الفصل التاسع

؟بعد مسااافهه جاني صووت بكى وتنهيدات بعدها سمعتهه صوت مبحوح بقول لي حقكك علي ي شهد، من الصوت انا تلقائيا اتحدتت لي هويه المتصل وفجاهه جاتني رعشهه كده وجدعتهه التلفون في الأرض وطلعته من الغرفهه من غير م احس وجريت دخلته الحمام، حتى صوتو بقى يحسسني بالقرف، متخيلين معي اكتر زول انت خاتي كل ثقتكك فيهو ومتعلق بيهو اكتر من نفسكك وفجاهه يطلع من نفسكك لدرجه انو حتى صوتو يتحول من حالهه راحهه نفسيهه وإطمئنان لي خووف وهلع، فضلته جوة الحمام ربع ساعهه بعدها امي جات عايزة تدخل طلعته، قالت لي مالكك، عاينته ليها ولفيت وشي منها قولته ليها ماف شي، رجعتهه غرفتي وإتغطيت وبقيت أبكي، ببكي على الزمن الختاني في الموقف دة، في الكسرهه الإتكسرتها، في ثقتي الإنعدمت حتى في نفسي، على دوامه الرعب الانا عايشهه فيها وم عارفه اعمل شنو ولا قادره امسك زول واحكي ليهو انا حاصل معي شنو بالظبط حتى اقرب الاقربين لي م قادره احكي ليهم لأنو تصرف طالع من زول كان بمثل جزؤ من محور حياتي فاكيد اللوم حيقع علي انا خصوصا انو مجتمعنا بقى قذر جدا وتفكيرو سطحي وعقيم حتى لو حكيت هيقولو سيناريو م اكتر

والشعور الاكتر من كدة قرف إنو في اليوم دة وفي اللحظهه دي مفروض انا كان اكون بتكلم مع مهيد وبتهابل معاه وبشغلها ليهو وهو يقول لي شهد انا نعسان اقطعي وشكك وكل عام وانتي م عيدي ولا اي شي ي زولهه، بس حصل العكس وهو اتصل علشان يعتزر على عملتو العملها فيني، هو فااكر انو الإعتزار دة حيخليني اغفر ليهو مثلا، حيرجع لي الاخدو مني؟حيخليني اقيف زي م كنت؟

اليوم التاني كان صباح العيد، بس انا بالنسبه لي جحيم، م بشملني ولا بمثلني اتغطيت وطفيت انوار غرفتي وقفلتها علي وفضلته نايمهه، الباب دق، عملته نفسي نايمه، امي قالت لي ي بت شهد وولعت النور وجرت مني البكانيه، قالت لي قومي الليله العيد في زول بنوم للزمن دة، قولته ليها امي يااخ انا م نفسي اقوم خليني نايمه، قالت لي قومي انزلي غسلي وشكك دة واتسوكي واشربي الشاي م شايفه نفسكك عاملهه كيف يعني؟قومي، نزلتني بالغصب، مشيت الحمام إستحميت واول م وقفته قدام المرايه إنهرتهه وإتفقعتهه بكى انا خلاص بقيت باهتهه، وبااهتهه شديد كمان، م عندي نفس للحياة دي، المفروض اليوم دة انا افرح فيهو زي وزي الناس بس انا حاصل معي العكس

غسلته وشي وطلعته، لقيت ملك بتعيد على امي، اول م شافتني قالت لي شهودة كل سنهه وانتي الطيبهه عااد والسنه الجايه انتي خريجهه وانا عروووس ااي لازم اعرس قبليكك ي بطهه إبتسمته إبتسامه خفيفه ودموعي كانت مختلطه بالمويه الفي وشي م ظاهره، قولته ليها إن شاءالله، امي قالت لي كل سنه وانتي طيبه ي بتي وان شاءالله اعيش واشوفكك خريجه وفي بيت عدلكك إن شاءالله، حضنتها وقعدته ابكي، ملك قالت ليها فجاهه شهد بقت حساسهه زيادة عن اللزوم اسي الببكي شنو إتصنعتهه الضحكهه وقولته ليها علشان قالت لي اشوفكك في بيت عدلك بعد تتخرجي

ملك قالت لي شيلي ملابسك الجبتها ليك من الشنطه جوة طيب

قعدته شربته الشاي وسرحته لي اليف شعرها، شويه كدة بعد صلاة العيد، الناس بقت داخله ومارقه الجيران وكدة، وانا صوت اي راجل بقى بخلعني وبدخلني في رعب علشان كدة دخلته غرفتي وقفلته بابي علي، حوالي الساعه 10 كدة طلعته مشيت المطبخ، وفجاهه بابنا ضرب، امي قالت لي خليك واقفهه لي في البطاطس دة لمن اجي راجعه، طلعت عايزة تفتح الباب ملك طلعت من غرفتعا قالت ليها خلي انا بفتح، امي قالت ليها خلاص كويس، شويهه كدة سمعتهه ملك بتسلم وبتقول ااي عرووس وفي اقرب وقت يااخ كماان خلاص لقد هرمناا يااخ

وشويهه كدة قالت إتفضلو، مهيد عاااش من شااافكك ياااخ اتفضل مالكك متردد في الدخول كدهه اتفضل اتفضل، امجد ضحكك قال ليها والله جايبو معي غصب هو زاتو م عارف كان جاين هنا، طبعا انا فجاهه جوه المطبخ رميت الكمشهه من يدي وبقيت ارجف، امي بقت تسلم عليهم برهه وانا جوة راسي لفهه وبقول لنفسي كمان جاي بيتنا، بعد دة كلوو وجااي بيتناا، فجاهه سمعتهه امجد قال "شهد وين ي جماعهه مختفيهه، امي قالت ليهو في المطبخ قااعدة، ضحك قال ليها بقت ست بيت وكدة، امي قعدت تضححكك، امي جات المطبخ لقت البطاطس حرق وانا واقفهه وبرجف، طفت البتوجاز ومسكتني قالت لي ي بت شههد مالك؟شههد، قولته ليها ماف، ماف شي، بس حاسي بنفسي راسي لافي، قالت لي قولته ليك تمشي الدكتور نهائي م بتسمعي الكلام انا عارفه دة البحصل، فجاهه م حسيت بروحي إلا وانا واقعه في امي، امي بقت تنادي على ملك وبتقول ليها تعالي بسرعه، ملك اول م جات وقفت قالت ليها شهههد مالهاا ي امي؟امي قالت ليها داخت فجاهه شيليها معاي، طلعو وهم شايلني وانا م بين واعيه وم واعيه، امجد قام على حيلو قال ليهم ي سااتر مالهاا؟امي قالت ليهو عندها كم يوم تعبانه، قال ليهم دقيقه، مسكني منهم وانا حيلي ميت بس حاولته ابعدو والزو علشان م يهبشني، اما مهيييد كان متجمد وقاعد في محلو وجسمو كلو ناازل مويهه، أحمد وصلني الغرفه قال ليهم جهزوها نوديها المستشفى، امي جابت مويه وريحهه بقت ترشهم علي، شويه كدة وعيين لقيت امي وامجد وملك واقفين وبصحو فيني، اول م شوفته امجد اخلعتهه وجريت البطانيه اتغطيت بيهاا، امجد قال لي عوافيك إن شاءالله ي شهد مالكك ي زوله؟سكتته م رديت عليهو، قال لي امي جهزوها نوديها المستشفى، قولته ليهو وانا تحت البطانيه م عايزة امشي المستشفى ولا ااي شي بس خلوني ارتاح شويه انا كويسهه، امي قالت لي شهد اسمعي الكلام، قولته ليها امي كلامي واضح انا ممكن تطلعو لي من غرفتي؟طلعو وقفلوها ومن لحظتها تاني رجعته لنقطه الصفر ولنفس حاله البكى والتوتر الكنت فيها اول يوم، م اتوقعته تكون عندو قوة عين لدرجه انو يجي بيتنا

امجد لما طلع لقى مهيد ماف، قال ليهم دة كمان مشى وين؟كدة اشوفو، طلع الشارع م لقاهو، إتصل عليهو تلفون م رد، جا راجع قال لي ملك مهيد دة شكلو عندو مشوار ضروري مشى المهم انا ماشي وشهد لو تعبت تحت اي لحظه اتصلي علي انا بجي بمشي معاكم المستشفى تمام؟قالت ليهو تمام إن شاءالله، بعد امجد مشى، امي بقت مقلقه وماشه وجايه قالت لي ملك شهد دي اصلا م طبيعيهه، ، البت دي تكون مالها ي ربي الحاصل عليها شنوو؟كدة امشي لي شيخ الجامع دة بعدين يجي يعمل ليها رقيه شرعيهه، ملك قالت ليها م محتاج اعمليها ليها انتي براك انا عندي الطريقهه في التلفون وختي جنبها المصحف وهي زاتها خليها تقرا قرءان كتيير، امي قالت ليها والله كان عارفه سفرتي دي بتعمل فيها كدة م كان سافرته اختكك دي ملامحها لمن إتغيرت م شايفاها بقت كيف؟ملك قالت ليها غريبه مع انها كانت كويسهه، يوم العيد عدة واليوم البعديهو برضو، اليوم التالت جوني اسيل وهديل، اريج كانت مسافره، هديل اول م شافتني قالت لي شههد بسم الله في شنو مالك الحاصل عليك شنو انتي!؟قولته ليها ماف شي عيانه بس، امي قالت ليها قدر م حنسناها تمشي الدكتور حلفت بالذي خلقها م بتمشي ي بناتي، اسيل قالت لي انتي م جادة طبعا وبعدين في الايام القليله دي بس ملامحكك دي بفت كدة؟ شهد بتبالغي طبعاا، قولته ليهم انا كويسهه والله، قعدو يتونسو كداا مع ملك ومغي، وانا مره اسرح ومره ارجع اتونس معاهم واتصنع الضحكك، دخلته غرفتي عايزة اجيب حاجه هديل جات لاحقاني ومسكتني وبقت تعاين لي مساافهه، ضحكتهه قولته ليها مالك ه، قالت لي شهد انا بعرفكك اكتر من نفسي وحالتكك الانتي فيها دي م سااي قولي لي مالك الحاصل عليك شنوو بالظبط؟سكتته مسااافهه بعدها ضحكته قولته ليها ماف شي والله، قالت لي شههد انا هديل ع فكره م زول تاني، قولته ليها وانا شهد إتشرفناا

قالت لي م تستظرفي وانتي في الف دمعه في عينكك، قولته ليها دمعهه ولا سليقهه ي بت انتي هبلهه ماف شي والله بس مرهقهه شويه، قالت لي هحاول اصدقكك وانا م مقتنعهه بكدة قولته ليها صدقي صدقي انا فل أوبيشن والله، طلعنا قعدنا فجاهه هدييل قالت لي امي طبعا ي خالتو عمر اخوي عجبتو شهد دي وقال دايرهاا، قعدتهه اضحكك قولته ليها ههههه محمد يخلي الجكس الطبي العندو كلها ويعاين لي انا، امي قالت ليها مالو عاااد والله الولد ولدنا والبت بتكم طواالي بنديكم ليها، هديل قالت ليها يعني اديتينا النور الأخضر ي خالتو، ملك قالت ليها عاااد ان شاءالله صحبتي عااد انتي

اسيل قالت ليها مخيير الله ونحن م بشوفونا ولا م بشوفوناا هديل قالت ليها انتو م شافوكم بالجلباب لكن اسييل قالت ليها وااااااي زكرتيني اهااا علشااان كدااااا وقعدت تضحكك قولته ليهم تافهاات اليوم عدة على كدة، المساء هدييل ضربت لي بالليل بتلفون امي لانو تلفوني مقفول، قالت لي ي سجم برسل ليك واتسب مالك م داخله؟ قولته ليها تلفوني مقفول، قالت لي امممم طيب ي منفسنهه عايزة اقول ليك انا جادة في الموضوع القبيل ع فكره، قولته ليها اي موضوع م فهمتهه؟قالت لي موضوع عمر اخووي، سكتته مسااااااااافهه قولته ليها بصوت خافض كييف؟قالت لي كيف كيف يعني

عمر جاادي قال لي عايز صحبتك شهد قالك بالاسم عدييل كدة قال لو وافقتي هو هيكلم امي ونجي نتقدم ليك رسمي وبعدين يااخ انا لاقيااك وييين صحبتي وحتبقي مرهه اخووي واااااي دة الحظ الضااارب زااتو البقولو عليهو قولته ليها ام، قالت لي عايني انا هديل م واحدة غريبه، وانا اصلا عارفاك مكسرهه في عمر اخوي فشنوو عارفه رايكك هيكون شنو بس برضو قولته اخد رايكك قبل م اتهور، قولته ليها هديل دقيقه دقيقه، قالت لي اتقلي براحتكك ي بيبي م مستعجلين نحن ع فكرهه

قولته ليها هديل افهميني انا م زولهه زواج اسي بالجد وم بفكر فيهو خالص وانتي عارفه كدة، سكتت مساافهه بعدها قالت لي اممممم طيب ممكن سؤال؟قولته ليها ع طول، قالت لي السبب في كدة مهييد؟قولته ليها بخلعه مهييبد؟كيف يعني سبب في شنو قصدكك؟قالت لي مالك منفعلهه كدة ي بت روقي قصدي م حتوافقي على عمر علشان مهيد؟قولته ليها لأ، لأ طبعا بس انا اساسا م بفكر في الزواج دة السبب هنا، قالت لي طيب، قولته ليها م تزعلي مني، قالت لي ي بت انتي هبلهه ازعل منكك في شنو متخلفهه دي

طبعا امي شاكلتني علشان رفضته وكدة وعملو لي بيهو برناامج في الطالعه والنازلهه، بس هم م عارفين عواقب الحاجه دي، م عارفين اذا انا وافقته هكون بكذب على نفسي وعلى هديل واخوها ويمكن بسبب الحاجه دي انا اخسرهاا عدة علي شهر تقريبااا انا على نفس الحال م إتغير فيني شنو م بطلع من البيت وم بعرف الصباح من المساء وم عارفه شي بس كائن وبتنفس وجامعتي كانت قربت تفتح، في يوم يوم امي جاتهاا مكالمهه حوالي الساعه 10 مساء كانو قاعدين هي وملك فجاهه سمعتهه صوت زغاريد وفجاهه باب غرفتي فتح، ملك قالت لي زغرررتي ي إنشرااح قالت لي وااااي ي شهههد انا م مصدقهه، كنت برتب في ملابسي، قولته ليها مالك، امي قالت ليها اسكتي وبطلي اللقافهه انتي، امي قالت لي كدة ي شهد ي بتي اقعدي كدة، قعدته بقيت اعاين ليهم هي وملك، امي قالت لي اتقدم ليك كابتن طيرن رفضتي، واتقدم ليك اخو صحبتكك وبرضو رفضتي، مالكك انتي ي شهد ي بتي بترفسي النعمهه برجلكك؟بقيت اعاين ليهم قولته ليهم ماف شي بسس م بفكر في العرس اسي انا عايزة اتخرج واشتغل وبس، امي قالت لي الزمن م بسمح لي دة كلو والحياة دي قصيره، والعمر م مضمون وانا دايره افرح بيكم ي بناتي، دايره نهايه تعبي دة اشوفكم في بيوتكم متهنين ومتستتين في بيوت رجالكم كفايهه علي حرقهه قلبي على اختكم الكبيرهه وشلهتتها المتشلهتاها في الغربه وم بتسمع كلامي قدر م حنستها ترجع حلفت كان ترجع، م تبقو علي انتو كمان البت دايرة شنو غير ود ناس يحفظها وبستر عليها وبخاف الله فيها؟دايره حاجه تانيه؟ملك قالت ليها Noo بس م كلهم بقو اولاد حلال ي امي دي المشكلهه

قالت ليها اولاد الحلال رااقدين بس انتو بتعزلوو، ملك قالت ليها ي امي إختصري، امي قالت لي اسي ضرب لي امجد صاحب مهييد إتكلم معاي لما قالت لي كدة قلعتهه عيوني وبقيت اعاين ليها، كملت كلامها وقالت لي اداني مهييد زاتو اتكلم معي، ملك قاطعتهاا قالت لي شهد بالمختصر المفيد من غير ااي فلسفهه كتيرهه "مهيد دة قال دااايركك بالباب عدييل كدة وطلب يدكك من امي وبس"طبعا انا احتجته 60 ثانيهه علشان استوعب هي قالت شنو وبقيت قاعدة مخلوعه بعاين لي امي وبعاين لي ملكك مصدومهه طبعا، امي قالت لي ولد مهذب وراااجل بمعنى الكلمهه يعني م رااااجل بسس وانتي عارفه الولد دة وقف معانا كيف وعمل عشانا شنو، ملك قالت لي وبعدين راااجل هيبهه وجمال وشخصيهه وكل ستهه في حتهه غاايتو ي شهد لو طيرتيهو من يدكك تكوني متخلفهه، امي قالت ليها ي زوله هيي المرتين الاوائل كانت عندها خيار ورفضت المره دي الولد دة نحن م بنقدر نرفضو وانا زاتي اديتو كلمتي قولته ليهو بكلم ابوهاا وانت ولدناا م بتطلع منكك ابداا، الزمن دة البيوت بقت تشتري رجاال، قولته ليها كيف اديتو كلمتكك انا م عايزاهو حتغصبوني عليهو يعني؟لا مهييد ولا وااحد غيرو انا م عايزه اتزوج م عايزة اتزوووج تمام، كلامي دة وووواضحح كدة صحح؟امي قالت مالو عيبو شنو بس كدة قولي لي بس؟نسيتي العملو عشانك الولد دة؟نسيتي الوقفه الوقفها معانااا؟قولته ليها وقف معاانا بسس انتي م... الكلام كان في طرف لسااني بس بلعتو وسكتته، ملك قالت لي شههد دة مهييد ع فكرهه وانتي عايزااهو وميتته فيهو موووت بس بتتعولقي الحركات دي نحن فاهمنها

، انا كلمه مهييد دي صداها بقى يتردد جوة راسي كأنو صداع دايم، امي ضحكت قالت ليها اصلا هي دايراهو بس دايره تتعاور، المهم اتعاوري زي م دايرة نحن ادينا الولد كلمتناا، طلعو من الغرفهه وانا خلاص القعاد غلبني بقيت ماشه وجايه اكل في ضفوري، فكرته اتصل عليهو واسمعو وسخخ إضنيهو بسس م عندي الشجاعهه بكدة انا بخاف منوو شديد اليوم التاني طلعته لقيت امي بتتكلم بالتلفون وبتقول"ااي والله ي امي، زول كويس والله ماشاءالله عليهو م فيهو قول، ان شاءالله ربنا يكتب الفيهو الخيير، ان شاءالله ي رب سعد البنيات كلهن، ، ااي والله البت عدلها بيتها

فضلته واقفه بعاين ليها، بعد م خلصت قولته ليها امي انتي لحقتي تكلمي اهلك بالموضوع؟القال ليك انا موافقهه منو اساساا؟طبعا انو متحمسهه للموضوع بالزات انو الموضوع متعلق بمهيد وكدة، قالت لي ي بت ها بطلي جنكك دة انتي احسن من مهيد دة تاني بتلقي؟؟ولد خلقهه واخلاق والله في زمنا دة الرجال بفتشو ليهم بالقروش م بلقوهم، دايرة شنو انتي، تقعي في واحد زي ابوووك دة؟بكره يجدعكك ويرميك رميه الكلاب زي الما بعرفكك، قولته ليها امي انا م عايزة اتزوووج انتي ليه م عايزة تفهمي الحته دي انتي وبعدين دي حياتي انا ولا حيااتكم انتوو؟؟قالت لي عنكك م عرستي وعنكك م شوفتي ليك عدل فجاهه انفعلت وبقت تجووط وتقول انا تعبته فيكم وربيتكم عمري دهه كلو تعبانه بربي فيكم سااي، طلعتو لي بنات ماشين بكيفكم وم بتسمعو كلامي ولا كاني انا الوالداكم وتعبانه فيكم، عمري دة كلو فنيتو فيكم ساااي وانتو حتى م كايسين رضااي، م بتسمعو كلامو ي خسارهه ولادتي وتربيتي وشقااي عشان في النهايهه تجي واحدة فيكم تقول لي انا طالعه من البيت دة وتاني م راجعه عايشه حياتي مرتاحه بعيد منكم وتجي التانيه تقول لي دي حياتي ولا حياااتكم بجججد ي خسارهه ياخ و...خليتها تهرج وتجووط دخلته غرفتي وقفلته علي الباب وقعدته ابكي، عدة اسبووع لا هي بتتكلم معي ولا مع واحدة مننا غير اليف، امي عندها عادة لما تزعل من واحد فينا بتقفل مننا كلنا، وامي من النوع اللي لما يزعل لا بتاكل ولا بتشرب الا بعد م ترووق والزعلهه تفكك منهاا، انا كنت بحاول اتكلم معاها بس هي كانت بتصدني وم بتفتح خشمها معي، لغاايه م في يوم ملك قالت لي شهد امي دي عيانهه انا ماشه معاها المستشفى وجايه، قولته ليها ليه مالها؟قالت لي م عارفه قالت عندها صداع شديد عندها كم يووم بتااخد حبوب بس اسي قالت حاسهه بهبوط شديد كدة نمشي نشوفها مالها، قولته ليها انتظري انا ماشه معاكم، بالفعل مشينا لما مشيناا، الدكتور اول حاجه اداها درب، بعد م الدرب خلص قال لينا اعملو ليها الفحوصات دي، عملنا الفحوصات وفضلنا قااعدين لغايه م النتايج طلعت الدكتور قال ليناا السكري بتاعها مرتفع شديد، قولته ليهو سكري؟امي م عندها سكري لكن

ملك قالت ليهو كيف يعني سكري؟؟الدكتور قال لينا ظاهر عندنا هنا في النتايج المهم مبدئيا حاكتب ليها العلاجات دي حاولو نظموها ليها ونظمو ليها الأكل و...بعد خلص رجعنا البيت طبعا م قلنا ليها الدكتور قال سكري او كدة، انا في اللحظهه دي ضميري انبني بقيت قاعدة مع نفسي وبفككر امي لو م زعلت مني دة كلو م كان حاصل مع انو الموضوع م بستاهل الزعل دهه كلوو طيب انا في الحالهه دي اعمل شنووو بسس ياااخ انا كمان المستحملاه وم قادرهه احكيه اكتر من كل شيئ

ملك بالليل جاتني فايرة ومتدفقهه قالت لي عاجباك حاله امي الحصلت ليها بسببكك دي ي شهد؟ولشنو وعلشان شنو؟مهيييد انتي اساسا بتحبيهو وميتهه عليهو ي شهد وم تكزبي وتكابري انا عارفه وانتي عارفهه ي شهد بطلي حركاتكك البتعملي فيها دي، امي دي وينو عمرها اللمن يجيها فيهو سكري؟وبعدين مش دة مهيد الكنتي قايمه وقاعدة بيهو وم بغيب من لسانك فجأهه خلاص لما قال دايركك عملتي نفسك م شايفاه؟لو عندك معاه مشكله اقعدي حليها م اكزب عليك انا حاولته اتكلم معاه بس برضو هو متحفظ وم وضح لي شي بس بما انو طلب يدكك رسمي معناها المشكله من طرفكك بسس م اكتر، الحظ دة بضرب مع الزول مرهه واحدة في العمر وم اي زول بلقى الحاجه النفسو فيها وانتي اسي عينكك على الحاجه العايزاها ورافساها برجلكك متخلفهه انتي؟؟بقيت خاته يدي في إضني من كلامهاا، بعد م طلعت فضلته طول الليله صااحيهه وببكي وم عارفه اعمل شنو بالظبط إتمنيت ربنا ياخدني ويريحني من الحياة المقرفهه دي يااخ م حياة ولا ااااي شي

الصباح صحيت بدري نضفته البيت وغسلته العدة وجهزته الشاي شلتو وديتو لي امي قولته ليها صباح الخييير على الخيير كلو سكتت، ضحكتهه ورفعتهه ليها حاجبي قولته ليها ي حجهه بطلي حركاتكك دي يااخ خلااص حقكك علي م تزعلي وبوستها في راسها وفي خدهاا قولته ليها امممممممممممححح قولته ليها طيب اسمعي البشارهه السمحهه دي طيب، عاينت لي وسكتت، قولته ليها طيب اساليني قولي لي في شنو سكتت، قولته ليها خلاص م تساليني اصلا في كل الاحوال حأحكي ليكك المهم اسمعي انا موافقهه اتزوج مهييد ه

"قولته ليها كدة وغطيت وشي بي يدي"بقت تعاين لي وهي سااكتهه، قولته ليها جادة والله انااا اصلا دي كانت حركات مني ساااي نظام عايزة اتقل عليكم وعليهو وكدة بس اساسا انا راجل افضل من مهييد حالقاهو ويين وانتي مختاراهو لي بزات نفسكك يبقى انتي اكييد م حتختاري لي إلا الأفضل والإنتي شايفاه سيد الرجال كمان ولا م كدهه ه ...

نتلاقى®