الجزء 15

-----------

آدم هو السبب في كل شئ حصل معاك ..

لينا : كييف 😳؟؟ آدم انت اكيد غلطان .

آدم : لا ماغلطان ..انا امس مش قلت ليك حخلصك منو؟ ..مشيت خليت اصحابي اللي في السودان يسألو منو ..يازوله ده طلع خطير عديل كده ..

لينا بخوف : ممكن تشرح لي عرفت شنو؟؟

آدم : الولد ده طلع مدمن قدييم علي المخدرات ..وكمان بقي يبيعها هسي ..

لينا بدت تصرخ: آدم انت بتقول شنو،؟؟

آدم: لينا اهدي خليني اشرح ليك ..

بسبب الصورايخ دي يس سمع صوت لينا وجا داخل الغرفه طوالي ..(الباب كان مقفول ساي وهكذا 🌞)

يس: ياجماعه في شنو؟؟ لينا مالك ؟؟

آدم : تعال يا يس ..

لينا : انت الدخلك هنا شنو؟اطلع براا

يس: لينا اهدي انا سمعتك بتصرخي وجيت اشوفك بس ..

لينا : يس اطللع لو سمحت ..الموضوع خاص ..

آدم : لا ماتطلع ..تعال ..لينا مافيها شئ لو يس قعد معانا ..

يس: لا خلاص مدام عي ماعايزاني اقعد انا حمشي ..

آدم : قلت ليك تعال ..انت كمان لازم تسمع الكلام ده ..

لينا سكتت ويس جا قعد جنبهم وآدم بدي يحكي ..

آدم: من حسن الحظ انو صحبي ده كان بيعرف واحد من اصحاب عمر .. فصحبو ده حكي ليه كل شئ ..انا بس يالينا ماعايزك تنصدمي لمن تسمعي الكلام الجاي ده ..خليك هاديه طيب ؟

لينا: احكي يلاا..

آدم: قالو انو عمر كان بيتلاقي مع الاء كتير في اخر ايام ليها ..

عمر كان بيحكي لي صحبو ده اي شئ ..الحصل انو الاء وعمر كانو متفقين عليكم انتو الاتنين ..عملو زي صفقه يعني ..عمر ياخدك (لينا) والاء تاخدك(يس)..عشان كده ...

لينا قاطعتو : كزززب الكلام ده كزبب ..الاء مستحيل تعمل كده ..دي كانت بتكرهو عمي ..كانت دايما بتنصحني ما اقرب منو ..لا مستحيل اصدق كلام زي ده مستحيييل

آدم: لينا خليني اكمل كلامي لو سمحتي ..

لينا بدت تبكي شديد وبدو يحاولو يهدوها ..

يس: ليناا!!

آدم: انا عارف انو الكلام ده ضعب عليك تتقبليه بس دي الحقيقه يالينا ..الاء فعلا مازي ما انتي متخيله ..كانت بتعمل فيلم عليك بس ..حتي تصرفاتها معاك دي (انها بتكره عمر وكده) كانت مقصوده ..عشان حتي مايكون عندك ذره شك ..بالاماره كمان مش انتو قبل ماتموت بيوم اتقابلتو بالصدفه في مطعم؟

لينا بصدمه : اي

آدم: كان اللقاء ده مخططين ليه عمر والاء ..فهمتي ..عمر اصلا ماحابيك ولا عندو ليك شئ ..كل همو قروشك العندك ..هو مجنون قروش ..ماكفاه انو بقي تاجر مخدرات برضو عايز ياخد قروشك انتي ..

لينا: بس...

آدم قاطعها: حتقولي انو وضعو عادي وماظاهر فيه الغني صح ..هو عايش عادي عشان مايلفت عليه الانظار ..بس لو شفتي حساباتو في البنك حتلقي فيها قروش ماليها اخر ..ولو مامصدقه ممكن تتأكدي لما ترجعي السودان من البنوك دي وحتشوفي انو فعلا عامل فيها حساب بأسمو (اداها ورقه بأسماء كم بنك ..)

لينا نزلت راسها بصدمه وماقادره تتخيل ابداا الكلام البتسمعو ده ..كده خلاص ثبت شرعا انو الاء وعمر الاتنين الكانت قايلاهم احسن ناس ..هم اكتر ناس طعنوها في ضهرها ...

جات تقوم بس رجلينها ماشالوها وطوالي وقعت مغمي عليها ...

يس قلبو وقع لمن شاف لينا دايخه كده وجا شالها ونزلو هو وآدم جري تحت وركبو العربيه وعلي اقرب مستشفي ..

بعد زمن الدكتور طلع وطمنهم عليها وقال انها نايمه هسي وحتصحي يعد كم ساعه بسبب المهدئ..

كانت الصدمه الاتعرضت ليها هي السبب في الحصل ليها ده ..بالاخير الموضوع ابدا ماسهل بالنسبه ليها ..

يس وآدم قاعدين برا والتوتر حياكلهم اكل وخصوصا يس ..💔

آدم: يس اهدا البت كويسه مافيها شئ..

يس : كلو بسببهم ..كلو بسببهم .. البت دي ماقادره ترتاح بحياتها ابدا ..كل ماتخلص من مشكله تقع في التانيه ..الصدمات البتتعرض ليها صعبه يا آدم ..صعبه 💔

آدم: ده امتحان من ربنا ولازم لينا تصبر عليه وتستحملو ..كل الناس الخذلوها في حياتها ديل هم بس دروس من ربنا ليها .واكيد حيجي اليوم اللي ربنا يعوضها فيه بزول يخاف عليها ويعوضها عن كل التعب الشافتو في حياتها ده ..

يس : ربنا عوضها خلاص ياآدم ..عوضها ..

آدم عاين ليه وابتسم وحضنو بعض ويس بسبب خوفو ده لمن بكي علي حاله لينا 💔(حبو الجديد 🙊❤)

بعد كم ساعه لينا صحت وطوالي يس دخل ليها ..آدم حب يخليهم براهم 😂..

يس: انتي كويسه؟؟

لينا دمعت تاني 💔..يس جا مسح ليها دموعها ومسك يدها وقال : شششش ماعايزك تبكي خلاص ..وعد يالينا دموعك دي تاني ماحتضوق طعم الدموع ..صدقيني ..

لينا :يس..

يس قاطعها : لالالا ماتتكلمي ..خليك مرتاحه .. لينا انتي ماف احسن منك ..كل الحصل لينا انا وانتي ده كان سببو بس اننا نتجمع ونلقي بعض ..يدوب حتي فهمت انك انتي توأم روحي ..انتي البتشبهيني ❤..انا ماحخليك تبكي تاني خلاص ..والله انا حنتقم ليك من الحيوان داك ..والله اخليه يتعزب ويتمني الموت ومايلقاه ..بس انتي ابقي كويسه ..ارجوك ..

لينا: انا .

يس: انا البحبك ..اناا ..بحبك يالينا ..بحبك يامجنونه ..❤

لينا قعدت تبككيي وياسين حضنها وقعد يبكي معاها كمان❤ (بيدمع يعني ياخوانا😂 متأثر وكده 😂💔)

آدم طبعا شوكه الحوت جا داخل في اللحظه الرومانسيه دي 🌚

آدم: اووووو شكلي جيت في وقت مامناسب ..

يس حمرر ليه شديد وقام مشي عليه بس آدم رجع ورا وقال : ماعارف والله ماعارف انا اسيف ياخ ماتبقي عصبي كده يازول ..

يس: بلاي ؟؟

لينا : يس خليه 😂(واخيرراا ضضححككت😍)

يس طوالي رجع وقعد جنبها ..

آدم : ايووواا بقيت تسمع كلامها والله ماشااء الله ..الظااهر كده انو اموركم وضحت صح ؟

لينا قعدت تتبسم ونزلت راسها ..يس قعد جنبها في السرير وباسها في خدودها 😂 وقال ليه :شايف شنو؟😂

آدم: هيييي انتو جااديين ززياخ مبروووك الف الف الف مليوون مبووك واخييررااا يااخ 😍..علي فكره انا السبب عشان اوريكم بس يعني ☺

يس : blah blah blah blah

لينا وآدم قعدو يضضضحككوو لمن قلبهم اتقطع ..

لينا : بقيت تقلدني ؟؟😂

يس: مش انتي حبيبتي ..اكيد حقلدك ❤

آدم : انا شايف انو اطلع احسن مش؟

يس: اي حتطلع اصلا😂

آدم: اووككي 😂..طوالي طلع

(كيوووت يااخ😂💔)

يس قعد يعاين لي لينا ويتأمل فيها كده بس ..وهي كل ماترفع راسها تلقاه بيعاين ليها ..عاد الخجل كتلها ..

لينا : يس خلاص ماتعاين لي كده ..

يس: بحبك ..بجد بحبك يالينا ..في الكم يوم ديل انتي دخلتي قلبي بطريقه ماعاديه والله

لينا : يس عاين لو قعدت تقول لي كلام حلو كده انا بجد حيغمي علي ..

يس: ههههههه طيب اسف ..يلا طيب خلينا نطلع من هنا ..

لينا : يلاا ..

طلعو من الغرفه وعملو اجراءات الخوروج وطلعو التلاته ورجعو الفندق تاني وآدم مشي خلاهم وبعدين بيجي يوديهم المطار وكده..

(بزمتكم في واحد بتاع شغل بيعامل عملائه كده ..ياخ آدم ده عسسسل بس😍)

يس دخل لينا غرفتها وقعد معاها ورتب ليها حاجاتها كلهاا وماخلاها تعمل ولا شئ (شفتو كييف😭💔)

بعد ماخلص قام يدوب داير يمشي غرفتو ويرتب حاجاتو لكن لينا اصرت تمشي وترتب معاه وفي الاخير سمع كلامها 😂

بالمساء آدم جا وساقهم للمطار ودعهم ورجع ..

المره دي بدل ماكان ماشين وكأنهم مطلقين ..رجع وكأنهم عرسان ياخ😍

(طبعا التشبيه اخير عدمو😂💔..عامله فيها فيلسوفه انا 😂💔)

والمره دي بدل ما يقعدو بعاد من بعض ..قعدو جنب بعض وبكل حب كمان😍ركبو الطياره ومشو السوداان ❤..

بالمطار كان نهي ومالك منتظرين لينا ويسو ماف زول منتظرو لانو اصلا اكبم زول انو جااي ..طبعا لينا ما اتوقعت اهلها يجوها في المطار يعني ..فكانت ماشه بكل مزاج مع يسو وماسكين يد بعض وبيتونسو ويضحكو والحياه سعيده ..فجأه شافت ابوها من هنااك ..خجله سااي فكت يد ياسين وعملت راييحه منو😂..طبعا يس مابطل يشغلها ليها لانها خافت وكده ..المهم وصلو وسلمو عليهم.. نهي ومالك بعد ماشافو المنظر ده الفرحه حقتهم وصلت السماء 😂..مالك اقترح علي ياسبن يوثلو بيتو لكن ياسين رفض بشده بس مالك كان مصر اكتر وفي الاخير ياسين سمع الكلام وركب معاهم العربيه ..

في الطريق ياسين كان بعاين لي لينا القاعده جنبو وبيبتسم سساااي ..قامت عاينت ليه وهو غمز ليها 😂قامت قلبت وشها ع الشباك وبقت تتخجل سااي (شششغغل😍)..

يس شال تلفونها الكان ماسكاه في يدها وكتب ليها كلام كده وقفلو واداهو ليها ..وكان خلاص وصل بيتو ..قام نزل بعد ما ودعهم ودخل بيتو ..

لينا طبعا الشماار حاارقهاا شديد طوالي فتحت تلفونها وقعدت تقرا الرساله وكان كاتب فيها :

ليناا مالك ❤ ..انا مابعرف اقول كلام حلو شديد بصراحه ..بس انا حقول ليك البحس فيه ..قدر ما اقول ليك قدر كيف انتي كبيره في نظري بكون قصرت ..قدر كيف انتي قلبك ابيض وحنينه رغم انك بتظهري عكس كده ..انا مكتفي بالحاجات دي ..وعايزك تكوني شريكه حياتي وتوأم روحي الحكمل معاه باقي حياتي ..بحبك ❤

يلا لينا لمن قرت الرساله دمعت وكانت متأثره شديد اهلها لاحظو ليها بس سكتو وماقالو شئ لحد مايصلو البيت ..

في البيت اول مادخلو نهي جرت لينا من يدها وقعدتها في الكرسي وقعدت جنبها وقالت: احكي لي يلاا كلل التفاصيل😍..رجعتي عن قرارك صح؟

لينا: هههه ماما استني شويه..

مالك: نهي قولي بسم الله 😂خلي البت تاخد نفسها😂

نهي: انا ماقادره استني لكن☹

مالك: كلها سواد الليل ده بس😂..يلا يالينا ارح سريع قبل ماتمسكك تاني ..ومشي مسك لينا وجرو على السلم 😂

نهي بتكورك فيهم ساي وهم ماشغالين بيها ولسه بيضحكو ..لحد ماوصلو غرفتها ..

مالك:يلا ارتااحي هسي وبنتكلم بكره ❤

لينا:تصبح على خير 😍

مالك:تلاقي الخيير❤..طلع من الغرفه ..

لينا استحمت وجات ترقد في السرير قام جاها تلفون وكان يس ❤(اها بدينا الخلط والامور دي 🌞💔)

لينا بفرح: ياسين ❤

يس: عيون ياسين ياخ❤والله اسمي ده ماكنت فايله حلو كده 😄

لينا:ههههه اصلا حلو..

يس: امممم يعني بتحبيه؟😅

لينا: اكيد🙈❤

يس:ههههههه جد وانت خجلانه بتكوني غير😂

لينا: هههههه

يس يااخ😂

يس: هههههه خلاص خلاص سكت 😅

لينا: اممم طيب طمني كيف لقيت اهلك؟

يس: تماميين والله حمد لله ❤

لينا:حمد لله ❤

يس: اها انتي اهلك قالو ليك حاجه؟

لينا : امي كانت عايزه تتكلم معاي بس بابا انقذني منها😂💔

يس: هههههه معناها بكره بيتكل

مو معاك 😂

لينا: اصلا😂

يس: وحتقولي شنو؟😂

لينا:ماعارفه ..انا من هسي متوتره ☹

يس: ماتخافي حبيبتي ..كلو بيتسهل ❤

لينا: ان شاء الله ❤

يس:يلا ياعسل امشي نومي هسي ..

لينا : طيب ..يلا تصبح ع خير ❤

يس:تلاقي كل الخيير 😍

بالصباح لينا صحت وهي متوتره شويه من النقاش الحيحصل هسي ده ..ماخوف من اهلها بس هي ماعارفه تعمل تقول ليهم شنو ..اتزكلت على الله ونزلت لقتهم قااعدين بيشربو الشاي كالعاده😂..صبحت عليهن وقعدت تشرب الشاي ..

مالك ونهي شغالين يعاينو ليها ويتبسموةسااي وماقالو ولا شئ ..يلا نظراتهم دي وترتها شديد لمن ماقدرت تشرب الشاي 😂

مالك: مبروك ياعروسه ❤

لينا بأستغراب:مبروك في شنو😳

نهي: جاك عريس 😍

لينا اتخلعت:عريس شنو؟؟

مالك:زول محترم وبيحبك ومتيم بيك ..طلبك مني وانا قلت ليه اشوف رايك اول ..اها رايك شنو؟

لينا:بابا ده كلام شنو😳عريس منو ده الجاييني ..اكيد لا ..قول ليه لا ماعايزاك ولاشئ ..

نهي:خساره ..يس قلبو حيتكسر تاني ..

لينا:شنووو😳😳😳

نهي ومالك: ههههههههه.

لينا: يس كيف؟ انا مافاهمه شئ..

مالك لي نهي:نقول ليها؟؟

نهي : قول 😂

لينا:😳

مالك:يااستي يس طلبك مني امس 😄

لينا:متييييين😳😳كيف ..يعني ..لا ..جد 😳😳💔(مصدوومه😂💔)

مالك: اتصل لي واتكلم معاي وقال عايزك والليله كمان جايب اهلو وجاينا 😄

لينا: لحظه ..بابا انا مافاهمه ..يعني كيف جاين الليله ..يس ليه ماكلمني ...ماما انا خاييفه 😭..وجرت علي امها وقعدت جنبها وحضنتها😂😂

نهي: تخافي من شنو يابت ..ده مش الكنتي بتتمنيه . اها حصل ليك خلاص ..😍ايووويووويووويوويوي(ايوووه يااحجه ربيها😂💔)

لينا قامت من جنبهم وجرت طلعت فوق 😂وهم قاعدين يضحككوو فيها ..

دخلت غرفتها واتصلت لياسين وطوالي رد😂

لينا: يسس ليه ماكلمتني ☹

يس: بسم الله مالك😳صبحي بالاول 🌚

لينا:انت شلت رقم بابا من وين ؟☹انا ما اديتو ليك☹

يس: ههههههه اتزكري كدي😂

لينا: اتزكر شنو ما اديتك انا 😳.. ااااااا اتززكرت ..انت شلتو لمن جيت تكتب لي رساله في تلفوني صح😂يعني الرساله دي حنك منك عشان تشيل الرقم 😂

يس:ههههههه والله انا ماكنت عايز اطلبو منك ..حبيت اعملها ليك مفاجأه يااخ ❤

لينا: مجنووون😢

يس: مجنون بيك ❤..يلا اجهزي ياستي جاينكم بعدين 😌

لينا: انا خايفه اهلك مايحبوني 😢

يس: منو المايحبك يامجنونه😂انا كلمتهم امس اول ماجيت ورحبو بالفكره كمان ..وفرحو شديد ياخ❤

لينا: متأكد؟؟ماتكزب علي😢..هسي مازعلو عشان انا طردتك زمان ؟؟💔

يس: لا مازعلو انا فهمتهم اي شئ ..انتي بس ماتخافي وخليك مرتااحه ياخ ❤

لينا: لازم اكلم عمر بالاول ..

يس: انا اتصرفت انتي انسيه خلاص ..

لينا: كيف ؟؟😳

يس: لينا بكلمك بعدين مشغول هسي ..❤

لينا: حاضر ☹

--------

يس: اها قلت لي شنو يا اصلي ..

عمر: خلاص زي ماعايز ماحقرب منها تاني ✋🏻

يس: كده انت حبيبي ..وعلي فكره اشكر ربك اني ماحبلغ عنك الشرطه ..عايز اديك فرصه تتصلح فيها مع انك ماتستاهل ..بس اتا بيكفيني انك تبعد من لينا وتاني حريقه فيك ✋🏻

عمر : خلاص يازول ..اشبع بيها لينتك دي ..البت الفقر دي ..

عمر : احسن تختار كلماتك كويس ..البتشتم فيها دي حتبقي مرتي فاهم ..

عمر :يازول انا اصلا ما استفدت منها ولا شئ شيلها ياخ زوله وشها نحس زاتو من عرفتها وانا بقيت بخسر ..

يس: الله يهديك بس ..ومشي خلاه ..

--------

Flash back..

يس من الصباح صحي ومافي شي في بالو غير عمر ..عايز يتصرف معاه بس ..وطبعا هو كان شال عنوانو من آدم ..طوالي مشي ليه في بيتو ..وكان الشباب المعاه ديل مافيشين ..

عمر: انت تاني ؟ يس مش؟ عايز شنو؟؟

يس: حقول ليك كلامي ده مره زحده وماحكررها مره تانيه ..لينا خط احمر ابعد منها والا ماحيعجبك الحعملو ..خططك دي احسن تحتفظ بيها لنفسك فاهم ..

عمر : والله ماشاء الله عايو تديني محاضره ولا شنو ..ومن متين الاهتمام ده يا اخوي ..هه كسرتك انت برضو ..

يس: انا عارف عنك اي شئ ..وومكن عادي امشي ابلغ عنك الشرطه وعندي شهود يودوك ورا الشمس ..(السجن)

عمر خاف: شرطه شنو يازول؟

يس: تاجر مخدرات ومتعاطي ..اممم ياربي ممكن تتسجن ليك كم سنه🤔

عمر اتوتر: انت بتقول شنو؟ انت مجنون؟ القال ليك منو انا بتعاطي ؟

يس: صحبك ياحبيبي ورانا اي شئ ..متزكر صحبك ولا المخدرات لحست مخك؟

عمر:معاااويه الكللب ..انا بوريه ..

يس: اها ياشاطر ..قلت شنو ؟ تحترم نفسك وتبعد مننا ولا انا اتصرف معاك بطريقه تانيه ؟؟لاحظ اني جاي اتكلم معاك بكل هدوء كان ممكن طوالي اكلم الشرطه ويرموك في السجن ..

عمر: يازول انت كزاب انا ماتاجر ولا شئ ..

يس: انت...قاطع كلامو صوا تلفونو بيرن وكانت لينا ..

end of flash back..

طبعا بعد كلام يس ده عمر جرا واطي زي مابيقولو😂(خاف)وما اتصل لي لينا تاني نهاااائي ..

لينا هناك في بيتها قاعده مع امها وابوها في

الصاله بيتونسو معاها وكانت بتحكي ليهم الحصل في كندا 😂 وحكايه عمر وكده ..

يلا بعدها مالك خلاهم وطلع ينوم.. ولينا ونهي قعدو يتونسو برااهم😂

لينا: امي انا خايفه شدي

شديد 💔انا حاسه انو ياسين بيكزب علي عشان يطمني بس ..انا حاسه انو اهلو بيكرهوني ..😢💔

نهي: يابتي هو اكيد حكي ليهم ليه انتي اتصرفتي كده . يمكن تصرفك ده يظهر للناس انو شين وانو انتي ماعندك رحمه لكن لو جينا نشوف نيتك من العملتيه ده ..كانت لي خير ..عشان كده ماتخافي ..بعدين هم يلقو زيك وين ...انتي لينا ما اي زول 😌(اووووو شكرا شكراا😂💔)

لينا: رايك كده؟

نهي: اكييد ❤..الحمد لله ربنا عوضك خير ..هسي كان تعرسي المدمن ده سجمناا بركه الالله حلاك منووو...

لينا: بجد ..حمد لله ...

نهي : يلا نجهز ليك هدومك الحتلبسيها بعدين ..يلا ❤

لينا: يلاا❤

مشو قعدو يختارو الحاجات وكده وبعدها نامو بعد ما نهي نقت في لينا عشان تنوم😂(البت متوتره وماقادره تنوم😂✋🏻)

المساء جا (بعد المغرب) ولينا جهزت خلاص كانت لابسه فستان بسيط جداا لونو تركواز (يعني مايل بين الاخضر والازرق..للاولاد المابيعرفو وهكذا 😂..) فيه حزام في النص بالرمادي وجزمه رمادي ..وجايبه شعرها بالجنبه كانت مزززه جدننن😍❤..

فضلو منتظرين ناس يسو لحد ما جو.. هو وامو(سهام) وابوه(جلال) واختو(اسلام)..دخلو وسلمو عليهم وجات لينا سلمت عليهم وقعدو يتونسو كلهم واسلام صاحبت لينا طوالي 😂 ..وطبعا اتكلمو في موضوعهم الجايين عشانو وحددو الخطوبه بعد اسبوع😂والعرس بعد اسبوعين من الخطوبه 😂..(سرعه السواد😂)

اخدو قعدتهم وبعدها طلعو ❤... وباقي الليل قضوه ياسين ولينا في الحب والغراميات🌚 ..

عدا الاسبوع سريع وكانو فيه بيجهزو لحاجات الخطوبه والدبل والكلام ده ..والحاجه الحلوه انو آدم جا عشان يحضر خطوبتهم والعرس كمان (هو سبب الجوازه دي 😂😂💔)..والاحلي كمان انو مسك ياسين فرع شركتو الهنا عشان يديرها ليه ..مع انو محاسب بس لكن شوف هسي بقي رئيس مجلس اداره وكده🌞(حظوظ ونيات سليمه ❤)..

جا يوم الخطوبه ولينا واخوات ياسين البقو ليها اخوات مشو الكوفير معاها واتظبطوو ليك اخر تظبييط يايمه 😍..وبالمساء رجعو البيت لانو الخطوبه حتتعمل هناك 😍..كانت لابسه فستان بلون ماقادره اوصفو صراحه😂..يعني مابين بيجي وبرتقالي . يعني مادرجه البرتقالي الفااقعه ديك لالا .مخففه ششدييدد ..ششددييد بس المهم لون حلو 😂😂فيه حزام في النص ورافعه شعرها واخر شياكه ..يسو كان لابس قميص وبنطلون(قولو لي يعني حيلبس اسكيرت؟😂 هسس ولا كلمه مش كفايه بكتب الحلقه 😂)..كان اخر اناقه 😍..لبسو الدبل وتم اليوم ع خير بكل كميه الفرخ والسعاده الحاسين بيها الاتنين ديل ❤

طول فتره الاسبوعين كانت لينا وامها واخوات يسو بيتجارو في الاسواق عشان يجهزو وكده ..وحبسوها في اخر ايام واصلا هي مامحتاجه يعني😂..ظبطووهاا ليك اخر تظبيط وجاا اليووم المووعوودد يووم الزوواااج 😍

يوم 15/1(عيد ميلادي😂وميلادها😂مش انا لينا برضو 😂؟) كان يوم زواجهم ❤..كان العرس كلمه جميل فيه بسييططه ..طبعا حنك مشت الكوفير وجا استلمها ومشو الصاله وما ادراك ماف داعي اقولو ماهو معروف يعني 😂..

الززييت بس انو العرس تم ع خيير والاخ يسو اجر ليه شقه كده لحد مايكمل بنى بيتو اوبالاصح بيتهم الجديد ..❤

لينا بقت اكتر من عسل وحرفيا هي اتغيرت تماما بجد خصوصا بعد الزواج😍..اخدت صفات من ياسين وهو كمان اخد من صفاتها ..كان الشئ المشترك فيهم ثقتهم العاااليه بنفسهم وعصبيتهم الزايده 😂..كانو طول الوقت في مناقرات ..بس مناقرات حلوه 😂..بعد شهرين من الزواج لينا طلعت حامل ..ومرت الشهور وولدت وجابت بت وسمتها الاء ..

(رغم كل العملتو فيها الاء بس لينا كانت بجد بتحبها ..كانت بجد بتعتبرها اختها مابس صحبتها ..كانت داايما بتتزكرها وبتدعي ليها بالرحمه والمغفره ..)

😍