الجزء 13

لينا كانت مضاايقه شديد من الحاله اللي هي فيها دي😂..ماعايزه تقعد جنب ياسين ابداا ..شغاله تمص الملح زي مابقولو😂(تحيه للجربوها😂✋🏻)..كانت بتتحرك كتير 🌚..وتتلفت ساي زي الرايح ليها شئ ..تحاول تحضر فيلم بس تطلع السماعه بزهج وترجع تعاين للشباك😂(واشريري 😂)

يس طبعا نااايم ولا على بالو حتي😂 ..لكن كان حاسي بحركتها الكتيره دي وماقادر ينوم كويس بسببها .. بعد مسااافه كده لينا بتخلف رجل وترجعها تاني وتضرب الكرسي بيدها 😂الحركه دي وترت ياسين شديد قام مسك يدها وفتح عيونو ...لينا اللحظه دي اتخلعت وبقت تعاين ليه 🌞..

يس بزهج : شنو ..شنو ..شنوو ..مالك بتتحركي كتير يابت ..(😂😂✋🏻)

لينا : فك يديي انت ماالك انا ماعايزه اقعد جنبك يااخ🔪..جات ترفع يدها عشان تضغط الزر للمضيفه قام مسكها تاني وقرب منها وقال : خلي الكم ساعه دي تعدي بخيير عليك الله ..روقي ماحاكلك انا✋🏻

لينا: مامجبره اقعد جنبك اناا ياخ🔪✋🏻

يس : عايني انا جادي ..بطلي حركات الشفع دي طيب ..اقعدي واستكيني بلاي✋🏻

لينا جات ترد قام طوالي ركب سماعتو وقعد يحضر😂😂(زول ممتااااز😂)

لينا فااارت ودفقت طبعا ..طوالي غمضت عيونها ونامت .. ❤

يس كان صاحي وبعاين ليها سااي ..وقعد يفكر في كل شئ حصل ليه من لما شاف لينا ..واتزكر الاء ودعى ليها وقعد يتأمل لينا من تاني ..(كده من غير سبب ..كان بيقول لي نفسو : البيشوفها وهي نايمه كده مابيقول انو دي نفسها البت اللسانه اطول منها دي ابداا )

بعد مسافه لينا صحت بصوت ياسين بصحيها عشان خلاص وصلو كنداا.. صحصحت كده وطلعو من الطياره وعملو اجراءاتهم كلها وطلعو من المطار وكان هناك منتظرهم واحد جايبنو العملاء الكنديين عشان يوديهم الفندق الحيقعدو فيه وكده ..

ركبو معاه ووداهم الفندق وطبعا حاجزين ليهم غرف جنب بعض🌚(الحنك الواحد ده😂) دخلو غرفهم وارتاحو من السفر باقي الليل ده ونامو للصبااح ..

بالصباح لينا صحت وجهزت نفسها ..لبست بنطلون جينز وبلوزه بالابيض وجكت مشمشي 😂✋🏻(على برتقالي كده😂لون البرتقال يا اولادي 🌞علي اغمق ) لبست جزمه واطيه بيضاء وشنطه بيضاء (ايه السلام ده ياحبيبتشي❤)وفكت شعرها وجات نازله (ولد دا😂)

نزلت وقعدت في مطعم الفندق تشرب قهوه ..في قعادها ده ياسين جا نازل تحت وشافاها وجا عليها وفي نفس الوقت كان في راجل تاني ماشي بأتجاه لولو ..

الراجل كان مدي ضهرو لياسين ف ماعرفو منو ..كان ده عميلهم الكندي آدم ..

سلم على لينا وقعد معاها وياسين لما شاف انو في راجل قعد جنب لينا طوالي انسحب وكان ماشي ..بس آدم شافو وناداه ..(طبعا التعامل بالانجليزي ياحبايبي😂 ..لكن نحنا حنقلبو عربي ..في احلي من العربي هو ؟😂..اوكي عارفه ❤) (انا عسل؟ شكرا برضو 🙊🙈❤)

آدم: ياااسين !!

ياسين اتلفت ولقاه ده آدم قام جاهو وسلم عليه وقعد ..(لاحظو ماسلم على لينا 🌞..شغالين حرب بارده ديل😂)

لينا: وعليكم السلام 🙂(ماتتشوبري يالينا🌞)

ياسين ولاااا كأنو سامعها قعد يتكلم مع آدم.. لينا طبعا حست جبهتها طارت عديل 😂 فكانت عايزه تلم باقي كرامتها .. قامت على حيلها بس ياسين مسكها وقعدها تاني من غير مايعاين ليها زاتو ...(احيييي حااره يااخ💔)

آدم طبعا حس انو في شئ ماياهو بين الاتنين ديل قام ادخل وقال : انتو متشاكلين ؟؟

يس: لا ماف كلام زي ده ..المهم خلينا في شغلنا ..متين حتوقع على الصفقه ؟

آدم عاين لي لينا الكانت بتعاين للجهه التانيه وعيونها مدمعه 💔 وقال : في الاول لازم نعمل اجتماع وبعدها حنكمل الصفقه .. بس انت ليه مستعجل كده ؟ اقعد شويه اتفرج في البلد ..

يس : لا والله مابقدر وراي مصالح في السودان ..

آدم ولسه بيعاين لي لينا قال : لينا انتي كويسه؟؟

لينا في نفس وضعيتها قالت : تمام ..بس اتزكرت الاء صحبتي المرحومه ..

آدم : امممم..الله يرحمها

لينا: امين ..تسلم

يس لسه ماعاين ليها وده الشئ البجد قطع قلب لينا ..

لينا ماقدرت تستحمل اكتر وقامت تاني وبسرعه طلعت برا الفندق كلو ...

آدم اتخلع وجا يقوم بس ياسين قعدو تاني ..

آدم :ليه وقفتني ؟ لينا محتاجه دعم في الوقت ده ..

يس : خليها بتهدا براها..

آدم: هي مابتعرف حته في البلد دي لازم نمشي ليها ..وطوالي قام وطلع من الفندق ..اما ياسين من مكانو ما اتحرك

..(ياجماعه ردة فعل ياسين طبيعيه ..يعني زول ماعندو اي زنب في اي شئ طوالي يطردوه ويعاملوه اسوء تعامل يعني هو بس على حساب مزاج لينا ..لو مبسوطه يستمر في شغلو لو مضايقه وعندها مشاكل تجي تفضي فيه نفسياتها وتطردو كمان🌞..عاد جنس ده لاشفنا ولا سمعنا بي 🌚🔪)

آدم طلع لي لينا برا وبقي يفتش فيها لحد مالقاها ..مشى وقف حنبها وماقال ولا شئ ..اما هي كانت بتبكي شديد ..اتلمت عليها كل حاجه . موت وفقد وخساره وتشتت كل شئ بجد 💔..

بعد مساافه كده لينا هدت ومسحت دموعها ولسه عمك ادومه قاعد😂 ..

لينا : عارف انو دي احسن طريقه للمواساه؟؟

آدم :كيف ؟؟

لينا : يعني ماقعدت تقول لي كل الكلام المعروف ده والاصلا ما

حيجيب نتيجه ..بس اكتفيت بالسكوت ..وده احسن حل ..شكراا

آدم: انا عارف انو مهما قلت اي شئ ماحخفف عليك البتحسيه ..لاني اكيد ماحكون حاسي بالانتي حاساه ..فأكتفيت اني بس اكون جنبك ..لو كنتي عايزه تحكي اكون جنبك عشان تفضفضي لي ..

لينا : الجواي مابيتحكي ..

آدم : عقد دي شكلو ..

لينا : عقد كبيره للاسف ..

آدم : انا موجود لو احتجتي شئ حتلقيني بساعدك ..نحنا مامجرد شركاء في شغل ..نحنا اكتر من كده .. صح ؟

لينا : اكيد ..

آدم : امممم طيب نمشي نتفسح في مونتريال الجميله❤رايك ؟؟

لينا : ههههههه طيب موافقه ..

آدم : معناها يلاا ياجميله ❤..

مشو ركبو عربيه آدم واتحركو ...

اتفسسحو وماخلو شئ ومشو فطرو كمان وبعداك رجعو الفندق ..آدم قال ليها بالمساء حيكون الاجتماع وحيوقعو على الصفقه ..وافقت وطلعت غرفتها بعد ما اداها شريحه عشان تكلم اهلها بيها ..واداها شريحه لياسين كمان ..

مشت غرفتها واتصلت لأهلها طمنتهم وكمان اتصلت لعمر ..قعد يتونس معاها مساافه كده وبعدها قفلو من بعض ..

يس من بعد ماطلعو لينا وآدم هو كمان طلع ولف شويه براه ورجع تاني للفندق دخل غرفتو ونام تاني ..(نام عشان يرحم نفسو من التفكير الماقادر يسيطر عليه ..)

لينا يدووب عايزه تمشي تدي ياسين شريحتو بعدما خلطت العفنه 😂...طلعت من غرفتها وهي شامه الوضع شديد لو عليها ماعايزه تشوف وشو نهائي ..دقت الباب لياسين وهو مافتح (لانو نايم🌞) قعدت تدق وتدق لحد ماصحا وجا فتح ليها الباب ..

يس اول ماشافها اتنهد ودخل جوا خلاها ومشي رقد في سريرو عشان يكمل نومتو (ياولدنا 😂😂)

لينا اتفاجئت من حركتو دي طبعا ..قامت دخلت وختت ليه الشريحه في الطربيزه وقالت : دي شريحه جابها ليك آدم عشان تكلم اهلك وتطمنهم ..(يس ولا رد ولا عبرها 🌚)..يلا لينا ماقدرت تمسك اعصابها نهائي طوالي مشت عليه وشالت البطانيه منو وبقت تصرخ فيه ..

لينا : انت ليه بتتصرف كده؟ ..مش انت قلت انو لازم نستحمل بعض ؟؟ طيب مالك بتعمل الحاجات المنعتني منها جاوبني ؟؟

يس لسه مغمض عيونو ومارد ..لينا شالت المخده وضربتو في وشو (يلا سجمك😂)..ياسين عصبب ششدديد قام طوالي وقف ولزاها على الحيطه وبقي يصرخ فيها : انتي عايزه شنو ؟؟ انتي مجنونه؟؟ لا يعني عايزاني احترمك وانتي ما احترمتيني؟؟ اي انا قلت ليك لازم نستحمل بعض . عشان كده انا مابحاول احتك بيك ..بس انتي كل دقيقه بتجيني ليه ؟ وانتي مالك بي ياخ ماتدخلي فيني ..خلينا نعدي اليوم ده على خير وماتخليني اعمل حاجه اندم عليها فاهمه ؟؟

لينا خافت شديد لانو ياسين بجد كان معصب شديد ..قامت من غير ماتحس قعدت تبكي ..واتخيلو ياسين عمل شنو🌚..مسكها من يدها وطلعها برا غرفتو وقفل الباب ..بكل بساطه ..

(والله صبر كتير ياخ😞وده اقل شئ يعملو )

لينا ماقدرت تستحمل نهائي تعاملو معاها كده..قامت تاني دقت الباب بقوه ..قام فتح ليها . قامت لزتو وبقت تضرب فيه وتصرخ وتبكي ..

لينا : انا بسببك عايشه في جحيم ..انا من عرفتك ما ارتحت ابدا ولا يوم وبسببك خسرت الاء ..انت السبب في كل شئ حصل معاي انت السبب ..

يس مسكها وزحاها منو وصرخ فيها : اي انا السبب كده مبسوطه ؟؟ اوريك حاجه كمان ..انا العملت الحادث لي الاء كده فرحانه ؟؟ اي انا السبب في اي شئ ..بتكرهيني ؟؟اكرهيني يازوله ..انا تعبت وانا ببرر ليك وانتي ابدا ماراضيه تقتنعي ..خلاص انا عملت العلي وماحبرر ليك تاني ..لأنك لو كنتي عايزه تفهميني صح كان فهمتيني ..

لينا : ياخساره بجد ..ياخساره ..انتو الرجال كلكم شبه بعض ..مابيهمكم غير نفسكم وبس انتو...

يس: وانتو ماشايفين نفسكم ؟ انتي دي شايفه نفسك واااو صح ..انتي مجرد بت ماديه وبتهمك المظاهر بس ..عمرك مابتهتمي لمشاعر زول ...دايره كل الناس تحبك وانتي تكسري في قلوبهم صح ؟ كده الصح في نظرك ؟؟ وريني بس نحنا عملنا ليك شنو ؟ ياشيخه انتي تاريخك كلو كنتي انتي البتنهي علاقاتك لانو ببساطه بتزهجي ..مع انو من الاول انتي مابتكوني جاده ..طيب ليه بتعشمي الناس هاا؟؟ليه بتكسري قلوبهم ؟حتستفيدي ششنو؟؟ اياااك تختي اللوم علينا وانتي سبب كل شئ بيحصل فاهمه ..

لينا : طبيعي تدافع عن اولاد جنسك ..طبيعي.. هه غلطانه انا معلييشش..

يس: اصلا غلطانه انتي ..جوا عينك غلطانه ماتتكلمي ساي بلاي ..وهسي اطلعي من غرفتي ..

لينا عاينت ليه من فوق لي تحت وطلعت ...

بالمساء كان وقت الاجتماع اللي حيتعمل في قاعه في الفندق .. لينا جهزت وطلعت وفي نفس الوقت ياسين طلع من غرفتو ..طبعا ولا كأنو بيعرفو بعض ..لينا اتقدمت عليه ومشت لحد ماوصلت القاعه وكان آدم وكل العملاء موجودين ..سلمت عليهم وياسين جا وقعد وبدو الاجتماع ..

بعد ساعتين من النقاشات وقعو الصفقه وباركو لبعض ..

آدم مشى لي لينا وبارك ليها وقال : ممكن نتعشى سوا بالمناسبه دي ؟؟

لينا : اكيد ..

آدم : معناها يلا ..

(ياسين واقف ومتابع الوضع وحاول مايركز معاهم ..بس كل شويه كان بعاين ليهم وهم بيتكلمو ..خلينا نقول اتغاظ حبتين ..)

آدم ولينا مشو مطعم الفندق وقعدو

ادم بدا يتكلم ..

آدم : بصراحه انا فكرت في الحصل قبيل الصباح في المطعم ...حسيت بجد انو انتي مضايفه من ياسين ..ماعارف بس انا حسيت انك مجروحه منو ..صح ؟

لينا بتحاول تغير الموضوع قالت : اااا عارف الفندق ده بجد حلو شديد ..واكتر شئ عاجبني المنظر البرا ده ..جمييل جداا ..

آدم : ههههههههه محاوله كويسه يالينا ..بس برضو انا ماحغيير الموضوع ..بلا احكي لي ..تخميني صح ؟؟

لينا : الجو برد ..

آدم : ماف ادفى في المطعم هنا بطلي استهبال ..يلا احكي ..

لينا بأنكسار : تخمينك صح 💔

آدم : يعني انتي بتحبيه ؟؟

لينا : نوعا ما ..💔

آدم : كيف نوعا ما ..يا اي يا لا ..

لينا : حصلت حاجات خلت ال اي .. اي نوعا ما .. (فهمتو 😂يعني حبها خف ببساطه ..)

آدم : وشنو الحاجات دي ؟

لينا حكت ليه كل شئ من لما عرفت ياسين وكل التفاصييل وانو للان ماعارفها بتحبو ..

يس : قصتك حزينه جداا ..ليك حق تكوني زعلانه كده ..بس يالينا انتي ليه تفكري فيهو بالطريقه دي ..ليه مافكرتي انو كلامو يمكن فعلا يطلع صح ..

لينا : يعني اكضب صحبتي البعرفها من سنين واصدقو هو؟ انا بعرف المرحومه من سنين ..نحنا عشنا سوا كل مراحل حياتنا ..انا بعتبرها اختي ومستحيل اصدق انها كانت بتعاملني بي وش ماوشها وانها كانت بتمثل علي مستحيل اصدق ..

آدم:طيب خليك من ده ..ماكان في داعي تطرديه يالينا . انتي كده بتخلطي بين الحياه الخاصه والشغل ..

لينا : انا مامجبوره اشوف وشو كل يوم ..افهمني انا مابقدر اكون معاه في نفس المكان ..انا خايفه اضعف تاني ..انا رغم اني كارهه كل تصرفاتو دي بس انا ماقادره انساه ابدا ..حاولت كتيير بس ماقادره اطلعو من عقلي انا تعبت شديد وماقادره استحمل ابداا😞😭💔

آدم : طيب اهدي هسي ..بس انتي انسي خلاص وحاولي ماتفكري كتير ..والفيهو خير بيحصل ..

لينا : ان شاء الله ..

آدم: طيب ممكن ناكل ..الاكل حيبرد 😅

لينا : ههههه طيب ..

اكلو اكلهم وودعو بعض ولينا طلعت غرفتها ..

ياسين كان قاعد في غرفتو كالعاده ..فجأه الباب دق ..

طبعا اتخيل انها حتكون لينا ..جرا على الباب ومستعد للشكل (شرير😂💔)بس اتفاجئ اكتر لما لقااه آدم ..

يس : آدم 😳

آدم: كنت متوقع زول تاني ولا شنو ..وغمز ليه 😂

يس : لاا بس ما اتوقعتك تجيني يعني ..خير في مشكله ؟

آدم: لالا ماتخاف ..انا ماجاي اتكلم في الشغل .. عايز اتكلم معاك في موضوع خاص شويه ..

يس : طيب اتفضل ادخل ..

دخلو وقعدو وآدم بدا يتكلم ..

آدم : الحقولو ليك ده ممكن يصدمك ..لانك اكيد ماكنت متوقعو ..بس انا عايز اقولو ليك مع انو مامن حقي ..بس لازم ..

يس : بخصوص ؟؟

آدم : لينا ..

يس : لينا مالك ماغيرها ؟؟

آدم: اي .. يس ..لينا بتحبك ..

يس : ....