الجزء 4

بعد خلصنا مشينا العرس دخلنا القاعة كانت مليااااانة شدييد شكلنا اتأخرنا مشينا ف نص الناس م عرفت اقعد وين طبعا كل م اتلفت الاقي ليك الاولاد بعاينو لي ويشاغلو فيني بس م كنت ماخذة بالي منهم😪🖐 ف عبد الله شافهم وجا علي قال لي م تقيفي هنا سامعاني ؟ امشي هناك ف مكان فاضي😡 امشي اقعدي هناك ف مشيت طوالي شوية كذا والسيرة قامت وبدينا نمشي على العربات طلعنا انا وبنات عمي واخواتي مشينا على البوكس عشان نكشف ونكورك براحتنا😂🖐😝 ماشة كذا سمعت ليك زول بناديني

-عبد الله: شمس شمس

-شمس : اتلفتت عليهو لقيتو عبد الله قلت ليه نعم

-عبد الله : م تركبي ف البوكس تعالي اركبي معانا في عربية خالي

-شمس : لا م بقدر البنات منتظرني هسه يقولو شنو😅 تعال انت اركب معانا(م اتخيلت انو يوافق كنت بهظر😅)

-عبد الله: طيب لحظه بس مشا وجا ركب معانا😂😍

واحنا راكبين قعد جمبي ولد اسمو محمد وكل مرة يعصرني من يدي انا اضايقت شديد ومافي مكان اغير بيو لانو المكان مليان ياخ😣💔 عبد الله شكلو حس قام من محلو قال لي امشي اقعدي مكاني مشيت بعد وصلنا نزلنا اتغدينا وجبنا العروس ورجعنا البيت بس انا واخواتي رجعنا بيتنا طوالي م قدرنا نواصل رجعنا البيت صليت ونمت صحيت الصباح ب صوت عبد الله بقول لي شمس ي شمس ي بت قومي انا مسافر طبعا كنت قايلة نفسي بحلم م كنت مستوعبة كويس بعد مسااافة لقيتو ليك جادي قلت ليو ماشي وين لا م تمشي م تمشي😭 قال لي راجع خلاص وعندي شغل م بقدر اقعد اكتر من كذا قلت ليو عليك الله اقعد شوية قال لي لا ي شمس انتي م بتحبيني م بتتمني لي الخير طيب ؟😢 اذا قعدت ممكن يفصلوني قلت ليو خلااااص طيب قمت سلمت عليو وودعتو ومشا😭😭💔الكلام ده يومم السبت .. بعد مشا بقا يومي عادي شديد مرا يوم السبت م فيو ولا شئ جديد😢 جا يوم الاحد وطبعا من الصباح مدرسة مشيت المدرسة لاقيت شلتي واتونست معاهم والامتحانات قربت وانا م قارية شئ بقيت برجع البيت اقرأ وامشي لي نونة وريم نقرأ نراجع مع بعض كنت مرة مرة بتكلم مع عبد الله قلت احسن اقول ليه م نتكلم اليومين دي عشان انا مشغولة وعندي امتحانات الفترة ديك انشغلت بالقراية واتصلت عليو بعد اسبوع بعد م خلصنا لقيت تلفونو مغلق اتصلت ف رقمو التاني برضو مغلق💔 امي جات شافتني متوترة وماسكة التلفون ف قالت لي بتتصلي على منو قلت ليها على نونة وريم بس تلفوناتهم مغلقة☹

امي : قالت لي تمام يلا امشي نومي نمت والصباح مشيت المدرسة وجيت لقيت امي بتتكلم بالتلفون مع عمتي فدوة (ام عبد الله)

-امي: يا شمس تعالي سلمي على عمتك(مشيت سريع عشان اعرف الحاصل شنو او احاول اسألها على الاقل من عبد الله☹)

-فدوة: شمس كيفك

-شمس: الحمد لله وانتي كيفك وكيف صحتك

-فدوة: الحمد لله والله كيف مع الدراسة

-شمس: والله تمام امس خلصنا امتحانات الحمد لله(شلت التلفون وخشيت جوة قلت اسأل من عبد الله)

-شمس: ي عمتو عبد الله كيف

-فدوة: والله كويس الحمد لله مسافر القضارف وحيجي الاسبوع ده

-شمس: اها طيب تمام

-فدوة : يلا مع السلامة عندي شغل راجيني سلمي علي اخواتك والباقيين كلهم

-شمس: يوصل ان شاء الله مع السلامة وقفلت منها.

-ف يومم من الصباح امي نادتني

-امي: شمس تعالي دقيقة

-شمس: اي جاية

-امي: الليلة م تمشي المدرسة

-شمس: ليه ي امي ف شنو

-امي: والله صاحب ابوك ابوهو مات امس☹ماشين نعزيهم

-شمس: طيب ي امي

مشت امي وابوي وعماتي الاتنين وانا قعدت ف البيت طلعو من الصباح

الساعة 10 كذا خلصت من النظافة بس اشوف ليك تلفون ابوي بضرب😶 استغربت انو ابوي ناسي تلفونو اول مرة ينساه المهم مسكتو ورديت بعد فصل طوالي اتصلت ل نونة عشان تجي تقعد معاي قالت لي شويتين كذا واجيك قفلت منها تاني التلفون ضرب😕 لقيت الاسم احمد فتحت الخط

-احمد: الوو يا حاج كيفك العربية جاتكم؟

-شمس: معليش ي عمو بس ابوي نسى تلفونو ف البيت هنا

-احمد: اهاا طيب تمام

-شمس: عربية شنو ي عمو ابوي عربيتو خسرت ولا شنو

-احمد : لا ابوك حصل ليهم حادث

-شمس: (طبعا حسيت قلبي حيقيف وقعدت ابكي)

-احمد : بس هم كويسين ي بتي

-شمس: حسيتو بكذب قفلت الخط

وقعدت ابكيبي و بصرخ ب اعلى صوت ابووووي اميييي😭💔💔💔💔 بس بت عمتي جات جارية علي قالت لي ف شنو ف شنو ي شمس حكيت ليها الحاصل😔🖐