الجزء 2

بقلم: منى الريح

الجزء 06

ريان:- المهم اسي ان عرفت الحقيقه واكيد م حاديهو فرصه ان يكسرني تاني

بسام:- ايوا دي ريان القوبه العرفتها من كنت صغير.

ريان:- شكرا لانك استمعت لي وياريت خالد م يعرف لان اكيد حيعمل مشاكل معاه ودا العايزو حسام لكن انا م حاخليه يصل ليه

بسام:- لالا تشكريني ع شنو ي بت الخاله ي غاليه.... وانا موجود لو ضايقك ف اي وقت تكلميني طوااالي فااهمه

ريان:- حاضر ان شا الله

بسام:- يلا انا جيت اكلمك ان تتجهزي عشان طالعبن بعد شويه افسحكم لان الايام الفاتت م كنتو فاضين مع الشيله...

ريان:- حاضر طيب ربع ساعه واجهز

بسام:- يلا طيب بستناكم تحت...

خرج بسام من الغرفه وترك ريان حائره من نفسها كيف تحدثت وبحريه مع اكثر شخص كانت لا تطيقه ولماذا هي لا تطيقه ولم تري منه شئ سئ ... تعجبت من الظروف التي جعلتها تلجأ الي اكثر شخص تكرهه وايضا تجعل كرهها يتحول الي اعجاب بسيط... فبسام رغم ان ريان منذ صغرها لم تعامله جيدا الا انه لم يغير تعامله معها.... تجهزت ريان وطلعت الي ساره ... اما ام ساره فتعذرت لانها لا تستطيع الخروج لانها متعبه....

وعندما ركبو السياره احست ساره بنظرات غريبه بين بسام وريان وهي لا تعرف م سرها ورات ايضا ان ريان متغيره قليلا حتي ان عينيها متورمه .....

بسام:- يلا ي بنات انا حاوديكم لي مطعم كدا ظرييف تفرقو فيهو تمام

ساره:- لالا ظريف جدا كمان...

بسام:- وانتي ي ريان لو م عاجبك ممكن نغير

ريان:-لالا حلو م تغير

وصلو بعد ذلك الي المطعم وجلسو وطلبو الوجبات التي يريدونها واستأذن بسام قليلا لانه تلقي اتصال.... واستغلت ساره الفرصه لتسال ريان م بها...

ساره:- رياان مالك حاسه بيك زي الكنتي بتبكي عايني عيونك دي

ريان:- 😞 خليها بالنيه بس

ساره:- كيف اخليها بالنيه احكي الحصل شنووو سرييع

حكت ريان لي ساره كل م حدثت انصدمت ساره كثيرا ...

ساره:- دا كلووو يطلع من الحيوان داك...ياخ ندمت ع اليوم العرفتو فيه....

ريان:- ولا يهمك انا قويه 😊

ساره:- دا كلو بي سببي انا 😓

ريان:- لالا ي حبيبه م بي سببك ان ف ناس حقيرين زيهم كدا.... انا قويه وانتي بتعرفيني بقدر اقوي نفسي....

ساره:- طيب كلمي خالد

ريان:- لا استحاااله ي ساره انتي عارفه هو استفزاني عشان عايزني انكسر واجري لي خالد اكلمو واكيد دا هو العايزو عشان خالد ينفعل ويعمل مشكله معاه... بس انا م حاديه الفرصه دي...

ساره:-😞 الله يقويك ي حبيبتي

ريان:- ان شا الله ... وتعرفي ان اول زول حكيت ليهو منو

ساره:- منو

ريان:- م حتصدقي اني حكيت لي بسام

ساره:- 😳 عملتيها كيف دي

ريان:- والله م عارفه شفت فيه اخوي خالد وحكيت ليه لاني كنت موجوعه بالجد

ساره:- اها ان شا الله غيرتي الجواكي عنو

ريان:-اي والله اول مره احس بيه ود خالتي وان ف مقام اخوي واكيد عايز مصلحتي

ساره:- اي والله زول كويس هو جدا يااخ...

ريان:-بس برضو م معناتو اني فكرت احبو ... انا انصدمت من الاولاد وبطني طمت منهم 😓

ماذا سيحدث بعدذلك؟؟

يتبع....