الفصل الثاني والعشرون

، كمل كلامو ب "عمر خطط، رزان راقبت، امجد كان حينفز"دة كل السناريو بالمختصر كدهه، طبعا في اللحظهه دي كان في حالهه من الذهول والصدمهه وانا مقلعه عيوني وبعاين لي مهيد، قولته ليهو بصوت متمتم، ك كيف كيف يعني م فهمتهه؟طبعا الباقين مقلعين عيونهم تقول صبت فيهم مطرهه واحد منهم قادر يتحرك ماف، قال لي زي م سمعتي ي شهد، اخو مرتي العزيزة عمر م إكتفى بي إنو إتسبب في دخولي السجن هو وخيلاني واخدته سبعه سنه على جريمه أنا م عملتها إطلاقا، وحتى بعد م إتزوجتهه أختو م اكتفى بكدة، فكان بخطط وبفتش لأي فرصه يقرفني بيها حياتي، صح ي عمر؟عمر قال ليهو ي زول دة شنو الإنت بتقول فيهو دة إنت مجنون ولا شنو؟قال ليهو خليك هادي واحدة واحدة اصلا القعدة دي اليوم انا عملتها عشان نصفي بيها حساباتنا، رزان،

لما قال إسمها رزان نطت مخلوعه، قال ليها انا قصرته منك في حاجه؟سكتت، واجباتي تجاهك م قايم بيها؟طيب حصل طلبتي حاجه وانا رفضتههاا؟بالرغم من عدم رغبتي بيك انا إتقبلتكك عشان م اظلمك معي ابداا، إتلفت وعاين لي امجد مسافهه وقال ليهو وإنت ي صحبي الوحيد، وبقى يعاين ليهو وهو محتار وخاتي يدو في خدو، قال ليهو والله ي امجد إنت بالزات انا م قادر احسب ليك مواقفنا مع بعض، عشرتنا الليها سنين حتى السجن م هداها بتهدها مرهه؟ امجد بي صوت مبحوح قال ليهم إحم مهيد، مهيد قال ليهو خليني احكي لي ديل الحاصل عشان يعيشو معانا جو القصه وم يفضلو طاشين كدة،

طبعا ي امي قبل فتره عرفته إنو في زول بهدد شههد بحجات هايفه م ليها اساس من الواقع وماف زول بقدر يثبتها حتى اللي عامل فيها ضابط في الشرطه دة، لما شهد حكت لي تفاصيل القصه من اولها إنتي كنتي في المستشفى وبالصدفه "ضرب فتحي في كتفو وكمل ب"إكتشفته إنو في اليوم الإنتي وقعتي فيهو شهد كانت طالعه مشوار ولقت فتحي موقف امجادو بره البيت، طبعا فتحي دة عمرو العامر م حصل عرف شارع بيتي بي وين ولا حتى بالغلط وإستحاله تكون صدفه، وبالصدفه شافتو وهو عايز يوصل رزان مرتي وروابي فهي إفتكرت إنو انا اللي بهددها بكدهه وعارفه الحصل اليوم داك بالظبط ي امي في المستشفى صح؟ه، وسبحان الله في اليوم داك زاتو امجد كان جاي وقال عربيتو وطلبته اوصلو قال لي لأ جاي بي عربيه قديمه مخزنه عندي، "لغاايه اللحظه دي م شكيت فيهو ابداا إنت بالنسبه لي حاجه م بقبل فيها باي منطق كان، تخيل انا شكيت في منو؟شكيت في امي بي حكم إنها بتكره شهد وبتحب رزان بت اختها وكدة قولته يمكن عايزة تشوه نظرتي في شهد وكدة، الشك دة كان في بالي لغاايه م وقفته في شباك غرفه امي وعاينته ليك تحت وإنت راكب امجاد وسبحان الله اي بالفعل للحظه شكيت بس تاني نعلته الشيطان قولته ي مهيد ياخ معقوله اخر عمرك تشك في امجد كمان، بس عارف السبب الخلاني ايقن تماما إنو إنت العملته كدة شنو؟إنو انا شلته رجولي ومشيت لي فتحي م اكذب عليك في البدايه إرتبكك ومثل غبي وإجتهد عشان م يقول الحقيقه بس في النهايهه شنو هو زولي قبل يكون زولك، المعرفه م بطول السنين ياخ انا من عرفتو م تميت سنه بس الوقت الإنت كنت بتديه إيراد يوم كامل 300 جنيه، انا كنت بديه على كل مشوار بمشيهو معاهو 150 جنيه صراحه هو م عندو ذنب كل العملو إنو إنت قولته ليهو سوق الامجاد حقتي دي واقيف بيها قدام بيت مهيد اول م تطلع منو مرهه زي الساعه 3 بالظبط بالتقريب وتشوفك وتقول ليك مشوار ركبها وجيبها لي ومهمتو كانت بتنتهي هنا، وبرضو في نص دهه كلوو م كنت مقتنع تماما م إنت صحبي وخوتي النضيفهه صعبه علي اصدق الحاجه دي وعشان اتأكد من الحاجه دي مشيت ليك في بيتك متزكر؟وبيتهه معاك يوم كاامل دة كلوو عشان اتأكد، إنت كنت متطمن للدرجه اللي م حاولته تدس بيها التلفون الكنت بتتصل بيهو وبتهدد بيهو شهد، عرفته كيف إنو تلفونك؟رقمك كان في تلفون شهد وتلفون شهد عندي لما نزلته البقاله جربته أتصل على الرقم وبالفعل زي م كنت متوقع دخل، شلته تلفونك وحزفته المكالمه ورجعته ليك تلفونك محلو، اما بالنسبه لعمر ي امي عمر دااير يترقى في شغلو لي رتبه اعلى ه، وعشان يترقى إضافه لتسجيل الفيديو الشبه مفبرك وهو مصدق نفسو بيهو دة عايز يثبت إنو فعليا اسره شهد دي بنطبق عليها الكلام دة وعلشان يثبت الحاجه دي كان لازم يضيف فيديو جديد بنفس تفاصيل الفيديو العندو لزول من نفس الأسره وإختار شهد على اساس إنو يتصور ليها فيديو كاامل بي وضعيه مخله مع إحترامي ليك ي امي مع احمد والكلام دة كان حيحصل وين بالظبط؟في شقهه مشبوهه في الرياض بالتحديد شارع المشتل تحبو اوصف اكتر؟عمر هدفو كان واحد بس كان حيضرب عصفورين بحجر واحد الاول إنو حيداهم الشقه ويقبض على شهد وشويه نسوان شغالين في الشغله دي ويدخلهم السجن ويفتح تحقيق ويتشفتن نظام هو الضابط المثابر الحيفوت كونن في الذكاء ويربط الفيديو القديم العندو بشهد وتواجدها في المكان دة وبالتالي حيطلعها هي واسرتها إنهم شبكهه وإنو الشغل دة شغلهم وانهم هم المروجين للنوع دة من البيوت دي وامجد م كان حيظهر في الفيديو ده ابدا لانو وشو وحيطلع منها زي الشعرهه من العجينه وبما إنو حيطلع منها شهد م كانت حتقدر تفتح خشمها وتقول إنو امجد هو الكان معاها في الفيديو الإتصور ليها دة لأنو صحبي انا ولا حتقدر تثبت حاجه تبرر ليها موقفها، وم كان حيكون عندها اي خيار غير إنها تنفذ كل حاجه بطلبها امجد وإلا حينفزو تهديداتهم ليها، يعني في كل الأحوال هم لاعبين اللعبه صح وشهد كانت حتكون الخسرانه في الحالتين وحتى الشقهه متخيله معاي كانت في العقد مكتوبه بإسم امك ي شهد ه، طبعا بتاع العقار هو الفاجأني بالمعلومه دي م عارف حصل كدة كيف بس طبعا السلطه بتلعب دورها وعمر ماشاءالله عليه هو قدر يلفق علي تهمهه و يسجني 7 سنين متتاليه م بغلبو يفتح شقهه على شكل جمبهه بإسم اي زول عايزو خطهه زي دي م بحبكها إلا زول خبرهه صراحهه، وفي النهايه هو الكسبان من ناحيه الترقيه حيترقى، ومن ناحيه تانيه صورتك حتتشوه في نظري واكيد انا كراجل م برضى حاجه زي دي وحاطلقكك وهنا المكسب حيكون لي أختو اللي هي منو؟إتلفت وعاين لي رزان وقال ليها م غيركك صحح؟

رزان دموعها جاريه عشره عشره قالت ليهو مهيد انا و..، عمر قال ليها خليك ساكته بكى شنو البتبكيهو من كلام فاارغ زي دة، دة واحد مجنون وعقلو الباطن بصور ليهو حجات م ليها اي اساس من المواقع إنت ي ود الناس عندك إنفصام في الشخصيه حااول عالج نفسكك تمام، مهيد ضحك ضحكه خفيفه وقال ليهو جدا، ححاول اعالج نفسي بس تصدق ي عمر ال 7 سنوات الأنا إتسجنتهم ديل ابدا م عدو علي من فراغ، يعني انا قابلته كل انواع المجارمه وعاشرتهم وعرفته كيف بخططو وقابلته المظلومين وعرفته كيف إتخدعو وإتغشو و...يعني طلعته بخبره تكفيني إنو انا م أقتنع بكل حاجه اشوفها قدامي عشان يمكن تكون دي م حقيقتهاا وإنو عندها جانب تاني، انا لما قبلته بالظلم عارف قبلته بيهو لييه؟عشان خاطر حبوبه م كانت حترتاح لو م شافتني مسجون، وإنت وابوك وباقي خيلانك م كنتو حترتاحو لو م شلتو الخلاهو لي ابوي الله يرحمو لكن سبحان الله م إتقدمتو بيهو ولا خطوة بالعكس الجاهو سكري جاهو، والعمارتو وقعت وقعت، والشغلو معكس واليوم واليوم التاني مصادرين منو بضاعه مصادرنهاو...شايف حكمه ربنا بتظهر وين؟في الحجات الفوق دي ه م هو ي عمر انا مقتنع تماما إنو جمله "ربنا يهمل ولا يهمل "دي عندها معنين، المعنى الأول إنو يخليك تغلط وتتمادى في الغلط مره وإتنين وتلاتهه بعدها يجي يعاقبكك، والمعنى التاني إنو يبتليك ويخليك تتعزب وتتمرمط لغايه م تياس بعدها يفتح ابوابو في وشكك بس إنت وعملك طبعا ه،

اثناء م مهيد بتكلم إتزكرته لما عمر دة مره جا داهم بيتنا وبرضو كان بفتش لحاجه وساقنا دخلنا الحراصه يعني من زمان هو كان هدفو كدة م من الليله ولا من امس، وأول م لقى فرصه فينا خطط لي دة كلو خالتو ليلى قالت ليهو سمح ي ولدي امجد دة...

قاطعها قال ليهو امجد متزكر يوم 10/9

طبعا لما قال الكلام دة انا قلعته عيوني وجاتني رعشه وجسمي كلو نزل مويه لمن بقيت ارجف لأنو دة كان اليوم الإغتصبني فيهه

مهيد كمل كلامو ب " لما كنا في بيتكك ياخ مستكينين وضاربين الهم شلوت، اليوم داك بالظبط كان الريال لاعب بعدها جبته سجايرك وشيشتك وجيت حتى متزكر قولته ليك شنو؟الحجات دي لو إتقبضت عندك حتاخد على كل واحدة 6 شهور، وحتعيد في السجن، وبعدها موضوع فتح موضوع لغاايه م دخلنا في سيره شهد وقولته لي بالمناسبه البت دي م كويسه وإنو إنت حنكته معاها فعليا ودخلته معاها في علاقهه وقولته ليك شهد م جابت لي سيره الموضوع دة، قولته لي حتى انا قالت لي م تجيب سيرة لمهيد وإنو هي م عاوزة زول يعرف بعلاقتكم وإنو إنت ماسك بيها زمن وهي م بترفض ليك طلب وبتلبي ليك رغباتكك كلها و...متزكر؟حتى بعدها انا ضربته معاك تلاته سجارات ورا بعض وطلعته منكك متزكر اليوم دة ي صحبي؟اليوم داك إنت...بعدها سكتت مسافهه ومسح وشو بي يديهو وغطاهو مساافهه وانا دموعي بقت جاريه عشره عشره في مكاني وبقيت ابكي بصوت عديل وروابي بتهدي فيني، مهيد نزل يديهو وعيونو زي الشرار بعدها كمل كلامو ب"ابدا في اللحظه ديك م شكيت في كلامكك ابداا ولا فكرتهه للحظهه إنو إنت ممكن تكذب في حاجه زي دي لأني سلفا كنت عارف البنات وعارف خباثتهم تلقائيا لقيت نفسي مصدقكك م إتوقعتهه إنو حيجي يووم وانا اكون قاعد معاك القعدة دي وأستنتج قدر شنو إنت كنت مناافق، عارف ي امجد لو كنت صريح معي من البدايه وم إتخابثته الخباثه دي كلها م كنا وصلنا لي هنا وحتى كنت عملته ليك افخم عرس إنت وشهد وعزيتكك لأنو في الأول والأخير إنت اخوي قبل م تكون صحبي وسعدك سعدي

بس إنتو عارفين في نص دة كلو العقدة وين؟إنتو إجتمعتو كيف؟او بمعنى ادق المشى للتاني فيكم وطرح ليهو الفكره منوو، فعلا بقولو عدو عدوك صديقكك بس عرفتو كيف إنو إنتو بينكم نفس الحقد تجاه زول معين اللي هو انا، انا واثق إنو امجد إستحاله يكون عندو الشجاعه دي كلها عشان يمشي يقول ليك الحاجه دي فبالتالي اكيد إنت البدرتهه ي عمر، عمر وقف على حيلو وضرب لي مهيد الصفره وقال ليهو فيلمكك الهندي دة اخدتهه كم يوم عشان تنتجو؟رزان انا م فاضي للفارغه دي يلا سلام ي خالتي، مهيد وقف على حيلو ودخل يديهو في جيوبو وقال ليهو إستنى ماشي وين؟إنتظر إنتظر ي الحبيب اختك م تخليها وراك، مشى بإتجاهو وطلع ورقه من جيبو وقال ليهو إتفضل امسك دي ورقهه اختكك، رزان قامت تصرخ قالت ليهو مهيد إنت بتطلقني انا م عندي ذنب في دة كلوو ي مهيد وحياة الخلقني م عندي ذنب عمر إتكلم، وجات دايره تمسك مهيد لزاها من جمبو وقال ليها حتى وإنتي مشتركه في دة كلو كنت ححاول أتقاضى عن افعالك واقول إنو دي غيره نسوان وحقد فطري بس م اكتر لكن الحيخليني اتخلى عنك إنو إنتي إتخليتي عن جناي واجهضيهو حتى قبل م اعرف إنك حاامل، نسيتي تدسي اوراق المستشفى حقتكك وجدعتيها في الدولاب، دة غير إنو اول حاجه عملتها سألته امي وعرفته إنو هي وقعت وضغطها إرتفع لأنها سمعتكك بتتكلمي مع صحبتك في التلفون عن الموضوع دة سبحان الله م إتصدمته فيك ابدا عارفه ليه؟لأنو إنتي واخوك بنفس العقليهه، بقت تبكي وتصرخ وتقول ليهو مهيد، مهيد انا، قال ليها إنتي عملتي كدة عشان تكملي قرايتكك في الجامعه والولادة م تأثر عليك، طيب دي قسيمتكك كملي قرايتكك بالطريقهه الإنتي عايزاها في بيت ابووك يلاا لمي حجاتك على اقل من مهلتك اخوك حينتظركك

فجأهه م لقيت نفسي إلا وانا واقفهه جمب امجد وبديهو كف طاخ، مهيد إتلفت مخلوع، قولته ليهو يعني في النهايهه كل الدراما الرخيصهه دي تطلع بسببكك إنت وبسبب حقدكك على صحبكك؟طيب انا ذنبي شنو في دة كلوو؟وتاني رجعته عدلتو بالكف التاني، روابي مسكتني قالت لي شهد، قولته ليها روابي فكيني إنتي م فاهمهه الزول دة كان بجينا في بيتنا وبياكل وبيشرب وبتونس وبضحكك وحتى ماف سبب يخليه يحقد علينا الحقد دة كلوو إنتي فاهماني؟انا م مصدومه في الباقي على قدر م مصدومه فيهو هو المعتبراهو صحبي ماف سبب وااضح لي دة كلو فاهمهه ي روابي ا، قالت لي فاهمه حبيبتي هدي م كدة، مهيد جا مسكني وبقى يقول لي حتى لو ضربتيهو م حتستفيدي شي ي شهد، قولته ليهو لا حأستفيد وكتير كمان علشان هو تافه وحاول يتافه علي يبقى يااخد بالشبشب على وشو، مهيد بقى ماسكني وجاريني لغايه م وصلني الغرفه دخلني ودخل وقفل علينا الباب، بقيت اصارع فيهو قولته ليهو م تمسكني خليني اطلع، انا عايزة اطلع ي مهيد، كل م اقالع فيهو يرجعني لي ورا وهو واقف قدام الباب، بفيت ماشه وجايه في الغرفه وانا بقول ليهو م هو انا لو م خليتني اطلع حمووت فااهم يعني شنو حمووت؟خليني اطلع ي مهيد قولته ليك

قال لي الإنتي فيهو م اصعب من الأنا فيهو دة صحبي ي شهد عشرة عمري فاهمهه يعني شنو عشرة عمرة؟

في الجانب التاني رزان لمت حجاتها وقامت طالعه خالتو ليلى قالت ليها ي خساره تبني ليك وتربيتي ليك قصرته منك في شنو انا من صغيره شايلاك زي بتي واكتر عمري م ختيتك في مكان غير كدة لكن بقولو ربي الغايبهه للجايبه يلا غوري الله لا بارك فيكك الله يااخد حق ولدي منك وشوفي الدنيا دي تاني تدقكك كيف إنتي واخوك الله لا بارك فيكم، عمر قال ليها بي صوت عاالي اطلعي قدامي م تشيلي ولا حاجه يلا اطلعي طلعت مشت، امجد طالع وراهم، خالتو ليلى قالت ليهو اما إنت يااخي تفو على عدم النخوة والشهامه، تفو على الوش المركبو دة، مهيد ي يمه كان قايم بقول امجد وكان نايم بقول امجد، للأقمصه والارياح دي كان مشى كسى روحو سااي م بنساك، خليك من دة كلو انا امو دة كان جبته ليهو شبشب بيت ساي اول سؤال بسألني ليهو ي امي م جبني معاك لي امجد واحد زيو، على شنو بتحقد عليهو الحقد دة كلو على شنو؟ حسبي الله ونعم الوكيل فيكك، حسبي الله ونعم الوكيل فيك محل م تقبل يااخي، امجد طلع مستعجل من البيت وعيونو ملانهه غضب..

نحن في الغرفهه وانا بصرخ في مهيد قولته ليهو عايزة اطلع انا م عايزة اسأل زول عايزة اطلع بسس، فتح لي الباب قال لي اطلعي ي شهد، خطيت خطوة إتراجعته وقولته ليهو برضو وسط دة كلو إنت بس كشفته الحقيقه وبرأتهه نفسك م حليت المشكله، عاارف اسي عمر دة في لحظهه زعلو وغضبو دي كلها حيعمل شنو؟حيمشي ينشر الفيديو ي مهيد حينشرو فاهم ولا لأ؟إنت بكدة عقدتها بس م اكتر وبقيت ابكي، قال لي انا اكيد م غبي للدرجه دي لو م إتاكدتهه إنو كل حاجه إتحذفت من جوالاتهم م كنت هجي اواجهم، سكتته مسسافهه بعدها بقيت خاته يدي فوق راسي وماشه وجايهه، قولته ليهو وبعدين خليني اسألك إنت اليوم داك دامكك سمعته كلام امجد لييه م جربته تجي تسألني انا ي مهيد لييه م حاولته تتأكد من كلامو وتسمعني انا، لييه ظلمتني كل الظلم دة، ليه إغتصبتني؟ بكدهه إنت حققتهه شنوو إنجاز عظيم مثلاا؟بإغتصابك لي إنت..قبل م اكمل كلامي خالتو ليلى فتحت الباب قالت لي بي صرخه دة كلام شنو دة البتقولي فيهو، كيف الكلام دهه؟مهيد بقى يعاين لي امو وهو مخلوع وانا دموعي جاريه، قالت ليهو مهيد جاوب انا بتكلم معاك البتقول فيهو شهد دة حقيقه؟سكت، قالت ليهو جاوبني هنا انا بتكلم معاك حقيقه القالتو شهد دة؟إنت إغتصبتها؟إغتصبته بت الناس ي مهيد؟سكوتك دة معناهو السمعتو دة صح؟وفجأهه م اشوفها إلا وهي بتلصق لي مهيد كف طاخ وقالت ليهو خسارهه ولادتي فيك العملو صحبكك وود خالتكك م بساو ذرهه من العملتو إنت ي عفن وتاني شالت يدها ورصعتو ليك كف طاخ في وشو...

نتلاقى®