الجزء 18

في ذالك اليوم المشؤوم :

كانوا قاعدين في المكتب :

سالم :- ووين الحبوب ؟

عـزام أدااها ليهو بالدس .. خت دييل بس في كبايتوو و أدعي ليه بالرحمة !

سالم إبتسم بخبث : تمام تمام

بس إنت ما تستعجل و حاول أقنعوو أوول يا عـزام

عــزام : أنا خلااص زهجته منووو و من أووامرو

إنت ما حاسي بكمية الذل الأنا فيها يا سالم .. و أنا حتخلص منو مهما كان التمن و أتألق أنا داا وقتي و دي نهاينو

سالم : مع اني ما مطمن بس أرح المهم ما تنسي إتفاقنا

عـزام : ياااخ ما تشيل هم قرووشك حتصلك

اسامة قاطعهم بدخولوا : أسف علي التأخيير يا جماعة بس الإجتماع كان مهم .. و بفضل الله حنفتتح فرع جديد للشركة

أنا طلبته ليكم قهووة عشان نصحصح ^^

كمال : و الله ؟؟ دا شئ كويس يا أخووي ربنا يبارك ليك

اسامة: إنت كمان شد حيلك و طور نفسك عشان أولادك .. زي ما أنا بديت براي انت اسس اساس متين

عـزام مغير للموضوع : إنت عارف أنا و سالم جينا الليله عشان الصفقة بتاعت المشروع الجديد أنا عايز أتولي مسؤوليتو و بالإضافة عايز أشرف علي بناء الفرع الجديد !

اسامة: و الله أنا ب أسمح ليك تشرف علي البناء و تخطط إنت و تستخدم مهاراتك الهندسية

بس البيزنس ما أظن تقدر ؟؟

سالم : إحم علي فكرة يا اسامة هو كان بشتغل معاي و إكتسب خبرة كافية كمان

اسامة : ما إختلفنا بس برضو عـزام بعييد كل البعد من المجال دا

عاين ياعـزام لو محتاج قرووش أنا ممكن أديك العايزو ما حقصر معاك ومشا علي الخزنه

عـزام أشار لسالم و بسرعة ختو بضع حبيبات في كوب قهوتو

اسامة طلع دفتر الشيكات امسك دي كلها شيكات علي بياض خت الرقم الدايرو و حلال عليك

عـزام إتعصب : إنت قايلني جااي أشحت منك أنا قروشي مكفياني بس كل مررة بتصر إنك تقلل من شأني و تحسسني إني أقل منك و إنو أولادك أفضل من أولادي !

اسامة : و أنا الكنت فاكر الحقد الجوواك دا إنتهي و قلبك نضف بس طووول عمررك حتفضل بنفس التفكيير الوسخ دا

سالم : كدي أهدؤ وصلو علي النبي ما كدا و إنت عارف اخوك عفووي ما بقصد

اسامة: دي ما عفووية دا غل مأصل جوواه و بطلع في المواقف الزي دي إنت فااكر إني ما عارف عماايلكم

و لا أفكارك البتزرعها في مخو و هو ينفذها ليك تفتكر فاايته علي ؟؟

صفقاتي البتضيع و بتجئ لصالح شركتكم .. عقوودي البفقدها .. إختلاسات الشركة المستمرة .. كل شئ قداام عيوني و عارفو

بس كنت ببرر إنو إنت أخوي و ما حسألك لإنو نحنا اخوان .. نجاحي ليك قبل يكون لي .. و كنت بديك من القروش عشان طمعك يقل عشان تشوف إنو رغم كل شئ إنت بتظنو إني بهتم لي أمرك و ما بكمن ضدك أي حقد و بتمني ليك الخير

سالم كان بحاول يخفي توترو و خوفو من كلام اسامة و إنو كاشفهم

عـزام صفق : يا سلااام يااخ تصدق كلاامك أثر فيني و شكلي ححن ليك .. و أعقب بضحكة مستفسزة حاول برضو يبدو ثابت : دا كلوو ما بهمني و لو داير تبلغ بلغ

اسامة جا و هزاهو بعنف : فووق فوووق يا عـزام و شوف عيالك و مرتك .. فووق من الوهم الإنت فيهو دا قبل يقتلك

عـزام نفض يدو منه : هه أنا حياتي طويلة الباقي عليك إنت و ربت علي كتفو .. أشووفك بعدين و طلع و معاو سالم

وبعد لحظات

كل العيلة إجتمعت خارج غرفة الإنعاش ~

لــؤي الحصل شنووو طمني أبووي مالوو ؟؟ .. قولي لي إنو كويس قولي إنو ما حصل ليهو شئ

حضنت لــؤي و بتحاول تقاوم دموعها " و أغمضتها كي لا تفيض فأمطرت ": أهدأ يا ولدي كل شئ حيكون بخير إطمئن "

نسيم بصوت باكئ : أنا خاايفة علي بابا .. و إبتسمت وسط دموعها بس بابا بطلي القووي صح

روان حضنتها و بقو يبكو و ابي كان في مصلايتو بيرتل القرءان عسي قلبوو يطمئن

ايمن : وقفتكم هنا ما حتفيد تعالو إنتظروا هناك .. لو حصل شئ الدكتور حيطلبنا

اماني : أدعي ليهوو يا ولدي أدعي ربنا يقومو لينا بالسلامة

ايمن: ربنا معاهو يا خالتي

بعد ساعات :

في شنووو يا لـؤي وشك مالو اسود كدا .. أبووك حصل ليهو شئ ؟؟ و الدكتوور كان عايزك في شنو

كان بعاين ليهم بصمت و دموعه بتتساقط بغذارة ... ملامحو كانت بااهته

أصااب قلوبهم الرعب من منظرو

إنتبه علي ابـي : لــؤي جااوب أبووي حصل ليهو شئ

روان كانت خاته يدها في أضانها خووفا من سماع الخبر الفاجع

اماني انهارت و وقعت في الأرض : يا ولدي قووول أنا حيلي ما شايلني

ايمن بصوت حاول جاهدا إنو يكون ثابت : البقية في حياتك يا خالتي ... و بعدها إتملت أركان المستشفي بالصراخ

" و أن تفقد أبااك يعني أن يسمح لك بالوقوف في غرفة مدي حياتك و لا يسمح لك بلإستناد علي شئ "

بعد هدووء الأجوواء و المعززين ودفن الجنازة ورجعو البيت

قعد في الكرسي بالقرب من أولاد أخوه و جمبو سالم

ما بستغرب قسوة قلبو الخلتو حتي ما يحزن علي فقد أخووه .. بل سمحت ليه بكل بروودة دم إنو يقتلوو. (قتلو القتيل ومشو في حنازتة)

كان بحاول يظهر الأسئ و التأثر بس ما قدر

عـزام : الله يقوويك يا ولدي و يصبرك

لــؤي : كاااان كوويس , كان في أحسن حالتو و هو في الإجتماع فجأة

يمووت كيف دا

عـزام بلع ريقه : دا أجلو يا ولدي و دا يوومو , أدعي ليهو بس. قدر الله ما شاء فعل

سالم همس ليهو : أنا حمشي عشان متووتر صرااحة و حاسئ إنو اتكشفنا

عـزام : ما تفضحنا مااف زول حيعرف , و غير كدا كان لازم ننفذ الخطة و إلا كان حيفضح عمايلنا و خصوصا إنو خلااص طفح كيلو مني

سالم : برضو ما مطمن بس الله يستر

عـزام : لمن تشووف القرووش حتطمن و تنسي كل شئ و كاد يضحك لإحساسو بالنصر حتي ماختا اعتبار لي انووفي عزاء اخوه

مجاهد و ايمن كانوا بخدموا في المعزين

واحد حزين بجد و واحد مبسوط

flash back

في أحد محلات الأثاثات :

يا رَوَانَ دا أحلي صدقيني

رَوَانَ : لاا عايزة دا و بس

ايمن إتنهد : يا رب الصبر من عندك

روان : يعني ذوقي ماحلو مش

ايمن : و الله عاجبني بس دا أجمل

روان بخبث : خلاص نشتريهم الإتنين

ايمن بعصبية : ززحي من قداامي عشان ما أديك كف .. في زول قاليك أنا حـرامي

روان: خلاص ما تتزهج فيني و واقبا بإختياراتي

ايمن بقلة حيلية : أمري لله يا ستي

روان : أنا حمشئ أشوف ابي وسمـر و قاطع كلامها قدومه نحوهم

ابـي بطريقة درامية : ألحقيني يا روان ألحقيني

روان : في شنووو. سمر مالا؟؟

ابـي: الكاائنة دييي خلت أخووك ع الحديدة

سمر و هي بتضحك : يا روان هم ما بعرفو أهمية الحاجات البنشتريها دي و شايفنها حاجات هايفة يعني الطقم حق المطبخ دا مش مهم

روان كوركت بحماس : تصدقي يا سمور كاان راايح لي وعاينت لي ايمن ببراءة

ايمن : أنا عارف النظرة دي

روان بحنية : حقي أنا عاوزة زي دا كمان

ايمن عاين لي ابي : شكلي أنا كمان بقيت ع الحديدة

و قضوا وقتهم و هم بجهزوا لعش المحبة

و نقول :

" عرسي الزول البسندك و بخاف عليك .. العرس ما محتاج ماال , محتااج مروووة و أخلااق رجاال "

🌸🌸🌸🌸

في منزل عـزام :

يعني إنتي الشلتي من الخزنة و كنتي مخبية مني ؟؟

نجـوي: خبيتو عشان خفت تتصرف تصرف غلط .. بس ما دام إنت إتغيرته أنا واثقة إنك حتعمل الصح و ترجع الورق

عـزام إبتسم : طول عمرك عاقلة ربنا ما يحرمني منك

نجـوي و لا منك يارب أنا حمشئ أحضر الغداء الليله مجاهد قاعد ما نسحروا قلته يأكل معانا و نتلم تاني زي زمان

عـزام : كوويس عشان أنا كمان عندي كلام معاه ..

نجـوي :- مجاهد نسخة من ماضيك يا عـزام و عشان تعالجو لازم تعمل زي ماعمي إتصرف معاك في الوقت دا بس حتحس و تعرف إنو كان بعمل الصح معاك و لمصلحتك

عـزام إكتفي بهز راسو و وعدها بإنو حيعمل الصح مهما حصل

و مع خروجها من غرفة المكتب رفع سماعة التلفون و قال بنبرة شماتة : اللعبة حتنقلب لصالحنا زي ما قلت .. عرفته كيف حلوي يدو

نــرجع لي روا تاني

نجوي بصوت هادئ و هي موجهه نظرها للأسفل : التشوفو يا يابا أنا ما حعارضك

مصطفي : يا بتي دي حياتك و دا تحديد مصيير أنا ما حرغمك علي شئ ما عاوزاهو ما تهتمي لعمك ما حيزعل لو رفضتي بس هو مؤمل إنك تكون سبب كافي لعـزام عشان يبقي عاقل

نجوي و نبضاتها زادت لمجرد سماع إسمو : أنا موافقة

مصطفي : فككري يا بتي العرس ما لعب و ما حينفع تتراجعي مهما كان

نجـوب بتصميم : أنا مستعدة و ما حتراجع

ممصطفي :خلاص علي بركة الله أنا حوري ناجي

نجوي طلعت. من الصالون وسرحت بخيالها في عالم كل سعادة مع عزام ما دا حبيبها دا الإتمنتو طول عمرها يبقي نصيبها و بقي ..

flash back

في المساء :

لـؤي كان قاعد في حديقة بيتهم و أفكار كتيرة بتتصارع في عقلوو

نغم إنتي الكل ما أفكر فيك عقلي بيتوقف عن العمل .. و قلبي ما بيهدأ

جيتيني من ووين و لا أنا الورطته نفسي معاك .. كنت قايل إنو مهمتي سهله بس كل يوم ماشة تتعقد أكتر و إنتي ماشة تستوطنيني أكتتر و أكتتر

بفكر كل يوم إنو هل لو إتقابلنا صدفة و في ظرووف غير دي كنتني حتحبيني ؟؟

بقولو عندما تلقي الزول المناسب البخليك سعيد لا تدعه يرحل .. و أنا بكل غباء أفعالي حتجبرك ترحلي عني

قلبي الكان القاسئ بقي يحب .. و منو ؟

البت الأبوها قتل أبوي

تفتكري حقدر أعيش معااك ؟ يا تري حبي ليك حيكون كاافي إنو يطغي علي أي ناار جواي و ما يخليني أتذكر أبوك كل ما عاينته ليك

يا تري حتسامحيني علي الحعملوو ؟؟ سامحيني عشان حتي حبك ما غفر لي أبووك ...

لإنو أبوي كان كل شئ عندي ورغم معرفتي بشعووور فقدان الأب إلا إني بكل إصرار حفقدك أبووك

سامحيني لو في قلبك أي حب ناحيتي ممكن يغفر لي

و إتذكري إنو رغم السواااد الجوواي إلا إنتي كنتي النوور البضوي عتمتي

إنك إنتشلتيني من الضيااع و حياتي بقت ليها معني

عارفة للحظة دي أنا راافض أعترف بإني بحبك و بكره نفسي في كل مرة أتذكر فيها فرحتك بردي لمن تسأليني بتحبني

و أجااوب و أنا متأكد إنو جوواي خااوي .. و قداامي هدف واحد و إنتي الجوكر حقي الحيكسبني

بس الليله و قبل عرسنا بأسبوع أنا بعترف إني حبيتك ,, حبييت طيبتك و حنيتك .. حبيييت نقااائك و طفوولتك و مقدرتك في إنك تغيري أسوأ حالاتي للاحسن

بس رغم دا كله ما وصلت لربع محبتك لي .. و بعترف إنو كل تقصير كان ناحيتك ما كان إ

لا محاولة مني عشان ما أتعلق بييك بس لقيت إني بهرب منك ليييك

نغم .. لو في يوم جرحتك فصدقيني حيكون غصبا عني و حيكون بسبب الشايلوو جواااي من أوجاااع خلتني بالقسووة والبرود دا

الحييااة ما بتررحم و عشان نعووض فقد لااازم نفقد كم حاجة في المقابل

سامحيني علي إنو ممكن أفقدك عشان أكسب نفسي ... سامحي أنانيتي دي بس إتأكدي زي ما قلته ليك إنو رغم الضلال الجواي في بيااض عاايز جهد و وجودك جمبي عشان ينتشر جوواي و يصلحني !

بس إنتي كوني بخير .. و زي ما عودتك في كل كتاب أهديه ليك أكتب خاطرة عشانك و كنت بجتهد في محاولة إني ألقي اللي بليق بيك ..

"لا ادري ماذا فعلت بي.... جعلتني اهيم بك حقا لا ادري كيف ومتي لكني عشقتك هل كلامك ام نظارتك التي ثـــرتني... لا ادري اي شي فقط اريد ان اكون بجانبك..."

قفل الدفتر و إتنهد بعمق و غمض عينه و

" و يحق لي بعد كل هذا الوجع أن أرتااح , يحق لي بعد كل هذا الغضب أن أهدأ ... أن أستكين .. أن أطمئن , أن أنسي و أن أمضي قدما "

نتلاقا مع كل الحب والريد

بقلمي :- Tasneem Alameen

-٢١-

عـزام خت الملف قداامو و هو مبتسم بخبث

: دااا فيهوو النجااة لينا و حنقدر نلوي بيه يد لــؤي

سالم و هو بعاين للورق : لقيييتوو وووين انت

عزام : كان مع المدام و كويس إنها ما عملت بيهو شئ و لا فضحتني

سالم : طيب حنعمل شنوو هسي

عـزام : حنطلعهم من البيت طبعااا

سالم : ما حينفع لكن هسي

عـزام : نععمممم ؟؟ و ليه إن شاء الله

سالم : عشان العرس الأسبوع الجاي

عـزام : و نحنا مالنا .. عنو ما عرس

سالم بإنكسار : إنت ما شفته فرحة بتي.. ما شفته حماسها ... أنا أول مرة أشوف عيونها بتلمع كدا و الضحكة ما فارقتها

لو حصل أي شئ ما حستحمل أشوفها منكسرة تاني حتضيع مني

عاارف كم مرة بقول أوريها كل شئ و اليحصل يحصل , تاني بترراجع !

عـزام : شايفك بقيت عاطفي الايام دي و بعدين إنت عارف كويس إنو العرس دا حيخليه أقوى و حيتحكم فيك

سالم : ما بهمني ,, المهم بتي مبسوطة

عزام : سااالم إنت جنيت بتك دي كدا كدا حتعرف الحقيقة و حتنكسر و دي حاجة مفروغ منها

عشان كدا إنت لازم تمنعها من العرس دا !

سالم إتنهد : ما حقدر ما حقدر

عزام : شكلك حتبووظ لينا كل شئ و شال الملف و أعقب أنا حتصرف برااي

سالم: أنا بترجاك خليي العرس دا يتم و بعدين أعمل الدايرو

عـزام بلا مبالاة : خير

اماني كانت واقفة قصاد صورتو القدامها في الحائط :

إشتقته ليك شديييد ... مفتقدة وجودك و صوتك في البيت ..... الأمان الكنت بحسو بيك .. مفتقدة إهتمامك بينا و اللمة حوليك

عاارف لــؤي عرسو الأسبوع الجاي .. و ابــي خطب بنوتة ظريفة إسمها سمـر و روان خطبها ايمن و هو زول ماشاء الله مافيهو كلمة.

و قالو حيعملو عرسهم سوا بعد لــؤي... نسيم حبيبة قلبك إمتحنت خلااص و منتظرين النتيجة ومصممة إنها تحقق رغبتك و تخش طب ما عارفة متين العيال كبروا كدا ... بس بتمني أكون وجهتهم زي ما إنت عايز و ما أكون قصرته معاهم

مهما حاولته ما حقدر أعوضهم غيابك ... بس ححاول إني ما أحسسهم بنقص

سامحني لو غبته عنك يوم .. بس إنت عارف إنك ما غبته من دعواتي و في كل سجدة بذكرك

ما تشيل همي و تقول الأولاد حيمشو و يخلوني أنا قوية و إنت عارف صحح ؟؟

وبعدين إنت معاي و أنا حاسة بيك حولي عشان كدا مطمئنة

مسحت دموعها

و ....

نتتلاقا مع كل الحب والريد