الفصل السابع والعشرون

سكتت مساافهه بعدها قولته ليهو مهييد، قال لي روحو، قولته ليهو انت بتعمل كل دهه ليهه؟ضماني عليهو اكتر وباسني في راسي مسافهه وقال لي عشان كل حاجهه في الحياة دي بالنسبهه لي هي انتي، رفعته راسي عاينته ليهو قولته ليهو بس انت م مجبور تستحملنيي؟خته يدو في خدي وقال لي ومنو القال ليك انا بعمل كدة عشان مجبور؟انا بعمل كدة عشان عايز نكمل مع بعض م نفسي نبعد وم نفسي في يوم اشوفكك بتبكي او بتعاني فهمتي؟؟رجعته رقدته في حضنوو وانا ساكتهه، اليوم التاني م مشى الشغل فضل قاعد في البيت عشاني ه

في الجانب التاني امي وهي في البيت جاتها مكالمه اول م شافت الرقم فصلت الخط في وشو، تاني رجع اتصل، تاني فصلت الخط، فجأهه جاتها مسج محتواها "داير اتكلم معاك في موضوع ضروري واسألك انتي عندك بت اسمها شههد؟"في اللحظهه دي امي قلبها طاار ومن الخلعه لقت نفسها متصلهه على الرقم، اول م رد قالت ليهو بتعرف شهد بتي من ويين انت؟قال ليها كدة اول قولي السلام عليكم، قالت ليهو داير شنو وجاوبني بتعرف شهد بتي من ويين؟قال ليها ممكن نتلاقى ونقعد نتفاهم؟قالت ليهو انا كلمتك قبل كدة م دايره اي تفاهم او تواصل معاك او مع غيرك انا بقيت زوله في حالي، قال ليها وانا عشان عارفك زوله في حالكك عرضتهه علي...امي قاطعتو قالت ليهو وانا قولته ليك م موافقه وانا م زوله عرس انا عندي بنات بربي فيهم وبس، لكن برضو م قولته لي بتعرف شهد بتي من وين؟قال ليها من غير م الف وادور معاك ي بت الحلال شهد بتك مرت ولد اخوي لزم شايفهه الصدف دي كييف، قالت ليهو بي خوفهه شنو؟كيف يعنيي؟قال ليها زي م قولته ليك حتى انا عرفته الموضوع دة بالصدفهه من بتي لأنها شافتك قبل كدة في صورة وشافتك في بيت البكى وجات حكت لي، قالت ليهو لا إله الا الله محمد رسول شنو، بتك، يعني الموضوع وصل شهد، وصل شهد الموضوع؟قال ليها م عندي علم إذا وصلها او لا وانا م متصل عليك عشان دة كلوو، انا متصل عليك عشان اقول ليك انو انا...امي قاطعتو وقالت ليهو إنو انت طلقته مرتك عشان تتزوجني صح؟وانا لسسه بقول ليك لأ ي الصادق لأ، انا ابدا م موافقه وإستحاله اوافق على حاجه زي دي، اسمع كلامي دة كويس خراب البيوت ساهل لكن عمارها صعب قبل م تطلق مرتك فككر في اولادك وفي بيتك وفي الممكن يحصل فيهم، انا دي اصلا الظروف جبرتني اشتغل كدة ولمتني بيكك ونفس الظروف دي خلتني اخلي الشغلهه دي وارمي قشتها لأنها لا بتقدم ولا بتأخر بس انا طالبه منك شي وااحد حلفتك بالذي سواك م تخلي الموضوع دة يصل لراجل بتي او بتي م دايره بتي بيتها يتخرب بسببي ولأنو بتي عمرها م ختت فيني الشينهه، قال ليها العفو ياخ انا ابدا م بستغل حته زي دي عشان استفزك بيها ي سوسن بالرقم من كل شي بيني وبينكك الإحترام والله الموضوع دة انا حافر ليهو حفرهه ودافنو لكن..قاطعتو وقالت ليهو وي رييت م ترجع تتصل علي مرهه تانيه وقفلت الخط في وشو، ووقعت في الأرض، على صوت الوقعه ملك جات طالعه وبقت تصرخ امي، مالك ي امي شنو ي امي..

انا شغاله في المطبخ بقشر في بطاطس فجأهه مهيد جا داخل، قال لي الغداء لسه؟قولته ليهو قررب، فتح التلاجهه قال لي جعان ياخ، قولته ليهو في مكرونه باللحمه عملتها عمتو امس طلعها ادفيها ليك، قال لي طييب، فضل مسافهه اتلفته عليهو لقيتو لسسه واقف بعاين للتلاجهه، قولته ليهو مهييد انت بتفتشها كدة؟قال لي اها وافتشها كيف، قولته ليهو زح طيب، اتحرك على جنب شويه فتحته اول حله لاقتني في وشي لقيت فيها المكرونه عاينته ليهو قولته ليهو عندك مشكله في النظر، قرب مني ولفهه يديهو حوالي وقال لي مش بقولو البشوف القلب يلا كل القصهه انو قلبي مجهجه معاك

اتلخبطتهه في اللحظه دي وعلى طول اتفكيت منو ومشيت على البوتجاز، ختيت الحله في النار اتلفته عايزة امشي على المغسله بتاعه العدة لقيتو قاعد وبعاين لي، جيت راجعه وهو لسسهه بنفس النظرهه، بقيت اقطع في البطاطس وم قادره اتلفت ومتوترهه من نظراتو دي وهو لمن خاتي يدو في خدو، بعد مسافهه عايزة اتلفت لقيتو واقف حمبي، قولته ليهو بخلعه مالك قال لي الحله كانت حتحرق شكلك نسيتيها وقرب مني شويه وقال لي الشااغل بالكك إن شاءالله يتهنى بيهو

غمضتهه عيوني وقولته ليهو مش قولته جعان؟قال لي ايوة، قولته ليهو طيب اكل وإتفضل اطلع م تشغلني، عاين لي مسافهه وهو رافع حاجبو وعلى وشو ابتسامهه خبيثهه بعدها قال لي يعني انا شاغلكك؟فتحته خشمي قولته ليهو قصدي اكل وبس، ضحكك وشال ليهو صحن وجا راجع، فجأهه عمتو ليلى جات قالت لي شههد تلفونك دة بضرب من قبييل، شلتو منها قولته ليها دي ملك، رجعته اتصلته عليها اول م فتحت الخط قالت لي شهد الحقينا، قولته ليها بسم الله في شنوو؟قالت لي امي في المستشفى تعباانه، قولته ليها كيف يعني لييه مالها؟قالت لي م عارفه والله فجأهه وقعت بس، قولته ليها في اي مستشفى انتو؟قالت لي في مستشفى...مهيد قال لي في شنو؟!قولته ليهو امي في المستشفى وطلعته من المطبخ جريت على غرفتي اقرب عبايه وطرحه لقيتهم في وشي شلتهم مهيد قال لي اهدي، قولته ليهو اهدى كيف بقول ليك امي في المستشفى ي مهيد

عمتو ليلى قالت لينا سمح انتظروني، مهيد قال ليها خليك قاعدة ي امي لما نصل بنتصل عليك م بنقدر ننتظرك، اتحركنا وانا برجف من فوق لتحت مسك يدي قال لي شههد كل شي حيكون بخير ان شاءالله صدقيني، قولته ليهو لو امي حصلت ليها حاجه انا حموت ي مهيد والله العظيم

، قال لي استغفري م حتحصل ليها اي حاجهه وصلنا المستشفى اتصلته على ملك وين انتو؟قالت لي نحن في الطابق التاني، وصلنا لقيناها رااقدة ومركبين ليها درب، قولته ليها مالها ي ملك؟قالت لي والله ي شهد وقعت فجأهه، مهيد قال ليها الدكتور قال شنو؟قالت ليهو قال انو حيختوها تحت المراغبه 24 ساعه بعداك حيطلعوها، قولته ليها م فتحت؟قالت لي ابداا، قعدنا منتظرين ومنتظرين، ملك قالت لي طبعا ي شههد السنه دي نحن قدمنا في اللوتري، قولتها ليها لوتري؟قالت لي ايوة براءة قدمت لينا انا وامي واليف وهي زاتها لو شالونا حتمشي معانا، البلد دي م فيها اي مستقبل ي شهد يعني تتخرج تقعد عااطل ان شاءالله يزبط معانا ونتخارج منها، قولته ليها ه م اظن لأنو نسبه القبول من البلد دي ضعيفه م كل الناس بتظبط معاهم وانتي عارفه قدر شنو نحن عيلهه منحوسهه، قالت لي على قولك يلا بس براءهه عندها صحبتها هناك في امريكا يلا قالت ليها انا بقدم ليكم من هناك قدمت لينا ومنتظرين النتيجه اسي قربت لو م ظبط السنه دي نقدم تاني مالو، ، فضلنا طول الليل ماشين وجاين، ملك قالت لينا انتو امشو انا بقعد معاها تعالو الصباح، مهيد قال ليها لا ي زوله نخليك براك في المستشفى كيف الكلام دة، ، فضلنا قااعدين لغاايه الصبح اصبح جاتنا عمتو ليلى، قعدنا لغايه م فتحت وخرجونا رجعناها البيت، مهيد وامو لما قامو طالعين قولته لي مهيد انا حأفضل معاهم هنا كم يوم لأنو...قاطعني قال لي طبعا حتفضلي معاهم فكرك حسوقكك منهم يعني؟قولته ليهو طيب، عمتو ليلى ركبت العربيه ومهيد.فضل بتكلم معي جمب الباب، قال لي خلي بالكك من نفسكك ماشي؟قولته ليهو حاضر، قال لي لو حصل احتجتي لأي حاجه إتصلي علي، قولته ليهو طيب تمام، قال لي وكمان، بعدها اتلفت يمين وشمال وضماني عليهو قال لي خلي تلفونك فاتح وجمبك لأني من اسي مشتاق ليكك، سكتت او بمعنى ادق إتبكمتهه

باسني في خدي مساافهه قال لي يلا سلام، قولته ليهو باي، هو م عارف انو حركاتو دي غير بتجهجهني م بتعمل فيني شي تاني

رجعته البيت، قولته لي ملك اعمل ليها حاجه تاكلها؟قالت لي ممكن حتى نحن جعانين، قولته ليها ظابط اليف تعالي امشي البقاله جيبي لينا عيش، قالت لي طيب، فضلنا قاعدين مع بعض في غرفه امي وبنتونس وامي كانت ساكته بس وبتعاين لينا، انا بالرغم من انو كنت شايله في قلبي منها وم قادره اتجاوز العملتو هي بس برضو م كان بي يدي اقسي قلبي عليها او احن عليهاا، بالليل وانا عايزه انوم مهيد اتصل عليها، فتحته الخط قال لي حبيبي، قولته ليهو اهلين، قال لي كيفكك وكيفها الوالدة اتحسنت؟قولته ليهو الحمدلله، قال لي طيب بس حبيت اسمع صوتك قبل م انوم، قولته ليهو طيب تصبح على خير، فضلته مع ناس امي إسبوع تقريبا، في يوم حوالي الساعه 3 كدة اتصل علي قال لي جاي عليكم، قولته ليهو طيب، قال لي بس م بدخل انتي اطلعي لي برهه، قولته ليهو ليه، قال لي بس كدة مشتاق ليك حابب اشوفكك واقعد معاك شويه، قولته ليهو طيب، فضلتهه منتظراه م عارفه هو الإتأخر ولا انا الكنت متحمسهه شديد لشوفتو ه

ملك حست بي مقلقه قالت لي مالك انتي ماشه جايه تعايني للتلفون، قولته ليها ماف شي، لغاايه الساعه 6 كدة يئستهه وقولته لنفسي نهائي م بتصل عليهو، حوالي الساعه 8 إتصل علي المرهه الأولى م رديت، تاني رجع اتصل رديت قال لي انا برهه انزلي، قولته ليهو بي ضييق كدة طيب، طلعته وقفته ليهو في الباب، نزل سلم علي وانا مكشرهه فيهو وشي، قال لي يلا، قولته ليهو وين؟مسكني من يدي وفتح لي باب العربيه ركبته وقفل الباب، ركب هو قولته ليهو حنمشي وين؟قال لي نلف شويه، قولته ليهو نلف ليه وبعدين انت مش ضربته لي من الساعه 3 عارف الساعه كم اسي؟قال لي اها معناها دة سبب التكشيرهه دي كلها بس انا م حددته ليك حأجي في اي ساعهه صح؟سكتته، قال لي ها، قولته ليهو اسي نحن ماشين وين؟قال لي م هو طوول م انت مزاجك عكران كدة م حاقول ليك شي ولا حنمشي مكان، قولته ليهو مهيد ياخي

قال لي طيب غمضي عيونك م تفتحيهم، قولته ليهو ليه؟قال لي غمضيهم بس م تبقي لتيخهه، غمضتهم، بقيت اقول ليهو اهاا لسسه، قال لي طيب فتحي، فتحته عيوني لقيتو خاتي قدامي علبه، قولته ليهو دي شنو؟قال لي شوفيها هاا، قولته ليهو طيب، العلبه كان عليها ورقهه هي زي الإسكرين شوت ومطلعين منو صورهه اول م ركزتهه فيها سكتته مسافهه وهو بعاين لي بعدها قمتهه اصرخ قولته لا م قادرهه اصدق انا نجحتهه نجحتهه ونتيجتي نضيفهه كماان وبقيت اصرخ وهو بضحكك قولته ليهو الوراك منو انت؟قال لي الف مبروك لأحلى واصغر خريجهه في الدنيا مش قولته ليك حتطلع نضيفهه

رسلتها لي هديل امس وكنت خايف اقول ليك النتيجه طلعت وتتوتري وتدخلي في حالهه الدراما كوين المعروفه ديك عارفكك انا ف دي كانت اسهل طريقهه يعني علشان م تنفسني وكدة قولته ليهو ياخي قال لي اها م عايزين دموع، قولته ليهو العلبه فيها شنوو طيب؟قال لي افتحيهاا، فتحته العلبه لقيت فيها علبهه بتاعه مارشميلو، قولته ليهو م بصدق جبتهه لي مارشميلوو واي مارشيميلو وعطري المفضل سمارت

ضحكك، قال لي عارفكك بتحبيهم...قولته ليهو يخخ بموت فيهم كماان بالزات المارشيميلو م بحبها بس لقيتها وين هنا م بتتلقي بالساهل، ، قال لي يلا حأبدأ اغيير ع فكرهه بغض النظر عن لقيتها وين عاادي ممكن الف الدنيا كلها واجيبها دامك بتحبيها سكتته، قال لي ها نمشي؟قولته ليهو وين؟قال لي دي مناسبه م بتتفوت لازماها عزومهه قولته ليهو وانا م عندي مشكله بس بتوبي وسفنجتي دي؟قال لي هو في احلى من كدهه كمان ه، اتحركنا، قولته ليهو حركه الاسكرين شوت دي العملها ليك منوو؟ظريفهه صراحهه، قال لي واحد كدة بتاع إستديو ه، قولته ليهو حلوهه حلا

قال لي م احلا منكك سكتت وصلنا م ودانا إلا مطعم راقي، والنسوان والبنات قاشرات وسمحات اعاين يمين وشمال انا فكرته لقيت مهيد.بعاين لي وسرحان ويتبسم ساي، إتلخبطتهه قولته ليهو المحل ظريف، قال لي مكاني المفضل لأنو فيهو نسمه بتاعه بحر كدة وطبيعهه، قولته ليهو بالجد، شويه كدة جو بنات لابسات لبس فظيع وفاكات الشعر دة وسمحات سماحه على طول لميت رجولي تحت الكرسي، مهيد قعد يضحكك علي، قولته ليهو شايف الناس بتجي كيف وانت جايبني كيف ضحكك قال لي بس برضو في نص دة كلوو انتي احلى واحدة في المكان دة بالنسبهه لعيوني

إبتسمتهه وختيت يدي في عيوني وهو حيوان بعاين لي زي الأهبل، إتعشينا وطلعنا، قولته ليهو دقيقهه انت عرفتهه انو انا بحب المارشميلو دي؟قال لي ه كنت محتار اجيب شنو صراحه بس البركه في هديل سألتها بتحبي شنو قالت قطع المارشميلو ففتشها لغايه م لقيتها

قولته ليهو ها م وريتني هدل والبنات نتايجهم كانت كيف؟قال لي م ركزت انا اهم شي بالنسبه لي كان انتي قطعته الجزؤ بتاع اسمكك وشلتو، لكن عندي الصوره في التلفون احولها ليكك بعدين ماشي، قولته ليهو طييب، وصلني البيت نزلته، نزل معاي قال لي شههد، قولته ليهو ايوة، قال لي دقيقهه، فتح باب العربيهه الورا طلع شنطه، قولته ليهو دي شنو؟قال لي اللابتوب اللي فيهو مشروع التخرج بتاعكك هديل حتتصل عليك وحتفهمكك كل شي، قولته ليهو واي كنت ناسيااه، قرب مني وقال لي انا هنا عشان اتزكر الحجات الممكن تروح من بالك وتنسيها

قولته ليهو مهيد، قال لي ايوة، قولته ليهو شكراا يااخي، ضحكك قال لي وبعدين مع الهبل دة، شداني عليهو من يدي وضماني قال لي ي بت إنتي مرتي شكلها قعدتكك في بيتكم نستكك الحاجهه دي، فضلته مساافهه في حضنو بعدها إتحركته قولته ليهو طيب يلا، قال لي اسمعي وختهه يدو في خدي بعدها قال لي بعد كدة م نفسكك ترجعي البيت؟عشان في زول في البيت بقى بشتاق يصطبح بي وشكك ويمسي بيهو او يسمع حسكك فيهو على الأقل، قولته ليهو قصدكك عمتو ليلى إتغااظ وضحك ضحكه بتاعه غييظ قال لي ايوا دي حركات صح نظام البيت م فيهو غير عمتكك ليلى وكدة كويس طيب

قعدتهه اضحكك قولته ليهو اها منو؟قال لي شهد ادخلي بيتكم يلا ادخلي، ضحكتهه قولته ليهو طيب حااضر عايزة امشي جراني عليهو وباسني في خدي مسافهه بعدها قال لي حاولي ارجعي بسرعهه ياخ البيت بلاك م عندو نكهه انا جادي قولته ليهو بصوت طفولي حاضر قال لي يلا تصبحي على خير ححاول اتصل عليك لو وصلته بدري، من غير م احس لقيت نفسي بقول ليهو ليه ماشي وين؟ضحكك ضحكه خفيفه وقال لي ماشي اصيع ه، قولته ليهو طيب يلا تصبح على خير دخلته البيت وانا مغيووظهه من كلامو الأخير ده، وراسي بودي وبجيب وبفكر ي ربي ماشي وين، بعني حيصيع وين،

شلته تلفوني إتصلته عليهو م انا قلبي ماكلني، اول م فتح الخط قال لي إشتقتي لي بالسرعهه دي، قولته ليهو ام لا بس عايزة ازكرك م تنسى ترسل لي الصوره حقت نتيجه اللنات، ضحكك قال لي لا ي شيخهه، قولته ليهو جادة انا، قال لي طيب حاضر تأمري أمر انتي، قولته ليهو وصلتهه؟ضحكك قال لي متين إتحركته من جمبك انا، قولته ليهو ام يعني قربتهه صح؟قعد يضحكك قال لي في زول شكلو غيران وعايز يعرف انا ماشي وين بالظبط

قولته ليهو منوو انا واغير لشنوو طيب يلا مع السلامهه دامكك فهمتني غلط، قال لي إنتظري م تقفلي الخط، طق قفلتو في وشو، شويه كدة رسل لي مسج محتواها "وصلته البيت اناا وم كنت ماشي اي مكان بس كنت حابب اسمع نبرهه صوتكك وهي مليانهه غيرهه كدهه اعمل شنو إذا كنت بشتاق ليك حتى وانتي معاي وتصبحي على خير "لما قريت الرسالهه قعدتهه اضحكك ياخي تعبتهه من كترهه الحب بتاعو دهه مشكلتي م بقدر اقول لناس امي راجعهه البيت وكذاا اقولها ليهم بأي وش بس

اليوم التاني مهيد إتصل علي المساء كدة حوالي الساعه 6، قولته ليهو راجع البيت؟قال لي امي عيانه شويه جيت الصيدليهه شلته ليها حبوب وراجع، قولته ليهو عمتو ليه مالها؟قال لي عندها صدام مداوم عليها عندو كم يوم، قولته ليهو م وديتها المستشفى؟قال لي لا قالت م ماشه عارفه امي م بتقتنع، قولته ليهو طيب تعالني بجاي نمشي نسوقها المستشفى، قال لي طيب، قولته لي امي مهيد دة قال امو متحسسه شويه فعلشان كدة حأمشي معاهم المستشفى وكدة، قالت لي مالها سلامتها، قولته ليها والله م عارفه، دخلته لبسته بسرعهه وانتظرتو لغاايه م جا طلعته ليهو، قولته ليهو لييه م كلمتني طالما عمتو ليلى عيانه، قال لي م جات مناسبهه ه، قولته ليهو يعني إلا تجي مناسبهه يعني

قال لي خلاص م تردحي لي اصلا عارفكك رداحهه قولته ليهو م تتبارد وبعدين انا م رداحهه قال لي طيب لساانكك طويل

ربعتهه يدي وسكتتهه منو وهو فضل يغني نظام بغيظ فيني وكدة لغاايه م وصلنا البيت اتفاجا بي عمتو واقفه في المطبخ بتطبخ، مشيت عليها قولته ليها عمتو ليلى، قالت لي شهدون حبيبتي حضنتني وسلمت علي قالت لي امك بقت كيف، قولته ليها تمام الحمدلله واقفه في المطبخ لييه، قالت لي بجهز في الغداء قولته ليها غداء شنو البتجهزيهو وانتي عيانه خلي مهيد يجيب ليك جاهز وبعدين ليه م إتصلتي علي كلمتيني؟قالت لي بإستغراب عيانهه؟منو القال ليك انا عيانه بري نصيحهه نحمدالله، قولته ليها كيف يعني؟إتلفته جمب باب المطبخ لقيت مهيد مربع يديهو وبضحكك، قولته ليها يعني إنتي م عيانه؟ضحكت قالت لي مهيد غشاك صح؟

قولته ليهو والله الليله م اخليك قال لي اهدي و قام جاري قمته جاريه وراه لغاايه م دخل غرفتو حصلتو صربتو وعضيتو في يدو قولته ليهو بتغشني انا، وهو طبعا طويل بس بحاول اصل ليهو في النهايه رماني في السرير ووقع علي بقيت اتقالع معاه قولته ليهو كمان بتكذب علي، قال لي اعمل شنو مشتاق ليك ياخ لو م كذبتهه م كنتي حتجي، قولته ليهو والله؟قال لي خلاص بطلي قولته ليهو طيب زح مني عايزة اطلع، قال لي لا عايز يبوسني قولته ليها بصوت عالي عمتو ليلى زحيت منو ونزلته، قال لي سجم، قولته ليهو غيااظ

قال لي طيب تعالي نتفاهم بس، قولته ليهو ابيت، قال لي شافعه عبيطهه، قولته ليهو شوف الشافعه دي تاني كان اتكلمت معاك قعد يضحكك وهو ماسك المسند في يدو قال لي طيب انتي حرهه

إتغظتهه طبعا لأنو إتعامل معي ببرود نظام م بهمو وكدة، طلعته مشيت لعمتو ليلى قعدت تضحكك قالت لي والله لكن مهيد إتلوم معاك، قولته ليها غيااظ وانا صدقتهه، قالت لي معليش وبعدين انا بقيت براي في البيت والله زي الشيطان افضل تقعدي معي تغزريني انا بس قولته م اكلمكك عشان امك وكدة، قعدته اجهز معاها في الغداء قالت لي طبعا روابي سافرت، قولته ليها وين؟قالت لي قطر رجعو عندهم كم يوم، قولته ليها يااخي؟قالت لي والله انا زاتي م عرفته الا من إسلام عمه مهيد، قولته ليها ايواا، ملامح وشي إتغيرت طبعاا يعني بعد الحصل والعرفتو شي طبيعي انها م تقعد في البلد دي، صراحهه حتى انا لو بي يدي م اعيش فيها لأنو انا اكتر إنسانه بطنها طامهه

قعدنا في صفرهه الغداء انا اشيل واحمر لمهيد وهو يتبسم سااي ويرفع في حاجبو عمتو ليلى قالت لينا م تبقو لي زي الديوك دة يحمر ودة يتبسم وانا في نصكم نزلته عيوني، اليوم التاني إتصلت علي هدييل، رديت، قالت لي سجم، قولته ليها اهلين، قالت لي في عينكك كيفكك، قولته ليها الحمدلله وانتي؟قالت لي تمام اسمعي ي منفسنه انتي معانا في مشروع التخرج ع فكرهه، قولته ليها معاكم؟قالت لي شكلك ناسيه انو في حاجه اسمها مشروع تخرج ي بت إنتي هطلهه

قولته ليها م ناسيه والله بالعكس قبل يومين كنت فاتحاهو، قالت لي انا وانتي وعبدوش واقعين مع بعض، قولته ليها عبدوش دة اللي هو عبدالله البروف بتاعنا؟قالت لي بالظابط كدهه، ضحكتهه قولته ليها ي ولاد المحظوظهه

قالت لي اي حظنا ضارب شديد يلا عايني انا رسلته ليك تفاصيل المشروع كلها في الإيميل بتاعكك لقيتيها صح، قولته ليها ايوة ايزة، قالت انا بكره بجيك وبحاول اوضح ليك الفكرهه الأساسيه المفروض نناقش بعد اسبوعين لكن مدوهو شهر قدام ودي حاجه كويسه معانا وبعدين انا وعبدوش شبه خلصنا المشروع لكن م عايزنك تدخلي وانتي م فاهمهه حاجه وتجوطي لينا الأمور قولته ليها طيب حااضر

، وبالفعل عدت فتره الشهر وانا كل إنشغالي كان بالمشروع بس واغلب الوقت بكون في الجامعه علشان شغالين فيهو وكدة، يوم المنااقشهه كنت خاايفهه ومتوترهه وم نمتهه بالليل اصلا كنا لابسين كحلي، مهيد وصلني لغاايه الجامعه وطول الطريق بهدي فيني وبقول لي ركزي حبيبي م تتوتري كل م إتوترتي بتطيري المعلومات من راسكك فاهمهه وبعدين م تفكري إنو الحواليك في ناس وكبار وكدة إتخيلي نفسك براك في الغرفه زي م عملتي معاي امس وبس وم تنسي الأيه "لا إله إلا انت سبحانك إني كنت من الظالمين"، قولته ليهو حاضر، قال لي يلا، دخلته الجامعه مع زمن المناقشه بتلزبط والمناقشهه بدت وانا خلاص اعصابي باظت، لما دورنا جا انا كنت اول واحدة وماخدة ابسط جزئيه من المشروع

والله م عارفه نفسي وقفته كيف وقولته شنو المهم خلصنا وطلعنا نصرخ ونجووط وعملنا موضوع، مهيد إتصل علي اول م رديت قال لي خلصتو؟قولته ليهو ايوة، قال لي يلا انا قدام الجامعه اطلعي، قولته ليهو م جادي طبعا، قال لي يلا منتظركك، طلعته لقيتو واقف، قولته ليهو من قبيل واقف انت؟؟قال لي لا طبعا مشيت وجيت راجع منتظر عندي نص ساعه كدهه ه، قولته ليهو طيب حلو، قال لي ام شهد، قولته ليهو ايوة، قال لي المفروض نمشي على ناس امك، قولته ليهو بخلعه لييه امي حاصله عليها حاجه؟قال لي لا، قولته ليهو طيب في شنو؟قال لي لما نمشي حتعرفي كل حاجه، قولته ليهو مهيد انا م حأستحمل لما نصل، اتحرك وهو ماشي وانا بزن على راسو، قال لي طيب صراحه ي شهد امك قبلوها في اللوتري هي واختك اليف الصغيره قبل فتره اسبوعين كدة عرفته بالموضوع دة وخفتهه اكلمكك لأنو خفتهه تتشوشي وم تشتغلي المشروع كويس، قولته ليهو كيف يعني؟يعني ناس امي مسافرين؟قال لي مفروض تعرفي ابدر بس انا، بديت ابكي، لغاايه م وصلنا البيت نزلته دخلته البيت لقيت خالاتي وناس حبوبه كلهم ملمومين سلمته عليهم كانو بلمو في عفش البيت، قولته ليها امي لييه م كلمتوني

قالت لي والله ي بتي عشان انتي عندك فتره شغاله في المشروع، بقيت ابكي وهم بقو يحنسو فيني، ملك قالت لي عايني حتى انا من حظي المنحس م شالوني شالو براءة واليف وامي وبس، يعني انا قاعدة معاك في البلد الطين دي لمن اتخارج منها، قولته ليهم بتلمو في العفش لييه ماشين متين انتو؟امي قالت لي بعد بكره بنتحرك القاهره بنتلاقى مع براءة هناك وبنساافر، لما قالت لي كدة ي دووب زدتهه في البكى زيادة، يااخي ماف اصعب من كدة والله

فضلته قااعدة معاهم وامي توصي فيني سااي خلي بالك من نفسك، ومهما الدنيا دي دقتك ي بتي م تستسلمي ليهاا ابداا، نحن البلد دي هلكتنا خلاص وشالت مننا اكتر من ما ادتنا عشان كدة قولنا نمشي ي بتي احسن لينا من دة كلوو وان شاءالله لو ربنا مدة في العمر بااقي وحين كدة وفي امان الله بنتلاقى، قولته ليها ي امي م تقولي كدة ياخي

بقت هي تبكي وانا بلكي وملك تبكي، قبل سفرهم بي يوم شلنا ليلنا دة كلوو بكى، المساء لما جا زمن المطار كانو ماجرين إستايركس ماشين بيها المطار كلهم، مهيد جا ساقني انا، طوول الطريق انا ببكي حتى هو م كان قاادر يهديني لأنو كان بنفس الحاله، لغاايه م وصلنا المطار، امي ساقتو على جنب قالت ليهو بتي دي امانه في رقبتكك ليوم الدين ي ولدي الدنيا م معروفه لكن عليك الله ابقى ليها ابو واخو قبل م تبقى ليها راجل، م تقول م عندها ولي انت ابقى وليها، قال ليها عمتي ابشري اصلا انا ابوها واخوها قبل م احسبها مرتي وإن شاءالله م حيجي يوم شهد تشكي ليك فيهو مني شهد بكلامكك دة حاليا بالنسبه لي امانهه وربنا بسألني منها يوم يوم الوقف العظيم وإن شاءالله دايما حتكون في الحفظ والصون، قالت ليهو دة الراجياهو منك ي ولدي، قال ليها عمتي، قال ليها ايوة، قال لينا نحن اصلا قاعدين برانا والبيت فاضي وشهد اغلب الوقت م ليها غير امي إذا ممكن ملك تقعد معاهم ومنها تغزر اختها، قالت ليهو هي لكن ي ولدي، قال ليها م لكن ولا اي شي انا كلمته شهد لكن قالت لي الشوره شورة امي اصلا م فضل ليهم غير بعض بدل م كل واحدة تقعد بإتجاه يكونو مع بعض في حته واحدة، سكتت مساافه بعدها قالت ليهو كويس، قال ليها إن شاءالله ربنا يوصلكم بألف سلامه ي رب، اصعب لحظه كانت لما جيت اودع امي واشوفها وهي داخلهه صاله المغادره واليف اختي رافعه لي يدها م عارفه بس يمكن دة إحساس الفقد الكان بحكي لي عنو مهيد، بكيت كدة في المطار لمن قعدته في الأرض زي الشافعهه ومهيد بقى يهدي فيني ويرفعني من الأرض في النهايه ضماني وبقى يبكي معاي هو زاتو كان ماسك نفسو، وعمتو ليلى ماسكه ملك وتهدي فيها، بعدها رجعنا، ملك رجعت مع خالاتي البيت قالت لي اشيل حجاتي وبجي عليكم بكرهه، قولته ليها طيب، رجعنا البيت وانا مخنوقه ومن البكى م قادرهه اتنفس م قادرهه استوعب إنو امي خلاص يعني مشت وي ريت لو مكان قريب امريكا بحالها وي ريت لو بقدر اتوقع جيتها بعد شهر او شهرين لأ دي مشت بالمرهه، دخلته غرفتي وقعدته جمب سريري في الأرض وبقيت ابكي، مهيد جا قعد جمبي، قولته ليهو خسرتها صح؟قال لي لأ ابداا م خسرتيها ي شهد، قولته ليهو بطنها طامه من البلد ومن الظروف الجبرتها ترتكب الأغلاط دي في حياتها علشان كدة إختارت تبعد، قال لي يمكن الحاجه دي افضل بالنسبه ليها ي شهد فكري في الناحيه الإيجابيه حتمشي وتستقر وتأمن مستقبل اختك ودراستها فاهماني إنتي صح؟سكتته، قال لي الفرص دي بتجي مره واحدة في العمر افضل الواحد يستغلها وبعدين البلد دي الرجال بقو يهربو منها خليك من مره بتحمله مسؤليه، قولته ليهو طيب وانا؟قال لي إنتي انا معاك ولا م شايفاني؟وملك، وامي، وعماتي، وخلاتك وحبوبتكك، جيش كاامل معاك وي ستي لو م معاك زول ابدا ممكن إتعتبريني انا كتيبهه كاملهه ورااك، م هتخلي ولاوهخلي الدنيا تجي عليك في يوم اكتر من كدة كفايه لغايه هنا، مسك يدي وضغط عليها وقال لي م حاقول ليك إعتبريني ابوك واخوك وامك والكلام دة لأ ابدا، إعتبريني ملجأ، او كتاب، او دفتر، وقت م إحتجتي تعالي علي وانا دايما حأكون موجود ليك، ضماني وكمل كلامو ب"إعتبري حضني دة غرفهه فاضيهه خاصهه بيكم إنتي وبس وقت م حسيتي نفسك مهمومه متضايقه قرفانه من كل شي حواليك او حتى ابسط شي تعالي إترمي فيهو وان شاءالله دايما ايامنا كلها حتكون فرح لو في بكى حنبكي من السعادهه بس م حاقول ليك اوعدكك بكدة بس طول م انا هنا حأعمل كل البطلع بي يدي عشان انتي تكوني بخير...

نتلاقى®