب ..بس كلامها كلو بيكون في لحظه غضب بس ..وده مامعناه انها بتكرهني زي مابتقول ..

(دي الصحوبه ولا بلاش✋🏻..اسمع مني ولا تسمع عني ..رغم انو الاء ابدا ماكانت مقدسه علاقتها بي لينا .. بس لينا كانت شايفاها كل شئ.. حتي لو ماكان بيظهر كده بس هي فعلا الاء بالنسبه ليها كل شئ..)

(بغض النظر عن الزول بيستاهل تعاملك الطيب معاه ولا لا ..بس نحنا نتعامل بي اخلاقنا وخلاص ..اي زول يتصرف زي ماعايز هو حر ..هو مسؤول من نفسو وهو الحيتحاسب ..بس بجد في موضوع الصداقه ده مهما كان مشاعري شنو تجاه صحبي ده انا ما اسمع من غيرو واحكم عليه غلط ..امشي اسألو عدييل انا ماخخسرانه شئ ..اسمي عملت الشئ الصح ..حتي لو كان مابيستاهل ..)

يس: عايزك بس تصدقي انو انا والله ماكنت السبب في موتها ..ولا انتي كمان ..ده بس قدرها يالينا ارجوك افهمي ..انا عارف انك هسي مامرتاحه ونفسيتك تعبانه ..بتفهمك . وانا والله رغم العملتيه معاي قبيل الا اني مازعلان منك ..انتي فاهماني غلط ولو ماكنتي اتصرفتي كده زاتو ماكنتي حتبقي لينا البعرفها ..بس على العموم انا لقيت شغل الحمد لله ..ربنا كان كريم معاي ..

لينا : والله!! امممم كويس طيب ..اظن بعد كده ماف اي داعي تكلمني مره تانيه ..كان بينا الشغل والاء وهسي الاتنين راحو ف لو سمحت ماتكلمني تاني ..

ياسين : زي ماتحبي ..😊

لينا اتغاظت من جملتو دي شديد ..يعني كانت ببتمني انو يحنسها ولا حاجه (حنك البنات ده😂✋🏻) بس ياسين صدمها بي رده فعلو البااارده😂

لينا : معناها باي ..وطوالي قفلت الخط قبل مايرد ليها زاتو 😂😂

بالصباح لينا صحت بتلفون من عمر (خلاص ماصدق بعدا 😂)

عمر : صباح الحب ❤..

لينا : اهلين عمر 😊

عمر :كيفك ياعيون عمر

انتي 😍..؟؟

لينا : انا تمام الحمد لله ..وانت ؟؟

عمر : هسي بقيت كويس ❤(الحنك العااااضي ده🌞..بلاي غيرو شويه من طريقه الحنك يعني ..عشان شنو مانزهج😂)

لينا : ماشي الشغل؟

عمر : ايوه خلاص طلعت من البيت هسي ..وانتي ماشه متين ؟

لينا : هسي حجهز وامشي ..

عمر: تمام حبيبتي ..لمن تصلي كلميني طيب؟

لينا: طيب 😊..وقفلو الخط

(يلا دي اسخف حاجه🌞 كلميني لمن تمشي ..كلميني لمن تجي ..كلميني لمن تنومي ..كلميني لمن تموتي شنو هو 🌞🌞 طاقتكم دي فضوها في شئ احسن بلاي🌚..عالم غريبه ياااججدددددع🌚🔪)

(اجل انه حقد سنقلي🌞..الصراحه والله الحركه دي بجد بترفع ام الضغغغط ..يعني الزول المربط ده ينعزل عن العالم عديل بتلفوناتو الكتيره دي 🌚..اسالوني انا 😂)

لينا قامت وجهزت ومشت على الشركه ..لقتها مني ودخلت معاها للمكتب ..

مني : استاذه في مشكله نحنا نسيناها ..

لينا : شنو ؟؟

مني : صفقتنا مع الكنديين المفروض تتعمل . نحنا اجلناها بسبب الوفاء لكن اكتر من كده بجد حنخسرها .هم عرفو انك رجعتي الشغل من امس ..يعني مفروض بالكتير لحد بعد بكره نتم الصفقه ...وانتي عارفه الكان قايم بالصفقه دي ياسين وهو الكان حيسافر ليهم ونحنا ماقدرنا نعمل اي اجراء وانتي بعيده من الشركه فأجلناها لمن تجي ..

لينا : معناها لازم ياسين يجي ويكمل البداه ..اتصلي ليه يا مني وخليه يجي على الشركه بأسرع وقت ..

مني : حاضر ..وطلعت من المكتب ..

لينا بتكلم نفسها قالت : ياسين جلال .. انت وراي وراي ..ليه مابتخليني انساك وارتاح ..اااه يااارب صبرني 💔

ختت راسها في المكتب بتعب ..بعد شويه رفعت راسها بخلعه وقالت : ششت نسيت اكلم عمر ... ااه يااخ امور المربطين دي مابتنفع معاي انا 😭(زول عايش حياتو كلها سنقل ياخ طبيعي يطش وينسي😂)

مسكت تلفونها واتصلت بعمر طمنتو واختصرتو وقفلت منو 😂... شويتين ومني جات داخله المكتب ..

لينا : اها قال حيجي ؟

مني : للاسف لا ..قال انتي قلتي ليه مايعتب باب الشركه وهو حينفذ كلامك ..(ياسين عفن😂😂💔عرف يتسدا حقوو😂)

لينا : طيب ..انتي امشي و انا بتصرف ..

مني : حاضر ..

لينا اتصلت لياسين وماكان بيرد ..حاولت كتيير وبقت ترسل ليه وهو لسسه مطنشش في الاخير بعد ماطلع روحها رد ..

ياسين: عايزه شنو؟؟

(بيعمل نفسس العملتو فيه 😂✋🏻)

لينا : اوكي ..انا عارفه انك بتحاول تعمل فيني نفس الحاجات العملتها ليك امس ..مامشكله ..لكن الصفقه دي انت البديتها وانت اللازم تخلصها بعدها تعمل الانت عايزه ..ده شغلك ولازم تكملو ✋🏻

يس : مواقق ..بس بشرط ..

لينا : شنو؟

يس : تجي معاي ..

لينا : .......