الجزء 1

للكاتبة : 🌸#fafa

-١-

اول مرة احاول اكتب رواية بس ان شاء الله حتكون اول وحده واحلى وحدة قريتوها فحياتكم😌🖐♥ وبداية حلوة لحاجات تانية🖤

المرة دي روايتنا حتتكلم عن وحده اسمها شمس قبل م تنعرف على بطلتنا قصتها حقيقة وكل قصة حب ممكن يحصل فيها زي م حصل مع بطلتنا شمس .

- كل علاقة بتجمع اتنين ممكن تتخللها مصاعب ويتخطوها مع بعض بالصبر والثقة❤❤

- واحيانا القدر م بيجعهم ف بيفترقو 💔

-الله يجمع كل اتنين بحبو بعض بحلالو ويفرحهم يارب❤❤ (اميين)

بلسان بطلتنا انا شمس او ده الاسم الدايما بحبو ينادوني بيو كل الناس و كل زول قريب مني وصحباتي وناسي المهم عايشة في النيل الابيض في الدويم في الحي العاشر عندي 3 اخوات نور الكبيرة😍 و ورد الاصغر😍 منها متزوجات وعايشات بعيد مننا ووحده اكبر مني ب سنتين اسمها حصة بتقرأ ف جامعة الرباط😍 وانا اصغر وحده يعني ممكن تقولو مدلعة شوية عشان عندي اخوات كبار وكذا يعني😂😍❤ عايشين ف البيت انا وامي وابوي بقينا برانا عشان عشان حصة مشت داخلية لانو الجامعة بعيدة شوية من بيتنا😢🖤

- يلا حابدا احكي ليكم من لما اتعرفت على عبد الله كنت ف صف ثامن وكنت بمشي ل بت عمتي زيارات واحيانا عشان تشرح لي كل م يصعب علي شئ كانت قريبتي وفنفس الوقت صحبتيي😝❤ واصلا بيتهم قريب لينا ف يومم مشيت ليها عشان تشرح لي كان باقي للامتحانات اسبوع بس سلمت على عمتي ودخلت ليها طوالي

-شمس: روووونق😍

-رونق:اهلين شمس اتفضلي😍

-شمس:كيفك

-رونق:تمام الحمد لله بس مع القراية الكتيييرة دي😭💔

-شمس: والله انا برضو لا وعندي حاجات كذا م فاهماها بس الله يصبرنا😢💔

-رونق:امييين طيب تعالي اشرح ليك

(بدينا نذاكر شوية كذا تلفون رونق رن م كنت شايفة الاسم لانو بعيد مني شوية)

-رونق فتحت الخط وقعدت تتونس وانا منتظراها تقفل🙂🚶‍♀️

-شمس: ده منو ي رونق م ردت علي وكملت ونسة🚶‍♀️

-شمس: رونق يلا ياخي سريييييع مافي زمن وانا بعد شوية برجع بيتنا

-رونق:دقيقة بس ياخي☹

(الزول البتتكلم معاهو ده شكلو قال ليها دي منو)

-رونق: دي شمس بت خالك انور ، (قال ليها اديني اسلم عليها)

-شمس: لا م دايرة خلينا نكمل ي رونق يلا

-رونق: شمس عليك الله بطلي حركات وسلمي عشان ننتهي سريع

-شمس:طيب ده منو

-رونق:انتي بس امسكي وحتعرفي

-شمس: الوو

-عبد الله:اهلين شمس كيفك؟

-شمس:تمام الحمد لله معاي منو؟؟!

-عبد الله: انا عبد الله ولد عمتك م عرفتيني

-شمس: اهاا اهلين

-عبد الله: كيف ناس عمي وناس بيتكم

-شمس:الحمد لله كويسين

-عبد الله : طبعا بشوفك دايما ف حينا هنا بس م بتسلمي انتي ؟😂

-شمس : لا لا بس م شفتك يمكن

-عبد الله : م شفتيني يعني ولا قاصدة م تسلمي😂

-شمس : لا لا لو كنت شفتك اكيد كنت سلمت

-عبد الله : طيب ي زولة م حنك المرة الجاية😉

-شمس : طيب🙈❤ (خجلني طبعا دايما كنت بهرب عشان م اسلم عليو بس المرة دي انكشفت بالواضح كذا😂💔💔)

-عبد الله : ي شمس

-شمس : اي اي معاك

-عبد الله: شمس مليني رقمك عشان ارجع ليك

-شمس:م عندي تلفون اصلا

-عبد الله: طيب اتكلمي معاي بتلفون رونق كل م تجيهم نتونس وكذا

-شمس: طيب

(بقيت اجي كل يوم بيت ناس عمي واشيل تلفون رونق من دون م تحس واتصل عليه تقريبا قرابة ال3 شهور بنتواصل طوالي وعارفين اخبار بعض وبنحكي تفاصيل يومنا لبعض علاقتنا بقت قوية شديييد😍🤤🖤)