الجزء 8

جاها تلفون وكان ياسين.

يس بعد صلى اتجهز للشغل ومشى الشركه ولما وصل مالقي لينا مع انو هي مابتتأخر ابدا ..استغرب شويه بس قال ينتظر يمكن اتاخرت لسبب مهم .. انتظر وانتظر وانتظر جات الساعه 9 ولينا لسه ماجات وماف زول في الشركه عارف شئ ..اذا هو سكرتيرها ماعارف هم حيعرفو بلاي !!😂 ..المهم .. قام اتصل ليها ..

يس : الو !!

لينا : نعم (ماسكه نفسها بالغصب 💔)(في الاول ماكانت عايزه ترد ..بس عارفاهو حيسألها ليه ماجات ولازم تقول ليه فردت عليه 💔)

يس : اااا اتصلت لأنك اتأخرتي ..خير ان شاء الله في شئ ؟؟

لينا : لا ماف شئ ..انا ماجايه الليله ..

يس : والله !! ليه طيب في مشكله يعني ؟؟

لينا : تعبانه شويه ..حاخد اجازه الفتره دي ..

يس : بس يا استاذه انتي عارفه انو في حاجات كتير لازم تكوني انتي بنفسك مشرفه عليها ..اضافه للاوراق البتحتاج توقيعك نعمل شنو في الحاله دي ؟؟

لينا : وقتها اتصل لي وانا بجي او ترسل لي الورق عندي في الييت ..

يس : طيب والصفقه ....

لينا قاطعتو : يس جلال 😪✋🏻

يس : اسف ..اسف ..

لينا طوالي قفلت الخط ورمت التلفون في السرير ورفعت راسها ومانعه نفسها انها تبكي💔 بقت تضغط علي ملايه السرير بقوه وهي معصبه شديد ..بالاخير ماقدرت تقاوم دموعها اكتر واستسلمت للبكا ..قعدت تبكي لزمن طويل جدا ..لحد ماحست انو عيونها حتقع عديل من شده مابكت ..وشها ورم وحالتها بقت اكتر من سيئه ..مسكت الكتاب تاني وفتحتو وجات تقرا تاني بدت تبكي وملت الكتاب دموع ..جرت على المرايه وبقت تصرخ في نفسها ..

لينا : خلااااص انسييه ..افهمي عمرو ماحيحبك ...انتي مابتستاهلي واحد زيو ..انتي تستاهلي كل البيحصل ليك لانك كسرتي قلوب ناس كتير ..تستاهلي ياغبيه ..تستاااااهلليي 💔💔

وعلى صريخها ده امها وابوها جوها جاريين وقلبهم وقع من الخوف ...اول مادخلو كوركت فيهم : خلوني برااي ارجووكم ..خلووني ..ماتخافو ماحنتحر ..بس خلوني اعالج نفسي براي ..اطلعوووووو

امها ماقدرت ماتقرب منها بس طوالي مالك مسكها وطلعو برا وقفلو الباب ..

نهي انهارت تماما على حالت بتها دي نفسها تاخد كل وجع بتها وتختو فيها ..(قلب الام 💔)

نهي : احييي ياامالك بتي بتنهار قداامي وماقادره اعمل ليها حاجه 😭💔 ..الحب ده غير وجعها ماعمل ليها شئ 😭

مالك : نهي اذا انتي انهرتي هي تكون كيف ؟ لازم تقوي عشان تقويها ..بطلي بكا ماحيفيدك بشئ ..

نهي : انا عايزه رقم الولد ده .. خلاص مدام بتحبو احسن تكلمو بس . بعدين يمكن يطلع لابيحب الاء ولا شئ يمكن لينا بتتوهم ..نحنا ماخسرانين شئ لو اتكلمنا معاه ..انا ماعايزه بتي تضيع مني ..ده حبها الاول ماعايزاها تدخل في نفسيات بسببو فاهمني ؟؟ لازم نتصرف لااازززم 💔

مالك : الله يهون بس ..

نهي: امين 😔💔

(هم متفهمين شديد بالزات في قصص الحب ..لانهم عاشو الحاله دي مع بعضهم ..ولينا بتهم الوحيده ..وغير كده هم مامن نوع الاهل البيحل الامور بالضرب ..اصلا عمرو الضرب لاجاب ولاحيجيب نتيجه..ولا منع ولاحيمنع غلط مقدر ليه يحصل ..انو يحصل ..واضحه وماعايزه تفكير ✋🏻)

لينا قعدت في الارض وبتعاين في السجاده ومركزه في نقطه سوداء فيها ودموعها ناازله من غير ماتقول شئ ..بقت تهبش النقطه بيدها وتبكي اكتر ..

لينا : انا النقطه السوداء دي ..💔 انا كلي اغلاط .. انا كل الناس مابتطيقني ..معاهم حق .. انا مجرد وحده فاشله ..(بقت تكرر الجمله دي كتير وبراحه كلمه كلمه (الاخت جنت🌞))

باب غرفتها دقا ..عاينت للباب وماقالت حاجه .. الباب فتح وامها دخلت ..

نهي : لنوششتي حبيبتي ..شوفي جبت ليك اكلك البتحبيه ..يلا ارح ناكل سوا انا وانتي ..(جات قعدت جنبها في الارض .. شافت لينا خاته صباعها في النقطه السودا وبتبكي ..)

لينا : ......(ماردت ع كلام امها )

نهي : لينااا !!!!

لينا : ماما ..!

نهي : ايوه ..ايوه عيون امك انتي احكي ياقلبي 💔

لينا بتتمتم: شوفي انا النقطه دي ..بتشبهني صح ؟؟ هههههه عارفه.. عارفه ... انا اصلا ياماما مامحتاجه حد جنبي ..وووو اصلاا ...اصلااا يااسين ده منو ؟؟ هوو ولا شئ بالنسبه لي ..على فكره انا مابحبو ..وهو مابيهمني ..انتي عارفه اني مابؤمن بالحب صح ...طيب ليه خايفه علي كده؟؟ ..انا بس حبيت اغير من مظهر القوه العايشه فيه ..وكمان دموعي دي قوه ..بس نوع تاني ..فاهماني ياماما ..ماااماا انتي سامعاني ؟؟ (طبعا امها بقت حاسه انو بتها فوتت فأنصدمت😂...وأي لينا كانت بتكرر الكلام البتقولو يعني انا ماغلطانه في الكتابه 😂💔)

نهي : اي انتي اصلا قويه ..انا عارفاك ..وعارفه كمان انك حتسمعي كلامي وحتاكلي صح ؟؟ (بتسايرها 💔)

لينا : لالالالا ماحاكل .. ماجعانه

نهي : ليناا ؟؟!! ..لينا ماتعملي فيني كده ارجووك ..اعملي العايزاه بس ماتمنعي نفسك من الاكل يابتي ..ماكفايه وشك كلو مورم وحالتك بالبلا ..ماتعملي فيني كده ياليناا💔

لينا حضنت امها وبقت تبكي وتتكلم : ماتصدقيني ..انا كزابه ..انا بحبو

يا امي ..بحبو ..انتي عارفه

انا ماكنت بصدق الحاجات دي ..بس هسي انا وقعت فيها ..وقعت في زول بيكرهني ..ماعندو لي شئ 💔 ...والاكعب انو بيحب صحبتي الوحيده ...الاء ياماما ..دي اختي كيف يحبها ..انا اتصرف كيف ؟؟ انا خايفه اكرها بسببو يا امي ...انا بديت احس اني بكرها ..انا ماعايزه احس كده . ماعايزه😭💔

نهي : يمكن انتي بتتوهمي وياسين مابيحب الاء ولا شئ ..انتي كيف اتأكدتي بس ..على اي اساس بتقولي كلامك ده ؟؟

لينا : لانها واضحه ياماما . اول حاجه الاء بتحبو وقالت لي ...وانا متأكده انو كمان بيحبها ..انتي ماشفتيهم كيف كانو يوم الحفله ...كانو منسجمين لدرجه لو شفتيهم تحسيهم بيعرفو بعض من سنين .. دي الحقيقه ياماما ..ياسين عمرو مافكر ولا حيفكر فيني ..بالاخير انا مديرتو القاسيه الطردتو قبل كده والبعاملو بأسوء تعامل ..دايراه يحبني انا ويخلي الاء ست الزوق ؟؟ مستحيل ..انا راضيه بقدري ..وعارفه انو ده نتيجه اغلاطي ..انا استاهل كل البيحصل ..وحستحمل عقابي ..بالاخير انا ماحموت بالحب ده صح ؟ اكيد حيجي يوم حتي اسمو ماحتزكرو ..بس هسي الفتره الاولي حتكون صعبه ..استحملوني فيها ارجوكم ..عارفه انتي الحب الاول دايما بيكون غبي وفيه حاجات مجنونه ..خصوصا لو حصل مع وحده زيي .. 💔

نهي : انتي بس اطلعي من حالتك دي ونحنا ماعايزين اي شئ تاني ..

لينا مسحت دموعها وقامت من الارض مشت سريرها ومسكت كتاب نسيان وقالت : احلام حتساعدني .. كارهه الرجال 😄

نهي : هههههههه طيب ياستي ..ربنا يكون معاك ويقويك ❤

لينا : انتي ادعي لي بس ..

نهي : من غير ماتقولي ..يلا انا ماحخليك تعالي اكلي سريع ..

لينا : حاضر 💔(ماحبت تكسر خاطر امها وهي عارفاها ميته خوف عليها ..)

اكلت وامها طلعت من الغرفه وخلتها تقرا كتابها العظيم ..

الساعه4 انتهي الدوام واخيرا وياسين طلع من الشركه ومشي مطعم حيتلاقو فيه هو والاء عشان يحلو مشكلتها مع لينا ..

وصل وقعد منتظرها لحد ماجات ..

الاء : اتأخرت عليك ؟

يس : لا جيت قبل شويه اصلا ..

الاء : طيب ..

يس : تشربي شنو ؟؟

الاء : ليمون 😄

يس: ههههه طيب ياستي ..(وطلبو اتنين ليمون وقعدو يتكلمو ..)

يس : اها ماهديتي شويه وغيرتي قرارك ؟؟

الاء : ابداا..

يس : لسه معصبه ؟؟

الاء : ابدااا

يس : طيب مالك ؟؟ مدامك رايقه مفروض تتنازلي من قرارك ده صح .؟؟

الاء : يس انا هسي بقيت مقتنعه بقراري اكتر من اول كمان ..

يس : كيف😳؟؟؟

الاء : الزول لمن يزعل زول ..او حتي لو هو شايف نفسو مازعلو ..المفروض لمن يلقي الطرف التاني مابيسال منو ومختفي يجي يفقدو صح ؟ يشوفو حاصل ليه شنو ..بس لينا اصلا ماحاولت تتصل ولا ترسل رساله حتي ؟؟ هي اصلا مامتزكراني ..عايزني بعدا كلو ارجع عادي معاها ..انت بترضى حاجه زي دي؟؟

يس : الاء ماتتسرعي وتحكمي عليها وانتي مافاهمه ظروفها ممكن تكون شنو ..اول شئ هي الليله ماجات الشركه ..وانتي عارفاها مابتهظر في الشغل ابدا ..معناها فعلا حاصله ليها حاجه قويه ..فتخيلي بس اذا هو شغلها مامشت ليه حتتزكرك انتي ؟؟

الاء : ليه ماجات ؟؟

يس : قالت تعبانه وانا ماصدقتها .. هو كان حصل موقف كده امس غريب يعني لكن ماعايز اقولو ..

الاء : احكي في شنو ؟؟

يس : انا شاكي انها بتحبني ...

الاء : شنوووووو ؟؟؟

يس: انا شاكي انها بتحبني

الاء : شنووو ؟؟!!

يس : دقيقه ماتعصبي ساي ..ده مجرد احساس ..والله ماعارف ليه حسيت كده بس ده الحصل ..

الاء : حصل شنو ؟؟

يس : اول شئ انا مامتأكد من الحقولو ده ..يعني دي مجرد شكوك ما اكتر ..واغلب الظن اني بهلوس اصلا .. انتي عارفه انها مزاجيه وكل دقيقه بمزاج غير ..ف يوم جات رايقه كده ع غير العاده وقالت لي حترجع الدوام زي ماكان وماحنضطر نتأخر تاني ..ودخلت مكتبها وبعد مسافه طلعت لقتني بتكلم معاك وشاكلتني لانو ممنوع زي ماعارفه ..بعدها تاني جات وطردتني من الشغل وفي نفس اللحظه غيرت رايها وماطردتني ..والغريب كانت بتبكي وبتعتزر مني وماعارف ليه ..ماعارف بجد ..!!

الاء : دقيقه دقيقه . دي شنو اللخبطه دي ؟ انا مافهمت ولا شئ .. عيد تاني ..

يس : يعني انا ماعارف ليه فجاه قررت تطردني ..مع انها قبل كم ساعه من قرارها ده كانت لطيفه معاي وبالعكس رحمتني من الشغل الكتير ..وبعد ماطردتني انا طبعا انهرت اللحظه ديك لانو كنت حخسر كل شئ وصرخت فيها وانفصمت وما بتزكر قلت شنو بس انا فعلا طلعت من طوري ..والطبيعي انها تعند بعد رده فعلي دي لكن فاجئتني بانها اتنازلت من قرارها بكل بساطه ومن وقتها تاني ماشفت وشها واخدت اجازه زي ماعارفه .. تناقضها معاي بيحيرني ..دايما بستغرب ليه بتستحمل تعاملي معاها ؟ مع انو لو واحد تاني من الموظفين صرخ عليها بالغلط هو حياتو انتهت خلاص ..بس دايما كانت بتديني فرص ..كتار من الموظفين قالو لي انها حبتني لانها مابتعامل اي زول بالطريقه دي مالم تكون بتحبو .. للحظه صدقت كلامهم ..بس ياخ ما اظن ..مستحيل ..لينا دي ماشايلاني من ارضي ياخ تحبني شنو بس (انت ماعارف شئ سااي 🌞💔)

الاء : .......(ساكته سااي🌚)