الفصل الخامس والعشرون

قرب مني وختهه يدو في خدي وعاين لي مسافهه بعدها قال لي"قبل كدة ونحن في نفس الحتهه دي سألتيني إذا نفسي أطلقكك بالجد او لا، انا م نفسي ي شهد، م نفسي تبعدي مني ابدا فهمتي، كنت محتاجه وقت علشان افهم وأستوعب الأنا بسمعو دة، قال لي في البدايه اهم شي كان عندي مستقبلك علشان كدة إقترحته عليك تخلصي إمتحانات اول بعدها نتفاهم في موضوعنا دة، قرب مني اكتر وخته يدو التانيه في كتفي وقرب أكتر وباسني في خدي ومشى يدو في رقبتي قال لي لسسهه مصدعه؟

، طبعا أنا إتجمدت خلاص بقيت ارمش في عيوني وبس، ونفسي إتقطع يعني طريقهه قربو مني وخشونهه لحيتو في وشي وإختلاط نفسو وعطرو بي نفسي وضربات قلبي الزايدهه وهو في نص دة كلو كان نازل وعايز يبوسني في شفايفي فجأهه جرس الباب دق انا من الخلعه لزيتو وانا مقلعه عيوني قولته ليهو دة شنو الكنت بتعمل فيهو دة وبعدين إنت فااكر الحكايه على كيفكك وقت م عايز بتقول لي نطلق ووقت م عايز بتقول لي لأ بطلت طبعا بتكلم وانا متوترهه وبتمتم في الكلام وبطلعو وبسرعهه وهو مبسوط من حالتي دي بعاين لي وبتبسم

تاني الجرس دق، قولته ليهو الباب، طلع مشى فتح الباب، اول حاجهه اسمع ليك صوت عمتو ليلى بتقول ليهو شهد وين؟قال ليها تقرببا في المطبخ، إتخيلو تقريبا دي كأنو م متأكد، عملته روحي بشرب في مويهه، روابي قالت لي شهدون، إتلفتهه عليها نظام متفاجأهه وكدة، قالت لي واااي كان شوفتي فاتك دلوكهه وزغاريد فظيعهه وحلات لمهه مع عماتي موت ياخ قولته ليها بالجد؟طيب حلو، قالت لي كنا حننتظرك بس إنتي قولتي م بتقدري تمشي، قولته ليها فعلا والله عمتو وين؟قالت لي مشت غرفتها تغير، وانا كمان ماشه تعبانه ياخ

قولته ليها من كترهه الهجيج ه، بعدها شلته ليهم مويه وعصير في جك وديتو ليهم، عمتو طلعت من غرفتها قالت لي شهد إمتحنتي كيف اليوم؟قولته ليها غاايتو ماشي الحال، قالت لي يعني الحمدلله عدت؟قولته ليها عدت بس

قالت لي ي زوله بالبركهه انا جهزته ليك الغداء جاهز اها إتغديتي؟قولته ليها والله ي عمتو انا اصلا م جعانه جيت تعبانه بس رقدته نمتته، قالت لي تنومي من غير اكل لكن غاايتو عليك جنس كسل ي شهد م تدفي ليك اكل انا جهزتو عشان عارفاك بتجي، قولته ليها هاك إشربي المويه انا كان جوعته باكل بس، مهيد جا ماري وهو بتكلم بالتلفون اول م شوفتو ماشي إتهبلتهه وبقيت اعاين ليهو، هو زاتو لما شافني بقى يعاين لي وفجأهه غمز لي عينو وانا بقيت فاتحه خشمي بقى قليل ادب خلاص بييس عليهو

روابي طلعت من غرفتها قالت لينا انا جعانهه، قولته ليها وانا شههد تشرفنا، عمتو ليلى قالت ليها وانا ليلى أنشانتيغ قعدنا نضحك، خالتو ليلى قالت لينا اسمعو بكرهه عايزاكم تمشو لي سوق امدرمان، روابي قالت ليها سوق امدرمان دة وين؟ضحكته قولته ليها واي من غبائك هي بتقول ليك سوق امدرمان حيكون وين يعني؟قالت لي عندي زبوني في شارع الصياغ عندي عندو حاجه حأديكم القروش توصلوها ليهو وتجيبوها لي تمام، عشان انا بالحيل م بقدر امشي والله لكن بخلي مهيد يجي يوديكم، قولته ليها طيب لي بكرهه إن شاءالله...

في الجانب التاني عمر بتكلم مع زول وبقول ليهو: يعني نزلت السودان؟ومشت تتعالج في قطر يعني ولا وين؟ياخ انا م بهمني عيانه ولا ميته انا داير اوصل ليها بس، خلاص اقفل اقفل اصلا الواحد م بلقى منكم شي ياخ...

اليوم التاني حوالي الساعه 2 ونص كدة عمتو ليلى قالت لي روابي إتصلي على مهيد يجي يوصلكم، روابي إتصلت عليهو قال ليها انا بعيد شويه ممكن تاجرو امجاد توديكم، قالت ليهو لالا ي مهيد م بنمشي بي امجاد ولا اي شي انت امس قولته لينا بجي بوصلكم، قال ليها طيب م تجوطي خليكم جاهزين نص ساعه بالكتيير بكون معاكم، قالت ليهو تمام، قفلت منو قالت لي سجم كان عايز يعمل رايح

فضلنا قاعدين منتظرنو اكتر من ساعه، وكل شويه روابي تتصل عليهو يقول ليها قريب، ، ، ااخر مرهه قولته ليها اديني التلفون دة شلتو منها إتصلته عليهو، قال لي ي روابي، قولته ليهو إنت بتكذب علينا مالك وبتستغباني لو م جاي فهمنا وخلاص، قال لي حبيبي انا قريب اطلعو لي في الشارع بس طبعا خشمي بقى ملح ملح قفلته منو قولته ليها قال نطلع ليهو برهه، قالت لي اخيرا طلعنا وقفنا قدام الباب 5 دقاقيق كدة جا وقف، ركبنا ورا، روابي قالت ليهو مواسيركك ي مهيد، ضحكك قال ليها إنتو مستعجلين والشارع زحمه، قالت ليهو يعني نبقى شهد نحن عشان تجي

قرصتها قالت لي اوتش مالكك بتقرصي قولته حاجهه غلط انات قعد يعاين لي بمرايهه العربيه طبعا عيونو حلوهه حلا مع حواجبو الغزيرهه دي ه روابي لزتني وقالت ليهو اها مالك؟ركز في سواقتك سااي م تشاغل قعد يضحكك خجلتو المجنونهه دي

بقى يحاول يتحاشاني بس كل مرهه يلقى فيها فرصهه يقعد يعاين لي، لغايه م وصلنا سووق امدرمان وقفنا في شارع الصياغ والشارع كان زحمه شديد بعد سله روح قدر يبركن العربيه، نزلنا بقينا نعاين ونفتش على إسم المحل لغايه م لقيناه دخلنا قولنا ليهو السلام عليكم، قال لينا وعليكم السلام، روابي قالت ليهو دقيقه، طلعت تلفونها إتصلت على عمتو ليلى، قالت ليها وصلتو؟ قالت ليها اي هاك، قالت لبتاع المحل إتفضل شال التلفون، اول م قال السلام عليكم، ضحكك قال ليها اي وصلو ه طيب تمام، طلعته ليهو الكيس الفي شنطتي اديتو ليها، بعدها طلع لينا كيس ملفوف قال لينا خلو بالكم م يلاقكم زول يخطف منكم الشنطه سااي والله ليلى إلا تدفنكم حيات

قعدنا نضحك قولنا ليهو يلا سلام ي عمو، طلعنا قولته ليها مهيد اسي حنلم فيهو وين؟قالت لي بكون في العربيهه تعالي، مشينا على العربيهه عاينا جواها قولته ليها ماف ياخ دة مشى وين، قالت لي م عارفه فضلنا واقفين ونتلفت، والشارع زحمه والناس ماشه وجايهه تطقش فينا، فجأهه روابي قالت لي عايني ليهو طالع من وين؟قولته ليها وين؟قالت لي من المحل داك، عاينته بإتجاه م هي موصفهه شايفاه جااي، وانا كنت حاسه بي زول وراي بس م مركزه على حسب م الشارع زحمهه والناس م لاقيه نفس فيهو، بعد مسافهه احس بي حركه غريبه وراي إتلفته القاه ليك راجل متلصق فيني من الخلعه صرختهه صرخهه واحدة، اول م صرخته روابي قالت لي في شنو مالكك ي شهد والراجل قام مشى عادي، وانا اعصابي باظت وهبطتهه مهيد جا قال لينا في شنوو؟روابي قالت ليهو م عارفه بس شكلو الراجل اللابس الجلابيه داك... قبل م تخلص كلامها مهيد جرى وراهو، ومسكو من جلابيتو ووقع فيهو ضرب وبقى يقول ليهو عملته ليها شنو طاخ، م عندك اخوات في البيت إنت م عندك، باي حق تمد يدك عليها دي رجوله منك يعني دي رجولهه إنك تمد يدك على نسوان وبنات الناس وبقى يضرب فيهو بطريقه مجنونه ويقول ليهو ي حيوان ي تافهه، الناس مسكوهو قال ليهم ماف زول يمسكني، الراجل جرى بعد سله روح مهيد جاني راجع وانا روابي قعدتني في المسطبه وبقيت ابكي واعصابي بايظه وبرجف، مهيد جا مسكني قال لي شهد لزيتو قولته ليهو م تهبشني م تهبشني إنت كمان، زح مني

قال لي طيب حاضر، بس قومي نركب العربيه عشان روابي ارفعيها، روابي قومتني فتح الباب ركبنا وإتحرك وانا ببكي ودموعي جاريه يعني إحساس الخوفه والخلعه الدخلها فيني م قدرته اتحملها، روابي قالت ليهو مهيد شهد دي مهبطهه اقرب مستشفى او مركز صحي نزلنا تاخد ليها درب، قال ليها طيب وهو غضبان ملان غضب، قال ليها وبعدين إنتو ليه م إنتظرتوني جوة الصايغ؟المطلعكم تقيفو بره شنو؟روابي قالت ليهو نحن إفتكرناك منتظرنا في العربيه، قال ليها إتصلي علي تلفون اول عشان تتاكدو إنو انا في العربيهه، السوق دة ازفت حاجه مكان الواحد يمشيهو عشان بلقى فيهو المجنون والسكران والحيران كل انواع القرف بتلقيهو في السوق دة، انا زدته في البكى زيادة، روابي قالت ليهو مهيد خلاص اقفل الموضوع دة ياخ، فضل سااي وانا مترميه في روابي وهو بعاين لي بمرايه العربيه لغايه م وصلنا مستشفى كدة نزلنا، الدكتوره قالت ليهم مالها؟روابي قالت ليها مهبطهه، جات فحصتني قالت لي مهيد جيب الحجات دي من الصيدليهه، مشى وجا راجع، لما جو يركبو لي الدرب روابي قالت ليهم انا م بقدر غايتو طالعهه، مهيد بقى يعاين لي، الدكتورهه قالت ليهو امس لي يدها كدة، جا مسك لي يدي وانا مغمضهه عيوني شديد فجأهه الدكتورهه قالت لي خلاص فتحي خوافهه ه بس اول م يخلص نبهوني اوكييه؟مهيد قال ليها تمام، مهيد فضل قااعد جمبي في الكرسي وملامح وشو بتقول إنو لسسه متضايق وغضبان وم بعاين لي في وشي، فضلنا قاعدين وساكتين لغاايه في لحظهه كدة قولته ليهو اخ، قال لي مالك في شنو؟قولته ليهو ماف حاجه، قال لي الدرب واجعكك؟قولته ليهو شويهه بسس، مسكك لي يدي عايز يتكلم روابي جات داخله فكاها، قالت لينا لسسه؟مهيد قال ليها فضل بسيط، بعد م خلص طلعنا مشينا البيت، وروابي طبعا عامله زي اخبار الان حكت لي عمتو ليلى بالتفاصيل الممله، عمتو ليلى قالت لي م ضربتيهو؟زي دة تسلي شبشبك من رجلك وتقعي فيهو كفيت في اي حته من جسمو قليل الادب الما مربى بمشو السوق عشان قله الأدب دي بس م اكتر الخيابه الله لا جاب باقيهم، روابي قالت ليها مهيد م قصر منو كفتو كفيت

مهيد جا طالع من غرفتو قال لي إنتي لسسه قاعدة يلا ادخلي ارتاحي قومي، عمتو ليلى قالت لي اي خشي غرفتكك، قمته دخلته رقدته وانا كل م اغمض أتزكر الموقف افتح عيوني، بالليل فجاهه باب غرفتي دق والباب فتح كان مهيد لقاني قاعدة في السرير، قال لي بقيتي كيف؟إتحسنتي؟قولته ليهو احسن شويه، قال لي طيب تمام حاولي نومي تمام؟قولته ليهو طيب، قال لي تصبحي على خير، قام طالع فجأهه لقيت نفسي بقول ليهو مهيد

إتلفت قال لي ايوهه، سكته مسافه بعدها قولته ليهو ام اناا م قادرهه انووم م جايني نووم خايفهه ممكن تفضل معي شويهه؟جا رااجع وقعد جمبي في طرف السرير قال لي م طلبتي حاجهه ي شهد انا هنا يلا غمضي عيونك وحاولي نومي، رقدتهه وبقيت اعاين ليهو في وشو وهو بنفس النظرهه، لما شافني م غمضتهه عيوني عدل قعدتو في السرير ورفع لي راسي قال لي تعالي ورقدني في حضنو ولفهه يديهو حوالي وقال لي يلا حاولي غمضي عيونكك بس، قولته ليهو بصوت مبحوح مهيد، قال لي روحو، قولته ليهو بجد النحن فيهو دة حيعدي؟قال لي قطعنا تلات ارباع المساافهه قربنا حبيبي قربنا خلاص، مسكته في فنيلتو شديد وغمضته عيوني تلقائيا لقيت عيوني مزغللات ونايمهه، كيف م انوم وانتو م شفتو الطريقهه الهو ضاميني بيهاا

م عارفه لما وقفتو وهو طالع حسيت بشنو، بس كنت عايزاه جمبي وكفى من غير احسب اي حساب لأي حاجهه حصلت معانا، الصباح صحيت لقيتو نايم جمبي بنفس الوضعيه بتاعه امس، عايزة اتحرك من جمبو فتح عيونو عاين لي مساافهه قال لي صباح الخيير، انا خجلاانهه من نفسي طبعا قولته ليهو صباح النور، قال لي إتحسنتي؟قولته ليهو بصوت ملان خجل الحمدلله، نزل من السرير قال لي الساعه كم اسي؟انا طالع عشان اجهز للشغل، قولته ليهو طيب وانا متنحه فيهو، وهو طالع إتلاقى مع روابي في الباب وكانت دي الوكسهه هنا

روابي رفعت حاجبها بإستغراب وقالت ليهو مهيد؟صباح الخير، هو م عرف يقول ليها شنو قال ليها صباح النور، انا على طول إتغطيت بالملايه، مهيد طلع فجأهه احس بالملايه بتتجر من عندي قالت لي عاملهه نايمه ي وسخه رفعته راسي قولته ليها وحياة الخلقني م الفي بالكك قالت لي م شنوو؟دة انا قابضاكم متلبسين ي وسخين ي وسخين قولته ليها روابي بطلي تخلف م تظلميني

قالت لي م علينا اسمعي حتمشي معانا العرس يوم الجمعه؟قولته ليها عرس؟عرس منوو؟قالت لي عرس بت اهلي قالو لكن من بعيد المهم عايزين نجهز نفسنا عشان نمشي، قولته ليها م اظن امشي، قالت لي ليه بطلي نفسنهه يااخ، قولته ليها م اظن والله، عمتو ليلى نادتنا يلا ي بنات الشاي، قولته ليها امشي عليها انا هدخل الحمام واحصلكم، بعدها طلعته ليهم اثناء م بنشرب في الشاي روابي قالت ليها طبعا ي خالتو شهد قالت م حتمشي معانا العرس يوم الجمعه، قالت ليها كيف م بتمشي بري مرت ولدي بسوقها في طرفي كمان اساسا العرس عاملنو عشاء في صاله يعني مهيد بسوقنا من هنا بوصلنا الصاله، روابي قالت لي سامعهه وبعدين حتى لو م مشيتي حتقعدي براك في البيت بالليل

قولته ليها طيب، عمتو ليلى قالت لي نمشي الكوفير نرسم ونتحنن زي العجب اصبري بس، روابي قالت ليها والنعمه بموت في ابو اهلك علشان روحكك الشبابيه دي عمتو ليلى قالت ليهو ي بت يشب فيك حرامي وانا م شابه يعني إتفقعتهه ضحكك في اللحظهه دي المساء شايفه دخان جاي برهه طلعته لقيتها عمتو ليلى قاعدة تدخن، قولته ليها عمتو؟؟قالت لي الرطوبه قايمه علي عشان كدة قولته اخد لي بوخهه

تعالي اقعدي جمبي عشان افوم ليك، قولته ليها انا بري، قالت لي ي بت ها تعالي اقعدي عشان الحنه تبقى نايره في جسمك بعدين بطلي عوارهه، قولته ليها لالا ي عمتو م بدورو والله بكتم نفسب، قالت لي يكتم نفسك كيف م بعمل ليك اي حاجه هي المره شنو من غير دخان جات رزابي قالت لا حولا

عمتو ليلى قالت ليها إنتي قولي كدة كويس لمن دورك يجي، قعدنا نتونس معاها لغايه م قامت وزنت على راسي إلا اقعد، قعدتهه نص ساعه عايزة اقوم قالت لي اقعدي شويه، قعدتني مسافه بتاعهه سااعه كدة بعدها قمته، عدت يومين بعدها مشينا السوق اخترته لي توب وطقمتو وإشترينا حجات كتار بعدها رجعنا البيت، يوم الخميس مشينا الكوفير رسمو لي وإتظبطنا رجعنا البيت المساء م حاسين بي شي من التعب نمنا بس،

اليوم التاني صحينا قريب للساعة عشره حتى مهيد لقيناه طلع الشغل، فكرنا وقعدنا لغاايه نهايه اليوم بدينا نجهز، روابي طبعا خبرهه في المكياج حتى انا نفس الشي لكن هي على افضل شويه مكيجنا عمتو ليلى بقت تقول لينا وبعلي عااد م عرفته نفسي اتاري انا دي هامله نفسي ساي بس قولته ليها بالجد ياخ اصلا هي ماشاء الله سمحهه ومرتبه فبقت على افظع

بعدها، قعدتهه انا مكيجتني عايزه الم شعري قالت لي ي بت ها انتي عويرهه، قولته ليها مالك، فكت لي شعري وسرحتو لي بالمشط وخلتو لي فاكي وجابت مشبك مسكت لي كم سبيبه لمتهم لي مع بعض لي ورا قالت لي مهيد لما يشوفك م حيصدق عيونو

ضحكته، حوالي الساعه 7 ونص كدة عمتو ليلى اتصلت على مهيد قالت ليهو وين انت نحن منتظرنا، قال ليها جمب الباب خلاص، جات دقت لينا الباب قالت لينا قالت جمب الباب اسرعو، روابي قالت ليها 10 دقايق ونطلع شهد يلا ابدي البسي التوب انتي عارفه مهيد، قولته ليها طيب، مهيد جا داخل لقى امو لابسه وقاعدهه، عاين ليها مسافهه، بعدها قال ليها ي حجهه قالت ليهو ي ود ها حجهه دي م تقولها لي تحج بدون سنون

قعد يضحكك قال ليها طيب دامكم جاهزين انا بس استحملى وغير ونطلع على طول، قالت ليهو اسرع لكن الزمن، دخل غرفتو عدة تلت ساعه، بعدها عمتو ليلى قالت لينا خلونا نطلع ننتظرو بره، قمنا طالعين قولته ليهم نسيت تلفوني ثواني اجيبو وارجع، قالت لي سرعته، وانا داخله مهيد جا طالع من غرفتو كان بتكلم بالتلفون وبقول انت عارف، اول م شافني قطع كلامو وانا نفس الشي اتهبلتهه بشوفتو كان لابس قميص اسود وبنطلون اسود شاكيهم يعني كلو على بعضو كان لابس اسود في اسود وبعلياهه منوو بسس يحردوهو ليهو بجد

فضلنا واقفين متنحين في بعض بعدها جا ماشي بإتجاهي وقرب مني قال لي حيقولو متفقين على الاسود دهه فكرته لنفسي لقيت انا كمان مطقمه التوب بالاسود يعني لابسه شبط اسود، ومطبقهه كبيرهه سودا والتوب مشكل فيهو بالاسود، بقيت اعاين ليهو وانا خلاص اتلخبطتهه غايتو لو يوم مت حيكون هو الوقف قلبي بسماحتو وهيبتو دي ه قولته ليهو عايزه اشيل تلفوني، قال لي طيب ماشي، متخلف خلاص بتكلم معي وبعاين لي بنظرات تهبل الواحد

دخلته غرفتي وانا متوترهه شلته تلفوني ووقفته اخدته نفس مسافهه واتمالكتهه اعصابي بعدها طلعته لقيتو لسسه واقف، قولته ليهو م مشيت؟قال لي حسبته حساب انك ممكن تقعي بشبشبك دهه وتضيع علينا الحفلهه باقي اليوم دهه، قولته ليهو ها ظريف قال لي يلا، قام ماشي قدامي وانا وراهو والجد الهيلز كان عالي شديد قولته ليهو استند، مسكتو من كتفو، يااخي احساس م كان بتوقف لما مسكني كويس واتحركنا، اول م طلعنا جمب الباب فكيتو

، روابي قالت لينا م بدري، مهيد ضحك، فتح العربيه عمتو ليلى وروابي ركبو ورا وقفلو الابواب نظام ي شهد اركبي قدام، ركبته واتحركنا وكل مرهه بفتحو موضوع ورا موضوع لغاايه م وصلنا نزلو وعلى طول اتحركو دخلو على الصاله م انتظروني انزل حتى قولته ليهو مهيد انتظرني م تمشي، قال لي طيب يلا انزلي، نزلنا ونحن ماشين مسكتو من كتفو، قال لي حتى وانتي لابسه العالي قصيره ي سبحان الله قولته ليهو ها م مشكلتي اذا انت ناطحة سحاب قال لي اخليك تقعي ولا تبلعي لسانك في اللحظهه دي قولته ليهو بصوت مبحوح وطفولي اهون عليكك

ضحكك وبقى يعاين لي لغايه م دخلنا الصاله، والحفله شغاله والناس مهججهه فجاهه انا وقفتهه ومهيد برضو وقف اتخلعنا بشوفهه لدن قدامنا وهي زاتها كانت مصدومة بنفس وضعيتنا، مهيد فكاني وبقى يعاين ليها بطريقه غريبه يعني كانو كان مشتاق ليها ونفسو يشوفها من زمان، هو م عارف انو لدن دي صحبه ملك اختي طبعا وانا بعرفها وكذا، قولته ليها لدن، مهيد اتلفت علي مخلوع، قالت لي اهلين شهد، ببرود كدة، قولته ليها الحمدلله وانتي؟

قالت لي تمام، وفضلت تعاين لي مهيد، مهيد قال لي نمشي ي شهد؟قولته ليهو طيب، مشى قدامي وخلاني انا اواصل براي لغاايه م وصلته طربيزة ناس روابي، قعدتهه بقيت اعاين لمهيد وهو ملامح وشو متغيرهه ومتضايق واتنرفز، لما لمحني بعاين ليهو غير ملامح وشو شويه بس برضو كان ظاهر عليه، عمتو ليلى قالت ليهو مهيد شوفته لدن؟ جات سلمت علينا طبعا العريس ود خالتها م وريتك، سكتت م ردة ليها قام على حيلو ومشى، قالت لي طبعاً لدن دي زمان كانت زولتو بعد اتسجن عرست مغترب في قطر، قولته ليها يااخي، قالت لي والله حركات الشفع انتي عارفاها طبعاً

ابتسمته ابتسامة خفيفه بعدها فجأهه لقيت نفسي متضايقة لمن عايزه ادمع، الحفلهه خلصت م فهمته فيها اي حاجه غير اني كنت منتظراها تخلص بفارق الصبر بس، رجعنا البيت وانا ومهيد طول الطريق ساكتين، نزلته وشلته الهيلز بتاعي في يدي وقفتهه باب العربيه طاخ ودخلته غرفتي وشلته ليلى داك كلو بكى وفي بالي فكرة انو مهيد لسسه بحب لدن وم حيحب غيرها ابدا، عدت اسبوعين بقينا فيها بنتحاشى بعض يعنى لا هو بتكلم معي لا انا بتكلم معاه بعد فترة الاسبوعين دي في يوم بعد المغرب روابي قالت نفسها في اندومي، طلعنا مشينا جبناها وجبنا لينا معاها حلاوهه مصاصهه حقت الاطفال دي، جينا قعدنا في المطبخ علشان نظبطها وانا فتحته حلاوتي ودخلتها خشمي وبقينا نتونس فجأهه روابي قالت لي الحلاوة لونت ليك خشمك قلبتو ليك احمرار

مهيد جا داخل قال لينا مساء الخير، روابي قالت ليهو بسم الله جيت متين لمن غيرته، قال ليها عندي نص ساعه ه عندي كوره عايز حاضرها عشان كده، بس عايز منكم تعملو لي كبايه قهوة مظبوطه كدهه، روابي قالت ليهو اوبس انا غايتو جعانه عايزهه اكل اندوميني دي شوف شهد، قعد يعاين لي وانا بلعب بالحلاوة في خشمي زي الطفله وخشمي كلو بقى احمر، روابي قالت لي اها ي شهد حتعمليها ولا يفتح الله؟

قولته ليها عندي مسلسل ماشه احضرو انا زاتي، قالت لي م حتاكلي معي طيب؟قولته ليها شبعانهه انا قمته من محلي قولته ليها بعد تخلصي اللحقيني علشان الحلقهه م تفوتكك، قالت لي ظابط بس اعمل القهوة دي لمهيد واجيكك، إتحركتهه وانا ماشه وصلته نص الهول فجاهه اسمع مهيد بقول لي شهد، عملته مطنشه م رديت فجاهه احس ليك بيهو ماسكني وجاريني لغاايه م دخل بي غرفتو وقفل الباب، طلعته حلاوتي من خشمي قولته ليهو إنت مجنون، من غير اي مقدمات لقيتو ببوسني، بعد مسافهه استوعبتهه بقيت احاول اتفك منو شداني عليهو وقربني منو اكتر وقال لي م براك براك بتعرفي تنفسني، قولته ليهو دي بتسميها نفسنهه ولا قلهه ادب

تاني رجع باسني والمرهه دي م حاولته اقاومو حتى اتسمرتهه في محلي...

كسرهه

بنات في حوجات كتيرهه حالياً اتقضت يعني البت ست النظاره واربعة طالبات كانو محتاجات وعندهم مشاكل بتاعه رسوم جامعات، سبحان الله التلاته طالبات الاخيرات ديل م احتجته اني انزل علشانهم بوستات حتى لانو كانت في قروش واصلاني وفايضهه استلمتها، المهم الانا عايزه اقولو انو لو في اي واحدة عندها مبلغ حاجه تتبرع بيهو او تتصدق بيهو ممكن ترسلو لي لانو في حوجات كتيره وانا قدر القروش المعي واترسلت لي رسلتها للناس دي، هي مسؤليه صعبه عارفاها بس م اصعب من انو يجيك زول محتاج وم تقدر تساعدو، انا شخصيا م بشكك في مصداقية زول الحاجه دي بين الزول المحتاج وضميرو وربو، وان شاءالله ربنا يكتبها في ميزان حسناتنا جميعا

مليحيظهه

"انشاءالله يارب شهد نتيجتها تطلع نضيفهه، "قولو الجملهه دي كلكم والله حموت من وجع القلب والهم

نتلاقى