الفصل العشرون

#

إتلفت علي وقال لي السلام عليكم اول م رفعته عيني عاينته ليهو إتخلعتهه وبقيت م قادرهه امد يدي ولا اخليها مكانها وهو نفس الشي ملامح وشو إتغيرت 360 درجه من شافني، بقت في لحظهه صمت غريبهه شديد وانا من جوااي بقول دهه ود خاله مهيد، معقولهه، بعد لحظهه الصدمهه دي هو كمل سلامو علي وانا بعد مديت يدي حتى م فتحته خشمي على طول قولته ليهم عن إذنكم ودخلته غرفتي وبقيت ماشه وجايه وبقول"دهه الضابط القبل كدهه جا فتش بيتنا وساقنا معاهو القسم، وفي نفس اللحظهه جات امي ومعاها راجل دخلو عليهو وطلعو فهمونا إنو سؤ تفاهم بس م اكتر وانا تفيت في وشو وإتشاكلته معاه، انا لسهه متزكره ملامح وشو والطريقه الدخل بيها بيتنا معناها هو ماسك على امي شي، اكيد عارف حقيقتها وماسك عليها شي هو ضلبط في الشرطه يعني المعلومات عن النسوان البشتغلو شغله امي بتجيهم بي إثباتاتها وااااي لااا ياااخي اهل مهيد لا

انا اعمل شنو اسي؟هو شافني وعرفني يبقى اكيد عرف انا بت منو، خلاص امي حتنكشف قعدته في السرير وبقيت اهدي في روحي واقول ي شهد فكري بي رواقه اصلا في زول عارف حقيقه امك ووصل ليك الفيديو داك ومعاهو الريكورد، وفجأهه الود دهه يطلع ببقى ود خاله مهيد وكان طالع من غرفه رزان يعني اكييييد دهه اخوهاااا لزم واااااي بعد م شافني لو م شايل علي حقد حيشيل، معقوله هو اللي عامل كل دهه؟ بقيت قاعدهه وبرجف كلي ومتوقعه في اي لحظه الباب يفتح والود يكون حكى ليهم كل حاجهه،

في الجانب التاني برهه مهيد كان بتناقش مع عمو وبقول ليهو ي عمي انا من الاساس العرسه دي انا كانت م راكبه راسي لكن عرسته عشان ارضي امي لغايه هنا نحن كويسين، جبتها وشلتها في راسي وواجباتي تجاها كلها عملتها سبب واحد يخليها ترفع صوتها وتقل ادبها على امي مافي، سبب واحد يخليها تشيل قروش من خزنتي من غير علمي ولما اسألها تقول لي م عارفه ماف، سبب واحد يخليها تمشي تقول للخدامه إنو ام مهيد البتشيل قروش من الخزنه من غير علمو ماف، دهه كلو في الفتره البسيطه دي انا سكته عليه بس بقت تتجاوز الحدود في كل حاجه كل حاجه ي عمي شلل واصحاب ويومي منزلاها لي عربيه قدام الباب وتقول لي دفعتي في الجامعه، اول م قال كدة رزان طلعت من الغرفه وهي بتصرخ وبتقول ليهو على الأقل فعلا ديل دفعتي في الجامعه علشان قولته ليك ي مهيد جيب لي عربيه قولته لي لأ ماف عربيه م زي مرتكك الجوهه دي كل يوم راكبه مع واحد شكل، ام مهيد كانت بتسكت فيها وهي لسسه مواصله تتكلم، قال ليها بي نهره سيرهه شهد م تجيبيها على لسانكك للمرهه المليون، إضافه لي كدة عملته ليك ترحيل خاص وقفتيهه لييه؟اسمع ي عمي انا فوضى وفارغهه م بتنفع معي من الأخر كدهه، عمو عثمان قال ليها كدة بطلي صراخ وجوطه وتعالي اقعدي نسمع المشكله من الطرفين تعالي ي بتي، جات قعدت وكانت لابسه بجامه بس وجادعه في نفسها طرحه كبيرهه، قالت ليهو شوف ي عمو اول شي دايما متنرفز وزهجان، عمو الصادق قال ليها طيب ي بتي إنتي زوجتو على شنو لو م إتحملتي زهجو ونرفزتو دي؟قالت ليهو من غير سبب بزهج، اخر م في الاخر بعد م رجعني بيت اهلي جاب مرتو ودخلها بيتي من البدايه يفهمني إنو عامل الدراما الرخيصه دي عشان يرجعها وخلاص ولما جيت إعترضته على رجعتها ضربني يعني م عايزني اعترض وهو اساسا البيت بيتي

عمو مهدي قال ليها كدهه دقيقه ي بتي واحدة واحدة هو صحي بيتكك؟يعني حسب علمنا إنو شهد دي هي الكبيره صح؟ومعرووف عن الكل المرهه الكبيره دي هي ست البيت وهي صاحبه الشان طالما ختت رجلها في البيت ده قبليك وم قصرت رحبت بيك ودخلتك بيتها بكل خاطر طيب وطلعت خلتو ليك زاتو اها دي الحقيقهه بدون زعل عشان إنتي تلغي الجمله حقت بيتي دي من مخيلتك وتدينا اسباب واضحهه للمشكله ولا شنو ي جماعهه؟عمو عثمان قال ليهو كلام منطقي الليله اليوم دة مهيد ده لو جاب اربعه نسوان دخلهم في البيت ده البيت والسلطه حقتو كلها بتكون من حق الكبيره يعني دي حاجه م بتغالطو فيها إتنين، بعد مساافه وهي بتعاين ليهو بغيييظ قالت ليهم ضربني، هو ضربني على اي اساس علشان إعترضتهه ودة حق من حقوقي؟وإذا انا بكذب العلامات الفي وشي كفيله بي إنها تثبت الحاجهه دي، عمو عثمان عاين لي مهيد قال ليهو إتصرفتهه كدة؟مهيد قال ليهو وحاكسسر راسها كمان إذا كررت العملتو مرهه تانيه وانا ياهو كلامي دة بقولو قدام اخوك عمر دة وقدام اعمامي كل م تتجاوزي حدودكك يدي دي م حتقيف منكك، ام مهيد قالت ليهو غلط ي ولدي غلط ابوك دهه انا.. قاطعها قال ليها داك ابوي وهو اسي تحت التراب ودة انا م داير زول يناقشني ي امي، عمر طبعا سااكت وباينه عليهو ملامح الغضب والغييظ من مهييد بس ماسك اعصابو وساااكت، عمو عثمان قال ليهم خلاص اسي ي اولادي مشاكلكم دي اقل من عاديه وبتحصل في اي بيت وبتتحل ابغض الحلال عند الله الطلاق نحن م جاين نخلي المشكله تتفاقم نحن جااين نحلها مهيد ي ولدي م تتصرف بتهور ااي نعم إنت راجل مرتين والضغوطات عليك كتيره ولازم تعدل وترضي كل واحدة فيهم بس ي ولدي ربنا يسخر الحال وإنت دخلته في الوضع ده وعارف نفسك حتعيش في الدوامهه دي م علينا اسي المشكله دي تتحل والمياه ترجع لمجاريها ودي ادفنوها، رزان قالت ليهو انا م بقعد معاه في البيت دة ولا ثانيه لو م نفذ شروطي، اخوها عمر عاين ليها وهو بحمر ليها، مهيد رفع راسو وبقى يعاين ليها، عمو مهدي قال ليها شروطك شنوو؟قالت ليهو يطلق شهد ويرجعها مكان م جات وبس، مهيد عاين ليها مساااافهه وقال ليها ههههه تفتكري شرطكك دهه حيتنفذ؟وقف على حيلو وقال: عمر سوق اختكك وامشي بكره ورقتها تلحقها، عمو عثمان قال ليهو اقعد ي ولد اقعد بطل إنفعالاتك دي، م عارف يعني النسوان ديل عموما كدة عقولهم صغيرهه اقعد على الأقل إحترمنا نحن القاعدين ديل، قعد قال ليهم طيب ي عمي إحتراما ليك إنت واعمامي انا بقعدها في البيت دهه بس لو بالغلط سااي سمعتها جابت سيره شهد على لسانها طلقانهه وكلامي ده انا م برجع فيهو عاجبها اهلا وسهلا م عجبها داك الباب تشيل شنطتها وتتفضل تمشي بدون اي نقاشات مستهلكهه وم انا البتتشرط علي مرهه تمام؟و ده ااخر كلامي عندي عن إذنكم، قام على حيلو

اثناء م انا بفككر فجأهه الباب فتح كان مهيد، وقفته على حيلي وبقيت اعاين ليهو بخلعه اصلا ملامح وشو كانت متغيره وكلها غضب، هو جاي علي انا بقيت ابلع في ريقي وجسمي كلو نازل مويهه، اول م وصلنيى قال لي شههد، م قدرته افتح خشمي، قال لي إنتي، قبل م يكمل كلامو دموعي جات جاريهه، قال لي اسي انا قولته شنو ببكي؟وبعدين انا الخوفتهه عليك لاني رجعته لقيتكم ماف على الاقل كان تتصلي تطمنيني قبل م اطلع وإنتي عارفه إنو لو طلعتي يمكن تتعبي صح ولا لأ؟بقيت اعاين ليهو وهو بتكلم وانا م فاهمه حاجه، شويه كده قرب مني وخته يدو في خدي قال لي مالك إنتي في شنو عرقانه كدة وخايفهه من شنو؟إترميت في حضنو من غير م احس وفضلتهه سااكته، مسح على راسي بي يدو وضماني عليهو اكتر وقال لي عشان كدة م عايزك تطلعي برااك، لما تزهجي بس أشري لي وانا حأخلي كل حاجه في يدي عشانكك بس م تطلعو براكم إتفقنااا؟رفع لي راسي ومسح لي دموعي وبعدها قال لي تعالي قعد وقعدني جنبو قال لي طبعا عمر دهه اخو رزان، اول م قال لي كدهه قلعته عيوني، قال لي هو جاب اعمامي وجو عشان يحلو المشكله المشكله البينا بس م اكتر، فضلت اعاين ليه، قال لي رزان حتقعد في البيت بس اوعدك إنو م حتضايقكك ابداا، قولته ليهو قبل كدة انا كلمتكك إنو م بتفرق معي واساسا هي فتره وحأعديها وحطلع من هنا، قال لي يعني نفسكك تطلعي من حياتي؟عاينته ليهو مسااافه بعدها قولته ليهو انا م في حياتكك اصلا ي مهيد لأنو انا م فيني حياة اساسا وقبل كدة قولتها ليك وهرجع اعيدها لو انا فيني روح بججد م حتلقاني جيت برجولي لغايه عتبه بابكك، سكتت م فتح خشمو، فجاهه الباب دق، زحيت منو جات روابي داخله قالت ليهو اممممم مهيد بابا وناس عمو طالعين، قال ليها طيب، قام على حيلو طلع ليهم جات روابي قعدت جنبي وملامح وشها متغيرهه وسرحانهه، قولته ليها مالكك؟قالت لي قليلين البلقو راجل زي مهيد دة ويكتفي بيهم هم بس ي شهد والله العظيم قليلين يعني إنتي عارفه في رجال مهما كانت المره جميله في شكلها وفي فكرها ومهما كانت باسطاهو وعامله ليهو حساب ومقسمه حياتها عليهو وعلى اولادو برضو بفتش برهه وبخونها مع اتفه النسوان وبقلب عيشتها وعيشهه اولادو لنكد ومهاترات فيعني اسي انا مبسوطهه بالجد من مهيد علشان هو حتى في نص دة كلو متمسك بيك وبالرغم من جمال رزان اللي ممكن يهبل بي اي راجل هو م متمسك بيها بالعكس، يعني ي ريت لو كان...قبل م تكمل كلامها سكتت، قولته ليها ي ريت لو شنوو، قالت لي ماف حاجه المهم مهيد عارفه مهيد قال لي رزان شنو لما جا إتشرط عليها عشان تقعد في البيت؟سكتته، قالت لي قولي لي اهاا، قولته ليها اها، قالت لي قال ليها لو بالغلط سااي غلطتي على شهد طلقاانهه،

بعدها وشها إتلون مشت غرفتها واخوها لحقهاااا م عارفه قال ليها شنو بس شكلو هداها وم خلاها تطلع من البيت هخ، شههد بعد البعملو مهيد علشانكك دة كلو إنتي لييه م بتحبيهو ي شهد؟لييه بتتعاملي معاهو بنشاف كدة؟سكتته م رديت عليها، عدة إسبوعين من الكلام دة وانا بقيت اعمل حسابي من مهيد وم احتك بيهو خالص علشان غفران وكذاا صراحه لما قعدته مع نفسي وحسبتها لقيت إنو بالجد انو هي من حقها تعيش بالطريقه العايزاها مع مهيد، ومهيد كان بتغااظ من تصرفاتي وبرودي معاه حتى بقيت اتجاوزو شديد، على عكس رزان اللي كانت بتحاول تتقرب منو اكتر واكتر في الفتره طبعا ام مهيد كانت معانا وروابي برضو فضلت معانا وسبحان الله إسلوبها مع ام مهيد زفت شديد يعني بتنهرها كأنها هي الوالداها ولما تشتغل في المطبخ بتقول ليها"مديني إحساس إنو انا هنا حبشيه ولا حاجه دة طبعا بالكتير لما تغسل العدة لانو اغلب وقتها بتكون نايمهه او في الجامعه، بس بالرغم من دة كلو ام مهيد بتهتم بيها شديد يعني بتجهز ليها كل إحتياجاتها حتى ملابسها بتغسلهم ليها مع ملابسها وبتكويهم ليها، في يوم جمعه انا وروابي كنا شغالين في المطبخ مهيد كان عندو صحبو ابوهو إتوفى سافر معاهو البلد وكان راجع في الطريق قامت روابي قالت لي شهد مهيد بجي شويه كدة لأنو إتحرك بدري جهزي ليهو الجلابيه علشان يمشي بيها الصلاة، فجاهه جات رزان لابسه فستان قصير ومتدخنه وحنتها سوداا ماشاءالله وريحتها فاايحهه ماليه المكان قالت ليها انا كويتها ليهو واسي عايزة اخلط ليهو العصير علشان حيجي تعبان زحتني من المكان الواقفه فيهو قالت لي لو سمحتي، روابي عايزة تتكلم سكتها بقت تعاين ليها بغيييظ شديد، مشيت قعدته في الكرسي وبقيت اعاين ليها من فوق لتحت اثناء م هي بتخلط نسمع صوت مهيد بقول لينا السلام عليكم، اول م قال السلام عليكم رزان فكت الخلاط وجرت إتلقت مهيد في نص الهول وحضنتو بكككل قوتها وبقت تقول ليهو مشتاااااقهه لييكك يااخي، طبعا انا بقيت اعاين ليهم إحساس إني مصدومه، روابي قالت لي دييييي مالها، وفستانها كان مستفز شديد، مهيد كان بعاين لي وانا م لاحظته إنو ملامح وشي متغيرهه اساسا، على طول خته يدو في ضهرها قال ليها كتيير كيف إنتي؟اول م عمل كدة رجعته المطبخ كملته شغل مع روابي، قالت لي فلانهه دي حاسهه بشنووووو؟قولته ليها بي غيييظ انا عارفهه، قالت لي وااااي ي شهد منكك إنتي ليييه باردة كدة م بتغيري ابدا؟قولته ليها هههه واغير من شنو وعلى شنوو، قالت لي الله يديني ميته قلبكك دي، قولته ليها عايني مش خلاص علشان نطلع من هنا؟قالت لي بس اطلع المكرونه من الفرن بكون م عندنا حاجه إنتي لو عايزة ممكن تمشي، قولته ليها طيب الحقيني بعد م تخلصي، طلعته من الغرفه وعيوني على غرفه مهيد ورزان طبعا بعاين ليها سااي وبابهم مقفول، دخلته غرفتي وانا في حاجه واقفه في حلقي م عارفه بس فجأهه حسيت بغييظ وهو م سلم علي حتى مع إنو غايب عندو يومين

قولته وانا مالي عنو م سأل ولا جاب خبري، رقدته نمتهه م صحيت إلا بعد المغرب، لقيت روابي بتشاهد، قولته ليها نمته كم ساعه اناا؟قالت لي يوم كاامل نايمهه، صحيتك كداا بس لا حياة لمن تنادي، المهم امشي اكلي وتعالي عايزاك، قولته ليها في شنوو؟قالت لي امشي بس ياخ وتعالي، قولته ليها طيب، طلعته مشيت المطبخ مهيد كان جاي داخل من بره اول م شوفتو داخل بقيت امشي خطوة خطوة علشان لو عايز يتكلم معي او كذااا بس ولا كأنو انا قدامو مشى على طول دخل غرفهه مرتو

م جاتني نفس اكل شربته مويه ورجعته الغرفه، لقيت تلفوني في يد روابي من غير م احس شلتو منها بخلعه، قالت لي بسم الله مالكك؟قولته ليها لقيتيهو وين؟قالت لي في الدولاب تلفوني م فيهو ابليكشن كتيير علشان كدة شحنته تلفونك قولته لو عندك أنزلهم منكك، قولته ليها اهااا طيب بس انا غير الوتسب والمسنجر والحجات دي م عندي شي، قالت لي اي لاحظتهه حقي افضل هه

قولته ليها ام طيب، قالت لي تعالي احكي ليك دة، قولته ليها مالكك؟قالت لي اممممممممم طبعا عمر اخو رزان دة كان متواصل معي في الفيس الكلام دة قبل م نحن ننزل السودان بس م كنا متواصلؤن على الدوام يعني مره مره وكذاا، شكلا كدة بنعرف بعض لانو شافني في صور الفيسبوك بتاعتي وانا شوفتو لكن اليوم داك إتغابينا العرفه في بعض ه، بقيت اعاين ليها وانا مصدومه، قالت لي المهم اسي هو من يوم م شافني فيس تو فيس بحاول يحنك معاي وممثل لي فيها دووور الحبيب المهتم وكذااا اااخر م في الأخر امس طرح لي، يعني قال لي إنو بحبني وعايزني والكلام دهه، طبعا لساني بقى تقيل م عارفه ارد ليها بشنوو، قولته ليها طيب وإنتي رايكك شنو فيهو؟قالت لي اناااااا امممممم م عارفه والله ي شهد بس حاساه ظريف ومحترم شديد وبعدين جنتل من النوع البعجبني كاريزمتو حلوة اي نعم يمكن م بلحق مهيد بس عاجبني وبعدين انا ملخبطهه بس من جواي مبسوطهه بالبعملو هو علشاني دة، م عارفه لييه اسي بكره قال لي عازمك وعايز اسمع جوابكك وم تخافي حتى لو رفضتيني نبقى اصحاب، قولته ليها م عارفه اقول ليك شنوو طيب إنتي مقرره شنو؟ قالت لي حأمشي اشوفو طبعا، بعدها انا سكتته وم عرفته اقول ليها شنوو بس الحاجه دي ابدا م طمنتني حاسه إنو في كتاحهه حتجي من وراها م عارفه ليه، فضلته طول الليل بففككر ي ربي الجاي حيكون اعظم ولا شنو، يارب م تختبر صبري اكتر من كدة ونور طريقي يارب

بالفعل اليوم التاني مشت وانا كنت منتظراها على ناار علشان تجي وتحكي لي الحصل، جات راجعه مبسوووطهه وشايله كيس في يدها كان جايب ليها فيهو كميهه من الحجات عطر وميك اب و...قالت لي واااي منوو يااخ لو شوفتو إسلوبو وتعاملو ولطافتو تهببل ي شهد إستحاله يكون دم التافهه دي ودمو واحد في اللحظه دي عرفته إنو روابي وقعت وماف حد سمى عليها، قولته ليها احكي لي الحصل شنووو؟قالت لي م حصل شي قال لي إنو م مستعجل يسمع ردي بس كان نفسو يشوفني ويقعد معي عدبس م اكتر دخلت الحمام إستحمت وجات طالعه شالت تلفونها بقت شغاله فيهو وتضحكك

اليوم التاني فجأهه تلفوني إتصل كانت مكالمه من امي م رديت عليها، بعدها إتصلت علي هديل إتكلمت معي وشاكلتني وعاتبتني كداااا قولته ليها هديل انا بس محتاجه فتره م اكتر، قالت لي والفتره دي بتتمثل في إنو إنتي تنكسري لمهيد ي شهد؟قولته ليها انا ابدا م إتكسرته ليهو، قالت لي طيب شنوووو؟قولته ليها ي ريت م تناقشيني في الموضوع دة كتير، قالت لي طيب ي شهد إنتي مرتاحه؟انا م بقدر اجي بيت التافه دة وامو ومرتو علشان لو جيت حتفصم فيهم، قولته ليها انا بخير، قالت لي طيب تعالي اقعدي معانا بيتنا بشيل بلد ي شهد، قولته ليها لا انا هنا كويسه، فضلت ترقي معي كداا بعدها الخط فصل، عايزة ارجع ليها دخل علي رقم غريب على طول فتحته الخط وقولته ليها الوو هدييل؟فجأهه جاني صوت بقول لي" لا م هديل، كان صوت راجل، قولته ليهو منو معي؟قال لي معقوله م عرفتيني؟قولته ليهو يس؟صوتك إتغير كدة متين؟جاني ضحكهه غريبه وقال لي حتى إنتي كمان بتاعه رجال زي امكك، انا هنا رجفته وجدعته التلفون من يدي، بعد مسااافه شلتو وكان الخط لسسه فااتح قفلتو، م قدرته اقعد بقيت ماشه وجايه في الغرفه بالليل النوم غلبني فتحته التلفون، روابي كانت نايمه شلته التلفون طلعته بيهو بره البيت مشيت الحديقهه بقيت ماشه وجايه فتحته التلفون إستعلمته عن الرصيد لقيت عندي رصيد فعلته النت كنت خاايفهه بس قويت قلبي وفتحتهه الواتساب غير رسايل البنات لي والقروب، لقيت نفس الرقم بتاع المره الفاتت مرسل لي كذاا ريكورد، فتحتهم كلهم كان بهددني بالواضح كدة إنو عندو فيديوهات كتيره لي امي من النوع دة ومع اجانب كمان وإنو فنادق السودان حافظاها واحد واحد، و...كلام كتيير انا م قدرته افهم منو شي، في لحظه خوف رسلته ليهو إنت منو وعايز شنو مني وهدفكك الأساسي من دة كلووو شنووو من الأخر كدة؟ فجأهه حسيت بي زول بهبشني من ورا صرختهه بأعلى صوتي بس اتفاجأ ليك بي مهيد بمسكني وبقفل لي خشمي، لزيتو مني قولته ليهو إنت مجنوون، قال لي واقفه هنا نص الليل دة مالكك إنتي كويسهه؟قفلته تلفوني قولته ليهو ماف شي بس كنت بتراسل مع ملك، قال لي طيب، قولته ليهو وبعدين انت مالك بتسأل مش افضل تمشي تهتم بي مرتكك؟قال لي فعلا وإتحرك مشى، للحظه من الغيظ حسيت بنفسي عايزة اضربو بالتلفون في ضهرو

مهييد بقى باارد معي في كل حاجه لمن غلط بقيت احس بنفسي م بعرفو ابدا، عايزة ادخل البيت فجاهه جاتني رساله في الواتساب من نفس الرقم وهو بقول لي "العايزو انا بسيط مقابل الحجات دي م بسوى شي قصاد فيديوهات امكك دي، بكره خلي تلفونك فاتح بتصل عليك تمام؟ولما اتصل علي ردي وم تقفلي الخط في وشي، السهر بالنسبه لي بقى شي طبيعي فضلته مساهرهه للصباح، وصباح اليوم التاني فضلته قااعدة ومسهيهه ومتوترهه حتى روابي إنتبهت لي قالت لي مالك إنتي اليوم؟قولته ليها ماف شي، حوالي الساعه 9 كدة وانا في الحمام جاتني مكالمه روابي قالت لي شهد عندك مكالمه ارد، قولته ليها لا م تردي ولبسته بسرعه حتى جسمي كان كلو صابون لبسته وطلعته شلته التلفون لقيتو رقم غريب بس م نفس الرقم رديت قولته الوو؟؟قال لي إتأخرتي في الرد مالكك؟قولته ليهو كنت بعيدهه، قال لي طيب اسمعي كلام دة بصمهه صراحه ي بت الناس من الأخر كدة انا شوفتك وعجبتيني شديد عارفه يعني شنو عجبتيني؟ يعني نفسي دخلت فيكك، قولته ليهو إنت تافه؟ولا حغير؟قال لي حتبدي تغلطي؟ قولته ليهو اسمع انا متزوجه عارف يعني شنو متزوجه؟يعني راجلي إذا حكيت ليهو بتفاهتكك دي م حيحصل ليكك خييير فاهم ولا لأ؟ضحك مسااافهه بعدها قال لي احييييييي يااخي احلى شي إنك متزوجه وبعدين ي بت عايزة تقنعيني إنو إنتي م زي امك والموال دة ه، انا عارف كل شي عنكم حتى اختك الكبيره الما عايشه هنا في السودان برضو عندي زيتها بس إنتي عجبتيني مع إنو كان بإمكاني ارسل الفيديو دة لأي واحدة من اخواتك لكن إخترتك إنتي اعمل شنو مزاجي إختاركك حاجه حته وصغيرهه ويديكك تتلف بي حرير في اي حته تهبشيها، قولته ليهو ي حقير ي تافه الكلام دة قولو لأخواتك م لي انا فااهم، قال لي والفيديوهات دي انشرها في المواقع الإباحيه وأنزلها في اليوتيوب وامك تبقى مسخرهه؟سكتته، قال لي اسمعي كلامي اصلا الانا طالبو منك دة م شي مقابل سمعه امك واحسبيها صح امك عملت كدة عشان منو؟اكيد عشانكم إنتو، انا والله حاجه زي دي م بترضيني بس كمان انا بششر وطماع وعندي رغبات م بقدر اتخلى عنها، بقيت ساكته وبسمع في كلامو قال لي كدة فكري في كلامي انا بكره بتصل عليك تاني وقفل الخط، جدعته التلفون وبقيت ماشه وجايه في الغرفه واقول لنفسي احكي لمهيد، لازم احكي ليهو الواطي دة بدأ يتجاوز جدود معي، طلعته من الغرفه مشيت غرفه مهيد ورزان دقيت الباب رزان فتحت لي وصرت لي وشها، قولته ليها مهيد وين انا عايزاه، قالت لي في الحمام، قولته ليها طيب لما يطلع قولي ليهو شهد منتظراك برهه، قالت لي دخل ي دوب م حيطلع اسي، قولته ليها طيب اول م يطلع كلميهو بس، قعدته في الهول على اساس منتظراه وكدة، مهيد طلع من الحمام رزان مسكتو ولفت يديها حواليهو قالت ليهو بيبي انا زهجانهه

قال ليها اها وبعدين؟قالت ليهو ارح نطلع خليني اغير جو شويهه يوووووخ قال ليها رزان اسي ي دوب رجعته من الشغل، باستو وقالت ليهو حبيبي بلييز إن شاءالله وديني مشوار قريب او لف بي بالعربيه بس، قال ليها طيب اجهزي واطلعي، لبس ملابسو وهي جهزت وطلعو، لما طلعو انا كنت دخلته غرفتي، فضلته منتظره نص ساعه لما م جا طلعته رجعته ليهم مره تانيه دقيت الباب ماف زول فتح، كررته الحركه كم مره، في النهايه فتحته الباب م لقيت زول، رجعته غرفتي شلته التلفون..

مهيد ورزان في العربيه ورزان شغاله تتونس وتعلق سااي وفي غنيه شغاله واثناء م هي شاغلاهو كدة قالت ليهو كدة تلفونك اتصور، قال ليها بالليل دة حتتصوري كيف، قالت ليهو فيهو فلاش

شالتو، بقت تتصور بيهو، وانا ماسكه تلفوني إتصلته على مهيد، رزان فصلت المكالمه وبسرعه عملت حظر مكالمات للرقم، وفتحت الواتساب عملت بلوك برضو، وعملت حظر مسجات بعدها كملت عاادي، انا بقيت اتصل الخط بفصل، ارجع اتصل برضو الخط بفصل فضلته قااعدة لما شالتني نومه وم صحيت إلا الصباح، ، اول حاجه عملتها فتحته الشبكه بتاعتي وفتحته الواتساب لقيت رساله من الرقم بتقول"اليوم عايزة اللاقيك انا خلاص م قادر استحمل اكتر من كدة لكن اسمعي م تجيني غبشهه سااي فاهمه يعني عايزك تدخني وتتحني وتظبطي لي نفسك زي اي مره بتظبط نفسها لراجلها بعداك نتلاقى، كلامي دة واضح صح؟م تخالفي عشان عارفه انا ممكن اعمل شنو صح؟برسل ليك بعدين تطلعي تلاقيني وين تمام؟قولته لنفسي لأ لأ، دة واحد م طبيعي، م طبيعي ابدا دة مجنون بشهادة، واي ي ربي انا اعمل شنو، اعمل شنو بس واحكي لمنو ماف زول احكي ليهو، طلعته لقيت رزان طالعه من المطبخ قولته ليها مهيد وين؟قالت لي طلع، قولته ليها امس..قالت لي امس كلمتو ليك بس هو قال لي انو انا عازمك اليوم وعزومتي ليك اهم من دة كلو فطلعنا ورجعنا متأخرين وبس، قولته ليها هو قال ليك كدة؟قالت لي ايوهه، رجعته الغرفه شلته تلفوني إتصلته عليهو تلفونو م دخل معي، دخلته الواتساب رسلته ليهو بس صوره بروفايلو م كانت ظاهره عندي قولته لي روابي كدة تلفونك، شلتو فتحته الواتساب ودخلته على رقم مهيد كانت صوره بروفايلو ظاهره عاادي إتأكدته إنو حاظرني على طول لبسته لبسته توبي وطلعته مشيت لفاطمه حكيت ليها كل حاجه على اساس إنو القصه دي حاصله مع صحبتي وكذااابس م قدرته احكي ليهو هو مهددها بشنو علشان م حأقدر قولته ليها ماسك علىها حاجه وبس، قالت لي في الحاله دي ي شهد هي تقوم تنفذ البطلبو منها بس لما تمشي ليهو هناك تضربو بي اي حاجه تشيلها معاها وتشيل منو التلفون البهددها بيهو دة تكسرو وخلاص حاسه نفسي بسمع في فيلم هندي بس

قولته ليها بالجد حتى انا م إستوعبته لما حكت لي، قالت لي خليها تعمل كدة بسس، طلعته منها وعلى طول مشيت الكوفير رسمته رسمه خفيفه وفي الكوفير كان عندهم حفرهه دخان صغيره كدة إتدخنته فيها وجيت راجعه، طبعا روابي م صدقت لما شافتني قالت لي واااي كذاابه متحننه ي شهد متحننه، قولته ليها هسس انا لابسه شرابات وجوارب علشان عمتي ورزان م ينتبهو، عاينت لي مسافهه بعدها قالت لي إنتي ومهيد الليله ماشين وين ضحكته قولته ليها ولا مكان نفسيات بس هه 8 ه، قالت لي امممم نفسيات لكن

سكتت م رديت عليها، دخلته الحمام إستحميت وانا سرحانه وبقول لنفسي اصلا ي شهد حياتك دي مالحه وم فيها اي نكه وكل المصايب بتجي عليك مرتبه وبعدين بالجد امي عملت دة كلو علشان منو؟علشان نحن، علشان توفر لينا إحتياجاتنا وتطلعنا من فقر الحياة اللي كنا عايشنو، حتى لو إختارت الطريق الغلط ومشت في الحرام لو رجعنا لنقطه الأصل حنلقى إنو السبب في كدة نحن، ايوة فعلا يمكن تكون مبررات واعذار سخيفه انا ختيتها لي امي بس امي بالرغم من غلطها دة كلو في حقنا وفي حق نفسها انا م بقدر اشوفها مكسوره قدام زول م بقدر اشوف الغاشي والماشي يتكلم فيها، انا م مشكله ومهيد م مشكله حتى لو عملته كدة وخسرتو اصلا في الأول والأخير هو م في حساباتي ولا عمرو حيكون ولا حيجي يوم نعيش فيه انا ومهيد زي بقيه المتزوجين وانا كدة كدة م عندي شي اخسرو لو نفذته كلام الزول دة مقابل إنو امي سمعتها م تتمس يبقى خلاص فداها الحاجه الحتحصل دي، طلعته من الحمام صليت وإستغفرته كتيير، واصلا الفتره دي سورة البقره كانت ملازماني قريت جزؤ منها وفضلته قاعدة قعدة المستسلم ومنتظره مكالمه او مسج تحت اي لحظه، حوالي الساعه 3 مساء كدة بالظبط جاتني رساله منو بتقول لي "اطلعي واركبي اقرب امجاد وبعدين اديني بتاع الامجاد انا بوصف ليهو، "قفلته الواتساب وبديت البس وانا دموعي جاريه عشره عشره وبقول لنفسي حتى مهيد إتخلى عني وبقيت م فارقه معاه، لبسته وعملته مكياج على خفيف وطلعته حتى روابي م كلمتها لأنو كانت بتتكلم بالتلفون، طلعته وقفته جمب الباب كان في امجاد واقفه وم كانت بعيدة من اليت حتى أنا إستغربته، اشرته عليهو قولته ليهو مشوار، م جاني مشيت عليهو قولته ليهو السلام عليكم، قال لي وعليكم السلام، قولته ليهو عايزة مشوار منتظر ناس؟، قال لي لا ماشه وين بالظبط؟قولته ليهو انا حأركب وحديك التلفون يوصفو ليك تمام؟قال لي كويس اركبي، ركبته معاه قدام اول م عايز يتحرك نسيت إنو تلفوني في الشحن، قولته ليهو دقيقه، قال لي في شنوو؟قولته ليهو نسيت تلفوني في البيت، قال لي طيب م مشكله، قولته ليهو م مشكله كيف، نزلته مشيت البيت واول م فتحته الباب اتفاجأ بي عمتو ليلى واقعهه في الارض صرختهه قولته ليها عمتو ليلى جريت عليها بديت ارفعها واصحي فيها بس م كانت قادره تفتح عينها حتى، بقيت انادي على روابي باعلى صوتي، جات طالعه قالت لي مالهااا؟قولته ليها م عارفه دقيقه جريت طلعته الشارع لقيت بتاع الأمجاد لسه واقف قولته ليهو عندنا مره تعبانه في البيت تعال شيلها معانا، وانا بتكلم معاهو على طول لفه عربيتو واتحرك مشى وانا بنادي عليهو، فجأهه جات عربيه صغيرهه وقفتو قولته ليهو عندنا مره تانيه وصلنا اقرب مستشفى عليك الله، قال لي جدا، جا داخل البيت شالها معانا وانا شلته ليها تووب واتحركنا، روابي إتصلت لوليد، وصلنا المستشفى دخلوها العنايه على طول قالو داخله صدمه من الضغط لأنو مرتفع شديد، ، بقينا قاعدين ومقلقين لغايه م مهيد جا والدكاتره داخلين وطالعين عليها، وكل م نسأل يقولو لينا لسه م صحت لسه حتاخد وقت وهي مركبين ليها تلاته دربات ورا بعض، مهيد قال لي الحصل شنو الزعلها منوو إتناقشت مع زول؟قولته ليهو م عارفه والله، قال لي بي صرخه كيف يعني م عارفه م قاعدة معاها في بيت واحد؟فضلته ساكته وبعاين ليهو، بعدها جا امجد مسك مهيد قال ليهو خالتي مالها وبقت كيف اسي؟مهيد قال ليهو لسه في العنايه، مهيد جا سلم علي قال لي الحاصل شنو ي شهد؟قولته ليهو والله ي مهيد م عارفه، بقى ماشي وجاي مع مهيد وكلنا واقفين على رجل واحدة، فضلنا تلاته يوم على الحاله دي اليوم الرابع صحت، قلنا الحمدلله إنها فتحت، لكن حيخرجوها متأخر شويه والمستشفى كانت ملانه اهلهم يعني اهل ابو مهيد واهل امو، انا كنت ببيت في المستشفى على عكس رزان وروابي كانو بمشو البيت وبجو راجعين الصباح وانا كنت حارساها الوقت كلو مهتمهه بيها وبستقبل في الضيوف ومتكفله بضيافتهم، الإسبوع الاول عدة لما دخلنا في الإسبوع التاني في يوم مهيد قال قال لي رزان وروابي انا م بقدر ارجعكم البيت لأنو عربيتي خسرانه ضربته لبتاع عربيه يجي يوديكم تمام؟رزان قالت ليهو لكن ي مهيد

قال ليها رزان، قالت ليهو طيب، فضلو قاعدين وكلنا بنتونس في الغرفه فجأهه مهيد جاتو مكالمه رد وقال الوو؟إنت برهه طيب تمام، قال ليهو هوي يلا بتاع العربيه دة منتظركم بره، رزان قالت ليهو م هتطلع معانا؟قال ليها م قادر اتحرك شبر أنا امشو تلقوهو واقف قدام الباب تاكسي اصفر كدة جديد، كشرت وشها قالت ليهو طيب، طلعو بعد م مشو فجأهه لاحظته إنو روابي ناسيه تلفونها في الشحن، قولته ليهو تلفون روابي، عمتي ليلى قالت لي نستو ي حليلها خلي مهيد يوصلو ليها إنتي خليك، قولته ليها لالا انا اخف خلي بوصلو ليها شلتو وطلعته جريت وصلتهم جمب الباب لسسه م ركبو قولته ليها روابي تلفونك، وفجأهه حصلت لي لحظهه بتاعه صدمه من شوفه السواق بقيت واقفه وبعاين ليهو مساافه وهو زاتو إتخلع بشوفتو ولفه وشو وقال لي روابي بصوت عالي ومستعجل اطلعي خلينا نمشي، روابي شالت التلفون وركبت قولته ليهو دقيقه، على طول إتحرك بعد م إتحرك انا قعدته في الأرض وبقيت اقول يعني، يعني مهيد هو سبب دة كلو، إستحاله تكون صدفه دة نفسو بتاع الأنجاد الكان واقف اليوم داك قدام الباب، قمته على حيلي وانا م شايفه قدامي ودخلته المستشفى حتى م عارفه رجولي ديل شالوني وركبته السلالم دي كلها كيف بالسرعه دي وصلته الغرفه وانا نفسي وضربات قلبي شغاله زي الدلوكه فتحته باب الغرفه لقيت مهيد بدي امو مويه، عمتو ليلى قالت لي جيتي، وانا م شايفه قدامي وماشه على مهيد و اول م خته الجك من يدو وإتحرك من جنبها وقفته قدامو واديتو كف طاااااخ وقولته ليهو تفوووو عليك ياااخي تفووو على خلقتكك كل مرهه بتثبت لي إنو إنت اوسخ بني ادم ...

نتلاقى®